أفضل عيار للماغنوم و افضل محل بيع في الرياض

[الكشكول]

السلام عليكم ورحمة الله وبركاته
اسعد الله مسائكم / صباحكم بالخير والمسرات

انا ولله الحمد وبعد صراع مرير بين الفايرووخ 85 و الماغنوم 350 قررت ان اشتري ( ماغنوم 350 )

ولكني احترت في اختيار عيار الصتم

4.5 ام 5.5

اما نوع الصيد فكل شي قدامي ودي اصيده حتى لو هو اسد أو فيل ما يخالف بنقول به :D <<< الله يكفينا شررره و اذاه وش عنده السفاح
يعني على قولة القايل محشششن مجرردة
:D:D:D
اما المسافه تخبرون مراتن بعيد ومرات قريب


وعلى طاري المسافة والقرب والبعد وش هقوتكم تكفون يالربع في افضل واحسن مركز بيع في الرياض من حيث الاسعار او العروض أو الضمان أو التعامل

اللي اخبره ان فيه 4 مراكز بيع

1- الرماية
2- الرميح
3- الهدف
4- صاب


رايكم وسام اعتز به وافخر فلا تحرموني اياه الله يجزاكم الجنة

آآآمين يارب العالمين

[المهاجر0011]

انا من رائي الصتم 4 ونص

[v506]

5.5 طيب وقطره اكبر وتدمير اكبر بس ما يسوق بعيد بقوة 4.5
4.5يسوق بعيد وقطر أصغر وتدمير اقل وسرعه أقوى

طبعا فشق الساكون مهوب كفو يقاله تدمير بس حاولت اوضح لك اخوي

يعني في حالات يكون فيها 4.5أفضل وحلات يكون فيه 5.5افضل

اما عن المحلات صاب يبيع الفبر ب 1600 والخشب ب1900
اما الباقي الله العالم
تحياتي

[الكشكول]

أخواني

المهاجر

v506


الله لا يهينكم وانا ان شاء الله ابتكل على الله وباخذ 4.5 و بدق سلف هالحين لصاب


وعساني القى عنده العيار 4.5

والله يعين

[N3NA3 JEDDAH]

حبيبي الغالي انا عندي ماغنوم 350

صتم 4.5

انصحك بقووووووووووووووووووووووووووووووووووووووة
اليوم طرحت فيها سمااااااان

ماشاء الله تقول ساكتون ناري

بس الصتم اشتر المشطوف لان المدبب بيخترق الهدف

ننتظر التقااااااارير

[هاجس ليل]

طيب يالربع ولا يهون صاحب الموضوع الفيبر كويس ..؟

وهل جاموا اللي عند الرماية كويسة ؟

[الشقردي 205]

طيب يالربع ولا يهون صاحب الموضوع الفيبر كويس ..؟

وهل جاموا اللي عند الرماية كويسة ؟




بــالــحــيـييييييييييييييييييييييل . . .

[الكشكول]

انت تريد وأنا أريد والله يفعل ما يريد :)

على طاري العيار الصغير والعيار الكبير تتمة السالفة بعد ما دقيت سلف الموتر وصلت صاب في الديرة سوق الزل و أول ما دخلت المحل سويت نفسي مدري وش السالفة ،
يا باااااشا عندكوووو قنابل يدوية هههههههههههه

المراااد بدا العامل يستعرض البنادق الاسبانية و الله مهيب شينه في مسكتها و فلكتها ولكن مااااااش ياشين اللي جاي وحاطن في راسه شي معين :Dههههههههههههههههه

المهم قلت الله لا يهينك يا بااااشه هالمزيووونة اللي فيذاك ملتزززة في الزاوية وشهي من لحية ههههههههههههههههه وانا ااشر على الماغنوم :p قال دي حضرتك مش بندئية !!! قلت أجل وشهي ؟! :eek: قال : دي مدددددفففع يا عمنا الحق والله واتلطم واتلفت يمين ويسار واقول هات المدفع اشوفه :mad: والله اونا اللي ارز الكرشة وانهض الصدر :mad: هههههههههههه :D واقضب الشيخة يوم اللهم يا كافي رجحت بي وبغت تخرع تستفي :j اممممممحححححق قنااااص هههههههههههههههههههههه المراد قلت كم سعر المبرووكة قال : 1900 ريال :eek: يالله الخيرررررررررررة صدز

المراد قلت : و ش حيث انها بـ 1900 قال : دي الماغنوم يا باششااااا ولو عايز حاقه أأل سعر وحاقة نظيفة يعني خووود دي والله اناظرها ولاها اخت الاولة مررررة ماغنوم 350 قلت وش ذي ليه ارخص مستعملة يعني ؟ قال : دي الأميرة الفايبر اللي اكتسحت السووق والله وبعد التدقيق والتفححص تبين لي بالفعل ان الفرق بين البندقين النصاب في الاولى خشبي وفي الثانية فايبر

المهم قلت اخررررركلام بس بكم الخشبية قال معليش حضرتك الاسعار نهائية :mad: و عندنا عرض كويس حيعقبك :good2: قلت وشوووووو تكفى :eek: قال حديلك معاها قراب و 500 طلأة مقانية وضمان سنتين و تصريح تستلمه بعد 25 يوم .

المراد توكلت على الله وصملت على الفايبر بصراحة الفرق كبيرررررررر 300 ريال يعني يمديني اطق دربيل من الطيبات بـ 200 واوفر 100 ريال .

المراد نرجع لراس الموضوع يوووم راح يدور البندق اللي طلبتها عيار 4.5 مالقى الا 5.5 والـخشبية فيه منها عيار 4.5 قلت هااااه :eek: يالله ان الشكوى لك صدززززز والله وانا في قمة الصدمة ويدخل واحد من الزباين قال اذا انت صامل على العيار الصغير ررح ومر الرميح كودك تلقى عنده والله وازرق الرميح قررريب على رجيلاتي المراد لقيت عنده خشبية بس وعيار 5.5 فقط وبدووون اي عرض مثل صاب .

والله وارجع واتكل على الله واخذ الفايبر 5.5 :p

و بعد التجربة امس في الليل كتبت تقرير وش طوله وش عرضه عن التجربة المبدئية للبندق ويوم رصيييت الانتر انحذف التقرير وقفلت ورقدت ههههههههههههههههههههههههه

و ان شاء الله عسى الله ييسر الامور و احاول افيدكم بالانطباع المبدئي عن هالبندق المغلوثه هههههههههههههههههههههههههه الله يكفينا شرها واذاها

ادري اني طولت في الحتسي والبربرة ولكن لا تلوموني ههههههه من حر ما اونس والله يوم انحذف تقريري امس :mad: :(

تصبحون على خيرررر يالربع واعذرووووني على القصووور

[الطرررقي]

أخواني أعضاء ومشرفين منتدى مكشات الرائع السلام عليكم ورحمت الله وبركاته أنا وأعوذ بالله من كلمت أن عضو جديد و هاوي مقناص جديد وناوي أنشاء الله اشتري ساكتون هوائي عيار أربع ونص قويه وسريعه ودقيقة ومميته للصيد على مسافه بعيده وتكون عمليه ومحتار :rolleyes:
ووين تباع في الطائف وكم سعرها وكيف أستعمال الفيبر:rolleyes:أنا محتار ناس يقولون خذ ماغنوم 350 وناس يقولون خذ هنتر 1250 وأنا أبغا شي يبيض الوجه:good2:
وش رايكم ياهل الخبره والتجربه والمعذره على الأطاله


أخوكم الطرررررررررررررررررررررقي

[شب المشاعيل]

اخوي جرب h&n baracuda

الباراكود

ممتاز جدا جدا ..


كروس مان الامريكي ماهو بشين .. العادي مو المدبب ..


وبالتوفيق ..





أخواني أعضاء ومشرفين منتدى مكشات الرائع السلام عليكم ورحمت الله وبركاته أنا وأعوذ بالله من كلمت أن عضو جديد و هاوي مقناص جديد وناوي أنشاء الله اشتري ساكتون هوائي عيار أربع ونص قويه وسريعه ودقيقة ومميته للصيد على مسافه بعيده وتكون عمليه ومحتار
ووين تباع في الطائف وكم سعرها وكيف أستعمال الفيبرأنا محتار ناس يقولون خذ ماغنوم 350 وناس يقولون خذ هنتر 1250 وأنا أبغا شي يبيض الوجه
وش رايكم ياهل الخبره والتجربه والمعذره على الأطاله


أخوكم الطرررررررررررررررررررررقي



النوعين اللي قلتها طيبه بالاضافة فايروخ 80 معهم..

انت استخير وتخير ثلاثتهم طيبه ..


وان كنت ارجح لك الماقنوم والفايروخ ..



فالها الشحم :)

[سراي اليل]

انت تريد وأنا أريد والله يفعل ما يريد :)



على طاري العيار الصغير والعيار الكبير تتمة السالفة بعد ما دقيت سلف الموتر وصلت صاب في الديرة سوق الزل و أول ما دخلت المحل سويت نفسي مدري وش السالفة ،
يا باااااشا عندكوووو قنابل يدوية هههههههههههه


المراااد بدا العامل يستعرض البنادق الاسبانية و الله مهيب شينه في مسكتها و فلكتها ولكن مااااااش ياشين اللي جاي وحاطن في راسه شي معين :Dههههههههههههههههه


المهم قلت الله لا يهينك يا بااااشه هالمزيووونة اللي فيذاك ملتزززة في الزاوية وشهي من لحية ههههههههههههههههه وانا ااشر على الماغنوم :p قال دي حضرتك مش بندئية !!! قلت أجل وشهي ؟! :eek: قال : دي مدددددفففع يا عمنا الحق والله واتلطم واتلفت يمين ويسار واقول هات المدفع اشوفه :mad: والله اونا اللي ارز الكرشة وانهض الصدر :mad: هههههههههههه :D واقضب الشيخة يوم اللهم يا كافي رجحت بي وبغت تخرع تستفي :j اممممممحححححق قنااااص هههههههههههههههههههههه المراد قلت كم سعر المبرووكة قال : 1900 ريال :eek: يالله الخيرررررررررررة صدز


المراد قلت : و ش حيث انها بـ 1900 قال : دي الماغنوم يا باششااااا ولو عايز حاقه أأل سعر وحاقة نظيفة يعني خووود دي والله اناظرها ولاها اخت الاولة مررررة ماغنوم 350 قلت وش ذي ليه ارخص مستعملة يعني ؟ قال : دي الأميرة الفايبر اللي اكتسحت السووق والله وبعد التدقيق والتفححص تبين لي بالفعل ان الفرق بين البندقين النصاب في الاولى خشبي وفي الثانية فايبر


المهم قلت اخررررركلام بس بكم الخشبية قال معليش حضرتك الاسعار نهائية :mad: و عندنا عرض كويس حيعقبك :good2: قلت وشوووووو تكفى :eek: قال حديلك معاها قراب و 500 طلأة مقانية وضمان سنتين و تصريح تستلمه بعد 25 يوم .


المراد توكلت على الله وصملت على الفايبر بصراحة الفرق كبيرررررررر 300 ريال يعني يمديني اطق دربيل من الطيبات بـ 200 واوفر 100 ريال .


المراد نرجع لراس الموضوع يوووم راح يدور البندق اللي طلبتها عيار 4.5 مالقى الا 5.5 والـخشبية فيه منها عيار 4.5 قلت هااااه :eek: يالله ان الشكوى لك صدززززز والله وانا في قمة الصدمة ويدخل واحد من الزباين قال اذا انت صامل على العيار الصغير ررح ومر الرميح كودك تلقى عنده والله وازرق الرميح قررريب على رجيلاتي المراد لقيت عنده خشبية بس وعيار 5.5 فقط وبدووون اي عرض مثل صاب .


والله وارجع واتكل على الله واخذ الفايبر 5.5 :p


و بعد التجربة امس في الليل كتبت تقرير وش طوله وش عرضه عن التجربة المبدئية للبندق ويوم رصيييت الانتر انحذف التقرير وقفلت ورقدت ههههههههههههههههههههههههه


و ان شاء الله عسى الله ييسر الامور و احاول افيدكم بالانطباع المبدئي عن هالبندق المغلوثه هههههههههههههههههههههههههه الله يكفينا شرها واذاها


ادري اني طولت في الحتسي والبربرة ولكن لا تلوموني ههههههه من حر ما اونس والله يوم انحذف تقريري امس :mad: :(



تصبحون على خيرررر يالربع واعذرووووني على القصووور

ههههههههههههههههه
مبروك اخوي

[سراي اليل]

اخوي كندك صاب والرميح بس صاب افضلك مناحيه الضمان والعروض
الصحك ذاانك تبي تصيد فيله واسود هههههه تاخذ 5.5
تقبل مروري

[الكشكول]

أخوي الطرقي ان كانك رجالن نشيط و متعافي انصحك بالماغنوم 350 وركز تكفى على كلمة نشيط ومتعافي لانها والله ثقيلة وانا اخوك و قوتها الفتاكة مخليتن كسرها كايدن شوي ويوذي

أما من ناحية بياض الوجه للنشيط فأشهد بالله انها تبيض الوجه

[الطرررقي]

أخوي شب المشاعيل أشكرك على الأفاده

[الطرررقي]

أخوي الكشكول شكر خاص لك على الأفاده وبيض الله وجهك ووجه جميع الأعضاء الكرام

[الطرررقي]

أخواني الأعضاء الشكر موصول لكل من تفاعل بس باقي أسئله أين تباع في الطائف وبكم وشرايكم في الفيبر.

[اَلمشتآآآق]

مشكور ومبروك على البندق وانشاء الله تاكل من صيدها