ازعجتونا يااهل الاجهزه

[كوووول]

السلام عليكم

لا احد يزعل لاكن والله اني ارتفع ضغطي وكرهت جلستي في البر والسبب من ازعاج الاجهزه الي موزعه في كل محل ماغير تصاوي
لا اهل الحلال ارتاحو ولا حلالهم ارتاح
الواحد يبغا يروح ويفتك من ازعاج المدينه ويحصل ازعاج في البر
والظاهر انه كل من هب ودب حط له جهاز
اليوم دعست كم جهاز واصحابها يشوفون لانهم موزعينها حول المحل
لا حلالنا روح علينا ولا استانسنا

الي يبي يحط جهاز يبعد عن عباد الله

حسبي الله ونعم الوكيل :mad::mad::mad::mad::mad::mad::mad::mad::mad::mad:

[سلاااامات]

هههههههه حياك الله ياكوووول هد أعصابك ليش زعلاااان ياخي كل شي بالهداوه والكلمه الطيبه طيب أذا القوانيص أزعجوك كلمهم وقولهم يبعدون وش المشكله وان شاء الله يبعدون عن محلك وعن حلالك

أما من ناحية أنك تروح تدعس الأجهزه لا وانا أخوك غلطان الاجهزه ماهي حلالك حلال غيرك وانتبه لاتطيح لك بواحد عاصي مايخاف الله ويشوفك وانت تدعس الاجهزه هههههه

[مشاري الهذيل]

سبحان الله ضاقت عليك الوسيعه


ياخي واحد بالبر مشغل جهاز شنو المشكله

الا خلهم يشغلون يستانسون ويفلونها مالك حق تدعس اجهزتهم

انا لو يندعس جهازي من راعي حلال اشيل حلاله كله وامشي وهو يشوف

حتى بالبر ماتبيهم يشغلون اجل يشغلون ببيوتهم

[ابو قنص]

بعض الناس نفسه ضيقه خل الناس تاخذ راحتها

[راعي المقانيص]

الحين انت بارك الله فيك طول السنه انت وحلالك ماعندك احد وهذا موسم فترته ماتتعدى شهر وهذا بر ماهو ملك لك ولا لحلالك ولا هو ملك لي ولا لحلالي وماهو مملوك لاي شخص
اجي وافرض رايي والا تفرض رايك علي هذي مستحيل احد يقدر يقبلها وانا اخوك
لكن اذا لقيت ازعاج الكلمه الطيبه لها تأثير ولها صدى
لكن والله بالعصبيه وفرض الراي كل واحد مننا يعرف يعصب ويعرف يفرض رايه

[فالح الملعبي]

لا والله بالنسبه لي انا قناص وراعي جهاز بس بصراحه فيه ناس تحط الجهاز لا تراعي راعي عزبه ولا راعي حلال
وهو لو تقول له تعال ونم مكان راع العزبه قال ازعاج اجل وشلون يرضاها على غيره وولا يرضاها على نفسه
اهم شي بحطت الجهاز ان يكون اقرب عزبه او راعي حلال فوق 3 كيلو
والله معك حق

[سلاااامات]

لا والله بالنسبه لي انا قناص وراعي جهاز بس بصراحه فيه ناس تحط الجهاز لا تراعي راعي عزبه ولا راعي حلال
وهو لو تقول له تعال ونم مكان راع العزبه قال ازعاج اجل وشلون يرضاها على غيره وولا يرضاها على نفسه
اهم شي بحطت الجهاز ان يكون اقرب عزبه او راعي حلال فوق 3 كيلو
والله معك حق

حياك الله يالملعبي منو قال الرجال مامعه حق أكيد له حق بس حنا قلنا بالكلمه الطيبه كل شي ينحل ماتوصل بان أخونا كووووول يدعس اجهزة الناس بهذي مامعه حق

[عزوتي وايل]

والله يااخوان من اول ماطلعة الاجهزه وحنا مب خير لانعرف نقص مثل اول ولاشي كل واحد حاطله جهاز ومسويله محميه لحاله عسى ماشر المقناص الحلو يجي بالتعب والدوجه مو اجهزة كراوين ومادري شنو عز الله دام هالاجهزه تبي تظل سلمو ع الكراوين بعد ثلاث سنين تصير كثر الحبارى

[عاشق - الحور]

السلام عليكم
حقيقه ياخوي معك حق وانا من الصيادين لكن لو وش يصير مازعجت الراعي وحلاله
واجزم ان من يضعون الاجهزه لوكان الحلال حلالهم وجاء احد وحط الجهاز حولهم ان تكون ردت فعلهم اعظم من ماتظن
ياخي انت جار على هالراعي وهو السابق للمحل قلت الاماكن إلا تحط عند راعي
لكن مانقول إلا الله يعين على هاللي مايعرفون اداب المقناص ولا تعلموها

[ابوعزيز2007]

الله يجيب الخير

[عفشك مكمل]

القاعدة لعموم الصياد وراعي الحلال وكل مسلم بجميع معاملاته

احب لأخيك ماتحب لنفسك

بودي من الصياد قبل لا تحط جهازه يستانس الموافقة من راعي الحلال اذا فيه

حلال حوله. وراعي الحلال تراه في بر خالي واذا المضرة مهيب اكيدة انه يوسع

صدره للمسلمين ويخلي نفسه كريمة.

مهيب هذي سلوم العرب للضيف والجار وعابر السبيل ؟

[ابن الاصيل]

يخوي هم غلطانين انهم قربو من حلالك بس انت لو انك جايهم بالكلمه الحلوه كان استحو ومشو غيرو مكانهم بس انك تدعس على اجهزتهم هذي والله الكارثه وصدقني انهم تعوذو من الشيطان وتركوك بس ديربالك المره الجايه بتطيح بيد واحد مايمسك اعصابه وتصير مشكله بينكم وانت تعوذ من الشيطان ماهي كل مره تسلم الجره

[صالح الحنيان]

ياخوي مو حلوه تدعس حلل قيرك مثل ماقلو لاخوان الكلمه الطيب امن تروح ودعس اجهزت خلق الله تره مو حلوه ابحق اي واحد وانا واحد من راعين الجهزاه ما عمر ازعجت احد راعي حلا حته ان جاني واحد بكلم حلو ابي الم عزبتي وامش امن اذا واحد يجي مني وطريق يدعس جهازي يبي يصير مشاكل امن تعال ياخوي بل الكلمه الطيبه

[الوسيطاء]

والله انك صادق الاربعاء الي فات يوم احلوت النومه حول الشعيب الساعه 2 شغل الجهاز

الله يشغله وسوالي قلق وبعدين انواع الاصوات من بط ونحم وفري واغلب الاصوات

مالها داعي

[تميم2222]

ههههههه ميت ضحك ههههههههه اي والله ..صدقت ..عزالله جبتها ..انا عني ما اقتنعت بها كلياً

[ولد روووق]

مالك حق يخوي سلامات وان عايشين متبا صوت كلمة بالطيب او حط عزبتك بعيد عن العرب

[سلاااامات]

مالك حق يخوي سلامات وان عايشين متبا صوت كلمة بالطيب او حط عزبتك بعيد عن العرب

هلابك ولد رووووق مالي حق بشنووو مافهمت عليك

[صقار مبتدىذ1]

الصدق الكلام الطيب يلين القلب
انا عن نفسي كنت مره اصيد حمام وفيه واحد حاط جهاز وانا مالي خبره في الاجهزه واصيد حوله مريت جنبه وسمعت الصوت والله اني كنت احسبه من السيارة الصدق قعت اناضر السيارة لا يكون فيه شي يوم قعت شوي جاء لمي وقال يالطيب انحن حاطين الاجهزه من امس قلت طيب انت تبي مساعدة امرني قال اي مساعدة اجهزة صوت للسمان هههههههههههههههههههههههههه فهمت ابشر انا انحين طالع وطلعت من الشعيب وقلت السالفه لواحد من الربع قال لي والله لو انه انا ما طلعت انت فيك طيبه زايده

ماعليش الراد ماله دخل بس سالفه حبيت اقولها ونسمع رايكم :good2:

[لايغرك]

اخوي معك حق ان كانهم حطوها بدرب الحلال واللهالدعس اجهزتهم
هم اللي جوك ويتحملون بس الافضل انك كلمتهم واذا مانفع الكلام بالتاير ههههههههههههه
تحياتي اخوك العتيبي 511

[راعي البرقا]

معك جق تزعل بس ما معك حق تدعس اجهزتهم ومثل ماقالوا الاخوان من قبلي لو يجي واحد عاصي وش بيصير نهايه الموضوع ؟ الحلم زين وانا اخوك والكلمه الطيبه تودي الف رجال وتجيب الف رجال اما بفرض القوه بيصير الموضوع عناد و مشاكل مالها داعي والله يهدي المسلمين اجمعين وانت وانا اولهم وموفق للخير

[line2sky]

ياخوان ليه نحط اجهزتنا قرب العرب؟؟

السعة وسيعة ونحطها اي مكان بعيد عنهم
وابعد عن المشاكل وعن ازعاجهم ايضاً

اخواني اذا انت كاشت في البر ونزل جنبك
كواشيت واذا جاء الليل قام الطبل والعود والأغاني
تلعلع وش موقفك في هذه اللحظه؟؟؟؟؟؟؟؟؟

وياولد روق
كيف تبي تحط عزبتك بعيد عن العرب؟؟
اهي بسيطة نقلة العزبه على شان واحد حاط جهازه عندي
ومزعجني او..... اني ما فهمت قصدك.... وضح.

[كوووول]

ياجماعه البلا الاجهزه توضع قرب العزبه
الراعي يصيح من الازعاج
والحلال ماغير جافل من الصوت

الي اعرفه ان اهل القنص اهل كرم ونخوه وطيب فال وعلوم ارجال

لاكن:
ماكل من نقل طير امس جاك اليوم هاب كنه بيسبق من قبله

ماكل من يهرج يقول الصوابي .. ولا كل منهو ينقل الطير صقار

[القناص أسعدي]

مالك حق تدعس اجهزة الناس وهم بالخلا الخالي 0 لو ادخلو في بيتك انقول معك حق
الخلا ماهو ملك لحد
وهذاك انت ياراعي الحلال تدخل الديره ومن تدخل الدير وانت في كل شارع وعند كل بيت
اتعلق البواري وتزعج الخلق 0 هل جاك احد وقالك بيدعس البواري 0
يارجال اثقل واعقل اخاف تطيح بواحد يرقدك بغرفة الانعاش ويخليك اتحرم شوفة الخلا
الناس فيها عاقل ومجنون
وان صرت عاقل لقيت عقال وان صرت مجنون لقيت ناس اكثر منك جنون 0