دلوني على فني تبريد وتكييف ممتاز بالرياض (للباترول)

[نومـ11111س]

السلام عليكم ورحمة الله وبركاته

مشكلتي لقيت اللي يكتبون عنها كثيرين ، وهي ضعف تبريد الفتك وهو واقف او داخل المدينة .

ياليت اللي يعرف احد في الصناعية ممتاز وصدوق يدلني وله الدعاء والشكر .

[صوعان]

فيه واحد يقال له الشويعر
ولد شباب على كيفك سعودي فني تكييف يشتغل بيده
ولا عنده لف ودوران اذا مايعرف قالك ما اعرف
محله خلف مستشفى رعايه الرياض التامينات سابقا
عن المستشفى شرق
اسال هناك ويدلونك
وباالماريه فيه مسجد كبير في الحاره هو مقابله من جهه الشمال

[ابو تركي المطيري]

كان الفتك فيه عين سحريه للغاز شوف العين كانها تطبخ مهي صافيه الموتر محتاج غاز وانتبه للغاز اللي يحطونه لك ترى فيه انواع كثير افضل شي الامريكي وبعده الياباني ودرجه ثالثه الفرنسي ولاتعبي صيني

واذا فيه فلتر للمكيف نظفه او بدله كانه مسكر ورديتر المكيف انفخه بالهواء له تاثير على التبريد

وفيه شغله يغفل عنها الكثير شوف كلتش الكمبرسر هل يتحرك بشكل مضبوط اذا كان حركته بطيئه عندك الكويل ضعيف جدا وهو سبب من اسباب قله البروده لازم تفحصه هل هو سليم او لا