فرخ الوحش ومن خيار المغاتير=آشقر ظهر صافي وريشه دقاقي

[مدهـوش]

هذه القصيده لي واتمنا تحوز على رضاكم

أبن مخيمـر

القيض لاهب والصحاري عواصير=وراع الولع من كنة الصيف ضاقي
كف العناء وطرقته والمشاوير=واصبح كما اللي في المدينه معاقي
عاف الليالي وحرها والمظاهير=وللقلب من بين المحاني إلعاقي
سموم قيضٍ والخلا لافح سعير=والقيض دايم للخلاوي عواقي
متى على الله تبتدي نقلة الطير=وسهيل بان وطلته بالمراقي
وتسابقوا اهل الولع بالتباشير=تباشر بشوفه قلوبٍ شفاقي
هذا يابو مخيمر جهز له سبير=وجهز زهابة واهتوا للطراقي
يدوج بفجوج الخلا صبح وعصير=طيره على كفه بالطيب هاقي
فرخ الوحش ومن خيار المغاتير=آشقر ظهر صافي وريشه دقاقي
من ماكر القزوين ما خالطه جير=عريض صدرٍ والمناكب افهاقي
جليل عظمٍ والكراع افجح قصير=تضفي سراويله على كل ساقي
لاجيت في قاعٍ سقته الشخاتير=من مزنتٍ بأمر الولي له تساقي
نوه تحدر على روضه محادير=تزلزل رعوده وبروقه شعاقي
روضٍ بها برق الدواغر مخامير=ما حال فيها راعي الذود شاقي
والطير طلاعٍ ومرخيله السير=ولاقد طلع الا وطلعه حقاقي
إليا تعلى عاق جولٍ مدابير=يلحق معاشير الحباري الحاقي
وبالقاع لاجاها كما سالم الزير=يقلط على ربدٍ ورى الخرب تاقي
هذا مناي وعشقتٍ للصقاقير=يوم الولع والطير معها وفاقي

تحياتي لكم

[هبوب سدير]

صح لسسسانك والله انها قصيده عن الف قصيده من دون مجامله واسمح لي بنقلها مع حفظ الحقوق يالغالي لانها ذهبيه

[يوسف الخليفة1]

وفيت يابن مخيمر بشرحة الطير=جبت الوصوف اللي لها الذرب راقي
مشيتها بين الزخارف وتسطير=تسلم يابو سلطان حزت السباقي
لك يا عزيز البال حشمه وتقدير=من مقدمك يوضي بياض الشعاقي
الوسم قادم وابشروا يالصقاقير=عسا الحيا يفرش سهول الرقاقي
واتربع الاوطان عشب ونواوير=وازبيدي البرخوص مثل الطواقي
روس النصي تومي بلفح المعاصير=ترعا زماليق الفياض النياقي
تظهر بها الجره لكل المداوير=ما تلقا فيها بالمقانيص شاقي
تلقا الحباري بالمذاري مخامير=والخرب يدرج مستبين الزراقي
يكفخ عليه الطير من دون تقصير=مجلوب من سنجار يم العراقي
يسطه بصلف الكفوف السواطير=من بعدها المصقور يمسي مزاقي
يفرح به القناص عد التباشير=يروي كسيبه في كلامن يساقي
يشب ناره في جذيب المشاجير=مع الخوي اللي للاجواد لاقي
بالليلة القمرا بهجع العصافير=في جلستن ما يقتفيها الفراقي
في خاليه ونسه بذيك المقافير=الراس بارجاها يجيه الفواقي

[عشقي الصحاري]

صح لسانك ولاهنت على القصيد@
تحياتي لك@

[صامل الوقفات]

عبرود سنجر
بيض الله وجهك على الجزل لأنك جزل
وبيض الله وجه مشرفنا على المجارة الرائعة والجميلة
تقبلو تحياتي
صامل الوقفات

[مدهـوش]

صح لسسسانك والله انها قصيده عن الف قصيده من دون مجامله واسمح لي بنقلها مع حفظ الحقوق يالغالي لانها ذهبيه


صح بدنك ياغالي


سررت بهذا المرور الكريم والذي ابهجني كثيرآ هذا ما اتمناه ان تحوز على رضاكم

ومعذور بالحفظ والنقل ياغالي بس لابد من المصدر ياغالي

[مدهـوش]

وفيت يابن مخيمر بشرحة الطير=جبت الوصوف اللي لها الذرب راقي


مشيتها بين الزخارف وتسطير=تسلم يابو سلطان حزت السباقي
لك يا عزيز البال حشمه وتقدير=من مقدمك يوضي بياض الشعاقي
الوسم قادم وابشروا يالصقاقير=عسا الحيا يفرش سهول الرقاقي
واتربع الاوطان عشب ونواوير=وازبيدي البرخوص مثل الطواقي
روس النصي تومي بلفح المعاصير=ترعا زماليق الفياض النياقي
تظهر بها الجره لكل المداوير=ما تلقا فيها بالمقانيص شاقي
تلقا الحباري بالمذاري مخامير=والخرب يدرج مستبين الزراقي
يكفخ عليه الطير من دون تقصير=مجلوب من سنجار يم العراقي
يسطه بصلف الكفوف السواطير=من بعدها المصقور يمسي مزاقي
يفرح به القناص عد التباشير=يروي كسيبه في كلامن يساقي
يشب ناره في جذيب المشاجير=مع الخوي اللي للاجواد لاقي
بالليلة القمرا بهجع العصافير=في جلستن ما يقتفيها الفراقي
في خاليه ونسه بذيك المقافير=الراس بارجاها يجيه الفواقي


آرحــــــــب يابو عبدالله

حياك الله يانبع القاف كلمة قليله في حقق نبع القاف

صح لسانك ملايين ابداع في ابداع وتبقى قصائدك مسطوبة بماء الذهب

سلمت قريحتك على هذا التواصل والتفاعل والمجاراة التي اتشرف بها من كل قلب وعين

تبقى الصداقه والمعزه بيننا ويبقى للاخوه عنوان ثابت


بارك الله فيك وسلمت اناملك

[مكرم الضيف]

والله والنعم فيك وبقصيدك وصح لسانك مليون والمعذرة على التأخير. الطيور والبر اشغلنا. الله لايشغلنا وياكم الا بطاعته. وبيض وجهك ووجه ابو عبدالله على رده ومجاراته للقصيدة ووجيه الجميع وتقبلوا تحياتي

[مدهـوش]

صح لسانك ولاهنت على القصيد@

تحياتي لك@




صح بدنك ياغالي


وسررت بهذا الللقاء الجميل


دمت بخير

[مدهـوش]

عبرود سنجر

بيض الله وجهك على الجزل لأنك جزل
وبيض الله وجه مشرفنا على المجارة الرائعة والجميلة
تقبلو تحياتي

صامل الوقفات




سلمت ياغالي


اطراء جميل نعتز به

وصح بدنك واشكر من كل قلبي على هذا التميز في الكلام


دمت بخير وموده

[مدهـوش]

والله والنعم فيك وبقصيدك وصح لسانك مليون والمعذرة على التأخير. الطيور والبر اشغلنا. الله لايشغلنا وياكم الا بطاعته. وبيض وجهك ووجه ابو عبدالله على رده ومجاراته للقصيدة ووجيه الجميع وتقبلوا تحياتي





ماعليك زود ياغالي


وصح بدنك

كلمات مترتبه تفوق الكرم الطيب وتبادر الاخ بالبرائه الطيبه والبلاغه الجزله


اشكرك على ما دونته وخطت به اناملك


دمت بخير وموده