مارأيك بتويوتا تندرا TUNDRA 5.7

[شاص]

السلام عليكم ..


أحد الزملاء عرض علي تويوتا تندرا موديل 2007 دفع رباعي غمارتين مشابه للي بالصورة .. والرجال يمدح فيه مدح عظيم من ناحية القوة والراحة والفخامة .. سؤالي لمن جرب هالسيارة أو يعرف عنها ..
هل هي عملية وهل لها مشاكل أو أعطال متكررة؟
قطع الغيار والصيانة هل هي متوفرة عندنا؟وكيف أسعار قطع الغيار؟
موديل 2007 غمارتين ماشي بحدود 200 ألف كلم فل دبل بدون جلد كم يسوى؟
ما الفرق بين الـ TRD والعادي ؟

ولكم الشكر سلفاً ..



http://upload.moldova.org/auto/Toyota/2007_Toyota_Tundra-CrewMax_2.jpg

[wafi4sa]

انا والله ودي اعطيك رايي
اشوف هذة السيارة قليلة الأنتشار
وشكلها كبير
الله يوفقك لما فيه الخير لك

[مستور الحال]

صراحة فخامة و عزم ولا اروع و تصنع في امريكا لكن موديلها بيتعبك شوي في قطع الغيارلانها غير منتشرة عندنا في السعودية نصيحة انا اشوف انك تصرف نظر عنها وتدور لك جمس في موديلها كد و مد ومعروف و قطع غيار متوفر ودارج في السوق,,,,,, والله يكتب لنا و لكم الخيرة ..............

[شاص]

وافي .. مستور الحال .. شكر لكما

[مزدهر]

القطع غير متوفرة في بعض الأشياء نفس السكويا
فيه شخص صدم صدمة جانبية جلس الموتر 6 شهور ما لقى قطع

[شاص]

مزدهر .. شكرا على المعلومة .. وهذي مشكلة ليست سهلة

[أبوسعد77]

أخي العزيز السيارة قوية جدا ولكن لازم يكون الإستعمال متوسط نوعا ما
يعني تقدر تستعملها في البر ولكن يجب المحافظة عليها
وأزيدك قيادتها ممتعة بشكل لايوصف والقطع نفس السيكويا بالضبط
وماعليك من الكلام أما إذا نقصك شي من القطع الريال يجيب لك أي
شي وأنت قاعد في بيتك نشتري الأجهزة والعطورات من جميع أنحاء
العالم ولانقدر نجيب اسطاب خلفي !!!

[ابونبيل]

اذا تبي تسال عن تحملها اسال راعين السكويا

والقطع تقريبا مثل السكويا لاكن فيه قطع ماهي منتوفره مثل مساعداتها وقع ثانيه يعني انا اقول لا تاخذ موتر مايبيعه الوكيل عشان قطع الغيار ماتتعب معها

[ولد وايل..]

يارجل ..

نصيحة من أخوك المسلم .. تبي حوض لا تبعد عن الجمس انسب سعر واوفر قطع غيار ومن ناحية المكاين والتحمل مافيه إلى الآن أقوى من مكاين الجمس ..كل الأحجام وإن كان تبي مستعمل فرصة إن السعر يكون نازل عن سعر الوكالة ..

التندرا ماتلقى لها قطع وشكلها ماهنا زود أبد .. مع احترامي للي يعجبهم بس مافيه من الزين أبد ..

الله يوفقنا وياك ..