المساعد الشخصي الرقمي

مشاهدة النسخة كاملة : شباب؟؟ وش احسن بهارات للطبخ؟؟ للشوي ؟؟ للمندي


الكهف1
05/02/2006, 12:10 AM
السلام عليكم
اخواني الاعزاء
ابي منك الفزعة للمشورة
وش احسن البهارات للكبسة
الشوي
المندي؟؟ للحم ؟؟؟ الدجاج ؟؟ الحاشي
للرز

دخلت سوق وحصلت اكثر من عشرين نوع وماركت انواع؟؟ واحترت
ارجو من عندة الدراية عن انواع البهارات وكل طبخة وش احسن بهارات
وشكرا لكم
نسناس ليل
05/02/2006, 01:45 PM
ارحبووووو يالربع.. <<< وصل الشيف (رمزي )هههههههههه عفواً اقصد الشيف ابو فيصل خبره عشر سنوات في المطبخ البري والبحري.. المهم ما ابي اكثر الحتسي عليكم !! قال من مداحها قال امها والمشاطه !! الحقيقة الاسواق فيها اشكال و الوان من البهارات المشكلة بس راح اقولك اللي جربتها بسم الله .... بنسبة لشوي فيه بهارات اسمها ( هاله ) وعندك بهارات هندية طبعاً الكل يعرفها ( مهران ) طبعاً تصلح للحم والدجاج.. بنسبه للمندي انا اقترح عليك انت اللي تسوي الخلطات والبهارات بنفسك لانها ذوووق ولو جيت للكلام اللي يجمد على الشنب اانا اقترح عليك ان مندي اللحم تحط عليه ملح فقط لاغير اما الدجاج تفنن فيه.بنسبه للكبسه ما يحتاج تشتري بهارات جاهزه كلها شوي ليمون اسود-ودارسين- وورق غار- كم حبه عويدي- وكم حبه هيل- ومكعبات ماجي- وماجي ابيض -وفص ثوم وانتهى الموضوع

موفق أخوي الكهف1
الكهف1
05/02/2006, 04:45 PM
مشكور يا الغالي
بالنسبة للمهران فية اشكال والوان
والمشكلة ما تعرف تقراء الكتابة
ومشكورررررررررررررررررررررررررررررررررر
بواسامه
05/02/2006, 09:19 PM
البهارات وانا اخوك دور عجوز تلقطها بيدياتها جعلها تسلم

وتوزن كل كميه وابشر بالنكهه
ثمن اطحنها حسب حاجتك واستهلاكك

وشغل الدكاكين لايهمك وابعد عنه وبذات مهران وشغل الهنود
خشكاري
06/02/2006, 12:02 AM
جربت معظم الأصناف ولم أجد أفضل من ماركة الأمير . . . لايعلى عليها . . . تجي في علب بلاستيكية وتكون البهارات وسطها على شكل طبقات . . . ثم بعد ذلك تقوم بخلط كل الأصناف . . . راح تدعي لي ان شاء الله . . .

شيف البراري والقفار :p / خشكاري . . .
طالب الحور
06/02/2006, 06:59 AM
الشوي خاصة الدجاج عليك بالثوم(مهران)

وأفضل طريقة قرب قدر وضع في ماء قليل وملح ثوم وحبحر و بهارات مخلطة (مهران)


وتبل الدجاج فيه وكثر الثوم وأنا متأكد أنك سترى مايسرك


لكن أنتبه تأكل مصابعك :d :d
نفود الثويرات
08/02/2006, 09:34 PM
عليك بالابهارات اللي تسويها أم العيال ، وخلك من شغل الهند وباكستان ، ما تدري وش داخل العلبة ، شوف حرمة ولا عجوز ودور عندها .
فتى احد
27/10/2007, 03:02 AM
السلام عليكم ...

إذا أنت في حائل أو لك صديق هناك خله يمر على أم تركي في سوق برزان جوار المسجد اللي عند سوق الخضار قرب صراف الراجحي عندها أحلى بهارات حارة وباردة وعندها صرار حائل الحار وعندها لومي أسود حائلي وعندها كليجا ونعناع حئل واللي تبي وهذا رقمها 0505169057 يمكن يرد احيانا ولدها أو زوجها عادي الوضع وهي ماتمانع من الرد على أي رقم وهي صديقة لجدتي من 37 سنة حيث أن جدتي عالجتها وحملت بإذن الله وصارت صداقة حتى الان الله يديمها ويخليها لعيالها .
ابوفهيدان
30/10/2007, 02:12 AM
فتي احد مالقي من بهاراتها في حفر الباطن لاني انا من الكويت وبطلع للحفر عندي لزوم هناك
فتى احد
07/11/2007, 03:13 AM
السلام عليكم ...

آسف على التأخير أخوي لكن مدري والله يمكن تلاقي بالحفر شىء منه وبالحفر أكيد راح تلاقي أشياء جميلة ورائعة .
عسير9998
07/11/2007, 06:42 AM
عليك ببهارات مهران