المساعد الشخصي الرقمي

مشاهدة النسخة كاملة : مشكلتي رجة في الموتر من 80 الى 130 ؟؟؟


PATHFINDER 4
04/10/2011, 08:25 PM
بسم الله الرحمن الرحيم

مسيكم بالخير جميعا

سالفتي ركبت كفرات حجرية مستعملة للباثفندر القديم
وقالي اليماني تبيني ارصصها ترصيص عادي قلت لا والسبب
من كثر ما اسمع ان ماله فايدة وفي بالي شئ اسمه ترصيص ارضي لكن ماكان عنده !

بعد مامشيت ووصلت 80 صارت رجه في الدركسون (حركة سريعة)
تحس يديك تروح وتجي يمين ويسار بشكل سريع
والرجة من 80 الى 130 تقريبا ثم تخف
ياليت الوصف واضح



شئ ثاني الموتر فيه حذفه لليسار وما لا حظتها الا لما ركبت كعكات امامية قبل فترة طويلة هل المشكلة من الاذرعة اشري طقم جديد ولا بس يبيله وزن ؟

ياليت تعطوني الحلول لهالمشكلتين وكم تكلف تقريبا

سؤال اخير هل رفع الموتر من الامام يضر الموتر بشكل عام ؟
انا رافعه من الامام بشكل كبير مرة كعكات 2 سم ويايات استرالية وزيادة عليهن الكفرات ..

انزل تحت الموتر واشوف المقصات مايلة والعكوس مايلة (ماهي على استقامة)
هل ممكن تضر القير او الدبل او اي شئ ثاني ؟؟
الا سير
04/10/2011, 08:39 PM
بالنسبه للرجه مثل ماقلت الترصيص العادي ماينفع
رصص ارضي
اما اما الكعكات انصح تشيلهن لانها تاثر على ثبات الموتر
PATHFINDER 4
04/10/2011, 09:23 PM
^^
مشكور على الرد الله يجزاك خير
كم تكلفة الترصيص الارضي ووين احصله ؟

والكعكات الامامية شكلي شايلها شايلها لان ذراع الدركسون والعكس مايل بحدة شوي واخاف يضر ..

-----

قبل شوي نزلت تحت الموتر واشوف عمود الكردان مايل تقريبا 35درجة
يعني ماهو90درجة (زاوية) ولا نصفها (45)اقل منها شوي يمكن 35 هل تضر العمود وترس البنيون مدري الكارونة !
بعد ماركبت هالحجريات ارتفع بطن الموتر وصرت اشوف الكنداسة !
ارتفاع البلد 65
وارتفاع الحجريات 75
الزعل ممنوع
05/10/2011, 09:23 AM
السلام عليكم
اخي الكريم
بخصوص الرجة فهي اذا كان الدركسيون به رجه فيكون ترصيص اما اذا لم يكن رجه بالدركسيون فيجب التشييك على عمود الدبل
اما بالنسبة لموضوع الحذفه فقبل كل شيء اذهب الى الميزان لوزن الاذرعة والمقصات وذلك بتكلفة 80 - 100 ريال تقريبا وشيك على الهواء للكفرات الامامية بان تكون هواها مقاس واحد وليس واحد اقل من الثاني وبعد ذلك اذا كلي شيء سليم اتجه للكعكات ولكن نصيحة ميزان ميزان ميزان
وبالله التوفيق
PATHFINDER 4
05/10/2011, 10:52 AM
اولا شاكر لك ردك اخوي الغالي

مثل ماتفضلت الرجة في الدركسون وانا مركب فرارات استبعد تكون الرجة من عمود الدبل
شورك وهداية الله ابروح لاقرب ميزان واشيك على الاذرعة + ترصيص ارضي
بس وش تنصح وش افضل وارخص ميزان؟
والهواء موزون كلها 35

اذا مانفع مالي الا اشيل الكعكات والله يستر لا ينزل الموتر وتحك بالرفارف :(
computer 0099
05/10/2011, 11:39 AM
أهم شي تعلمنا وش صار معك إذا انحلت المشكله
علشان يستفيد الأعضاء منها.
FORD1969
05/10/2011, 11:58 AM
رح للعضيب محلهم القديم او ميزان نجد في الصناعيه القديمه خلف بنك الراجحي اللي بعد اشاره السالم للزجاج
بياخذون عليك 100 ريا ل ترصيص أرضي بالكثير

وجرب الموتر واذا ما نفع اوزن الذرعه بــ80 عندهم وبييزين ان شاء الله

الحجريه لازم ترصصها أرضي تراها اخت البالون في الرجه