قصه صدق ام كذب

[اسير اطير]

سلام عليكم

اخواني اعضاء مكشات
اولا انا مشاركاتي قليله جدا وهاذي ليس سبب لعدم تواجدي في هاذي المنتدي اراقي
لكن والله كل ما كان عندي استفسار او ودي انزل موضوع جديد احصل احد قبلي منزله
والقي الجواب والردود من غير اني اسال او استفسر مشالله عليكم وهاذي يدل علي حرصكم وهاذي ماهي غربه عليكم

بس اليوم عندي موضوع جديد وغريب شويه
هو اني قراة في كتاب اسمه <اصقور ةاصقاره حب واثاره>

في بدايت الكتاب قصه عن العرب قديمن وان اطير هو مصدر رزقهم واكلهم

لاكن الغريب انو في اقصه انو في اواحد من اهل اشمال طبعن الكلم هاذي ايام اكان اتنقل بواسطة الخيول واجمال وقام اشمالي بي هد طيره وهوي طير حر علي جول حباري 13 حباره وكان اطير ياذبح الحباري واحده وري اثانيه الين وصل للاخيره الي هي 13 وذبحه وقام يعلف منهي هل ممكن انو اطير يذبح جول كامل في هده واحد يعني يذبح الاوله ويتركه ويلحك اثانيه ويذبحه وهاكذي وصاحبه يلم وصيد وره ولي اقصه كذب
لاني كل ما سالت يقلي ممكن اقلو كيف يغير الموضوه علي طول :mad:
واعتذر جدا الي الطاله

[أهم 1]

الله وأعلم
بس جمال السؤال خربه سوء الاملاء

[stewrd]

والله ياخي انا مع الاخ أهم واحد بالنسبه لسوء الاملاء اما بالنسبه للشوزن هذي الي ماشاء الله تطرح 13 حبارى في مهد واحد عزالله ا نها ما هي شوزن هذي عيار 50
ليس كل ما يقال ينقال

[الحمش1]

الله آعلم وانا اخوك .. بس الي فهمته من القصه

ان اخونا اسير الطير .. يقرا كتاب فيه قصص ..

والقصه تروى عن شخص من اهل الشمال هد طيره ع جول حبارى والجول 13 والطير بدا بذبح الجول كامل .. واحده تلوى الاخرى والطير علف منهن وصاحب الطير يلم الصيد ..
سؤاله / هل ماقيل بهذه القصه صحيح ام لا ..؟

ارجو ااني وضحت السؤال لاهل الخبره ..

تحيتي الحمش ..

[محمد الفهيد]

ماسمعت بعباث ’. صاد 19 في نهار
وله قصيده مشهوره من الشاعر الكبير غازي بن عون أتوقع
أنا أكثر مهد على حباري 4 في ساعه. وحد وطير واحد - بس هلك الطير. شاهين

[ابن الاصيل]

نعم اخوي تصير بس اذا طرحها يعزلها ويهده على وحده ثانيه من الجول ويعزل ويهد هذي تصير

[صقار قديم]

عليكم السلام و رحمة الله وبركاته

قد يكون المقصود من القصة ان الطير صاد 13 حبارى إحداها تلو الاخرى ، بالطريقة المتبعة تقليديا ً، و ليس كما يتصور كاتب الموضوع بان الطير يصيد الحبارى و يتركها ليصيد اخرى .... وهكذا حتى يصيد الجميع.

حدث ان بعض " الحرار " تصيد حبارى و بعد صيدها تطير حبارى اخرى من مخمر قريب نتيجة اي متغير في الضروف او تمر طيار قريبة من الطير فيترك صيدته و يلحق الأخرى و يصيدها.

لا اعلم ان كان الطير قد ترك صيدته الاولى ليصيد الاخرى رغبة منه او ان شيئ مجهول قد ادى الى تركها ، مع العلم فان الحبارى الاولى غالبا توجد قريبة من مكان صيد الثانية×

[اسير اطير]

الله يعطيكم الف عافيه القصصه تقول من غير ما يدخل اصقار اقصد لا يعزل اطير ولي شي اطير يضربه طيار ويحول علي غيرهي بس علي قلكم ليس كل مايكتب اويقال صحيح واسم صاحب الكتاب فلاح المنصور

ولكم شكري

[mr-r]

ممكن تكون القصه حقيقيه
وانا مره سمعت الشيبان يسولفون عن طير كان يضرب الحباره ضربه واحده يكسر ارقبتها
فا مره ظرب واحده ولا الثانيه طارت قدامه وهو يرتفع على طلو وقعت و ضربه
فا ممكن تصري وماتصير الا في قرناس الهوى

[مدهل الطير]

الله اعلم عن هالقصه لاكن مااظن ان فيه طير بها الطريقه , كان معي طير وذبح في يوم 9حباري وارنب وحده خمس قبل المضحى وخمس بعد المضحى لاكن نخلص ونهد والحباري اجوال

[ابوفوز]

لا تستبعد ان تكون القصه حقيقه وخاصة ان رزق اولاد هذا القناص على الطير ويمكن جيرانه يدعون له بالصيد عشان يطعمهم .
وفيه قرناس مايحب يشوف شيء يتحرك يذبح يمين ويسار وحتى ولو كان شبعان .

[الطرقي ...]

والله وانا خوك ترا الكتب ذي يبهرون فيها واجد
يفيدونه الاخوه ,,,

[صقار الأسياح]

الله يخلف علىينا راحو الرياجيل الرجال يسأل وويستفسر وانتم تستهترون به شوزن وزي كذا الله يخلف طبعا اقصد من يستهبل الرجال رجال انا سامع باذني رجال من اخوياء احد الامراء بمقناص خارجي يقول ضاع منا طير جير ولقيناه بعد خمس ايام بشعيب ذابح فوق 7 حباري بس يقطع راسها ويتركها هو جابها يقول ان الجير يذبح للذبح ليس للاكل وممكن تنطبق هنا مع ان ذاك الوقت مافي تفريخ جير بس جايز

[aa.m]

الظاهر ان القصه خرط فاضي اذا الطير بيذبح وحده ويتركها ترفس ويلحق الثانيه ويذبحها والثالثه والرابعه والخامسه الى 13 بعد !! حتى لو الحباري بجنب الطير ماراح تجلس له 13 حبارى
بيشتت شملهن وكل حبارى تلقاها بديره
والله أستحي اقول السالفه لو انها حاصله قدامي لأني بواجه واحد مايجامل بيقول تكذب
ممكن تلقاه هد على وحده والطير راح يحوم والحباري رابظه خوف من الطير والشوزر تحصد
ماشفت أكذب وأغشم وأغش من الشيبان الصقاقير
طيورهم طيبه لكن هم سبب خرابها
حمامه لو يهد عليها تلقى صاحبه كأنه ماسكه كهرب يرتعد خوف يضيع طيره
عاد هالطير أبو 13 حبارى يطق وينجم وراعيه يجمع بالخرج..!

[الغرشوب]

السلاام عليكم ورحمة الله وبركاته ...

الصلاه على النبي. ،

انا يقول لي واحد من الشباب انه قراء كتاب . ~ والسالفه
ان فيه شايب جنوبي عنده طير يذكر بين العرب كلها لا من جرم ولا من سبوق ولا من شجاعه ~
وولده متعلق بالطير والشايب معطي الطير لـ.ولده المهم يوم جاء يوم من الايام وطلع الصبي بالطير وهو بنص طريقه لقاء رجال شمالي واخذ علومه وعطااه العلوم والمقصد واحد انهم يطلعون يدورون للحباري المهم طير الشمالي .، ما يعتبر شي عند طير الشايب ~ المهم يتبعون الحباري يوم شافوها سدو ان وحده للجنوبي والثانيه للشمالي المهم قالو تم يوم جاء الجنوبي وهد طيره الا وهو يطرح الاوله والثاني .. الخ صفاء الـ(12) الشمالي اخذ بخاطره وهد طيره المهم والجنوبي يحذره يقول لا تهده بيذبحه ولا سمع كلامه وهد طيره الا وطير الجنوبي ذبح طير الشمالي المهم الرجال حزن على طيـره والجنوبي اخذ بندقه : وصوبه على الشمالي وقال خذ الطير وخذ لك 6 من الحباري وتوكل لا تلتف ولا تكلم : بثور فيك وابعد الشمالي بالطيرر .، المهم يؤم رجع الجنوبي لبيه بدون الطير نشده وين الطير قال الطير جينا في عج وغبار وغداء مني معاد شفته :~ المهم الشايب اخذ بخاطره ولا بين لولده المهم والشمالي رجع لبوه وابوه شاف الطيرر غريب مو بالطير قال وش ذا الطير وعاطاه السالفه ~ قال الطير حرام عليك ~ ومالك فيه ريشه حلال ورده لـ.راعيه قال معرف وين ديرته ~ وقال ابيه رح لـ.اقرب ديره لموقعكم وشف البيت الي ما طفة نارها للحين ( الشايب سهران على فرقاء الطير ) المهم وصل لديره الي قريبه منهم الا وفيها بيت باقي ناره وقاده يوم وصل لـ.الشايب قال الطير ذا مسكته قريب منكم وذكر لي انه لواحد بديرتكم ~ قال اي وصلت خير وبيض الله وجهك ~ وقام الشايب : وعطى الشمالي ~ بكرتين : وفرس هديه له ~ ورجع الشمالي لـبوه وقال هذاي ياولدي الحين حلال لك ... ~

وسلامتكم .~ بس اعتقد انها قصه تئاليفيـه شكل واحد جنوبي في احد ايامه يناظر لـ.طيره وهو بالمقيض واخذ القلم ويكتب هههههه من الفضاوه والكل عارف : وقت المقيض

[عابر الموج]

كل شي جائز وربما القصه حقيقيه شكرا لك

[أبو فيصل]

عليكم السلام و رحمة الله وبركاته

قد يكون المقصود من القصة ان الطير صاد 13 حبارى إحداها تلو الاخرى ، بالطريقة المتبعة تقليديا ً، و ليس كما يتصور كاتب الموضوع بان الطير يصيد الحبارى و يتركها ليصيد اخرى .... وهكذا حتى يصيد الجميع.

حدث ان بعض " الحرار " تصيد حبارى و بعد صيدها تطير حبارى اخرى من مخمر قريب نتيجة اي متغير في الضروف او تمر طيار قريبة من الطير فيترك صيدته و يلحق الأخرى و يصيدها.

لا اعلم ان كان الطير قد ترك صيدته الاولى ليصيد الاخرى رغبة منه او ان شيئ مجهول قد ادى الى تركها ، مع العلم فان الحبارى الاولى غالبا توجد قريبة من مكان صيد الثانية×

أحسنت :good2: والقصه مؤلفه الا اذا كان يعزل الطير و يهد على طول ... و أغلب المؤلفين أو المؤرخين أو الرواه يجتهدون ويزيدون في تأليف قصص وتغيير الحقائق لأهداف و مصالح يستفيدون منها.

هذا صقر مهوب ذيب طايح له في قطيع غنم.

[اسير اطير]

هههههههه قال استحي و شوزن الله يهديكم بس لو الكل استحه والله ما احد تعلم شي يا صاحبي

اخويه الغرشوب
هيه نفس القصه بس انا ما ذكرت اطير الي ذبحه خفت اقوله يقولو روووح يا كذاب

بس الي خلاني استفسر لانو الكتاب هاذي اهددي لطويل العمر سلطان بن عبدالعزيز

وسلامتكم وجمل الله حالكم