مناقشة ارتفاع الاسعار في بعض الورش

[بني عدنان]

السلام عليكم

من الورش المتخصصه في النيسان مثلا والتربيط

ورشة التركي في الرياض تخصص نيسان لكن الرجل تغير اسلوبه وعماله وأسعاره

ارتفاع في الاسعار مبااالغ فيه جدا

تغير البواجي 200 ريال

تغير صوفة الدبل 500 ريال

الطمع مشكله


أيضا ورشة النويصر تدبيل مساعدات للباترول يا جماعه تخيلوا السعر 1800ريال ليه هالسعر هذا

والتربيط 1200 ريال طبعا يقولي بدون كهرباء ولا ميكانيكا والقطع عليك

يا الربع ما يصير هالشي

يعني ابوخالد الخضير في بريدة يغير صوفة الدبل 200 ريال وشخص ثقه

يا اخوه لا احد يقولي اتركهم منت مجبور عليهم شف غيرهم

يعني الناس عرفوك وسمعتك أول طيبه ليه تخرب على نفسك وتطمع الطمع هذا
العمال هم هم والمفكات والسكاريب هي هي انا ما تكلمنا عن القطع وارتفاعها

وتعرفون سالفة خزان الوادي والي صار عليها
وورشة سوافي والي صار عليها
والدفع الرباعي والي صار عليها

تركوهم الناس ووجدوا البديل والرخيص بل الشغل افضل وأحسن وشخص سعودي يشتغل في موترك وتثق فيك

أحببت طرح هذه الخاطره من شي في النفس وما اصابني من موقف ورشة النويصر والتركي والسلام الختام

[abahal]

كل ورشه له حر بتسعيره مو جابرك تشتغل عنده

كثر الله الورش

[KMUU]

في الاول وفي الخير ماعندهم انتما وهذي مشكلة بعض التجار خلاص الله وفقه في شغله خلاص تغطرس وعلى فكرة اذا كان اسعارة مرتفعة فالواجب الوطني يحتم على الجميع مقاطعتة ورفع راية المقاطعة لمثل اولك الاشخاص الجشعين ولو دامت ماوصلتله

[خالد ...]

اتفق معك عن ارتفاع الاسعــار

القناعة كنــــــز لا يفنــــى

و لكن مع الاسف الطمع يذهب ما جمــــع

ارضى بالمكسب القليل ستجد الكثير يتوافدون عليك

واذا طمعت فلن تجد سوى القليــــــل

ملاحظة في محلها وشخصياً نعاني منهــــــا

[tevo]

صحيح ان الأسعار ارتفعت وتختلف من مكان لمكان ومنطقه لمنطقه بس لازم تعرف ان سعر أجار المحل في كل منطقه يختلف يعني أسعار الرياض غير عن القصيم غير عن جده غير عن ..... فأعتقد هذا سبب من أسباب ارتفاع الأسعار

[يكفيني نظرة]

طبيعي وبيتحجج برواتب العمال..

[rpk]

للأسف السعودي او ما يشتغل اسعاره حلوه وشغله ذمه واذا ضمن الزباين خرب كل شئ سعر نار وشغل دمار

[بني عدنان]

كل ورشه له حر بتسعيره مو جابرك تشتغل عنده

كثر الله الورش


لا نريد يأخذ الموضوع هذا المنحنى هداني الله وإياك

[هويدي]

الحقيقه شي مؤسف الله يهديهم

الحل مقاطعتهم بس وين اللي يقاطع " شرط ان كل الورش اللي ذكرت حالياً فل "

الله يرزقهم بس المفروض يراعون اخوانهم

[مخايل البراق]

معكم حق بأرتفاع الاسعار
انا عندي ورشة ماخذها تقبيل 11000 الاف وبعد مكرمة الملك الاخيره
اتصل علي صاحب الورشة ورفع علي الايجار من 40000 الف
الى 70000 الف واذا مارفعت الاسعار كيف بدخل قيمة الايجار

[بني عدنان]

اليوم غيرت صوفتين للدبل وغلق لي شوي من زيت القير للباترول

الأسعار
شغل يد ٢٠٠ ريال

قطع غيار ٧٠ ريال

طبعا عند ابوخالد الخضير الله يوفقه


http://i.imgur.com/0qdVl.jpg

[بني عدنان]

معكم حق بأرتفاع الاسعار
انا عندي ورشة ماخذها تقبيل 11000 الاف وبعد مكرمة الملك الاخيره
اتصل علي صاحب الورشة ورفع علي الايجار من 40000 الف
الى 70000 الف واذا مارفعت الاسعار كيف بدخل قيمة الايجار



الله يرزقنا واياك والمسلمين اجمعين ومعك حق ترفع السعر لكن مهوب يدبلون السعر مرتين

[برايدوي عنيد]

يعني رفعت الاجار صحيحه ورواتب العمال لكن ترفع السعر على شي بسيط والسعر دبل

سعر رخيص نوعا ما + كثره سيارات = مكسب ممتاز وزبون دائم
سعر غالي + قله سيارات = مكسب ممتاز لكن زبون قليل
مثلا يعني بدال ماتكسب مبلغ وقدره بالشهر 10000 ريال اكسب اقل بالشهر 8000 ريال

بالتوفيق والله يرزق الجميع

[جيبي جايزلي]

معكم حق بأرتفاع الاسعار
انا عندي ورشة ماخذها تقبيل 11000 الاف وبعد مكرمة الملك الاخيره
اتصل علي صاحب الورشة ورفع علي الايجار من 40000 الف
الى 70000 الف واذا مارفعت الاسعار كيف بدخل قيمة الايجار

قليل دائم ولا كثير منقطع

مانقول اشتغل ببلاش بس كل شي وله حدود والله يرزقك ..

[الشهابة]

بخصوص رفع الأسعار ..

يشتكي لي زميل صاحب مغسلة سيارات في شمال الرياض ..

يقول كنت مستأجر مغسلة السيارات في محطة مستأجرينها شركة التسهيلات بـ 80,000 ريال مع سكن للعمال ..

و بعد سنتين انتهى عقد إيجار شركة التسهيلات و رفضوا الشركة يجددون الإيجار لأن صاحب المحطة رفع السعر و استأجرتها شركة الدريس ..

و بعد شهر من استلام شركة الدريس للمحطه بلغوه بإن إيجار المغسله بدون سكن العمال بـ 150,000 ريال و سكن العمال لحاله بـ 25000 ريال تبيها و إلا أطلع من المكان ..

يقول لو حسبتها الإيجار مع تكلفة التشغيل و رواتب العمال مع إيجار السكن على عدد السيارات في اليوم الواحد لازم أخلي قيمة غسيل السياره الصغيره بـ 25 بدل 15 و الكبيرة بـ 30 بدل 20 و هذا بيغطي بس التكاليف مع ربح قليل بدون حساب الصيانه السنويه و الأمور الطارئه و في الأخير ترك المغسله بعد شغل سنتين ..

و هذا واحد من اسباب رفع الاسعار على المستهلك !!!