هل القوس مسموح دخوله المملكة او لا

[فتحي محمد]

http://www.basspro.com/Diamond-Razor-Edge-Bow-Package/product/10206144/-1569139

وهل احتاج الى تصريح وكيف احصل على تصريح

[عاشـق القمري]

اللحين من كثر الصييد وقل البنادق عشان تبي قووس :)


مـا آقدر أفيدكـ
إن شاء الله الإخوان مايقصروون

وموفق خييير

[عشقي الصحاري]

سؤال شنو تبي القووس شنو بتقنص فيه@
تحياتي لك@

[سراي اليل]

مقد شفته ابد لاكن يفيدونك الشباب
بس ممكن سؤال
وش تبي تصيدبه ؟ وذاصيدك زين تراي ابي واحد معك

[أبو حجاب]

والله ما عندي علم

بس عن اللي يسؤلون وش تصيد فيه

من اول ما كان عندهم بنادق بس قوس ورمح

ويمديك تصيد في ضبان

هذا اللي اعرفه

[فتحي محمد]

جزاكم الله خير يا شباب. والله ما ادري ويش اقدر اصيد فيه في السعودية لكنها هواية جميلة.

[وافي الوفاء]

يفيدونك الاخوان تحياتي

[س.س.التميمي]

حلو والله القوسه والشباب لا تستهينون فيه
لا تحكمون علي القوس ذا اللي يطلع بالأفلام الرومانيه وغيره من الأفلام
لا فيه نوعيات جديده خفيفه تطش الجمل بما حمل
ام بالنسبه بالمملكة ما ضنتي ممنوع ام دخوله للمملكه ما عندي خبر
موضوعك اعجبني واذا استجد معك شي بالموضوع وقالو مو ممنوع
دخوله
ابي لي واحد وهذا رقمي بعد إذن الادارة ٠٥٩٩٦٠٣٥٢٤

[يكفيني نظرة]

يوحش القوس خفيف واقشر..

[khhh]

القوس خطير جداااا اخطر من الطلقة وشكرا

[(هزاع)]

قووووووس الضاهر انه ممنوع اول مايقولولك وش تبي فيه وليش بتستخدمه هاه اخاف انك ناوي نيه يالله علمنا والله ان تنشب وحلني لين يقتنعون وتلعن ابو القوس يارجال (فرد)من التراث الغابرابلشونا عليه بالحدود انت وش تقول

[راعي طفات]

حسب علمي أنه ممنوع

لأنه يوجد نادي خاص بالرماية أعتقد أنه تابع لرعاية الشباب

أذكر رأيتهم يتدربون على ماأعتقد في نادي قوى الأمن استعداداً لبطولة خارجية

وكانوا لايأخذوا الأقواس والسهام معهم بل يعيدوها من حيث أخذوها

وبالسابق كانت تباع في محلات الرياضة ولكنها منعت .

وكما ذكر الاخوان فإنها خطيرة ولاتقل خطورة عن البنادق , لأنها أحد أنواع السلاح

[MANSOR QATAR]

السلام عليكم ورحمة الله

اخذ العلم مني انا شخصياً كان معاي واحد من الاصدقاء من السعوديه من منطقة المخواه
ودخلنا محل في فرانكفورت المانيا يبيع اسلحة صيد والقوس واسلحة شخصيه مثل الفرد وغيرها
وكان في المحل شخص من العرب وقال عندكم تصريح ؟ قلنا لا حنا جايين نشتري القوس قال ماقدر ابيع لكم الا بتصريح من بلدكم ومذكور فيها النوع المصرح فيه واذا تبيها هنا ابيع عليك بس بدون فاتورة وانت تتحمل المسؤولية .

وسلامتك وانا أخوك

تقبل مني أطيب تحية وتقدير

[فتحي محمد]

السلام عليكم وجزاكم الله خير. التميمي القوس الي بلاصورة من افضل الموجود. واذا تبي تشتري لازم تجربه اول وترتاح للقوس ويضبط على مقاس يدك. بالنسبة للصيد بعد إذنكم واذا ما احد يقرف انزل صور صيد للخنازير البرية الله يكرمكم. وكذلك صيد حمام بري. السهم يمكن تزويده بانواع من الرؤوس وبحث على يوتوب يطلع لك مقاطع جميلة.
كنت اصيد بالبندقية والشوزن لكن ما هو مثل القوس لانك تقرب للطير او الغزال ٢٠ متر او اقل حتى تصيده غير البندقية من ١٠٠ متر وانت قايل به. ×

[فتحي محمد]

ومن ناحية الخطورة فكلامكم صحيح ولكن ان هديت وتعلمة اصول السلامة وتتبعتها تسلم. الله يكفيكم الشر

[بواردي رحال]

انا الي اخبره انه لصيد الضبان
لكن مساله دخوله المملكه ما اعقتد بيسحمون فيه