نويت اف جي رايكم تكفون

[ص ح ل2009]

السلام عليكم انا ناوي اف جي ايش رايكم فيها سيارت كشات وابوعايله وايش الافضل فيه

[زيــآدِ]

انصحك تآخذ GX

[مدمن حرب]

مأأشاء الله تبارك الله ,,,

اذا كنت عايله مأأأأنصحك تاخذه وأأأذا كشتات وطلعات بر خذه وانت مغمض

[abdul3ziz]

خذ قراند شيروكي2011 >> كشتات + عائلة + فخامة

[راعي مرزوقه]

شف وانا اخوك الموترمن افضل المواتر لاكن مادام معك عائله ماينفع خاصة كان عيالك اكثرمن ثنين

[جزاء الشمري]

الله يكتب لنا ولك الخيرة فيما أختاره الله

[moath2700]

مووووووووووووتر بلا منازع ....بس قهر بعته لانه اشغلن عليه واحد ....
بس به عيوب اللي هن ::
1/السعر المبالغ فيه بالوقت الحالي.
2/صغر حجم تانكي البنزين .
3/اذا كنت عايله وعيالك اكثر من ثلاثه بيكون ضيق شوي ....اما اقل من ذلك فهو مقااااااااااااس.
4/رقم واحد((اللي بدون دفلك ومثبت ))ماينفع بالبر لانه يثولث اما الفل عز الله انه مووووووووووتر


اخيرا جربه اذا لقيت رخيص رااااااح تدعيلي ...بس يكون فل اهم شي ...
اخوك ابوخالد...

[دايم مقرود]

اشتر ولا تشاور

[ملجلج 305]

يا اخوي ما انصحك فيه الموتر بديه وزر ما ينفع وتفكك مع السحرا وتحلل بسرعه
وبعدين عزمه ما عليه زوين
وذا تبا سيارت عايله وكذا يا اخوي خذلك يوكن اطلقلك وريح
ولا جي اكس هدد او كذا
اما ال اف جي خرفشه ما ينفع بريال ولله مو حق سحرا صح اذا تبا الحق مع الدروب الجبليه ما يجمل ومع الطعس لك عليه
اما مع الخط مافيه كلام

[moath2700]

يا اخوي ما انصحك فيه الموتر بديه وزر ما ينفع وتفكك مع السحرا وتحلل بسرعه
وبعدين عزمه ما عليه زوين
وذا تبا سيارت عايله وكذا يا اخوي خذلك يوكن اطلقلك وريح
ولا جي اكس هدد او كذا
اما ال اف جي خرفشه ما ينفع بريال ولله مو حق سحرا صح اذا تبا الحق مع الدروب الجبليه ما يجمل ومع الطعس لك عليه
اما مع الخط مافيه كلام

شكلك ياالحبيب ماتعرف شكل الاف جي ....وش قال قال يتفكك روووووووووووووح ياشيخ

[سليمان 10]

ابعد عن حول ابركب 0عليك بلاندكروزر الاصلي وابعد عن الفراخه 000

[فيصل الذيب]

ياشباب الرجال يبي ناس عندها اف جي تعطيه العلم الاكيد مو واحد يقول فرخ وثاني يقول قرناس مادري تفكك

انا طال عمرك معي واحد فل هو افضل شي مثل ما ذكر اخوي لن فيه دف لك

اما بنسبه لتفكك اول مره ادري عنها هذا انا اقنص عليه وروح وجي ولا سمعتها ثانيا الموتر يصلح لواحد توه متزوج او عنده طفلين او ثلاثه بالكثير لانه يريحك من انك كل اشوي منتبه للباب تحط العيال ورا وروح ما عندهم اي مفتاح لباب او لدرايش
بنسبه للبلد خفيف مره ولا تدري عنه كنك في صغيره وسواقته رهيبه بس بالاول بتعجب اشوي وبعدين بصير اسطووره
من ناحيت البنزين يقطع في البلد 430 تقريبا اما في الزفلت على حسب السرعه يعني 120 وحول يوصل من 470 الي 500
اذا انت كشات لا يفوتك
وهل انت صقار او قناص عشان اعطيك علومه في المقانيص هذا شي ثاني

[تناساني]

اتمنى الي معه FJ
يعطينا رايـه عيوبه و مميزاته

ما نبي ناس يجيبون العلم من وكالة (يقولون)

عشان نستفيد
لأني انا افكر فيه وناوي عليه إن شاء الله

وياليت توضيح وش الفرق بين الـ2008 و الـ 2011

[خيال الهيلا]

انا صقار وابي علوم FJ يالحبيب
والفرق بين الـ2008 و الـ 2011

[هويدي]

موتر ماشاء الله بس ابوجميل طير سعره !!

نصيحه بعد الاستخاره استأجرلك واحد وشف هو يناسبك ويناسب احتياجاتك ولا لا

[الصياد العضيم]

انصحك بالتاهو

[الشهيمي55]

موتر بر وموتر ديره وموتر خط والله يوفقنا وياك

[فيصل الذيب]

مرحبا خيال الهيلا
انا معي 2010 ونا صقار الموتر حلو مره في المقناص بس تحسه اقساء اشوي من الكروزر ورا يعني مساعديات قوي اشوي وهذا تصلح لصقار مع الطرد ما يطب على وجه ثانيا الموتر ناقص فيه ثلاث اشياء في نضري وصير اطلق موتر لصقار بس الزين ما يكمل
واحد ينقصه الفتحه لان الطير لا صار فوقك صعب تشوفه لازم تنط مع الدريشه ولا تخليه قدامك ما تصير اتحته
ثانيا ينقصه الثلاجه بس هذي محلوله اكيد صقار لازم عندك ثلاجه خرجيه لان اصلن انا عندي من قبل لا اشريه
ثلاثا التانكي مضايق اشوي يعني لا صرت قانص يقنصي حولى 400الى 430 بالبر اما الند يطق 600 وكثر براحه
بنسبه للفرق بين ال2008 و2011 لصقار ما يفرق بس اكسسورات يعني يزود كمرا والمكينه اقوى في المشي بس في القومه لا 2008 اقوى بس يقولون الجديد اقل صرفيه بشوي
اهم شي لا تشتري الا فل كامل يعني بي دف لوك (هزاز) ما يحتاج معروف لهل البر
اي استفسار انا حاضر

[بومحيمل الخالدي]

الله يوفقـك على الزيـن, ,,

رفيقي معـه FJ

ويشتكي من التنسيـم على الخـط ,, ,

و خابر الدرايشس الأمامية قصته كيف

ماهي ميلان جايه سيـدده ,, ,

ويشتكي من التنسيم بالخطوط ويقول مالي ألا الجلد أدبلها

ودايم أغير جـلد ,, العزم ماشاء الله تبارك الله , ,,

طبلونـه يسدح بسعره ,, وأنتبه في مكينة كبيرة و صغيرة

أظن الصغيرة في موديل 2008

والنصيحة أبتعـد عنه خلك على الكلوزر و لا النيسان فتك ,,

واحد منهم لا تبتعـد عن الشيـوخ ,,

[moath2700]

الله يوفقـك على الزيـن, ,,


رفيقي معـه FJ


ويشتكي من التنسيـم على الخـط ,, ,


و خابر الدرايشس الأمامية قصته كيف


ماهي ميلان جايه سيـدده ,, ,


ويشتكي من التنسيم بالخطوط ويقول مالي ألا الجلد أدبلها


ودايم أغير جـلد ,, العزم ماشاء الله تبارك الله , ,,


طبلونـه يسدح بسعره ,, وأنتبه في مكينة كبيرة و صغيرة


أظن الصغيرة في موديل 2008


والنصيحة أبتعـد عنه خلك على الكلوزر و لا النيسان فتك ,,


واحد منهم لا تبتعـد عن الشيـوخ ,,



كلامك ياحبيب قلبي ماااااااااااااااااااااهو صحيح ابد وابعد شي عن الصحه ,,,,,
الموتر له كم سنه معي ماشوف به تنسيم ابد ((شكل موتر خويك متقلب لين دااااخ)))

[moath2700]

ابعد عن حول ابركب 0عليك بلاندكروزر الاصلي وابعد عن الفراخه 000


وابعد عن الفراخه....هههههه وش عنده يابو ....
والله ياشكلك ماتدري معين هي هابه اقول عين خير بس

[المحترف للصيد]

ما شاء الله الربع ما قصرو معاك و انا برئي GX للبر مرا طيب

تحيااتي
المحترف للصيد
ابو رامي

[بومحيمل الخالدي]

مرحبـا الشيـخ هـذا كـلام الرجـال

وأنا راكـب معـه وأسمع التنسيـم ,, ,

موتر خويي موديل الشنة جديد الله يبارك له فيه

و الحمد الله ماجته صدوم ,,

أخوي الغالي ,, كلن يقول المعلومة اللي عندهـ

وعسى أنها تفيد صاحب الموضوع ,,,

حسستني أننـا نتكـلم عن موترك الله يصلحك :)

أخوي ,, ص ح ل ,,

أذا تبي النصيحـة شف لك FJ لأي واحد من معارفك

وأركب الموتر وجربه وأذا في أجـار خذ لك كم يوم ,,

ربي يوفقـك ويكتب لك الخير ,, ـأحترامي

[love-fj]

يالغالي السيارة لها معي سنتين بالضبط...

موديلها 2009..فل كامل...

بأبدا بالسلبيات قبل...

1_ الباب الخلفي صغير
2_ المراتب الخلفية ضيقة للسمان
3_تانكي البنزين أعبيه بـ40 (95)يمشيني داخل الديرة من 400-420كم..
وعلى الخط وأنا أمشي 150-160 يمشيني 450كم..
4_إذا كنت ماسك خط وفيه هوا يكون متعبه سواقته شوي...بحكم أن القزازة الأمامية واقفة..

الإيجابيات..

1_موتر ما يشكي..زيت و بنزين والله يستر عليك..
2_يتحمل كل أنواع الطرق..زفلت..رمل..شعبان..جبال..
3_ملموم..وسواقته لها جو ثااااني..جربت سواقة الجموس والسيارات الصغيرة لكن سوااقته تتلف(تحس أنك جوا مركبة فضائية<<<أخس يالي راكبها..ههههههه

,,,,,

طبعاً الموتر إذا كانوا عيالك فوق الثلاثة بالكثيييير..راح يكون متعب.. خصوصاً في السفر..

طبعاً بخصوص الإختلاف في المكاين...من 2007_2009 نوع...ومن 2010_2011نوع ثاني ..
الفارق بينهم 10 أو 15 حصان...
من ناحية القومة موتري 2009 يقوم على 2010.. لكن خط يروح هو...طبعاً الفارق بسييييييط جداً.. متقاربيييين


على العموم أحس أني هذرت وااجد وعندي إختبار بالجامعة الساعة 8 ...

ولا تنس الإستخاره طال عمرك والله يكتب لك الي فيه الخير..

[عبدالله الضويان]

اخوي
ان الله كتب وخذته الله يطعمك خيره ويكفيك شره
شف جميع اللي جربوه يمدحونه
واللي ذمه ما جربه او لم يمتلكه
وانا كان معي 2008 وبعته ماشي 130 بس اغير زيت وسيفون ولم اشتكي منه بشي الا نقص الثلاجه وانا ماخذه جديد وان شاء الله احتري تركد الاسعار شوي وناوي واحد ثاني
وبالنسبه للبر شف لي موضوعين واحد مقناص في الجنوب والثاني في الرمله (الربع الخالي) يعني جبل ورمل والله مافيه موتر مشى معنا احسن منه
هذا من ناحية الجوده والقوه اما ارفاهيه وهل يصلح للعائله هذي انت اللي تقدرها وحدك حسب عائلتك
والله يدلك على اللي فيه خير لك

[الشلفا]

فيه نقطة قرأت كل الردود وما أحد تطرق لها مع إنها مهمة جدا


الاستبنة المعلقة بالخلف لها صوت وقرقعة مثل النيسان والتويوتا الأبواب


وإلا راكدة ولا لها حس ؟؟


ياليت أحد الاخوان اللي جربوه يفيدونا


وعسى الله يوفقك يا راعي الموضوع

[عبدالله الضويان]

فيه نقطة قرأت كل الردود وما أحد تطرق لها مع إنها مهمة جدا



الاستبنة المعلقة بالخلف لها صوت وقرقعة مثل النيسان والتويوتا الأبواب


وإلا راكدة ولا لها حس ؟؟


ياليت أحد الاخوان اللي جربوه يفيدونا



وعسى الله يوفقك يا راعي الموضوع


هلا بك اخوي
لو كان فيها صوت هي والا الباب كان ذكرناه انا والشباب
والله انه مشى معي 130 الف وقنصت الرمله عليه 5مرات والجنوب مرتين وباقي المقانيص حول الشحمه وتمير وفي الصمان والله اني بعته مافيه اي صوت او هربده او تفكك علما باني ما ربطته ابد
اتمنى اني افدتك

[النايف999]

انا شريته اول مانزل 2008 وجلس معي سنه ماشاء الله موتر ممتاز وماعليه كلام
واللي ماجربه لاتاخذ رايه

[احمد الواصل]

الله لايهينكم اخواني على تعليقاتكم
بس سوال بسيط وش تنصحوني به من موديل وش احسن وارد
الله لايهينكم لاني ناوي على واحد وشكرآ

[شطااااب]

والله موتر حلوووو ومعليه كلام
خذه ولاتشاور

[عبدالله الضويان]

الله لايهينكم اخواني على تعليقاتكم
بس سوال بسيط وش تنصحوني به من موديل وش احسن وارد
الله لايهينكم لاني ناوي على واحد وشكرآ

اخوي انا في نضري 2010 او 2011 ابوجميل

[(هزاع)]

موتر ماشاء الله بس ابوجميل طير سعره !!

نصيحه بعد الاستخاره استأجرلك واحد وشف هو يناسبك ويناسب احتياجاتك ولا لا
فكره جيده جدا

[رشيد4]

السلام عليكم/يالاخ اخذ العلم من مجرب مايصلح لواحد عنده عائلة الموتر مجنون وخطر في البر ويبي سواق عليك 1-الجي2-النيسان8سلندر عندي واحدوطيب راحت عليه صواب الطايف وصواب الامارات مع الخط صرف البنزين زين عبيت من الطايف وامشي 160 يوم بقا علي الرياض حول90 في هجرة السالمية عبيت وفيه الربع4الفتك5-اليوكن اما الشروكي انحش وانت راعي الخيار الاول والاخير وهاذي وجهة نظري والله ايبارك لك

[احمد الواصل]

لاهنت والله يابو المها
بس ممكن سوال للجميع وش احسن السعودي ولا الخليجي