استفسار لتأكيد الشك

[راعي ضويانه]

السلام عليكم انا فيه طير ح عندي مطلعه من المربط وهادله وكل شي وشنذرته

ودعيته بسبب على الحمامه وجاء لكن انا نويت ادعيه بدون سبب

بس انا احس انه ماهو حار على العلف بالحيل

مع انه ينقز على طول ووزنه 950 وطلوع وعرضه 17

وش تنصحوني بسبب ولا بدون اليوم

[ربع خالي]

وعليك السلام ورحمة الله وبركاته

اسمعني وناخوك ، لاتفك طيرك وانت عندك شك ولو واحد من المليون ، وعند مايزول شكك ! اطلقه من غير سبب .
وانت صقار ونفس طيرك في كفك ، ان اكرمته فوق طاقته تمرد. وإن قصرت عليه فوق طاقته هزل وتعب .
عليك بالوسط وعسى الله يباركلك في طيرك وفاله الصيد وفالك النوماس .
تقبل مروري×

[جـرح الشمـال]

مرحبا اخوي
اذا انت دهلته زين
وراحت الوحشيه بعد الربطه
مافيه مشكله بس ترا الجو حار وذا هديت له حمامه قصص من ريشها حتى ماتتعبه
وذا انت خايف نقزه يوم اي لاتعطيه علف واليو الثاني هد له حمامه مثل ماذكرتلك
وانتظر باقي الزملاء في المنتد ى وشف ارائهم
تقبل مروري

[(هزاع)]

دائما رايك صايب (يابوسيف )نعم صحيح لاتفك الطير ونت عندك شك

[مدهل الطير]

اذا طيرك طال عمرك اصيل لاتستعجل ودعه كم مره بالسبب الين تاثق من طيرك ,,,,انا عندي اصيل لاكن ما امرجته الا على وزن 920وهونفس الاطوال لان الاصيل بهاالوقت ايتنكر وقبل ماتمرجه طمره يوم وليل وهد .ارجو اني افدتك

[قرناس شماالي]

وعليك السلام ورحمة الله وبركاته



اسمعني وناخوك ، لاتفك طيرك وانت عندك شك ولو واحد من المليون ، وعند مايزول شكك ! اطلقه من غير سبب .
وانت صقار ونفس طيرك في كفك ، ان اكرمته فوق طاقته تمرد. وإن قصرت عليه فوق طاقته هزل وتعب .
عليك بالوسط وعسى الله يباركلك في طيرك وفاله الصيد وفالك النوماس .

تقبل مروري×


:good2::good2::good2:

[ابوعزيز2007]

سجل واحد رايه مع ابوسيف

[عابر الموج]

كلام ابو سيف في محلة تقبل تحياتي

[راعي ضويانه]

وعليك السلام ورحمة الله وبركاته



اسمعني وناخوك ، لاتفك طيرك وانت عندك شك ولو واحد من المليون ، وعند مايزول شكك ! اطلقه من غير سبب .
وانت صقار ونفس طيرك في كفك ، ان اكرمته فوق طاقته تمرد. وإن قصرت عليه فوق طاقته هزل وتعب .
عليك بالوسط وعسى الله يباركلك في طيرك وفاله الصيد وفالك النوماس .

تقبل مروري×


الله لايهينك يابو سيف على الافاده وماقصرت

[راعي ضويانه]

مشكووورين على الافاده كلن باسمه وماقصرتو