استفسار عن اسعار فتك سوبر سفاري ؟

[وجد الكتابة]

السلام عليكم ورحمه الله وبركاته

اخواني الاعزاء حبيت استفسر عن اسعار الفتك سوبر سفاري موديلات

2007
2008
2009

مستعملة نظيفة وكم يكون جديد وش تنصحون فيه اي موديل والا كلها متساوية

مواصفات تكون وسط بين العادي والفل

وايهم افضل قير عادي او تماتيك

وهل يوجد في معارض القصيم شيء زين ويستاهل العنوة لها

واكون شاكر لكم .

[وجد الكتابة]

المبلغ المتوفر تقريبا من 100 الى 120 الف ريال

نتمنى من الاخوان الاجابة .

[الذيب الجايع]

لا بالله كان هذا المبلغ اللي معك تبي تحصل ٢٠٠٩ وزود بع

[ابوهلال506]

بس يخوي بنصحك نصيحة خذلك شي ممشاة قليل
وقبل ماتشتري جربة انت على خط سريع لاتودية للفحص وتقتنع بكلامهم ومش به 160 وتحت والمكيف شغال وناضر حرارة الموتر لاتتعدى الشرطة الثانية
لاني طحت في واحد وقالولي الفحص مضبوط وهو ازين فحص في الرياض
وخرتها صار به راس مكينة وخسرت في بيعتة 5000 الاف

[بومحيمل الخالدي]

عليكم السلام ورحمة الله وبركاتة , ,

ماشلء الله ,, الله يبارك لك بالملبلغ ,, يجيب لك كلوزر تويوتا أفضل لك

وأذا كان لك خاطر بال فتـك , , نصيحتي لك , ,,

خذ لك من قطر في قطر خاصة الفتـك ,, أسعـارهم نـازلة , , ,

أدخل موقع قطر سيل ,, , وكل مبلغ مكتوب نزل من قيمته 3 ألاف أو 5 ألاف ,,

هم يرفعـون شويـات ,, وأنت و الفحص ,, أسعـارهم صدق حلوة ,, ,

ربي يوفقـك

[سفاري959]

انصحك تاخذ سفاري 2 ما انصحك بالفل كامل وبالنسبه للقير على حسب حاجتك اذا كان استخدامك ديره وزحمات بدون شك التماتيك اريحلك واجد اما اذا استخدامك بر واجد انصحك بالعادي و 120 تجيبلك 2009 سفاري 2 اخو الجديد الله يسهل امرنا وامرك وكل مسلم تحياتي

[وجد الكتابة]

شكرا لكم على الردود يااخوان وعلى المعلومات الحلوة

[وجد الكتابة]

بس يخوي بنصحك نصيحة خذلك شي ممشاة قليل
وقبل ماتشتري جربة انت على خط سريع لاتودية للفحص وتقتنع بكلامهم ومش به 160 وتحت والمكيف شغال وناضر حرارة الموتر لاتتعدى الشرطة الثانية
لاني طحت في واحد وقالولي الفحص مضبوط وهو ازين فحص في الرياض
وخرتها صار به راس مكينة وخسرت في بيعتة 5000 الاف

انا خايف من كذا اخاف اخذ لي واحد واتوهق فيه
المشكلة ان مالي فالسيارات واعطالها وفحصها
والمعارض انتم ادرا فيها مني .

[وجد الكتابة]

انصحك تاخذ سفاري 2 ما انصحك بالفل كامل وبالنسبه للقير على حسب حاجتك اذا كان استخدامك ديره وزحمات بدون شك التماتيك اريحلك واجد اما اذا استخدامك بر واجد انصحك بالعادي و 120 تجيبلك 2009 سفاري 2 اخو الجديد الله يسهل امرنا وامرك وكل مسلم تحياتي


ممكن توضح لي مواصفاته سفاري 2 ياخوي

وانا ابيه يكون قير تماتيك لاني طلعات للبر قليل جدا اوقات الربيع ويكون قريب المسافة

اخو الجديد كم يكون ماشيء

وهل فيه معارض ممتازة في القصيم .

[سفاري959]

سفاري 2 يجي جنوط 17 نفس الفل بدون فتحه تماتيك عادي مثبت سرعه مسجل سيدي تخشيب من الداخل يجي بيج نفس الفل يعني ينقص عن الفل الدفلوك والجلد والفتحه والزينون ومن بره ما ينقص الا الكشافات وهذي يركبونها بالغرابي وما عندي خلفيه عن معارض القصيم بس معارض الرياض ان شاء الله بتحصل مطلوبك بس احرص على الموتر المحشوم والي ممشاه قليل اتمنى اني افدتك

[وجد الكتابة]

شكرا لك على المعلومات وجزاك الله كل خير على النصيحة