المساعد الشخصي الرقمي

مشاهدة النسخة كاملة : الجمس متعطل فى البر وش السواة


الشاص 2
04/10/2011, 09:02 PM
السلام عليكم اخواني الى عندة حل او مرت علية المشكلة اليوم رحت البر والسيارة جمس ونيت موديل 92 الموتر عادي مافى اى مشكلة وصلنا المكان الى نبية طفيت السيارة وجلست ربع ساعة وبعدين شغلتة واشتغل مافيه شى مشيت علية شوي وطفيتة ولما جيت اشغلة موراضي يشتغل يدق سلف فحصت الطرمبة البنزين واصل زي الحلاوة غيرت الكويل عندي واحداحتياط شغال ركبتة ونفس السالفة حطيت بنزين داخل البخاخ ماتغيرشي فحصت اسلاك البواجي مايوصل كهرب طبعا فصلت السلك حق البوجي وحطيت سكروب داخلة وجربتة قريب من الحديد علشان اشوف هو يوصل كهرب وطلع مايوصل الموتر في البر وجاي تاشيرة من واحد في واحد الين وصلت البيت الى يعرف السبب لايبخل على تراني مااستغني عن مشورتكم :mad:
بدر الشيباني
04/10/2011, 09:13 PM
الشاص 2
شف البواجي
شاص نيسان 93
04/10/2011, 10:11 PM
اسلاك بواجي

ليتك فكيت البوجي وصنفرته
الشاص 2
04/10/2011, 10:40 PM
شاكر مروركم معقولة يكون من البواجي الموتر دقتة وحدة مايتغير صوت المكيينة مايوصل كهرب
دحيم الفزعة
04/10/2011, 10:49 PM
السلام عليكم
اخوي المشكله عندك بسبب الديلكو ما يطلع كهرب للبواجي
بس بالضبط ما أدري من أي قطعه هل هو ما وصل للديلكو كهرب أو الشاكوش عاد انت فتش وبتعرف المشكله
بالتوفيق
محطم عنيد
04/10/2011, 10:50 PM
الديلكوووووووووووووووووووو
برق القصيم
04/10/2011, 11:03 PM
الله العالم انه الديلكو
صارت لي نفس المشكله مع جمس قديم87 مع البر والمطامر والمطبات طفا الموتروطلع من اسلاك الديلكو والكويل شديت عليه وانتهت المشكله وتراها بسيطه
مادام الموتر يدق سلف والبنزين ياصل مايبيلها كلام الديلكو او سلك البواجي
الشاص 2
04/10/2011, 11:09 PM
دحيم . محطم . برق . شاكر مروركم الكريم وبشيك على الديلكو والاسلاك
ابوحسنة
04/10/2011, 11:23 PM
السلام عليكم
يا صاحب الجمس
صارت معي مشكلة بموتري ددسن 2004 بخاخ قطع علي البنزين
وعبيته وكان معاي زميل يساعدني وكان يدق سلف زي ما تقول
ومافي فايده وديناه لميكانيكي وفحص واحد اسلاك البواجي وقال ما يوصل كهرب
وكنا بالليل قلت الصبح اشوف له
جيت الصبح وحصلت واحد من اسلاك فيش اسفل الديلكو مقطوع من راس الفيش
بدلت فيش والحمد لله من اول دقة اشتغل الموتر
فالمشكلة اذا شاء الله في افياش اسفل الديلكو
عذرا على الاطالة
العمده 0ون0
04/10/2011, 11:33 PM
وعليكم السلام ورحمة الله وبركاته
اخوي الشاصي 2
مثلك عارف ان الابلتين الكتروني
1- تأكد من غطاء الديلكو لايكون مرتخي او فيه كسر فكه ونظفه من الداخل و شييك على اسلاك الكويل0
2-احتمال يكون السبب من الشاكوش خذ معك شاكوش جديد ركبه كلها فك مسمار ان ماخانتي الذاكرة 0

هذا والله اعلم
والله يسهلك امرك ودربك ان شاءالله
:f
الباثفندر 3.5
05/10/2011, 12:21 AM
لا حول
الله يعينك صج بعض المواتر تنكب
الشاص 2
05/10/2011, 10:17 AM
ابوحسنة@ العمدة @ الباثفندر@ مشكورين وماقصرتو راح اشيك على الاسلالك والديلكووباخذمعي شاكوش
كارلتون
05/10/2011, 10:45 AM
المشكله كهرب مايبي لها كلام
شف اسلاك البواجي والديلكو مثل ماقالو الاخوان
وترى فيه سلك يجي تحت الديلكو او البخاخ ناسي يركب بمشكبيه تشوفه راكب وهو منفصل من داخل شد عليه
وعطنا خبر بالتوفيق
جميل1122
05/10/2011, 10:52 AM
السلام عليكم
صارت نفس المشكله عندي تحت الدلكو في فيش كهربا دايم يفصل
الشاص 2
05/10/2011, 11:05 AM
شاكر مروركم الجميل والله لايحرمنا من ارائكم الجميلة موفقين خير
العمده 0ون0
05/10/2011, 11:17 AM
عفوا وعذرا اخي العزيز الشاصي 2 ولايهونون الاخوان
فيه اضافة بسيطة نسيت اذكرها احتياطاً وزيادة خير لاتنسى تشييك على الفيوزات والكتاوت خاصة (فيوز المكينة)0
وبالتوفيق ان شاء الله0
أبن الجنوب
05/10/2011, 11:30 AM
اخي العزيز فيه سلك يمين الديلكو من اسفل بفيش صغير مشبوك لفوق في علبة الديلكو من الخارج هذا من المطامر يسقط من مكانه ويسبب عدم وصول كهرب للديلكو يدق سلف وماتدور المكينه شيك عليه يمكن سقط من مكانه --- تحياتي
الشاص 2
05/10/2011, 11:55 PM
اليوم اخذت شاكوش ورحت للموتر والعدة معنا فكينا غطا الديلكو ولاقينا الشاكوش منتهي محترق ولما جينا نطلعه موراضي حاولنا ماقدرنا جو الشباب ماقدروه ماسك مرة ياولد وش السواه اخذت سكروب وكسرت الشاكوش وبالزرادية الين طلع ركبت الجديد وركبنا الغطا حق الديلكو وسوينا اشتراك ودقينا سلف وكنك ياابو زيد ماغزيت مااشتغل غيرت اسلاك الكويل مااشتغل فكينا الد يلكو وحركناه مااشتغل اي سلك شكينا فية غيرناة مااشتغل قلنا مالها الى نسحبة جبنا واير وسحبنا الاقشر وحنا في الطريق قلت ياولد خلني انتعة يمكن يشتغل قلت للي يسحبني خفف السرعة ونتعتة والى الموتر يام اشتغل والله ماصدقت اشتغل ياشباب اشتغل الاقشر ونفك الواير وامشي علية ماشاء الله علية اطفية واشغلة نقرة (الظاهر انة الشاكوش الله لايشببلة) مشكورين يااهل مكشات على مروركم الكريم
بدوي جنوبي
06/10/2011, 12:54 PM
زين انه أشتغل
وأعجبني أصرارك على البحث عن الخلل
وأصلاحه بنفسك ما شاء الله

المفروض انت راعى طلعات للبر لازم تشيك على كل قطعه بالسياره بنفسك
والله يا غالى كلها 5 او 10 دقائق
وتروح على سيارتك وانت مطمئن بعد التوكل على الله

وفقك الله
الشاص 2
06/10/2011, 02:55 PM
مشكور بدوي جنوبي على مرورك وما نستغني عن مشورتك