المساعد الشخصي الرقمي

مشاهدة النسخة كاملة : ويش عود في عظامه رعده 000000000000000000000000حله ( waleeeeed ) .. الحل ( ابو جلمبو )


راع الحزم
04/10/2011, 12:54 PM
خفافي



راكب اللي طوفت ذو القعده = جددوها في شهر شوالي
راكبه يشكي حموضة معده = جاب لغز ماعليه اجدالي
ويش عود في عظامه رعده = لو تشوفه قلت واعزالي
جوزو له بنت وقت العده = واثبت انه ماعليه اشكالي
له ولد مفقود غايب مده = لو تشوفه بلغن يالغالي



مشكور ابو اسامه على التصحيح (تم التعديل)
أبوعبدالرحمن99
04/10/2011, 01:09 PM
صح لسانك يا رايق
إبداع و نشاط ملحوظ
الله لا يضرك
جار التفكير في رمعة
تسجيل حضور
عساف الضاري
04/10/2011, 01:17 PM
صح لسان ياراع الحزم
البستم والسبيكه
والبس هو الغايب بس اخونا الهيل الله يعقله
احترامي وتقديري لك
ابو ماجد 2
04/10/2011, 06:56 PM
صح لسانك
مبدع كعادتك
مريميع
المكيف الصحراوي ومن تالي ماياتي الا ردي مشاكله واجد
والبعض استغنوا عن الدنمو وركبوا بالوجه مروحة شفط
والولد المفقود من مده هو السير الاصلي
مايوجد الا صيني لايتعدى عمره اسبوع ثم ينقطع او يتفزر
صقر السديرات
04/10/2011, 10:23 PM
مررور للسلام والاشادة بالابيات الرائعة
خشير الذيب
05/10/2011, 03:23 AM
السلام عليكم ورحمة الله تسجيل حضور
واتوقع ان ابو ماجد ذكاه حسب السلوم العوايد المكشاتيه
ولو ان مالي خبره بالمكيفات ولاكن ماظنه اخطاه جعله يسلم
هيل
05/10/2011, 05:04 AM
السلام عليكم ورحمة الله وبركاته
ماشاءالله عليك ياراعي الحزم
طرق يطرب الراس
محاوله
لغز كايف والحلا في شده
والحل لله ماطرا في بالي
راعي الحزم محترف ومن قده
والكل يشهد بمستواه العالي
والغز نبي نبتدي في جده
لين ناصل من الصغيرإعيالي
ويش قولك بالحُفر والعده
وبدلوه بكرةٍ من تالي
كان شوتي أبنطن بالقده
أو تسلل قلي وعزاليمع فائق التقدير والأحترام
ابلهيل
راع الحزم
05/10/2011, 10:43 AM
صباحكم عسل يالغالين
كل واحد باسمه
منورين
صحت ابدانكم
الرمعات ماصابت
انتظر القادم
أبوعبدالرحمن99
05/10/2011, 02:18 PM
راكب اللي مشتريها عمدة = له قدر في وسط ربعه عالي
وردوها لجل تاصل عنده = من وكيل لمنزله طوالي
ما ركبها سايس الممتدة = و لا مسكها السايق البنقالي
و الولد و الرب عالم وحده = معتلي فوق بسماه العالي
عالمن باللي بخاطر عبده = بس حنا انحاول و نحتالي
فيه رمعة و اسمحوا لي بعده= لو هي بضلع الشفا و جبالي
يمكن امن الطير و لا صيدة = بالبراري ما غدا له تالي
الحناوي
05/10/2011, 02:59 PM
صح لسانك يالمبدع،،،

ماشاء الله تبارك الله عليك شعلة نشاط ،،

وش تقول وعمرك يطول في "البيجر"!

دمت بكل الود،،
ناصر العلي
05/10/2011, 03:12 PM
سلمت يالغالي
وصح لسانك
ويش قولك بـ
منفاخ الوجار أول
http://images.abunawaf.com/2008/02/13/4.jpg
أبوعبدالرحمن99
06/10/2011, 08:43 PM
هاذي رمعة في اتجاه آخر
وش رايك بمفتاح العجل
وقت العدة : وقت البنشر
البنت : الصامولة
ابو اسامه 2
06/10/2011, 09:53 PM
صح لسانك يا الغالي


ولا شكر على واجب يا طويل العمر


والله يا الغالي توني جايي من الصيد


مشيت خمسمية كيلو


والراس مصددددددع


ولافيني افكر


ان شاء الله بكره وخير


ونشوف رمعاتك الحبايب ويش تقول فيها


تحياتي لشخصك الكريم
waleeeeed
06/10/2011, 10:44 PM
ايش رايك بابوجلمبو
أبوعبدالرحمن99
07/10/2011, 10:13 AM
ايش رايك بابوجلمبو

ابو جلمبو من مراميها
و بانتظار صاحب اللغز
راع الحزم
08/10/2011, 08:00 AM
صباحكم عسل يالغالين
منورين اللغز
تسلمون جميعا
راع الحزم
08/10/2011, 08:04 AM
ايش رايك بابوجلمبو

بسم الله
بعد الاطلاع على رمعتك اتضح انها:
ذبح حسب الطريقة المكشاتية (حلال) 100%
صح لسانك يالغالي

http://www.pp11.com/pic_gif/ewd50221.gif (http://www.pp11.com/)