توني مركب هدرز للفتك من ورشة (( الصفدي )) وعندي استفسار + نصائحكم

[abdullah-vtc]

السلام عليكم ,,,

انا معي فتك 2008 سفاري 2 قير اتوماتيك وتوني قبل فتره مركب هدرز ودبه
ماقنا فلو .. بصراحه الموتر فرق عزمه ماشاء الله تبارك الله لكن عندي مشكله
بسييييطه اللي هي اذا وقفت عند اشاره او عند اي مكان والموتر على دي
الضغط ينزل تحت الواحد وتحس رجفه خفييفه بالموتر وهالشي ماصار الا بعد ماركبت الهدرز ..
بالرغم من اني محافظ ولانيب راعي تدعيس واستعمالي حشمه يعني ..


سؤالي الله يرضى عليكم هل هالشي طبيعي والا فيه مشكله ؟؟


وبما اني جديد في عالم الهدرزات ابي نصايحكم كيف احافظ على موتري
وهل فيه تشييك دوري على الهدرز والموتر عشان احافظ عليه بعد ماركبت الهدرز ؟؟


وثاني طلب الله لايهينكم ابي احد يدلني على شخص ممتاز وثقه
يركب مراوح لاني ناوي اغير مراوح شد البلد ..



وشكرا لكم واسف على الاطاله ,,

[قرم العيال]

اول شي تاكد

انه مركب حساسات راس الهدرز صح وبمكانهن الصحيح ..

عددهن 2

وثاني شي تاكد من الزيت خصوصا بالمسافات الطويله

راح تلاحظ نقص بالكثير ربع علبه ( مقاس 1 لتر )

وبالتوفيق

[abdullah-vtc]

ماشاء الله عليك ياقرم وبيض الله وجهك ..

بالنسبه لحساسات راس الهدرز هن حساسات القزوز صح ؟؟ ووين مكانهن الله لايهينك


<< الاخ علييييمي جدا في اموور التعديل عشان كذا تحملوه الله يعطيكم العافيه
واللي عنده اي معلومه تكفوووون لا يبخل علي .. لاني خايف من هالهدرز
ههههههههههههههههههههههههههه

<< لييييه تركبه اجل :eek:

[~EmPeRor~]

اول شي تاكد

انه مركب حساسات راس الهدرز صح وبمكانهن الصحيح ..

عددهن 2

وثاني شي تاكد من الزيت خصوصا بالمسافات الطويله

راح تلاحظ نقص بالكثير ربع علبه ( مقاس 1 لتر )

وبالتوفيق


كلامك سليم

لاكن نقص الزيت < مراح يكون عندك نقص الا اذا انت راعي دعاس واجد وهذا طبيعي

يعني لو تمسك خط 2000 كيلو وموترك ماينقص قبل < بيكون نفس الحكاية مراح ينقص

اذا جلدته ودعست علية بيكون فيه نقص زيت لايذكر

بالنسبة الضغط اقل من واحد ؟ يعني كم 900 800 700 < اذا من 700 وفوق فهو طبيعي

بالتوفيق
بالتوفيق

[مزاجي فوق]

كم كلفك الهدرز يالذيب ووين ركبتها
وهل هو جديد ولا مستعمل

[abdullah-vtc]

كلامك سليم

لاكن نقص الزيت < مراح يكون عندك نقص الا اذا انت راعي دعاس واجد وهذا طبيعي

يعني لو تمسك خط 2000 كيلو وموترك ماينقص قبل < بيكون نفس الحكاية مراح ينقص

اذا جلدته ودعست علية بيكون فيه نقص زيت لايذكر

بالنسبة الضغط اقل من واحد ؟ يعني كم 900 800 700 < اذا من 700 وفوق فهو طبيعي

بالتوفيق
بالتوفيق




الله يعطيك الف عافيه يالغالي ومعلومات جدا مهمه ..

وبالنسبه للضغط يكون تحت 700 تحس ويبدا يهز على خفيف كان فيه رجفه خفيفه
طبعا ركبت فلتر امس (كي ان ) وشيكت على حساس الشكمان وشيكت على حساس الهواء
كلها سليمه !!

[abdullah-vtc]

كم كلفك الهدرز يالذيب ووين ركبتها
وهل هو جديد ولا مستعمل



ركبته يالغالي عند ورشة تميز بلا حدود (( الصفدي )) في صناعية الدائري مخرج 18 وبصراحه
شغلهم حلو ماشاء الله واخذته منهم جديد مع الكت باك هم اللي فصلوه على موتري ..

شغل الصفدي ماشاء الله متعوب عليه ومرتب ..

[مركب الجمس]

للي سأل عن الصفدي وشغله

اعوذ بالله مايدخل في حلالي شئ من عنده عقب ما جربتهم

معامله سيئه و خدمه مابعد البيع زفت

وجيه كل يوم تمر عليهم تصلحها

ادوات اصليه مافيه

يرش بويه ابو 5 ريال يقول عازل حراره

[ملجلج 305]

اخووي بلا هدرز بلا هم خل الموتر على حاله
تراها بعد وقت تضر السياره ومع البيع حتى لو نزلته راح يكشف ويطشون قيمته
ونتبه من صناعيت الرياض لا تعدل الموتر عندها اعرف لي رجال عدل الموتر تعديل كامل من كثر التعديل الكبوت شالوهه ههههههههههههههههه وحترق اخر شي معه لله يعوضه خير

[sgl2002]

خل الموتر وكالة
والفتك مايبيله فوق عزم الوكالة تزويد
مكينته تكفي

[أبوFيصل]

المهم اهتم بتغيير الزيت مع السيفون , وتركيب المراوح عند الدغيري 0552222006

[abdullah-vtc]

الله يجزاكم خير وماقصرتوا .. نصايحكم على العين والراس

[ابوسند7716]

السلام عليكم..

اخوي الباترول (الفتك) لا لا تركب عليه مراوح كهرب ابددد لان رديتره صغير ولافي تلحق على حرارة الموتر يعني لو97 وتحت كان صح


نصيحه من واحد مجرب المراوح هج عنها لان كل الدعوا تسليكـ كهرب ولو يخرب عليكــ حساس وانت ما انتبهت للحراره قل للمكينه سلام عليكم

[abdullah-vtc]

السلام عليكم..

اخوي الباترول (الفتك) لا لا تركب عليه مراوح كهرب ابددد لان رديتره صغير ولافي تلحق على حرارة الموتر يعني لو97 وتحت كان صح


نصيحه من واحد مجرب المراوح هج عنها لان كل الدعوا تسليكـ كهرب ولو يخرب عليكــ حساس وانت ما انتبهت للحراره قل للمكينه سلام عليكم





الله يجزاك الف خير وماقصررت يالغالي .. فعلا كلامك صحيح وانا كنت ناوي
اركب بس نصحوني اكثر من واحد وفعلا شلت الفكره من راسي ..

[سايق الريم]

1/اول شي ليش تركب هدرز دامك لانت راعي مجاكر ولا سرعه
2/هدرزك اللي ركبته قص ولزق >>>>ماهوب زين عليك بالاصلي اهم شي الراس وفي شورت ولونق
3/فتره وبيبلشك بتنسيم..<<اذا كان شغله مثل قايد وربعه
4/حاول تعزل الراس لان مع الخطوط يمكن يميع الاسلاك اللي حوله
5/الفلتر ركبه مع الانتيك + الثلاجة (الغرفه) وابعدهم عن راس الهدرز وعليك بالاصلي واهتم بنظافته
6/المراوح جربتها على قير عايدي بالخطوط السرعات العاليه فاشلة ترتفع حرارته مافي مثل المروحة الميكانيكيه آماااااان

[رقبة حاشي]

كم التكلفه جزاك الله خير