البارحه فكره على البال طنّت ( جديد ) .. حله ( ابو رافع الظاعن ) .. الحل (جنون النخل )

[ابو ماجد 2]

بسم الله الرحمن الرحيم

السلام عليكم ورحمة الله وبركاته

البارحه فكره على البال طنّت =ثم صغتها لغزٍ عليكم اسوقه
حيه وعنها قالت الناس جَنَّت=والسبه قالوا عن خواته سبوقه
في طبها بعض المخاليق قنَّت=تعرض على نارٍ ياعلَّه تعوقه
من غير وزرٍ ياصحيبي تجنَّت=ظاهر جسدها باديٍ به حروقه


الرمعه تتطلب اسم المرض واسم الحيه

مع تحيات ابو ماجد

منتديات مكشات 0 خيمة الالغاز

[دبوس ظلماخواف]

صح لسانك يابو ماجد

اول رمعة وش رايك بمحماسة القهوه

[ابو ماجد 2]

صح لسانك يابو ماجد



اول رمعة وش رايك بمحماسة القهوه



صح بدنك يالغالي
وصبحك الله بالخير
مالك لوى
انتظر القادم

[أبو رافع الظاعن]

وعليكم السلام ورحمة الله وبركاته


صح لسانك زعيمنا ...


هناك مرض يصيب النخل وتسمى النخلة (منخبصة) يتلوى قلبها وتزرق فوق ...وتسبق أخواتها بالطول ...



وعلاجها بإحراقها ...وبعضهم يسمي المرض (الجنون) وتقل ثمرتها أو تنعدم .


وهذه طرفة سمعتها من عمي قال:وذكرها في كتابه معجم النخل .


حدثني أحدهم عن فهد محمد النصار من أهل بريدة وهو محب للنكتة
لا يتركها تمـر دون أن يقولها .
قالوا : كان عند صاحب نخل كثير وكان من بينها نخلة كالمحترقة فسأل صاحبها عنها ؟ فقال : هذه نخلة مجنونة ودواء النخلة إذا جنت أن نحرق بها ، فيزول جنونها ، فقال فهد النصار : أجـل ، ليش ماتحرقون بولدكم فلان عســـى جنونه يرووووح !!!
وهو شاب طائش ليس رزين العقل .

[راع الحزم]

صح لسانك يابو ماجد
ولو اني ماعندي معلومات عن النخيل لكن اتوقع من خلال الشرح ان رمعة ابو رافع قاتلة

[جرير]

والله بعد رمعة الدكتور مالنا وجه نرمع
لو ماصادت تكفي نفع الله به وبرمعاته
دمتم بخير

[ابو ماجد 2]

وعليكم السلام ورحمة الله وبركاته



صح لسانك زعيمنا ...


هناك مرض يصيب النخل وتسمى النخلة (منخبصة) يتلوى قلبها وتزرق فوق ...وتسبق أخواتها بالطول ...



وعلاجها بإحراقها ...وبعضهم يسمي المرض (الجنون) وتقل ثمرتها أو تنعدم .


وهذه طرفة سمعتها من عمي قال:وذكرها في كتابه معجم النخل .


حدثني أحدهم عن فهد محمد النصار من أهل بريدة وهو محب للنكتة
لا يتركها تمـر دون أن يقولها .
قالوا : كان عند صاحب نخل كثير وكان من بينها نخلة كالمحترقة فسأل صاحبها عنها ؟ فقال : هذه نخلة مجنونة ودواء النخلة إذا جنت أن نحرق بها ، فيزول جنونها ، فقال فهد النصار : أجـل ، ليش ماتحرقون بولدكم فلان عســـى جنونه يرووووح !!!

وهو شاب طائش ليس رزين العقل .



ياسلام عليك
ولله درك ياعميدنا
رمعة حريف
نعم جنون النخل
والحقيقه انا وجدت هالمعلومه بالنت

http://forum.buraydh.com/showthread.php?t=253735

بيض الله وجهك ياعميدنا
وصح لسانك ملايين

[ابو ماجد 2]

صح لسانك يابو ماجد
ولو اني ماعندي معلومات عن النخيل لكن اتوقع من خلال الشرح ان رمعة ابو رافع قاتلة

تأييدك بمحله
بيض الله وجهك انت وعميدنا

[ابو ماجد 2]

والله بعد رمعة الدكتور مالنا وجه نرمع

لو ماصادت تكفي نفع الله به وبرمعاته

دمتم بخير


لاوالله الا صادت وعميدنا بندقه قليل تفخت الله يزيده من فضله
وصح لسانك على التاييد