توني جاي من سيف الدمام عند القوارب

[سافيلو]

تعبت حرقتني الشمس من صباح رايح الين الظهر مافيه الا زمارير
وقرقفنه صغيره مايسوى والله
احد يدلني على مكان بالدمام السسسسسيف انا احدق بسنارة
ياليت والله نفسي اصيد بس احد يعلمني مكان زين

[عوام 5]

السلام عليكم
يا اخي عندك غرب الفن تايم جرب والله يرزقك هن فضله

[سافيلو]

اخوي عوام 5 مشكوررررررر
عندي طلب بتعبك شوي معاي لو تسوي بورقه ترسم لي الفن تايم وين بالضبط يصير عند الدوار ولا قبل
بعدين تسويها سكنر وترفعها عشان اشوف بالضبط وين رسم توضيحي بسيط
واكون شاكر لك
اخوك ابو هادي

[KING FISAL]

حياك الله اخي الكريم خلي سيف فرضة القوارب على اليمين و تعداه يجيك حرس الحدود على يمينك تعداه الى الامام حتى تجد فن تايم بعد 600متر او اكثر على يمينك تعداه الان يوجد فيه صيانه تجد بعد الصيانه ساحة كبيره و عادة تكون مليئة بالصيادين هذا الموقع
موفق ياغالي

[xmx202]

اللي هو مطعم ليالينا قبله بشوي

هذا الموقع المقصود

بس جربناه، قبل كان زين الحين ما يسوى كله زمارير والا قرقفان صغير والا چم ابو شوارب صغير

اسياف الدمام مادري شفيها صايره ناشفه

[xmx202]

اذا بتروح الجبيل عندك شاطئ النخيل جهة العزاب ، لاباس فيه

[العريضي]

اسياف الدمام انشفت مافيها شي اذا اتعرف احد يدخلك مكان محظور نجحت

[لبآه ياسميجآت]

الفـن تايم هو نفسه ليالينا

المطعم الي بعد حرس الحدوود

انا اسسسمع عن هالمكااان .. بسس صراحه الصيد فيه متعب

انا طلعت منه ولله الحمد .. بسس مو المتوقع ولا على قدر الكلام الي اسسمعه عنه

[وليد الغربة]

ان شاء الله الشباب لن يقصروا معك

اخوك وليدالغربة

[صياد الخبر]

السلام عليكم


اخواني


ارجوا التريث والتثبت والتعقل قبل الحكم على الاخرين
وارجوا الحفاظ على الالفاض واحترام الشخوص والمكان


--
لما يسقط حرف سهوا وانا كاتب الرد على عجله وينتهي وقت التعديل وش يصير


كان اجدر النصح لإخيكم بنسيان حرف ال لام وتذكيره


لا الهجوم والتوبيخ و و و و و


احنا اكبر من كذا وارقى وانضج


--


ودمتم

[لبآه ياسميجآت]

اصلا وااضح ان الحرف سقط سهووا

تررفعـوا وتنـآآزلـوو ..الله يصصلحكم بسسس ><

[عوام 5]

غفر الله لكم يا اخواي سويت وكينج فيصل على ه

[عوام 5]

غفر الله لكم اخواي سويت وكينج فيصل على هذا الهجوم الشرس الغير متوقع 00فعلا غير متوقع لانها لم تكن الا مجرد خطا في الكتابة وللاسف لم انتبه لسقوط حرف الالف عند مراجعة الرد واعتذر اشد واعمق الاعتذار عن هذا الخطأ الذي يعلم الله انه غير مقصود00وربما فهمت سوء ظنكم بي من الاسم عوام ؟؟ لالا انا مش اللي في بالكم
وجزيل شكري للاخ الفاضل صياد الخبر على حسن نيته وحسن توضيحه ولباقته
تقبلوا تحياتي وصلى الله على نبينا محمد وعلى اله وصحابته الكرام وسلم

[mr-albreak]

الله يسامحكم شفتو وش سويتو ترا بعض التسرع جهاله الرجال ما كان يقصد
والله يبيض وجهك يا صياد الخبر هذا الصح المفروض نوجهه ما نهاجمه ولا نبيت النوايا الشينه
والله ماقد شفنا ولا عرفنا حد في هاالمنتدى الطيب يتقصد يهين او يغلط على احد
كلهم وجيهن طيبه ورجال تحطهم على يمناك والله يسامح الجميع
وتاكد يا اخ عوام ان الشباب اكيد ما كانو يقصدون الاهانه لاكن ساعة غضب
والله يهدينا للخير و يبعدنا عن كل فتنه

[سافيلو]

مشكورين ماتقصرررررررررررررون كلم يعطيكم العافيه
بس الظاهر مافيه سمك زين بشاطء الدمام
شفت حداقه كثير يحدقون عن وقت اللعب بالدمام الي على البحر
الي قبل الحلزونه فيه سفينه هناك بالدوار
ويش رايكم بالمكان يقولون كله بلوعات مايصلح ههههههههههه

[الموج العالي]

غفر الله لكم اخواي سويت وكينج فيصل على هذا الهجوم الشرس الغير متوقع 00فعلا غير متوقع لانها لم تكن الا مجرد خطا في الكتابة وللاسف لم انتبه لسقوط حرف الالف عند مراجعة الرد واعتذر اشد واعمق الاعتذار عن هذا الخطأ الذي يعلم الله انه غير مقصود00وربما فهمت سوء ظنكم بي من الاسم عوام ؟؟ لالا انا مش اللي في بالكم
وجزيل شكري للاخ الفاضل صياد الخبر على حسن نيته وحسن توضيحه ولباقته
تقبلوا تحياتي وصلى الله على نبينا محمد وعلى اله وصحابته الكرام وسلم


ههههههههههههه

يا رجل تعيش وتشوف بلاوي

بس حلوه الي في بالكم

ما عليك منهم هذولا عيارين

وعشان الزعل الي زعلوك إياه انا بدلك على مكان في الدمام تشيل بيديك وبرجولك من كثر السمك الي فيه بس على الخاص وهذا كله كيد في الي ردوا عليك بهذ الإسلوب وانا أعرف السبب هو الحسد فيه ناس تجي أماكن بإستمرار وتحسب انها ملكتها

زي مره رحت اصيد عند ليالينا ويجي واحد وش عندك هنا قلت اصيد قال لو تسمح توخر شوي كذا عشان انا أجي المكان هذا من خمس سنوات

تفرجت فيه وضحكت وقلت إذا من هذا المنطلق انت أطلع برا الدمام لني ساكن في الدمام من ثلاثين سنه وأجي أصيد هنا من 15 سنه

شوي ويجي ابوه ويضمني ويحضني وكيفك ابو عبدالرحمن وين الناس وهو يتفرج وفاتح فمه حتى فيه ذبانه دخلت وطلعت من فمه وهو فاغر

على العموم الحسد إنتشر الله يكفينا

[عوام 5]

الاخوان 00 البريك والموج العالي اشكر لكم تفاعلكم مع الموقف
وتعليقكم الطيب وهذا عشمنا بالرجال امثالكم

[هاوي شعري]

تعبت حرقتني الشمس من صباح رايح الين الظهر مافيه الا زمارير
وقرقفنه صغيره مايسوى والله
احد يدلني على مكان بالدمام السسسسسيف انا احدق بسنارة
ياليت والله نفسي اصيد بس احد يعلمني مكان زين

يعطيك العافيه اخي الكريم ما ودك تغير وتدخل البحر وتصيد في الشعري والفسكر يا بو
شوف لك قروب من سته اشخاص وحياكم برحله داخل بحر الدمام فيها المتعه والصيد والتغيير
وتحياتي لك

[العريضي]

مشكورين ماتقصرررررررررررررون كلم يعطيكم العافيه
بس الظاهر مافيه سمك زين بشاطء الدمام
شفت حداقه كثير يحدقون عن وقت اللعب بالدمام الي على البحر
الي قبل الحلزونه فيه سفينه هناك بالدوار
ويش رايكم بالمكان يقولون كله بلوعات مايصلح ههههههههههه

انا اروح اوقات اهناك الصيد جيد حتى الشعري تصيدة هناك انا شكل يومي اروح اصيد اذا حابب نطلع سوى ارسلي على الخاص ومايصير خاطرك الا طيب

[عوام 5]

اخي سويت..اعتذارك مقبول واسال الله ان يعفو عني وعنك
ودمت سالما

[شاهين2007]

بالتوفيق انشاء الله

[KING FISAL]

الاخ عوام 5 اولا اعتذر اذا كانت نيتك حسنه و خطا في الكتابه
اما اذا كنت قاصد فكلامي عن ما كتبت و الله اعلم بالنية و ما للأنسان الا الظاهر

[الرحموني]

الرجاء من الاخوان التريث كما قال الاخ ابو عبدالله (صياد الخبر)

ايضاً احسنوا الظن باخوانكم

اخيراً ادارة المنتدى تمنع اثارة النعرات الطائفية

نحن هنا في هذا القسم نتحدث في كل ما يتعلق بالصيد البحري

وليس من شأننا اي شي اخر

تحياتي للجميع