قصة للعبره (الله من اللقافه )

[قاهر القرش]

بسم الله الرحمن الرحيم

السلام عليكم جميعا

اليوم عندي لكم قصه وفيها عبره واتمني ان تكون تاخذ بالحسبان

المهم نبدا بسم الله

يوم من الايام عزمنا زميل لنا بالعمل عنده بالمزرعه وماشاء الله الرجال داخل بكل قوة بالمزرعه يعني حاط الى وراه والى قدامه فى ها المزرعه

المزرعه تبعد عن المدينه تقريبا 100 كم

وتقريبا 15 كم غير مزفلته اكرمكم الله يعني مطانيج وغبري ولكن الطريق ممهد

خويكم ابو فارس مسنتر عن الرجال من العصر :Dوماشاء الله الرجال رحب

فيني وقام يشرح لنا عن المزرعه وجوله بالمزرعه ويورينا البير ونذوق الماء

وماشاء الله خوينا

زارع كل شئ حتي جزر وكاني شفت انه زارع رز :j :p

المهم المزرعه ارسال الجوال صفر على الشمال (لايوجد ارسال للجوال )

الشاهد ذبحلنا الرجال جزاه الله خير وجو المعازيم وتعشينا وتقهوينا وعينا خير

المهم جاء وقت السريه وسريت بها الضلمي والخط ما يضيع الى الاسفلت

المسافه تقريبا 15 كم الى الخط طريق ممهد مع مطانيج :mad:

ابتعدت عن المزرعه ومروح وشوي لااح لي حصني مطير الاخ قاطع الخط

وخويكم قال والله ماتروح اليوم :mad:

ووراه ووراه ووراه وداعس بالموتر فل :)

وماحصل نفسي الا بوسط رمال الله اعلم بها

قلت ياولد كمل ودعس ابنص الى ان وقفت السياره محلها

وهنا الورطه :eek:

نزلت من السياره واعتقد انه يبغالها ونش لرفعها

الله من اللقافه والحوسه

بعد عدة محاولات استسلمت وقلت شكلها اليوم مشي

الخط الرئيسي (الاسفلت) اشوف انوار السيارات

والمزرعه ماشوفها وارسال الجوال صفر

المهم واقفل السياره واعود للمزرعه بنور الجوال مع الخط

والضلام دامس واتخيل انه احد يمشي وراي

واكبر الخطوة ومسافه الى المزرعه

واقول فى نفسي اه كنت ماشي فى امان الله قبل شوي مع الخط

بس سبحان الله

قطعت مسافه مشي

المهم شوي وان سياره اشوف انوارها قدامي واشر لها وان واحد من المعازيم

كان معنا جزاه الله خير

اخذني ورحنا للمزرعه واخذنا الشباب وطلعنا السياره


والكل يقولي

الله يهديك ويش جابك هنا


قلتلهم بس لاتقول


لقافه


العبره / لكنت بالبر وشفت حصني متعدي


سوي نفسك ماشفته


:D:D:D:D


وسلامتكم

[ولد روووق]

هههههههههه حماة البيئة بيقولون احسن ليش تطردة

[ناصر العمير]

اضحك الله سنك

وانتبه لاتلعب مع الحصنى ....ماتدرى انك بزمن الحصانيه :)

[الحربي f15]

الحمدالله على السلامه

[قوافي ( أم نهار )]

حياك الله اخوي
حفظك الله والحمد والشكر لخالق الخلق لسلامتك
صعب تجازف بمكان وانت لحالك لاورى حصني ولا ارنب
مشكور سالفه فيها تنبيه وعبره
تحياتي.اختك
..قوافي..

[سليمان الربيعان]

ههههههههههه شكلك اخر مره تطارد الحصني
تقبل تحياتي...

[ابو حمد 24]

ههههههههههههههههه

تعجبني ثقتك بنفسك .
القصة معبرة جداً وطريفة .
أتخيلك بعد ما غرزت وقبل ما تفتح الباب وضع صعب جداً بس ما شاء الله عليك دليت مزرعة خويك .

الحمدلله على السلامة وإن شاء الله آخر التوهيقات .

[تلميذ]

مثل قلت لقافه ... وسا عتبرها طناخه وتهور
والنتجه زنقه وورطه فيها الكثير من الخوف
نجد انفسنا في حاجه للصراخ حين نقف في مثل هذه المواقف
شكرأ لك ونتظر جديدك

[الربذي]

صلا فيه مثل يقول خطمة xxxx ولا خطمة حصني الحصني يقلبك يضيعك
مصيبة

[أبوعابد 22]

ههههههه
ذكرتني بوحد من الربع لا شاف الحصني كنه شايف له ارنب

[خوي مخباته]

" قاهـــر القرش "
الحمــــــــــد الله جت ســـــــــــليمـــــــه تغريـــــــــــــــــزه ودق كعـــــابي عايدي وبسيــــطه ,,,,,
ثلاثــــــــــــه من الجمــــــــــــاعـــــــــــــه شبــــاب طردو لهــــــــــم حصيني [ ثعل ] وقلبــــــــهم
واحد توفي الثاني شلل رباعي من عشــــريين ســــــــــنه عنده شغالتين فى اليلل وحــــــــده وفي النـــــهـار وحــده والثالث ســـــــــــــلم مغيـــــــر جريحــــــــــات بسيـــــــطه نرجع ونقول الحصيني مكروه مكروه
ونجـــــــدها فرصـــــــــه ونقول ان الحصيني ما ينطرد ولا ينبغى طــــردة لان وش الفايـــــــــــده لا طبخ و شويء
ولا وراه الامـــــــــــاذكرت والحـديث الشريف يقول :: دع مايريبك الى مالا يــــــــــريبك ::
ويقول المثل ::اترك الترك يتركونـــــــك :: واسف لكثر الكلام والاطاله لاكـــن لتعــــــم الفــــايده
............................ تحيــــــــــــــــــــــاتــــــــــــــي .............................. لك

[.أبوعبدالرحمن]

هههههههههههه

هذي الحصنية وفعايلها

والحمدلله على سلامتك

[(هزاع)]

الحمد لله على السلامه تغريزه ولا قلبة الموتر بعض الاحيان ماتنتهي بسلام اكرر الحمد لله على السلامه

[Al3rands]

لا تزعل مني عندي سؤال تطرد الحصني ليه

[النبهاني]

وعليكم السلام ورحمة الله وبركاته
اهلا وسهلا بخبيرنا القدير صاحب المجهود الكبير في المجال المعشوق
مبدع يابو فارس حت في السرد القصصي ما شاء الله تبارك الرحمن
شكلك عنيد ويابس راسك من طردك لهلحصني والنتيجه تغريزه
بس جت سليمه ولله الحمد
تقبل تحيات من هو من المتابعين لك بالخيمه الجويه

[الحربي 2010]

ههههههههههههههههههههههههههههههههههههههههههههههها
الثعلب مكار
انتبهله

[الدافور 1430]

هههههههههههههههههههههههههه


الله يسعدك خذ بالك المرة الثانية

[عذب الروح]

هههههههههههه

خلك من قالك اطرد الحصني

أضحك الله سنك

وهذا درس في الحياة

تحيتي

[احساس هاوي]

الحمدلله على سلامتك وهذي الي يقولون عرضة حصني انحش عنه ياكثر حوادثه

[ابو باسل]

الحمد لله جت على تغريزية
خطم علينا حصني والله خوينا يجعف الموتر ويطرد الحصني تنتهي على انفجار كفرين وفكنا الله من الإنقلاب

[يكفيني نظرة]

ههههههه شكلك وانت نازل من الموتر تقول ( ياليييييييل والله النشبه)

[أبونواف550f]

الحمــــــــدلله علـــــــــــــــــــــــــــــــــــــــــى الســـلامة
,,,,,,,,,,,,,,,,,,,,,,,,,,,,,,,,,,,,,
عقبــــــــــــــــــــــــــــــة لاتطرد الحصنـــــــ]ي

[المشتاق 2009]

الحمدلله على السلامه يا ابو فارس

جت بسيطه

شكرا لك على القصه المعبره صراحه

[أبو رافع الظاعن]

صباح الخير يا أبا فارس ...


قصة رائعة ...


لكن لا يسمعونك إخواننا البيئيين !!


فهذه عندهم جريمة لا تغتفر !!


عندي ملحوظة صغيرة على العنوان إن أذنت لي:


(لو كان العنوان : الله يعين على اللقافة )أو نحوها ...


المهم ما يكون :الله من اللقافة) !


وتقبل لقافتي !!

[حسن الشمالي]

الحمدلله على السلامة...

ذكرتني بسالفة...
كنت مواعد ربعي في البر...
ولا اعرف محلهم بالضبط..
فرقت عن الزفت وامشي على مهلي ادور نور...
وشوي ويلوح لي حصني ,,,
قلت خلني اوسع الصدر شوي...
واطرده على مهل ماودي اوذيه...
واضيعه...
واتلفت والاي مضيع الزفت ومضيع ربعي ومضيع كلش....
واحول من الموتر واتلفت والقى نور ضعيف,,,
وانصاااااااه لين وصلتهم ولا هم ربعي...
قالو وشلون دليت ولا معك قارمن؟؟
قلت الله يخلي الحصني...

[انسانه؟]

سالفه طريفه الله يسعدك
والحمدالله على السلامه..

[ابوجاسم2000]

هههههههههه
الحمدلله ان خويكم جاء والا كان المشي احلى
ومشكور على القصة الجميلة

[حربي2000]

هههههههههههههههههههههه