مشاهدة النسخة كاملة : يالربع من يعرف صاحب القصيده
نايف الحربي
05/02/2006, 01:36 AM
السلام عليكم
من يعرف من هي له هالقصيده
ناس تعيش وناس تحرم من العيش وناس عليها صعب طرد المعيشه
وناس تدور رزقها بالبــــخاشـيـش وناس تدور عند الأنذال عيشـــــه
واسف اذا كان بالبيوت اخطاء
""
===============
أحبابي الكرام نظرا لكثرة السؤال عن القصائد والأبيات ومن هو قائلها ...من القصائد التي لاتندرج تحت المكشاتي
فقد تم تثبيت هذه الموضوع لفتح المجال أما م الأحبة لكي يضع من يريد أن يستفسر سؤاله هنا
عن ما يجهلة
==
سمعت قديما قصيدة تنسب للخلاوي في ذكر بعض المعالم الجغرافية يذكرها بالترتيب وكيف تتنقل بينها
وقد ذكرها على طريقة :
ثم بعدها سيروا على ....
ثم بعدها تركب على ....
فمن وجدها عند بعض الشيبان فليتحفنا بها
وشكرا
ابو سعيد
06/02/2006, 11:04 AM
هلا أخوي شفاف
فيه كتاب للشاعر راشد الخلاوي عن حياته وقصيده كامل وهو متوفر في أغلب المكتبات.. أنا متأكد انك بتلاقي القصيده المذكوره في نفس الكتاب ..
تحياتي لك
أبومناحي
07/02/2006, 01:35 PM
أنا أقول ماقال أخوي أبوسعيد
ymak123
11/02/2006, 03:27 AM
ناس تعيش وناس تحرم من العيش وناس عليها صعب طرد المعيشه
وناس تدور رزقها بالبــــخاشـيـش وناس تدور عند الأنذال عيشـــــه
معدي المرقاب
12/02/2006, 01:00 AM
اخي تجد القصيدة في شريط يباع لدي التسجلات الأسلامية قصص وقصيد للراوية (فواز الغسلان) من جزئين .
أخوكم معدي
أبومناحي
14/02/2006, 06:31 PM
أنا بصراحه ماعندي علم وأول مررررة أسمع بها لقصيدة
نايف الحربي
14/02/2006, 10:38 PM
مشكورين على المرور يا ymak123
وابو مناحي
ذرب المعاني
15/02/2006, 08:27 AM
بصراحه ماقد مرت علي هالبيتين . بس هالشعر ماهوب بعيد عن اسلوب ابن قضعان ؟؟
لكن وش رايك تكتب صدر البيت الاول في قوقل وسو بحث وانت وحظك
عاشق حسناء
15/02/2006, 12:55 PM
ناس تعيش وناس تحرم من العيش وناس عليها صعب طرد المعيشه
وناس تدور رزقها بالبــــخاشـيـش وناس تدور عند الأنذال عيشـــــه
وطير يطير وطير توه بلا ريش
وطير مع مر الازمان فقد ريشه
الشاعر عبدالله بات
عاشق حسناء
15/02/2006, 01:09 PM
الاخوان ريف النشاما والحضري
السلام عليكم
اقترح تثبيت الموضوع اعلاه ليكون وسيله ومرجع للاخوه الاعضاء والزائرين للبحث عن الابيات والشعراء والذي باعتقادي مع الزمن يصبح مرجعا جيدا ونستفيد من قدرة الجميع بهذا المجال وحفظا لتراثنا
ولكم تحياتي
الاخوان
ابوسعيد
ابومناحي
معدي المرقاب
جزاكم الله خير وما قصرتوا
الديره
17/02/2006, 12:22 AM
بعذر السحاب إليا تزبر ولا هل وبعذر والي العرش لو ماسقانا
سراي ليل
17/02/2006, 01:06 AM
للشاعرة دوسة بنت مرشد الشبرمي التميمية من اهل سميراء في منطقة حائل توفيت تقريباً عام 1260هـ
تبريزة
18/02/2006, 11:45 AM
ياليت من اخواننا بعد ماعرفو اسم الشاعر
يجيبون لنا القصيده كامله
الله يعطيكم العافية
سراي ليل
19/02/2006, 10:01 PM
وهذا أول سؤال /:
راكب اللي من مطار بقيق طارت .....
من القائل
ولكم جزيل الشكر
أبو نمر
20/03/2006, 01:59 PM
أول مره أسمع فيها!!!!!!!!!!
عيون الشوق
26/03/2006, 03:01 PM
لفغففففففففففففففففففففففففففففففففففففففففففففففف فففففففففففففف
عيون الشوق
26/03/2006, 03:03 PM
أناء يالي تبي أراسلك
ابو سليم
27/03/2006, 12:19 AM
وهذا أول سؤال /:
راكب اللي من مطار بقيق طارت .....
من القائل
ولكم جزيل الشكر
والعلم عند الله شالح بن هدلان
بسم الله ارحمن الرحيم
الاخوة الكرام
السلام عليكم ورحمة الله وبركاته
منقائل هذه الابيات
الاياصدفة فيا غرابة دهتني دهشت الرعب اومهابة
وقفت اوحيرا تنظر عيوني وسج الفكر هاجوسا سرابه
الاياونتي ونة صويبا طريح بالخلا والله رمابه
ينادي يطلب الفزعة ولكن مالقى رد الاجابة
وبعد ماظلم عليه الليل جنه من الحظ الردي خمسة ذيابة
لفنه جايعات اومزعنه ومات ابحسرته محدا درابه
اخواني لمن هذه القصيدة ارجو ممن بعرفها الايبخل بها علينا و على المنتدى الجميل
اعتذر عن الاطالة والاخطاء بالقصيدة وذلك بسبب الحفظ القديم
والله يرعاكم
براوي
20/04/2006, 01:30 PM
وهذا أول سؤال /:
راكب اللي من مطار بقيق طارت .....
من القائل
ولكم جزيل الشكر
اللي أذكر مطلع هالقصيده من زمان كانوا يتغنون بها المسافرين بالسيارات قبل الاسفلت
راكب اللي من مطار طريف طارت ××××× يوم طارت بالهوا لفت كفرها
خيال الغلبا
20/04/2006, 01:34 PM
ناس نعرفه من رديين الأخبار .......واليوم تطلب خبرته والمشورة
من القائل
بيرق العزة
20/04/2006, 01:40 PM
ابو مناحي الله مير يسلمك ترانا مقيمين وش هاللطمه مالهااااااااا اي داعي ترانا مقبلين على الصيف واعتقد ان فنيله علااااااااق ارحم من اللطمه والفروه يقوووولووون انك تركب بعد داتسوان 84 بدون مكيف وتصك الدرائيش مسوي حضاري سونا ببلاش هههههههههههههههههههههههههههه ........... مزوووووووووح ياحبي
ريف النشاما
20/04/2006, 09:52 PM
الصخرة
الي يقول مطلعها / يامن يشري قلب همه ملايين ##### ويبيعني قلب من الهم خالي
===
من يشتري قلب همومه ملايين = ويبيعني قلب من الهم خالي
عجزت أعدل مايلات الموازين =الى اعتدل ميزان ميزان مالي
ريف النشاما
20/04/2006, 10:04 PM
يالله يـالـي عـالــم بالـخـوافـي
ياللي هزمت بقدرتك جيش الاحزاب
يالله بدلـهـا بشـتـر وعـوافــي
دام الحشى في غربه ا لشوق ماتاب
اخواني لي شهر ابي اعرف كماله الابيات ومن اللي قالها .........................
قلت مالي الاالذيابه ............................
طالبكم اللي عنده اي معلومات .......... يفيدنا
ريف النشاما
20/04/2006, 10:06 PM
يالله يـالـي عـالــم بالـخـوافـي
ياللي هزمت بقدرتك جيش الاحزاب
يالله بدلـهـا بشـتـر وعـوافــي
دام الحشى في غربه ا لشوق ماتاب
اخواني لي شهر ابي اعرف كماله الابيات ومن اللي قالها .........................
قلت مالي الاالذيابه ............................
طالبكم اللي عنده اي معلومات .......... يفيدنا
=============
أخوي صقور العز
قدرت أجيب لك قصيدة نومك طرب
والثانية إن شاء الله إذا حصلتها اجيبها لك
تفضل نومك طرب
للحفظ كلك يمين وحفظ بأسم
http://www.ahm1.com/noomak852.rm
وأعذرنا على القصور
ريف النشاما
20/04/2006, 10:14 PM
السلام عليكم
انا سمعت جرة الصوت هالصوت ولاادري وشي
اليكم الرابط
http://www.upqtr.com/user/2006/3/16/upqtr_2006316c0b8f2ad1d0dc8f5e.amr
ولكم ازكى تحية
نرجوا من الجميع وضع الإستفسارات هنا
ريف النشاما
20/04/2006, 10:36 PM
فيه قصيده قديمه لشاعر بصراحه ناسي اسمه .. واظنه من القصيم .
القصيده تتكلم عن مدن وقرى القصيم وعن اطباع اهلها وعاداتهم ويفصل كل مدينه لوحدها وبما يمتاز اهلها ؟؟
ياليت من يعرفها يعطينا ايها تكفون يالربع لاهنتوا .
شاكر للجميع
اخوكم ... ترتر
عاشق الضلعان
20/04/2006, 11:18 PM
السلام عليكم ورحمة الله وبركاته
الأخ ((الديره)) البيت اللي تستفير عنه أرجوا أنك تتنازل عنه( بعذر السحاب ليا ترزم ولا هل ... وبعذر .............)
والسبب أرجوا منك تفكيك خفايا هذا البيت ومعانيه وستعرف السبب (نعوذ بالله من ذلك)
أما الأخ ((أبو سليم)) أي شالح يرحم والديك ههههههههه أيام شالح كانت ياراكب حمراء
وإلا ياراكب فوق مايدلي .. لو يسهج العشب ماذاقه ...............لكن الدعوه هذي فيها مطار وطياره
أما الأخ ((براوي )) فالبيت اللي كتبت واضح إن المقصود فيه الطياره وليس السياره لأنه يقول:
(راكب اللي من مطار طريف طارت .. يوم طارت بالهوا لفت كفرها) ومعروف إنه مايطير من المطار إلا الطياره
وإذا طارت تبدا تلف الكفر للداخل تمامآ كما مشروح في الشطر الثاني
وأخيرآ ودي أعرف البيت هذا منهو قائله؟
(((( النوم ساس اللوم بان الردى به ........ واللي يبا الطولات نومه شلافيح))))
خيال الغلبا
21/04/2006, 12:09 AM
عاشق الضلعان
الحر مايرقد ورزقه نهابه ...يدور الغرات عند المصاليح
اللى ذكر له نشر قوم عدا به ...
عاشق الضلعان
21/04/2006, 12:17 AM
واللي يدور المدح يتعب ركابه .. والرزق بأطراف الخطا ياهل الفيح
تغارو المرقاب مثل الذيابه .. وتقابلوا مثل الحرار المفاليح
أخوي خيال العليا
ماذكرت منهو له البيت؟
الصخره
21/04/2006, 12:44 AM
الصخرة
الي يقول مطلعها / يامن يشري قلب همه ملايين ##### ويبيعني قلب من الهم خالي
===
من يشتري قلب همومه ملايين = ويبيعني قلب من الهم خالي
عجزت أعدل مايلات الموازين =الى اعتدل ميزان ميزان مالي تكفا لاتبخل علينا بالقصيده نبيها كامله الله لايهينك
ريف النشاما
21/04/2006, 01:44 PM
هل احد من الربع يعرف من قائل هذه الفصيده ؟؟ ...وياليت احد
يعطينا هالقصيده علي الربابه اذا كانت متوفره ؟؟
ياذيب لا تاكل متوني والاكتا ف= أنا خويك و العرب هملوني
وان مت حطوني على راس مشراف= خل الهوا يطرق محاجر عيوني
ريف النشاما
21/04/2006, 03:13 PM
السلام عليكم ورحمة الله وبركاته
الأخ ((الديره)) البيت اللي تستفير عنه أرجوا أنك تتنازل عنه( بعذر السحاب ليا ترزم ولا هل ... وبعذر .............)
والسبب أرجوا منك تفكيك خفايا هذا البيت ومعانيه وستعرف السبب (نعوذ بالله من ذلك)
أما الأخ ((أبو سليم)) أي شالح يرحم والديك ههههههههه أيام شالح كانت ياراكب حمراء
وإلا ياراكب فوق مايدلي .. لو يسهج العشب ماذاقه ...............لكن الدعوه هذي فيها مطار وطياره
أما الأخ ((براوي )) فالبيت اللي كتبت واضح إن المقصود فيه الطياره وليس السياره لأنه يقول:
(راكب اللي من مطار طريف طارت .. يوم طارت بالهوا لفت كفرها) ومعروف إنه مايطير من المطار إلا الطياره
وإذا طارت تبدا تلف الكفر للداخل تمامآ كما مشروح في الشطر الثاني
وأخيرآ ودي أعرف البيت هذا منهو قائله؟
(((( النوم ساس اللوم بان الردى به ........ واللي يبا الطولات نومه شلافيح))))
النوم راس اللوم بان الردى به=عين تبا النوماس نومه شلافيح
الذيب يرقـد ورزقـه نهابـه=يدوّر الغارات عند المصاليح
اللي يبا الطولات يتعب ركابه=العز باكوار النضا يآهل الفيح
الشاعر - مريبد العدواني
http://www.mekshat.com/vb/showthread.php?mode=hybrid&t=30824
عاشق الضلعان
23/04/2006, 12:15 AM
الأخ ريف النشامى مع التحيه
في الحقيقه أنا لايخفاني أن هذه القصيده للشاعر والعقيد
مريبد العدواني البجيدي العنزي
ولكن سمعت أناسآ ينسبونها لغيره فأرت بيان الحقيقه فقط
وهذه بعض أبيات جدي مريبد رحمه الله من هذه القصيده
الله من قلب تزايد عذابه .. والعين عيت تقبل النوم وتريح
ياالله طلبتك ياسريع الاجابه .. تفتح لنا باب الفرج بالمفاتيح
النوم ساس اللوم بان الردى به .. وعينن تبا الطولات نومه شلافيح
قالو جناب البل تسلل حرابه .. وقالوا جنبها عاشقين الطماميح
وتغارو المرقاب مثل الذيابه .. وتقابلو مثل الحرار المفاليح
واللي يدور المدح يتعب ركابه .. والرزق بأطراف الخطا ياهل الفيح
الله يلوم اللي بخاله خنابه .. يرقد وهو تسفي عليه السوافيح
ثور عقيد القوم ثمن عثابه .. لهم على دار ال ................
هذا مايحضرني منها الآن
ومشكور أخوي مره ثانيه
ريف النشاما
24/04/2006, 05:25 PM
مشاركة: @@طلب بسيط الى الاخ/ راعي اللند@@
[QUOTE=@ابوعبدالعزيز]
السلام عليكم ورحمة الله وبركاته
لو تكرمت اخوي الفاضل بالنسبة للمقطع الصوتي في توقيعك الجميل هل يوجد لة شريط
واذا كان بالامكان تنزل الرابط لأنة رائع جدا جدا
راعي الشقحا
28/05/2006, 01:49 AM
السلام عليكم
لو تكرمتوا من هي له القصيده اللي يقول مطلعها
من قال بالناس قالوبه ××××ومن عال تاتيه عيالي
ريف النشاما
28/05/2006, 02:33 AM
وعليكم السلام ورحمة الله وبركاته
هلابك يارع الشقحا في مكشات وأرحب تراحيب المطر وسررنا بمشاركتك معنا
نتمنى لك المتعة والفائدة
السلام عليكم
لو تكرمتوا من هي له القصيده اللي يقول مطلعها
من قال بالناس قالوبه ××××ومن عال تاتيه عيالي
[line]
وصاحب هذه القصيدة
الشاعر االمعروف محمد بن فهد الحداري
""
نايف الحربي
28/05/2006, 03:13 AM
صدق ريف النشاما القصيده للشاعر محمد بن فهد الحداري السليمي الحربي
وهي من اجمل قصايد الحداري
راعي الشقحا
01/06/2006, 02:52 PM
السلام عليكم ورحمة الله وبركاته
مشكور ياريف النشاما
ومشكور يا نايف الحربي
نايف الحربي
01/06/2006, 10:06 PM
السلام عليكم ورحمة الله وبركاته
يالربع من يعرف منهي له القصيده هذي اللي يقول اولها
اصبر على ماجاك من وقتك اللاش ** واستوا على الشدات راعي عزايم
واخـف الضرر ليـاك تبديه للــواش ** يــشنـاك عـند الناس قاعــد وقايــم
واللـي يتـيه بـقـوتـه في الـنـدم داش **والا الـوقــاعــه مـاوراهـا نــدايــم
وفيها اللي يقول
وصحبات بعض الناس لوجات ببلاش**ماتنبغي لاخير فيها ندايم
الله لايهينكم
نايف الحربي
01/06/2006, 10:09 PM
السلام عليكم ورحمة الله وبركاته
يالربع من يعرف منهي له القصيده هذي اللي يقول في اولها
اصبر على ماجاك من وقتك اللاش ** واستوا على الشدات راعي عزايم
واخـف الضرر ليـاك تبديه للــواش ** يــشنـاك عـند الناس قــاعد وقايــم
واللـي يتـيه بـقـوتـه في الـنـدم داش **والا الـوقــاعــه مـاوراهـا نــدايــم
وفيها اللي يقول
وصحبات بعض الناس لوجات ببلاش**ماتنبغي لاخير فيها ندايم
الله لايهينكم
نايف الحربي
01/06/2006, 10:14 PM
اسف على التكرار <عجل الولد>
ابو زيد
12/06/2006, 02:20 PM
حياك يالحربي
اعتقد ان الابيات للشاعر محمد الفوزان من اهل القويعية..
وياليت احد الاخوان من ابناء المنطقة يؤكد ذلك..
لك وللجميع عاطر التحايا..
فمان الله,,,
.
.
.
ابومرتاح
21/06/2006, 09:55 AM
الليل طال ونوم عيني جفاها *** وعزي العينن نقض الهجر داها
تسعين ليلن حاربت لذة الكرى ***وعشرين عام حاربت من نهاها
امست مع الذكرى على بارقن سرى***باطراف غرى مدلهمن سماها
اخيله من الدوحه جنوبن مغرب *** و شمالن الى الجوان جوده غشاها
سالت به الوديان والصلب والوطى ***والحجر ريضانه تعدت املاها
منازل بني عمي عشاير قبيلتي ***لعل وبل الديم يروي ثراها
دارن لها من سالف العصر ذمه ***زبن الهيف وريف ضيفن لفاها
وايلى وزاها خيرن ضده النيا ***حاديه من ضيم اليالي قساها
يلقى بها الا جواد فعلن ومنسب ***حمايلن تدرا القبايل زراها
حما يلن شرع القبايل اسلومهم*** عزاز النفوس اللي جزيلن سخاها
رجالهم رمز الملازيم خير هل ***الكار الا ول عادته مانساها
كريمن الى زرته وفين الى انتزح *** ويمناه لو تملك حدوجن عطاها
لجواد هم لجواد لو قل وجدهم*** والا جواد ماتحصي مثايل وفاها
كم قيل في الا جواد من سالف الثنا ***فنيو ا اهلها والمعالم نراها
لجواد وصفو بندرن وسط غبه*** والا نذال ضيحن مايذري ذراها
ولجواد ذخر الروح في حومة الوغى *** ستر الفروع اللي عليهم رجاها
يفدون غالي الروح في شان كلمه *** توفي بها بنت العشيره امراها
يالله يارب السما عالم الخفا ***يامنزل سبعن وسبعن بناها
يارب لا تكشف للاجواد غره ***ولا تلحق الانذال غاية مناها
لمن هذي القصيدة ......مشكورين .........
منــاكد
03/07/2006, 12:05 PM
السلام عليكم ورحمة الله...
الشباب اللي يسألون عن القصيدة اللي يقول مطلعه:
راكب اللي من مطار ابقيق طاره....
احب اوضح لكم ان القصيده يوجد به تحريف واجد...
مثال المطار ليس ابقيق بل عريف وهو الأسم الأصلي للظهران...
والقصيدة لأحد اهالي حائل الذين عملوا في شركة أرامكو في بداياتها...
ويمكن احد الأخوان من حائل يقدر يفيدنا بهذا الخصوص...
وهي كالتالي:
راكب اللي من مطار عريف طاره********لا تعدت بالسماء لفت كفرها
لا تعدت بالسماء ثم استداره********عن ظلام الليل وتنور فنرها
واللوالب جددٍ مابه إعماره********ماهي طقت ملفي بالمخلب سمرها
حطت الهفوف والعارض يساره********سايقه باليل مايقدي خطرها
منزله مابين اعيرف والزباره********ديرتن ياعل ماياقف مطرها
كبدي اللي تستعر مثل الزقاره********مثل نار ابقيق مايطفي سعرها
سؤال لإدارة المنتدى...
وين منسق الأبيات؟؟؟
والسلام...
.
برق سرى
05/07/2006, 05:01 AM
ودي اسأل عن قصيدة سمعتها لكن ماني حافظ منها غير بيت
ويقول
ياكاتب التقرير بالعين لي بص&&&واسمع بذانك وافتهم لاتقاصي
ريف النشاما
09/07/2006, 03:04 PM
السلام عليكم ورحمة الله وبركاته...
يا اخوان ماهي القصة الحقيقية لطيور شلوى وطير حوران ...؟ مع القصيد اذا وجد..
وجزاكم الله خير...
مرحبا اخوي الدبل بالنسبه لطيور شلوى هاذي قصتهم تفضل ..
>>>>>>>>>
هؤلاء هم ثلاثة أطفال كبيرهم عمره ثلاث سنوات والأصغر (رضيع) توفي والدهم عجرش وبعده بستة اشهر توفيت والدتهم فلم يبقى لهم من الأهل إلا جدتهم من أبيهم وتدعى شـلوى ونظرا لضيق ذات اليد أصبحت هذه العجوز تدور وسط البيوت تطلب أكل للأطفال..
... فصارت ومن باب الاستلطاف تقول ما عندكم عشا أو غدا لطويراتي تقصد بذلك الأطفال الثلاثة .
شاع خبرها بين الناس وعلم
الشيخ الجربا (
من شيوخ شمر ) بأمر هذه العجوز
فأمر أن ينقل بيتها إلى جوار بيته وقد تم ذلك وكان الجربا قبل ان يقدم الغداء أو
العشاء يقول لا تنسون طيور شلوى
وكان يشرف هو بنفسه على ذلك ومع الأيام كبر الأطفال الثلاثة وهم شويش ...وعدامه....وهيشان... وأصبحوا رجالا يستطيعون القتال .
و
نظرا لارتباط الحلال ( البهائم ) بالربيع رحل الجربا وجماعته إلى مكان
بالقرب من الحدود السورية حيث مكان الربيع والماء وهنا كان تواجد للدولة العثمانيةالأتراك
وأيضا قبيلة أخرى ( تقطن هذا المكان) وكان الجربا وجماعته
....قليلي العدد
مقارنة لكثافة تواجد الأتراك وأيضا عدد أفراد تلك القبيلة ..
هنا طمعت تلك القبيلة وأيضا الوالي التركي بقبيلة شـمر بقيادة
الجربا وأفراد قبيلة الجربا..فأرسل الأتراك مرسال إلى الجربا يطلبون ودي - مثل الضريبة الآن -
اجتمعت شمر للتشاور ...ونظرا لقلتهم وجودهم المؤقت وافق الجربا على دفع الودي
......
وبعد مدة بسيطة طُلب من الجربا أن يكون الودي مطبوق - مضاعف- وهنا أيضا وافق الجربا
وبعد مدة أي حوالي أسبوعين اقبل فرسان الأتراك ومن الجهة الأخرى فرسان
القبيلة الموالية للأتراك وهنا أرسل الأتراك مرسال للجربا وطلب من الجربا أن
يعطونهم خاكور..باللهجة التركية لم يعرفوا معنى خاكور وقال ماذا تقصدون
بالخاكور؟؟؟
قال المرسال (( أي نساء من حريم شمر لجيش الأتراك لغرض
المتعة))
هنا
تدخل شايب من شيبان شمر وهو الشاعر ردهان بن عنقاءمن فخذ المسطح
وكان في مكان بعيد عنه قبور يستطيع الجميع
رؤيتها وهم في مجلس الجربا. انشــد قائلا:
هن يكم ياساكنين تحت قاع
=ما مركم وديٍ تقفاه خاكور
ما إن سمع شـــويش العجرش..هذا الشايب وهو يقصد إلا فز و قال أنا ...وأنا
طير شلوى
اخذ
الشلفا ورفعها بالهواء وعند سقوطها ضربها بسيفه وامتطى صهوة جواده واندفع منفرداً
بشجاعة منقطعة النظير على جيش الأتراك حيث شق طريقاً وسط جموع الخيل ...
والطرابيش الحمر تتطاير يمنة ويسرة من ضرب شويش لرؤوس الخيالة .
هنا لحق به أخواه عدامة وهيشان العجرش
والجربا ومن معه أغاروا على القبيلة الأخرى ..وما هي إلا وقت قليل كان كل شي قد انتهى
.
لقد
تم الانتصار على الأتراك وتلك القبيلة وغنم شجعان شمر والجربا مغانم وكانت هذه احد
الأسباب في غناة الجربا ومن هنا ظهرت شجاعة طويرات شلوى...
الشايب صاحب القصيدة الشاعر ردهان بن عنقاء لا يزال على مركاه في مجلس الجربا يتفرج على كل اللي حصل وعند انتهاء المعركة وتقابل فرسان شمر .. يباركون لبعضهم هذا النصر المؤزر... قالوا :
نبي إذا سئل الشايب عن من مات نقول له : شويش..وعندما سئل الشايب
شويش مات....قالو إيه
انشد قائلا
قالــو شــويش وقلت لا لا عـــدامة
=أو هـيشان ز بــون المــلايـيـش
ما هــو ردى بمـــدبرين الجـهـامــة
=لكن هــوش شويش يالربع ماهــيش
يوم شويش حزم راسه نهار الكتامة
=بالله عليكم لا تحـــكون بــ شـويش
قالو لالا نبشرك حي ....
وهنا ساد الجربا
وجماعته المكان وأصبحوا يأخذون الودي على من تبقى من القوم
نسأل الله أن يحمي أعراض المسلمين....
حسب الروايه ان شيخ شمر بذلك الوقت
مطلق الجربا
محب الطلعات
21/07/2006, 03:18 AM
اخواني من صاحب البيت طول الجدار وقصره الرجل نوماس * لاصار ما لرجل داعن دعاها تصير به قالاتن وتصير به لالات * لومن الربع الادنين ياتي بلاها
محب الطلعات
23/07/2006, 08:20 AM
اخواني مارديتو علي افى بس ماهقيناها الهممممممممممممام يالربع
نايف الحربي
01/08/2006, 11:26 AM
السلام عليكم
اخوي محب الطلعات المعذره ما عاش من يتجاهلك لكن بالنسبه لي والله بحثت بكذا موقع
ماعرفت من قايلها لكن لعل الاخوان الاعضا عندهم علم به
كول بالي
01/08/2006, 11:53 PM
ناس تعيش وناس تحرم من العيش...........وناسصعب عليها طرد المعيشه ناس رزقها بالملايين والجيش.............وناس تدور رزقها من خلاف الدريشه وطير يطير وطير توة بلاريش .............وطير مع مر الازمان فقد ريشة
القصيده للشاعر/عبدالله بات هذة جزءمن القصيدة
ريف النشاما
16/08/2006, 09:32 PM
ديوان مكشات (http://www.mekshat.com/vb/showthread.php?t=30824&page=2&pp=15)
القصيدة للشاعر عبدالله بن سبيل
يالله ياللي تسجد الخلق لرضاه... ياوامر خلقه على حج بيته
تروف من همه على الناس ماابداه... راضي بمقسومك اللي عطيته
من شي(ن) يسم الحيل والعظم يبراه ...والناس مايشفون لو ما شفيته
================
حياك الله اخوي ابو فيصل السهم
هذا اللي اعرف من القصيده والمعذره ان كان بالبيوت اخطاء
يالله ياللي تسجد الناس لرضاه
ياوامر(ن)خلقه على حج بيت
تفرج لمن سده على الناس ما ابداه
راضي على مقسومك اللي عطيته
شئ يسل الحال والجسم يبراه
والناس ما يشفون إما شفيته
قالوا سفا بالحال وش اللي أغواه
قلت آه ويش المنكر اللي وطيته
قالوا جهلت وبان علمك لمنهاه
قلت آه علمي ياملا ما كميته
قالوا ندور لك مع الناس حلياه
قلت آه لو غيره بكفي رميته
قالوا تزوج كود تدله وتنساه قلت آه
لو خذت أربع(ن)ما نسيته
قالوا من أقصى الناس وين أنت وياه
قلت آه ما أنسى يوم جاني وجيته
قالوا نشوفه عند هذا وهذاه
قلت آه ما عمره عقب حجر بيته
قالوا عليل(ن)ناقل(ن)داه برداه
قلت آه بأقرابي وروحي فديته
قالوا كثر شيبك وقلبك بعمياه
قلت آه لو قلبي غرير(ن)نهيته
قالوا نشير ولا نفع ما حكيناه
قلت آه هراج النمايم عصيته
يا ناس خلوا كل وادي ومجراه
قلتوا كثير وقولكم ما لقيته
روح الشمال
17/08/2006, 04:08 PM
اخواني من صاحب البيت طول الجدار وقصره الرجل نوماس * لاصار ما لرجل داعن دعاها تصير به قالاتن وتصير به لالات * لومن الربع الادنين ياتي بلاها
هي لشمري من أهل جبه
لايحضرني اسمه كامل
ريف النشاما
23/08/2006, 07:56 PM
.......................
ابيت جميله وطيبه
من يعرف قائلها ويكملها لنا مشكورا
البيت الاول /
حداني على الخط المزفت ومسري الليل= غلا واحدن لحل طاريه سراني
والثاني
لولا الربابه تركت الجيش= وخليت انا الجيش بالمره
لا تلومني يانقيب عميش=اسلي القلب بالجــــــــــره
من يعرف قائلها ويكملها لنا مشكور
ابرق العزاف
28/08/2006, 04:35 PM
الا ياعيون اللى كشف برقعه راعيه= يتل السبوق وقام راع الولع يشعاه
الايارسولي بلغه ماقدرت اجيه= سلملي عليه وخذ سلامه وعطنيــــــــا ه
منهو راعي البيت وش تكملة القصيده
النشمى اللي ابوه جود خاله يجينا بها
ريف النشاما
07/09/2006, 10:29 AM
الا ياعيون اللى كشف برقعه راعيه= يتل السبوق وقام راع الولع يشعاه
الايارسولي بلغه ماقدرت اجيه= سلملي عليه وخذ سلامه وعطنيــــــــا ه
منهو راعي البيت وش تكملة القصيده
النشمى اللي ابوه جود خاله يجينا بها
-----------------
الشاعر سعد بن جدلان
واتل قلبي تل غرب ربع سانيه=ماعين منه غيرالعراقي راس رشاه
على أبودليق ٍفوق دمث النحركاسيه=سماروبياض ٍيشبه النومن منشاه
اتشعشع أخلوم البدرلافرقه بيديه=يشادي الضباب لياتعدا القمرغطاه
على عودموزٍيجري الماء على ساقيه=وزودٍعلى زمة نباته قراح ٍماه
ألاياعيون ألي كشف برقعه راعيه=يتل السبوق وقام راع الولع يشعاه
ألايارسولي بلغه ماقدرت أجيه=سلم لي عليه وخذسلامه وعطنياه
لاقالواتحبه قلت ماعادنيب أبيه=وأناأشفق له أشفا من سقيم المرض لدواه
أقوي أعزومي كن معادعندي فيه=وأناوالله أني مونس ٍالبلا وأكناه
عروق الحشاماتنبت الإعلى طاريه=تناما على قربه وتهجرعلى فرقاه
فترى من يعدل مولع ٍعن هوى غاليه=مثل من يحاول يعدل السيل عن منحاه
ريف النشاما
07/09/2006, 10:35 AM
اخواني الكرام
من يعرف قائل هذه الصيده ولكن في النهايه سوف اخبركم من قائلها
وشكراً لكم
لكن اهم شيئ التفاعل يجديه
"""""":::::::::""""""""
مزاجي من جفا الغالي تكدر ... دخيل الله لاتخرب مزاجي
تنا م و من يود ك منك يسهر ... وحبك بالحشا صاطي ولاجي
انا لولاي اجامل وا تصبر ... لاشق الثوب لو مالي خراجي
انتظر ردودكم
وشكراً لكم
احيكم ابوسامي
(( الـزلـــــــــــــــــــ باحث اثارـــــــــــــــــــفي ))
اللهم انت الشافي المعافي اشفي اخينا ((الـبــــــاهـي))
ريف النشاما
09/09/2006, 12:03 AM
السلام عليكم
اخواني صبحكم الله بالخير
الحقيقه الكتاب باين من عنوانه
انا مرادي ماهو بفرد لونين ولا شبح ماهو بحسبه قليله يليت تكملة القصيده
ومشكوررين مقدما
........................
ريف النشاما
12/09/2006, 11:06 PM
السلام عليكم ورحمة الله وبركاته
ابغى الله لايهينكم ألفية بن عمار كامله اللي يقول في مطلعها:
ألف اولف من كلام نظيفي ** ودموع عيني على خدي ذريفي
------------------------------------------
السلام عليكم............
هذا طلبك اخوي فتى التويم....
الفية ابن عمار
[color=red[/color]
الف اولف من جوابٍِ نظيفــــــــي
............. ودموع عيني فوق خدي ذريفــي
من لام في حب الحبيب وليفـــي
............. دقـاق رمش العين سيد الخونـدات
خوندات الذي ما بعد عاشرنـه
................ قله تراهن بالهوى يذبحنــــــه
قلبي وقلبك من عروقه خذنـــــه
.............. عزي لمن مثلي تعرض للافـــات
البا بليت بحب خلي علــى ماش
.......... ولاحصل لي منه ما يبرد الجــــاش
غديت انا واياه طاســه ومنقاش
........... بالوصف كنه يالمعزي سلامــات
سلامات الذي يذكرونـــــه
........... يبغي المعزة منه وهي المهونــــه
يقول طيب مير غارت عيونـــه
........... سبب ولدكم واحد صابه ومــــات
التاء تبعت الزين والزين مقفــــي
.......... امشي وحتفي شايله فوق كتفــي
لاشفت مجدول وكتـــف ورد في
.......... ماقوى التفت لو طوحولي بالاصــوات
اصوات قالوا ياهبيل وسايــــح
.................. طرد المقفي يالـشقاوي فضايــــح
قلت ماريد اشواركم والنصايــــح
..................مثل المطر فوق الطياس المكفــات
الثاء ثمانه حب رمان طايـــف
.............او قحويان ٍ في رياض ٍ عطايــــــــف
متنقلٍ بالزين سيد العفايـــــــــف
.............. عمهوجة ٍ فيها من الحور شـــارات
شارات فيها من ظبي الحمــادي
.................... هي لذة الدنيا وغاية مــــــرادي
وان كان راح صويحبي من بـلادي
................... عليه جاوبت الحمامة بالاصــوات
الجيم جاني من عشيري سلامــي
........................ ولا لقينا من يرد الكــــــــلامي
عليه زرع القلب هايف وظامـــي
.......................مالي جدا كود البكاء والتنهـــات
ابكي على ما فاتني من زمانــي
...................... يــوم الحـبـيّـب زارنــي فـي مكانـي
وراي ماخذت القضاء يوم جانــي
..................... توي دريت البيض فيهن غــــــرٌات
الحا حليه في الوطن ما لقيتـــه
........................ عذلت قلبي عنه ولا قويتـــــــه
لوه يذكــــر يم مـكه نصيتــه
..............انصـا ه لو بيني وبينه مسافـــات
مسافات في وسط البحور الظــلامي
...................... في وسط بتيلٍ حداه الـــولامي
والى حصل لي بلوغ المــرامي
..................... اصبر ولو دشيت بحر الظلمــات
الخاء خليلي صار مني قـــريبي
.................... جعلي نصيبٍ له وهو من نصيبـي
ودي أواجه نور عيني حبيبــــــي
....................... مار الوحيد لهيد ما فيه نوهــات
مافيه نوهات ٍ ولو من غثا البال
.......................... دب الليال مسِيم عمال بطــال
والى استراح البال عن ذيك الأحوال
...................... دنياك هذي ياريش العين نشبـات
الدال دامي ما قضبت الذوايــب
....................... لـو قـيــل طيب قـلت ما نيب طايــب
دنو استاد القبر ودنو النصايـــب
.......................... ودنو دواة الحبر نكتب سجـلات
سجلات اريد اكتب لي وصيــه
.......................... عمري غدا يا وجد اهيلي عليــه
قولو لصافي اللون ياقف عليـــــه
......................... ياكود يرجع ويتحسف بما فـــــات
الذال ذالي عنه مدة ليــــالي
......................... لـو قـيـل طـيب فأنا انا أبخـص بحالــي
والله مايطري علي شف بالـــى
............................. الا انت يا راعي الثمان الرهيفـات
رهيفات فـيـهـا للمشقى طرابـــه
.............................. مجمول مدلول ٍ ولا به طنابــــه
هنـــي من يـدخـــل معه في ثيابــــه
............................ وأسـج انا وياه في العمر سجــات
الراء ردوف صويحبي ثقلنــــه
................................ مثومنٍ ماحلى بياضه ودنـــه
ونهوده الثوب الحمـر شلعنــــه
.............................. والساق فيها مثل عرق الارطات
ارطات غرمولٍ ذرته الـــذواري
................................. والله يالولاي من الناس اداري
لأضوي عليها مثل ذيب الغـــداري
........................... جايع وبـا لـغـابـه عياله مجيعـــات
الزاء زماني شفت منه الهوايــل
............................. لاعاد حظي فـي الغنادير مــــايل
وراي ماا ترك قصير ٍ وطايل
........................... مار العقل يادبب هيهات هيهـــات
هيهـات لو ان العـقـل فيه لبـه
................................ ما كان يتبع واحد ما يحبــه
ليصار هرجه لك خريطٍ بدبـــه
......................... وش لك بشوفه يالعيون المشقـات
السين ســقـنـامن الدراهم وعيـــا
.......................... واللي نبي من صاحبي مــا تهيا
يقول والله لو تحب الثريــــا
......................... خذني على السنة تشوف الطرابـــــــات
طرابات ينسنك جميع الــــدروبي
.......................... ياكود في باقي حياتك تتــوبي
اجعل مقرك بين جلدي وثوبـــي
.............................. حتى تشوف البيض فيهن جنا ت
الشين شاب الرأس ياعذب الانيــاب
............................... والـلي برجوى توبته ذاك قدتاب
مارن ان بدالي عازة فافتـــح الباب
................................الله غفورٍ عـالـم ٍ بالخـفـيـات
خفيات انا فيك يازين مفتـون
........................ من حبك اسهر والخلايق ينامــون
الهيتني عن مذهب اللي يصلــــون
........................... ما عاد اميز لو قـرآن التحيات
الصاد صيدي يوم الاوي غريمـي
....................... شفق ٍعلي الحبه وشد البريـمي
مهوب صيدي قلة في الحريــمي
...................... لا شك كل ٍ له مع الناس مشهــات
مشهات فيك ياظبي الفريــدي
........................ حب الملا ينقص وحبك يزيـــدي
لا شفت زولك ذاك هو يــوم عيــدي
......................... تصبح بساتين الضماير مريفـات
الضاد ضد ٍ حال بيني وبينــه
........................... يقول هذا صانعٍ ٍ لاتبينــــه
عسى الولي يبلاه في صبي عينــه
.......................... عساه يسهر من الليل ساعـات
ساعات فيها ما يشوف الجــدارا
.......................... ولايعرف الليل هو والنهــــــــارا
وعساه يوم البعث يحشر حمــارا
........................محمل من حمل الاسراف سيئــات
الطاء طويت اليأس والسد باحـي
.......................... وما عاد لي شف ٍ بظبي البياحـي
لعلها هفت خفـــــوق الجناحي
........................... اللي سبوقه فوق رجله مطــوات
إمطوات و طار في يوم هبــــــــه
.................. راعيه لو رز اللواء ما ينبـــــــــــه
شاف الحباري رابضات بخبه
........................... يبي العشاء من بين فخـذ ٍ وفندات
الظاء ظمانه لا تعـاشــر لك اثنيــن
............................ لازم تخلي عشرتــك يامسيكيـن
واللي ابتغى بالمرابط حصانين
............................... يجي لهن هز ٍولزٍ وصقــلات
صقلات يصقل كل ماجا طعامـه
........................ يجري لهن مــع المعيشه بحامـه
افهم كلامي يالهبيل الفدامــه
.................. إلي جمعت الحصن فالحصن خطـرات
العين عن من ينقل الهرج حــذراك
..................... تراك كنك شايلٍ داك بــــــــــــرداك
إلى سمع له هرجةٍ مــن حكايـــــاك
....................... يحطها مثل القصــور المبنــــات
يبني عليها كبر راس الغرابـــــه
........................ ويكدر المشروب عقب الطرابــــه
وهو يشابه بومة ٍ في خرابــــه
.......................لاينّقل هرجــــه ولا كفو هرجــات
الغين غاب العقل باول شبابـــي
........................... وادميت من تلعات الارقاب نابـــي
واليوم شاب الرأس والكيف طابي
........................... ماني على الفايت كثير الحسوفات
حسوفات لاتفرح على اللي يجي فيك
.............................. ايضا ولاتندم على اللي مضى منك
مدراك لو هو خيرة صدتـه عنك
............................ناهيه والي العرش رب السموات
الفاء فؤادك لاتوليه حساد
....................... واحذر يجي لك مع اهل الفي مقعـــــاد
اضحك وكنك عن جميع العـــرب صاد
........................ ثم اعتبر بالذيب يضـوي بغرات
يضوي بغرات وهم ما دروا بـــه
........................ واللي يوقف في المحاري حكوا بـــه
كم واحد وقف ولاقضى نوبــه
..........................يكسر الى شاف اللحم كنه حــدات
القاف قل للي يريــــد النواميس
........................ واللي شقى بالهوى يرخـي الكيس
الا بذلت النفس والكيس وابليـس
........................... يطيح ناس ٍ يدعون الديانــات
طاحوا وصاروا للخلايق علاجــه
...................... يلقى بهم راعي الهوى قضي حاجـه
وإلانثرت الحب جتك الدجاجــه
..................... حارت وباضت لو تبي عشر بيضــات
الكاف كن السد في كل الاحـوال
........................... واحذر لسانك لايقولون ذا قـال
حتى تجي عند العرب خوش رجـال
................... لا صرت بالمجلس نواظرك صقـلات
صقلات لا تجلس مـع اللي يشاكيك
.....................هو علتك ودواك هاللي يشانيك
ياذيب كان الله على الرشد هاديـك
.................. اكتم كلامك بالضلوع المحنـــات
اللام ليت العمر ينكس لحلـــــه
..................قيمة ثلاثين السنه هي محلـــــه
الرجل قبل الشيب يا حلو دلــــه
................... وان لاح فيه الشيب ما فيـــه لذات
مافيه لذات ٍولا يقبلونه
.................. لو حط له رده وكحل عيونــــــــــــــه
اهل الهوى عقب الغلا ينكرونــه
..................... لوهو مصافيهم على فايتٍ فــات
الميم ما غيري من الناس جـــرب
....................... وماغيري أحد في حياته تطــرب
لاويت صافي اللون فوق المضـرب
..................... كن العدو عني عيونـه مـــداوات
مداوات جعله ما يجي لك عبــاره
....................... واللي بصد ٍعنك وش لك بكــاره
الحذر ما ياطا بوسط الخبــاره
....................... لازم يجي فيها عقارب وحيــــــات
النون نام الحظ ولا فيه حيلـــه
.......................... عيا يباريني وانا ازريت اشيلــــه
من يوم خلاني عريض الجديلـــه
..................... دليت اكسر في حشا الصدر عبــرات
عبرات اكسرها بداخل ا ضلوعـي
...................... عليك يا خلي حسين الطبـــــــــوعِ
عليـك ما جفت محاجر دموعــي
..................... دايم عيوني في مهاواك سهـرات
الهاء هواي الخافية يالفطينــي
...................... والعاشرة ياللي تعرف الرطينــي
مخفية ما ودي لضدي يبينـــــي
.................... والتاسعة تحصاه باعداد الاميــات
اميات مات القلب من كثر همـي
...................... واشكي عليك الحال يا ولد عمـي
انته عضيدي وانت لحمي ودمـي
..................... ترضاه يجفاني ولانيب مجفــــات
الواو ويل اهل الهوى من هواهـم
................... ان كان هل اللي سم حالي وطاهـم
كم ليلة ٍيصبح جفيفٍ عشاهـم
.....................الالقيمات ٍ مع الحلق مـــــــــرات
مرات لين اقضي من الترف شفـي
...................... واوسده عضدي وزندي وكفــي
واكشف عن اللي غابي ٍ وامتخفـي
.................... حتى يجي للأكل والشرب لـــذات
اليا يحبه صلف ومراقده كلــف
.................... لو هو يتمم مطلبي كان اقول الــف
حيثه يقرر لي على الحب بالعــرف
..................... والا فغيره لو يبي عشر بيـــزات
بيزات ما افلها لغيره بلاشي
................. من جنس رأس الظبي ما ابي عراشي
الا لمن ما يه على ماه مــاشي
...................... هذاك من يمه فلوسي رخيـّـات
وسلامتكم
(منقول)[/CENTER][/B]
ريم البحرين
13/09/2006, 08:02 PM
السلام عليكم
بصراحة المنتدى عجبني كثير والأكثر منه وجود الأجاويد الطيبين
انا عندي ولع في قصايد المدح الشعبية وقصايد المقناص لان زوجي يهتم فيها بس إذا سمحتوا تقدرون تزودوني الله لايهينكم بأي قصايد تكون للنشاما مثلكم وشرواكم
تحياتي
طويل الباع
15/09/2006, 03:45 PM
مـن روائـع ... الشــاعــر عبـدالله بـاتـل الـرشـيــدي ،،،
أعجبـتـنـي كثـيـرا"
بما فيهـا مـن التمـيز والحكمه
والـوصـف الحقـيقـي ،،،،
أرجـو إن تنـال أعـجـابـم ،،
بعـض العـرب ماينعـطـى وجــه بالحـيـل
وإلـيـا عطيـتـه وجــه صــار آلــك عـلـه
وبعـض العـرب مالـه سنـع لـكـن حلـيـل
بـالـضـبـط كــأنــك لا تـمـعـنــت ظــلـــه
وبعض العرب شقراء وشقراء مع الخيل
ماينـفـعـك لــــولا الــرمــوش الـمـظـلـه
وبعـض العـرب لا يعجبـك ثـرثـرت لـيـل
وبــاكـــر تـــــرى مـاقــالــك شـــــي لله
وبعض العـرب مرسـال مـدري مريسيـل
يـسـايـر الـعـالـم وهــــو حــاصــل لــــه
وبعض العرب يصلخ وينفـخ وهـو ريـل
وفــي زعـمـه انــه يفـهـم الـكـون كـلــه
وبعـض العـرب ماغيـر بـنـدق ودربـيـل
ومـنـيــن مــاهــب الــهــواء جـايــزلــه
وبعض العـرب يطلـع كمـا طلعـت سهيـل
ويـغـيـب نـجـمـه قــبــل دربــــه تــدلــه
وبـعـض الـعـرب يـذيـك بالـقـال والقـيـل
تجـلـس مـعـه سـاعـه والأخــرى تـمـلـه
نـذل وخسيـس يفصـل الـهـرج تفصـيـل
وإلــيـــا لـقــالــه طــيـــب" يـسـتـغـلــه
وبعـض العـرب منظـر وكشخـه وتحليـل
شـبـح بـحـال وحـــال" أخـــرى كـرلــه
لاشـفـت زولــه مــن خـيـار الرجـاجـيـل
وإلــيـــا عـرفــتــه مـاتـجـيــه بـمـحـلــه
وبعض العـرب ماضيـه ليـل" علـى ليـل
قــــد بـصــمــوه وصـــــوروه الادلـــــه
وبـعــض الـعــرب لا والله الا تـهـاويــل
مـهـمــا عــقــدت الـحـبــل لازم يـحـلــه
قــــد دربـــــوه ولـكــعــوه الـرجـاجـيــل
مــن قـبـل لا يصـيـر الـحــدث جـاهـزلـه
وكانـك شجـاع" روح حـارب أسرائـيـل
قــبــل الـيـهــود الــقــدس لا تسـتـحـلـه
وكـلـش يـهــون الا الـثــلاث الغـرابـيـل
الـمـهــزلــه والـمـسـكــنــه والــمــذلـــه
نايف الحربي
16/09/2006, 01:02 AM
مشكور ياطويل الباع
صراحه قصيده ابداع ابداع
صح لسانك وصح لسان الشاعر عبدالله بن باتل
ابرق العزاف
16/09/2006, 02:20 AM
-----------------
الشاعر سعد بن جدلان
واتل قلبي تل غرب ربع سانيه=ماعين منه غيرالعراقي راس رشاه
على أبودليق ٍفوق دمث النحركاسيه=سماروبياض ٍيشبه النومن منشاه
اتشعشع أخلوم البدرلافرقه بيديه=يشادي الضباب لياتعدا القمرغطاه
على عودموزٍيجري الماء على ساقيه=وزودٍعلى زمة نباته قراح ٍماه
ألاياعيون ألي كشف برقعه راعيه=يتل السبوق وقام راع الولع يشعاه
ألايارسولي بلغه ماقدرت أجيه=سلم لي عليه وخذسلامه وعطنياه
لاقالواتحبه قلت ماعادنيب أبيه=وأناأشفق له أشفا من سقيم المرض لدواه
أقوي أعزومي كن معادعندي فيه=وأناوالله أني مونس ٍالبلا وأكناه
عروق الحشاماتنبت الإعلى طاريه=تناما على قربه وتهجرعلى فرقاه
فترى من يعدل مولع ٍعن هوى غاليه=مثل من يحاول يعدل السيل عن منحاه
مشكور ريف النشاما وتستاهل البيضاء ياجويد الخال
أبو الليل
16/09/2006, 11:29 AM
سعداء بوجودك معنا
ياطير يا خفاق ودت المراسيل... وإحمل سلامي في جناحك وشله...
لا جيت ذيب الرجاجيل ... في مجلسن كل النشاما تدله...
حبة خشم ثم قبل الراس تقبيل... حبة غلا وإخلاص من صاحب له...
أرجو أن تنال إعجابك ياريم البحرين وتحياتي لك ولأهل البحرين
صاروم
19/09/2006, 11:54 AM
اخي = نايف الحربي
اعتقد والله اعلم ان القصيدة لبن عفيشة الهاجري
التي ارسلها لصديقة العجمي في الكويت
واذا اتسع الوقت انشاء الله سوف اورد القصة والقصيدة
عن قريب = اذا تمكنت من جمع معلوماته بالشكل الصحيح
عذاب المزايين
21/09/2006, 05:38 PM
السلام عليكم ورحمة الله وبركاتة
تكفون من عندة قصيدة عشق بدوي لشاعر سعد الخريجي
ينزلها على الموقع
وأكون لكم من الشاكريييييييييييييييييييييييييييييييييييييييييييي يييين
"روضان النهدي"
21/09/2006, 06:44 PM
نويت مرباع الغضي سيد الاحباب = قصدي يزول الجرح زاد التهابه
جيت وبقايا نارهم حول الاطناب = بيت الشعر مطوي وباقي زهابه
على غزير الدمع ضميت الاهداب = صديت لين الدمع يكفي سحابه
بعض الوجاع يمكن تداويه الاعشاب = بعض الاوجاع يا ويل منهو سطا به
عشق بدوي لا حب ماهوب كذاب = يوفي ولو جرحه تجدد صوابه
واليوم وصلت بيننا مثل الاجناب = ذاك الغلا يا ضيعته يا سفابه
باكر اذا جينا لهم مثل الاغراب = من بعد ما كنا الاهل والقرابه
الامر لله كل شي له اسباب = والا الهوى وش لي على هد بابه
وشلون قلبي ما يجي اليوم منصاف = على الرجم منقوش بعض الكتابه
حتى اثر مشيه مع سهول وهضاب = مره يبين ومره ما يندرى به
قلبي من الفرقا صويب ومرتاب = كنه غدى نصفين منهو لفا به
حزني عليه انه تسبب ولا طاب = نظره طبيبه عجلت في ذهابه
ريح الخزامى والنفل زين الاطياب = يشدني ريح السمر في ثيابه
لا اقبل نسيم الليل له خيل وركاب = وله في طلوع الشمس عز ومهابه
ترااه منقوول من احد المنتديات ,,
آل عزيز
22/09/2006, 09:52 AM
الله يحيك يا ريم البحرين
وهاذي القصيدة انا نقلتها في هالخيمة ان شا الله انها تعجبك
ياما بقلبي من هواجيس وافكار&&&&&&&وافز لا جا للمقانيص طاري
اذكر زمن فراع وايام مختار&&&&&&&ايام يوم انا نصيد الحباري
في خايعٍ كله زبيــدي ونـوار&&&&&&&والسيل توه في مطاويه جاري
ناطى الراوابي مع عذيات الاقفار&&&&&نمشي النهار ولا نهاب المساري
من خشم عنزا للعكيشات وايسار&&&&&&مهاوي للصيد فيها محاري
دار سقاها السيل من سحب وامطار&&&&&مدهال ريمي الخلاوالعفاري
يازين فيها هدة الطير لي طار&&&&&&&تالي النهار في حلول الصفاري
والباقي تلقينه في الخيمة باسم للمقانيص طاري
اخوك آل عزيز
سيف كحيلان
04/10/2006, 01:38 PM
السلام عليكم اخوي نايف
شكل سرد واسلوب القصيده للشاعر بندر بن سرور رحمة الله علية وعلى موتى المسلمين والله اعلم
تحياتي للجميع
اللهم صلى على نبينا محمد
جلمود1
05/10/2006, 04:11 AM
سمعت من أحد كبار السن ها البيتين وسألته من قائلها فأفاد بأنه لا يعرف القائل
تكفون من يعرف ها الشاعر الفذ قائل ها البيتين
ابيات في منتهى الروعه وليس أي شاعر يعطيك قصيدة في روعة ها البيتين
تلحق على بعض الرجال الملامه
اللي بمشيه مايقدي مواطيه
اللي يتيه بليل عذره ظلامه
واللي يتيه الصبح وش يعتذر فيه
.
نايف الحربي
05/10/2006, 08:12 PM
حياك الله اخوي جلمود1 بحثت ولقيت انها لشاعر اسمه
الشاعر:عبدالله بن فرحان منقره رحمه الله
الصراحه بيوت من ذهب تسلم يمينك
عبــادي
08/10/2006, 03:56 AM
السلام عليكم
بغض النظر عن المقطع لكن أنا أعجبتني القصيدة
اللي يعرف القصيدة أو الشريط الموجودة فيه يعلمنا الله لا يهينه
http://www.up4ksa.com/pic/download.php?filename=a29a644142.3gp
مرير الحبيل في شريط وصف الثاني
عبــادي
09/10/2006, 02:48 AM
مشكور أخوي طلو
ماقصرت ,,
الدبل الثقيل
13/10/2006, 07:18 PM
السلام عليكم ورحمة الله وبركاته....
يا اخوان نبغى تكتبون قصايد الشاص الموجودة في شريط الشاصي ... والقصايد للشاعر صالح الزيد ...
ومنها
سلامي ياللي عاشق وقت الأمطار ... ترجي عسى برق الوسم تستخيله
اللي بدا تجهيز قطاع الأوعار....... الشاصي اللي مايبيله دليله
تكفون ... الله يكفينا واياكم ما أهمنا من أمر ديننا ودنيانا...
ALBDRANE
14/10/2006, 01:50 PM
الا قصيدة :
أحد عشاه القرص ومفطح الحيل واحد رغيد ويلهط الكبد حره
واحد يلاعب لابسات الخلاخيل واحد عجوز وشاف منها المضرة
هل منكم احد يعرف القائل وتكملة القصيدة وتحية للكاتب
أبو شعلان
14/10/2006, 02:02 PM
أخوي البدراني تكملة القصيدة :
وأحدن يصجة حس صوت المحاحيل *** وأحدن تشفّق بالشهر صب كرّة
الله يعـدلها عـــن الضلـــع والميــــل *** ولا يميلهــا علـــى الناس مــرّه
أما قائلها .. لايحضرني الآن للأسف .. كان ودي أخدمك والله ... العذر والسموحة ...
,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,
:j
الدبل الثقيل
16/10/2006, 04:53 PM
ان شاء الله تردون .... لو بعد العيد .... شكلكم داخلين جو مع رمضان .... الله يزيدنا واياكم من فضله...
سالم المرواني
19/10/2006, 02:09 AM
ان شاء الله تردون .... لو بعد العيد .... شكلكم داخلين جو مع رمضان .... الله يزيدنا واياكم من فضله...
سكّين
19/10/2006, 05:40 AM
اشارك بـ جزء من قصيدة يابو سعد :)
يابو سعد راح الشتاء وأقبل الصيف = هذي معاصيره وهذي سمومه
دوق النفود يدري عن السيف = بالأمس غارق مغرقاته غيومه
وقت يدور ولايجيلك على الكيف = تغيري ياما تغير نجومه
بامر الذي بيديه كل التصاريف = بأمره يروح وبأمره تدومه
راس غليص
21/10/2006, 06:07 AM
السلام عليكم ورحمة الله وبركاته
أخواني الاعزاء
لاهنتوا من يعرف قصة غليص لايبخل علينا
وكل عام وانتم بخير
خيال الصبحا
21/10/2006, 06:34 AM
السلام عليكم ورحمة الله وبركاته
أخواني الاعزاء
لاهنتوا من يعرف قصة غليص لايبخل علينا
وكل عام وانتم بخير
وعليكم السلام
هلا بك بين أخوانك
في منتدى مكشات
الصحيح غليس وليس
غليص .وهو الي عليه المثل
(لـــــقــــطـــة غــــلــــيــــس)
*وهذي القصه المختصر المفيد*
وهذا يقولك فيه رجال ينقال له غليس
(سمعت انه دوسري وانا والله ماني متأكد)
يقولون لقى له رجال صويب (يبي يموت) المهم
انه اسعفه واخذه معه وعالجه واهتم فيه إلين شفاه الله
المهم أن الرجال هذا(الي كان صويب)يوم شافاه الله ذبح غليس
وسرق حلاله وماله.الله يكفينا شر كل راعي شر.وسلامتك
عذاب المزايين
21/10/2006, 06:41 AM
قصة راس أغليس تجي بقناة قطر الفضائية الساعة 9ونصف
معقد الشوش
21/10/2006, 07:27 PM
السلام عليكم ..
قايلها الكثيري من أهل
الحريق - شاعر قديم ..
bin7eyey
22/10/2006, 02:40 PM
مطلوب قصيده في الهدد 2006 لو ماعليكم امر وشكرا
كحيلان 11
22/10/2006, 11:45 PM
يا الغالي ارسلي ايميلك على الخاص وتجيك مسموعه بإذن الله
كحيلان 11
28/10/2006, 05:49 AM
وفي قناة الراي الشاعه 12 في الليل
بس في رمضان وانشاء الله يعيدونها
almahmoud
31/10/2006, 02:02 AM
ناس تعيش وناس تحرم من العيش...........وناسصعب عليها طرد المعيشه ناس رزقها بالملايين والجيش.............وناس تدور رزقها من خلاف الدريشه وطير يطير وطير توة بلاريش .............وطير مع مر الازمان فقد ريشة
المرسل /نبيل سويلم الرشيدي من ينبع البحر هذه القصيده لاشاعر/عبدالله بات هذة جزءمن القصيدة
http://www.mekshat.com/pix/upload/sign/images/mk25544.gif
الدبل الثقيل
31/10/2006, 02:32 PM
جزاكم الله خير .... نتمنى المزيد تكفون...
ابرق العزاف
02/11/2006, 11:26 PM
ابيات القصيده
ماتصيرمصيبه الا لهاسبه =هاضني غرو(ن) من البيض مربوعي
من يعرف تكملة القصيده واسم الشاعر يتفحفنا بها مشكورا
ابوهديل 8
04/11/2006, 08:03 PM
مساك الله بالخير اخوي باسل 1 ويسعد مساك وكل عام وانت بخير وعافيه لو صبرت شوي الله يهديك تونا مخلصين صيام رمضان وهذي القصيده فيها وصفٍ ماخلا شي الشاعر لا ويقول وتقبل تحياتي . اخوك ابو هديل
ابرق العزاف
05/11/2006, 08:06 PM
شكرا لابو هديل على المرور
الله يهديك ويهدينا كذلك
والقصيده اغمق من كذا
وليش ماحد جاوب الى الان
املى الاجابه
شكرا
الكونترولCONTROL
06/11/2006, 09:05 AM
هل أجد أشرطة فيها قصايد أحمد الناصر بصوته ؟؟؟؟
===============================
أرجو إفادتي ....
=============
خليف العيد
06/11/2006, 08:26 PM
اخي الكنترول
حياك الله اخي العزيز
نعم يوجد اشرطة احمد الناصر بصوته
شفاه الله تعالى فهو يعاني من وعكة صحية
وإذا تبغى ابحث لك عنها ارجو مراسلتي على الخاص
وتقبل تحياتي اخيك
ابوسامي
الـزلــــــــــــــ باحث اثارـــــــــــــــــفي
الدهماني
06/11/2006, 08:39 PM
اخي الكنترول
السلام عليكم ورحمة الله وبركاته
هناك تسجيل صوتي لبعض قصائد بن ناصر وبعضها يغنيها بصوته
وهذه الأشرطه باسم أمسية العمر وهي شريطين
تذهب إلى أي تسجيلات وتسأل عنها وستجدها
المميـز
11/11/2006, 08:15 PM
اخوي الان في التسجيلات الاسلاميه شريط جديد اسمه الهدد مايبيله الا هدد
كله قصايد عن الهدد وعليه صورة هدد
المميـز
11/11/2006, 08:26 PM
بسم الله الرحمن الرحيم
السلام عليكم
مثل ماهو واضح من العنوان مطلوب قصيدة بالباترول السفاري
سواء تكون مكتوبه او مسموعه كلها تمام
انا سمعت قصيده جدا راااااائعه في شريط اسمه VXR للشاعر فريس الجربا
وفيه قصيدة في بداية الوجه الثاني للسفاري ومطلع القيده يقول
وقفت في تالي الليل والخيط ماشق ... ؟؟؟؟
للأسف ماسمعتها الا مره وحده وما مدني احفظها
لكن انا انتظر القصايد اللي عندكم واكون لكم شااااااااااااااااااااااااااااكر جدا
الله لا يهينكم
ابرق العزاف
22/11/2006, 09:58 PM
بمناسبة جريان وادي الرمه تذكرت البيت اعلاه
من يعرفه هووقصته لايبخل علينا بها
شكرا
ريف النشاما
22/11/2006, 10:26 PM
يـا(دِبْــي) ماعـيـنـت لـيــه عـشـيــري
على { قنا.. و..قنـي } داجـت رعايـاه
وعلى((الثـمـامـيـه)) يذكـرعـشـيـري
علـى القليـب الطـارفـه.. لادرج مــاه
وأشـوف (رخـه) تــدرج مــن ونيـنـي
و(عصيـفـره) قـامـت تــدور المهـبـاه
و(وادي الرمه) من دمـع عينـي يسيلي
وراع((الحليفه))يسقي الحب من ماه
قلـت آه... مـن غصـن ٍ تعلـق شليلـي
يامـن يفلكنـي مـن الغـصـن وأجــزآه
ابرق العزاف
23/11/2006, 01:13 AM
شكرا ريف النشاما
وشوف القافيه في البيت اللى انا اوردته
وانت يوم اوردته اختلاففي القافيه والوزن
( وادي الرمه يسيل من دمع عيني)
بهذه الصيغه غير صحيح
(وادي الرمه من دمع عيني يحيري)
هذا هو الصحيح وزن وقافيه
اشكرك ريف النشاما
العملاق النائم
23/11/2006, 01:22 AM
ما شاء الله اخوي باسل الله يبشرك بالخير
بس وش وصل الحين اي منطقة.
نايف الحربي
24/11/2006, 08:25 PM
السلام عليكم ورحمة الله وبركاته
فيه قصيده سمعتها بالربيع لواحد شمري على ما اعتقد
ولاني حافظ منها الا اول شطر
ويقول مطلعها
الله من نو<ن> على القاع سكاب
وقصيده ثانيه قاصدها راعيها بخويه بعد ما مات بالصحراء
ويقول مطلعها
صديقي اللي راح من وين ابلقاه
اللي يعرف عن هالقصيدتين شي لا يبخل علينا فيه تكفون يالنشاما
ابرق العزاف
25/11/2006, 09:41 PM
العملاق النائم
وصل الان تسقي منه مزارع الجناح
ابرق العزاف
25/11/2006, 09:45 PM
عساه يسقي محرقه والقرينه= حتى الحضر من رايح الماء يعلون
اللي يعررف القصه والابيات لايبخل علينا
شكرا
ابو ناصر2020
26/11/2006, 07:06 AM
الديره الزينه الي ماتضيق صدر قانوصها
فيها الحباري اوفيها من شبوب الرمث وفيها القطا
إلى اخر
من قايل البيت هاذا :j
أبو شعلان
26/11/2006, 07:31 AM
أخوي أبوناصر
أتوقع والله أعلم إنه للشاعر مشعل بن حمود الحبيني العازمي ....
إن كانت القصيدة عندك كاملة لاتبخل علينها فيها يالغالي ....
تحياتي لك ..........
المكحل/ابو
26/11/2006, 08:29 AM
انا اتوقع انة للشاعر
( ابو ناصر 2020 )
لكن عطنا باقي القصيدة
تحيتى لك
فارس الرياض
26/11/2006, 11:55 AM
السلام عليكم
صباح الخير
ما ابي اطول عليكم بس الله لا يهينكم (ابي قصيده )(مرير الحبيل العتيبي ؟في الفكس ار) قصيدة الجيب
فارس الرياض
26/11/2006, 11:58 AM
والاي يعرف القصيده يعلمني
وهذا ايميلي
AL_fares9889@hotmail.com
ومشكور
kash5000
27/11/2006, 01:51 PM
ناس تعيش وناس تحرم من العيش...........وناسصعب عليها طرد المعيشه ناس رزقها بالملايين والجيش.............وناس تدور رزقها من خلاف الدريشه وطير يطير وطير توة بلاريش .............وطير مع مر الازمان فقد ريشة.
حصلت لك باقي القصيده من جوجل لشاعر اسمه عبدالله.........وبس..
عسى اكون قدمت لك فايده..
imksa
27/11/2006, 05:10 PM
سلام
احب اتطفل على موضوعكم بعد ان اعجبني ما جاء فيه :)
هذه القصيده محملها على جوالي وكل ما ضاق صدري سمعتها ،،، مهوب لانها خاصة بطاش ،، ولكن عممها على الناس كلهم ،، والقاء صاحب القصيده ، القاء يجرني للماضي بصوته الرخيم الاصيل ،، بحثت عن الابيات ووجدتها مكتوبة ومدموغة برابط لسماع القصيدة بصوت صاحبها وهذا هو :-
منتدى سوالف للجميع
انسخ الرابط لتسمعها :
http://www.buraydh.com/sign/sound/tash%20ma%20tash.RM
او هذا
http://www.geocities.com/al7aaalmtk/Qasidah.ram
http://www.eqla3.net/Majallah1/Qasidah.ram
الله من هــــــم بصدري بدا يجيش ... يزفر كما البركان بصدري اليا جاش
لو يضرب جبال الهدى طيره ريش ... وخـلا الوطأ من تحت الأقدام تنفاش
وفكرت في دنيا بها الخلق ماتعيش ... وأخذت انا في بحر الأقدام مطراش
يقطــــعك يا دنيا تزعم بها الد يـــش ... بوقت تغير واصبح الرأس منداش
ولد الحموله يذل وزمر حتيريش ... وقامت تمخشنا سلق طاش ماطاش
ناس مثل وصــف الهلايم قرافيش ... ولو جبتهم للبيع عـيـــــــفوا بلياش
لو قمت افتشهم على الطيب تفتيش ... للقاء دواخلهم حثاريب وقشـــاش
لاقام يمدح لك بنفســــــه بدا يطيش ... ما كنه الا اللي يســــــمون هتاش
وهو حثال من حثايل دراويش ... عايش مع الطيب سـوى مثل من عاش
أحب انا الطيب ولو ماعطانيش ... والا الردي لو يمــــلك المال حتى آش
يارايح لم القصبجي وابو خيش ... وزميله السدحان للكذب مــــــــحواش
قل له عليكم من هل الفكر تفتيش ... بين خطاكم ماعلى الناس يخـــفاش
تمثيلكم كله سبايب وتمـــــــخيش ... تجار هرج مـــــــابكم عز واعراش
الهزو في شيباننا والــــغـلط ليش ... وش الهدف واللى تريدون ياخياش
ان ما تركتوا سب عماش وعميش ... والله لأشرشحكم مثل شغل مخلاش
واحذركم الكهرب شبكناه بالفيش ... وانتم بزارينن تحـــــــــــدون بفلاش
وإن كان عندك رد هاته وتلطيش ... دونك مطــوع عسر الأمثال عفاش
المرجله بينك وبينه لـــواء جيش ... مالت على خطو الحثاله وما حاش
حقرانكم للناس مايجيب لكم عيش ... معــيبتن في منطق العقل والجاش
الهزو في شيباننا فيه تغشـــيش ... وغشيتو المشاهد بتزييف ابو شاش
أذناب ناس بالحكايا مطانـــيش ... نافكم المـــــــــــدحور والريح تنفاش
وان كان طموحاتك بعيشتك تبي تعيش ... فأنتم وأنا وفلان ولدنا مامعناش
وان كان طموحاتك لكسب المعاويش ... فا الكلب في دنياه عايش ومعتاش
ماينفع الطماع اكل البخاشيش ... ومن لايتنومس خاب حضه ولو عاش
كلن تجر بالناس حتى الهتاريش ... صاروا أهل مزرع ودكان وقراش
ومن صار عنده مال وبيده عراميش ... حبوه كل الناس لو كان حشاش
لو هو رزيل وصمط رجل تقل خيش ... صدق كلامه لاتكلم وهو ماش
ولا كريم الشهم من فطر الريش ... اللي يكرم الضيف لاجاه طراش
قرم يشب النار ملفا الماغيش ... الا ادبرت دنياه سمــــــــوه هلاش
المال والدرهم وزين المعاويش ... اصبح بيدين العجز والخمع واللآش
مادام بيدك قرش وعندك معاويش ... لو تخيس المجلس على زل وأفراش
قالوا مسامح عمنا فيه تطريش ... راع الدراهم عــــــــم لو كان غشاش
يوم الشنب بالوجه يفتل على ويش ... ماهوب لأكل الرز او للبس الأقماش
يفتل الا جن الركايب معاطيش ... وجلبت صي المرجله يشريه كاش
يعل رجل ما براسه نغاميش ... يعل تبكيه الحــــــــــــــــــليله وتنحاش
ليصار مابه خير والطيب مافيش ... ماغير يجمع مال والصيت ماهناش
عنده ملايين القضا مير حتى ايش ... يـأكل ويشرب والهدف بس يعتاش
ماهوب لايقنص ولا له مطاريش ... ماهمه الا عيشته مثل الأدباش
ياعل تلدغه البثن حية الهيش ... والا فلا يدآوى به السم لافاش
الكلب عايش والنمل والخفافيش ... ماهو كثير الكل بدنياه معتاش
مير الحكي الى جاء المحطات تشويش ... يبين فعل الطيب بعايش وعياش
وتمت وصلى الله على صفوت قريش ... على النبي ماتبصر العين برماش
قصيدة الشاعر أبو علي راعي بريده في ممثلين طاش ما طاش عندما أخبره أحد أصدقائه أنهم يستهئزون بأهل القصيم وبكبار السن (الشيبان) فقال قصيدته الرائعه
ابرق العزاف
28/11/2006, 01:59 PM
صاحب السمو الملكى الامير عبدالله الفيصل
له هذا البيت من يقدر يكمل بقية القصيده لايقصر
لاننى لااحفظها كامله 0000 شكرا
يامن يبشرني عسى نجد ماسوم= واعطيه ماتملك يديني من المال
باث فايندر 04
29/11/2006, 03:18 PM
السلام عليكم ورحمة الله وبركاته ،،،،
يالربع في أي شريط ألقى قصيدة ( لا صرت بالصمان والقيض حاديك ) ،،،،،
وقصيدة ( نومك طرب وأنا في نومي هواجيس ) ..
الله لا يهينكم أرجو إفادتي باسم الشريط تكفون أدوره من زمان ... :( :(
الفردوس
30/11/2006, 12:06 AM
هاتان القصيدتان لم تنزلا في شريط
الأولى بالنت فقط
والثانية جت في قناة المجد وموجودة على النت تجدها في موقع قصيمي نت
باث فايندر 04
30/11/2006, 05:56 AM
شكراً يا الاسعدي على الإفادة وبيض الله وجهك :) :) :)
الحفولي
07/12/2006, 11:29 AM
عذرا على المداخله
لكن هذا الطرق لعب عليه اكثر من شاعر
ومنها قصيده قديمه لشاعر قطري اسمه محمد بن سالم ال جهمان منها هذا البيت
اللي يبدل قشرة البيض بالريش
خلاه عقب العش يكفخ بريشه
وقد فازت في مسابقه على ما أدكر
المشكله في توارد القصائد وتشابهها
شاصي أساسي
07/12/2006, 04:00 PM
والله ما كد مرت علي القصيدة
أخوك أبوعبدالله مهجد خلق الله
الصفراوي
08/12/2006, 11:02 PM
هذه الابيات أعجبتني وكذلك أعجبت الوالد فبحثت عنها في الإنترنت فلم أجد خبرها فمن لديه علم بمن قالها وهل لها بقية خاصة وأني أعتبرها من شعر الحكمة المتميزة:
القصيدة
ياكثر ما قلت ابا اسوي وابا اسوي
ولا فيه شيء من اللي قلت سويته
راحت حياتي وانا اطري وانا الوي
واللي بغيته نسيته يوم خليته
أنا احسب اني صغير وبالعمر توي
لاشك شيبت واحلى العمر عديته
فمن لها
قناص مطور
12/12/2006, 05:05 PM
ابيات جميله ولكني والله معرفت لمن وقد سالت الشيبان ولا عرفوا هم بعد
http://www.mekshat.com/pix/upload/images24/mk40359_hunter1250.jpg
من عنده قصيدة
يا الله انا طالبك حمرا هوى بالي
وان امكن بالصوت الله يوفقكم
:cool: :j من عنده قصيدة
يا الله انا طالبك حمرا هوى بالي
وان امكن بالصوت الله يوفقكم:good: :no2:
رعدان
24/12/2006, 09:39 PM
سم خذها
http://www.5ymah.net/home.php?index=listen_nasheed&kind=rm&n_id=463
فيه شريط بالتسجيلات الاسلاميه اسمه الاطلال للمنشد حامد الضبعان فيه القصيده كامله مع غيرها يعجبك
بارك الله فيكم يا اهل الفزعه
الضاري
27/12/2006, 11:12 PM
السلام عليكم ورحمة الله وبركاته
من يعرف تكملة القصيده الذي منها هذا البيت ..
اهيم بأوجاعي على الارض وأدوج 0
والآرض في بعض الشدايد حنونه !!
وجزاكم الله خيرا مقدما
خيال الغلبا
27/12/2006, 11:29 PM
لللأسف لااعرف القائل
اخوي الضاري البيت رائع يدل على ذوق عالي لديك
ولكن لم نميل دائما الى الأبيات التي تحكي المعاناة
السنع كله
29/12/2006, 11:35 AM
هجينية احفظ اول بيت فيها :يااهل النضا من يخاويني لسمنان 00اما على الجيش والا قوه رجليه
الضاري
29/12/2006, 11:56 PM
تسلم على المداخله اخي العزيز خيال الغلبا
وبأنتظار من يعرف التكمله
تسلم والله يحفظك بحفظه
باترول أسود
02/01/2007, 12:24 AM
السلام عليكم...
معليه ياشباب....دخلتي غلط..لكن ممكن طلب...:j
أبي قصايد عن الباترول..
والي عنده لايبخل علينا..
.
.
.
.
ومشكورين وما قصرتم
أبوالوليد
04/01/2007, 07:18 PM
بسم الله الرحمن الرحيم
السلام عليكم ورحمة الله وبركاته ..
وشلونكم والبرد .. ؟
ماشاء الله .. ولا بسيبيريا على هالبرد ..
اللهم قنى زمهرير جهنم يارب ..
عندي طلبين لقصيدتين :
الأولى أنشدها أحد الإخوة وكان صاحب صوت ساحر جدا .. سبحان من وهبه تلك الحنجرة .. وهي الموجودة في توقيعي
إن أردتم أن أنزل النشيد أبشروا به ..
يا خلوج تشْعب الصوت والعالم رقود = تنظر الحيران وحوارها ما ينوجد
صوتها يشدي حنين وترزايم الرعود = في ليالي ديمت والهواء فيها ركد
دمعها لو ينحدر ما توقفها السدود = لا مشى في جرها السيل ما يلقى لدد
هيضتني في ليالي يا عساها ما تعود = نار جوفي حرها عن ضلوعي ما برد
أتصبر يا عسى صبري الليلة يفود = وأطلب الرحمن يجلي عني همي والنكد
أريد صاحب القصيدة وإن كان لها باقي فيا حبذا ..
القصيدة الثانية .. أنشدها أخونا نفسه ..
لكن الأبيات الموجودة كانت قليلة جدا :
ياراعي الجيب الجديد المقرطس = جيب جديد(ن) ماحصل فيه ونـّي
خمس غيار والدبل فيه والترس = ترس(ن) يصفق له وترس(ن) يغني
أريد باقي هذه القصيدة وقائلها أيضا ..
وشكر الله لكم ..
والله يعينكم على البرد .. ننصحكم بأكل العسكريم حتى يفرز سعرات حرارية .. http://mekshat.com/vb/images/smilies/biggrin.gif http://mekshat.com/vb/images/smilies/tongue.gif
محبكم / أبو الوليد ..
العاصوف
04/01/2007, 08:13 PM
اخوي السنع كله سويت بحث وطلعت بهالنتيجه من منتديات الزلفي
ها القصيده للشاعره سبيكه الخليف واشتهرت هذه العائله بالشعر من عهد الجد الشيخ عبد الله الخليف ,,
عندما بلغت سبيكه سن الزواج زوجها ابوها من واحد من اهل الكويت فضاقت فيها الوسيعه لانها متعوده في الزلفي ترعا الغنم وتروح وتجي وتتحرك وتروح لم الغدير ولا احد يقولها شي ويوم خذاها ها الكويتي صك عليها بالبيت وصارت ماتطلع والسقاي يجيب الماء لها وهي بالبيت بذا القواطي وهي ماضرت على ذا الشغل فقالت ها الابيات تتوجد وتمدح فيها ابوها واخوانها علشان يجون ياخذونها من زوجها اللي هي ماتبيه ,, فقالت الابيات هاذي ..
يأهل النضا من يخاويني لسمناني *** اما على الجيش والا قوه رجليه
امرح واروح واقيل فوق غدراني *** ولد العجم مايجيبه لي بقوطيه
من دون اهلنا يقيف الذيب سرحاني *** بامن من البعد والدو الحلاويه
نجر غروس يبان لكل ولهاني *** ماهن قراحن شرابه منوتن ليه
ماهوب يحجب ولا يجاب بأثماني *** مسبله والدي زبن الجلاويه
عنده اخواني لهم بالفعل ميداني *** كسابة الطايله نطاحة ليه
اهل الصحا والوفا خطلان الايماني *** من نسل وايل ماهوب الطيب عاريه
في مجلس منوة اللي جاه عمساني *** يلقا دلالن على النيران مركيه
والهيل يشرا ولو بغالي الاثماني *** يشرون لوغليت الاسعار بريه
زبن لمن جالهم خايف وجيعاني *** من لاذ فيهم تعدت راسه السيه
ويلقا بعد سفره قرح الفاني *** للضيف والجار واللي مر طرقيه
عوايد ماشيه من نسل جداني *** توارثوها من الجدان جيله ,
وبالنسبه لهذا البيت انا بعد سمعته من الوالد لكنه راجح بالقصيده
جعل ابوي ميت باول الهية واخوي طريح بين عدوانة
وعقب ماقالت ها القصيده راح حدا اخوانها وطلقها منه غصب وجابها للزلفي ,,واسمحلي على القصور ..
خيال الغلبا
05/01/2007, 06:27 PM
العاصوف الله يعطيك العافيه على هالمعلومات الوافيه
لكن بقي سؤال
مامعنى قولها /من نسل وايل ماهوب الطيب عاريه
العاصوف
05/01/2007, 08:56 PM
يعني هو من عنزه هل الطيب مهوب متسلف الطيب من احد
توضيح انا دخلت الموضوع البارح واحسب الموضوع جديد
اثر الموضوع من 9 صفحات
بدوي ميه ميه
07/01/2007, 06:21 PM
ابشر يالغالي سوف اجد الاجابه قريبا من مصدر موثوق واوافيكم بها
بدوي ميه ميه
قصة هالابيات طويله وهي رد علي ابيات اخري
ولو ان الموضوع خارج الاختصاص لكن مادام العمده حولنا بالموضوع نب ندعم
هذا سلمك الله القصه كامله ذكرها المرشدي وهي قصة عبد البجادي والقصيده اطول وملخصها ان البجاجي شك في احد عبيده من ناحية احد زوجاته فقام وباعه او ابعده للختبار
وتحري فقال العبد قصيده وردة عليه احد زوجات البجادي بقصيده فسمعها زوجها واتضح الامر
هذ تلخيص للقصه اما الابيات فهي ايضا طويله ومنها.
.
العبد ويش مريضه بالمسيري=كنه يتله واحد من مقفاه
عليه شققنا ثياب الحريري=كن الهراس بروس الاقدام ناطاه
يفوح من صدره سواة الذريري=عندي وكل له مع الناس مشهاه
له قذلة تشدي جناح الغريري=ونا اشهد انه علة القلب وادواه
يادبي ما مرك طوارف عشيري=على قنا وقني داجت رعاياه
اشوف رخه يجتلد في نظيري=وعصيفره قامت تلوج المهباه
وواد الرمه من دمع عيني يحيري=وراعي الحليفه يسقي الزرع من
ماه
أبوالوليد
10/01/2007, 07:25 PM
وأنا وش صار على قصايدي ..
محد يعرفهن يالربع ..
دسم الشوارب
15/01/2007, 09:03 PM
السلام عليكم
سمعت في برنامج الخيمه الشعبيه في اذعة الرياض اول امس الخميس قصيده هذا مطلعها
قوم جورج وجون وعيونهم زغر
.......................... ماتعرف لترجمتهم بالكلام
عندهم الام سموها مذر
.....................والابو فذر قليلين الارحام
والمره وومين والمان الذكر
.....................واختك السستر وترى البوي الغلام
وعرضوها مديونه واعجبني صوت اللي مديونها
فاللي ابي منكم تخبرونا اسم الشاعر علشان اعرف اطلبها من التسجيلات
ولا تدلوني على موقع اقدر احملها منه الله لايهينكم
لاتخلوني تكفون
ريم البراري
15/01/2007, 10:49 PM
السفر ياللي تطرون السفـــــــر=السفر لزيارة البيت الحــــــرام
قوم جورج وجون وأعينهم زغر=ما تعرف ألترجمتهــــم بالكلام
عندهـــــــــم الأم سموها مذر=والأبو فـــــــاذر قليلين الرحام
والمـــــرأه فيميل والميل الذكر=وأختك السستر وترى البوي الغلام
والبدي جسمــــك وباك اسم الظهر=واليدين الهنــدز والفنقر ابهام
والغنــــــــم هي شيب والكاو البقر=واللحم هو ميت والبون العظام
والدجاجـــــــــه هن والهوك الصقر=والبجن قالوا تراه اسم الحمام
وشمـــــس ربي صن والمون القمر=والشهر سموه منث ويير عام
والدقيقــــــــــه منت والساعة أور=وهولدي عطلة وديوتي دوام
والبرد الخبــــز والسكر شكر=والعسل هاني وسوب اسم اليدام
والشجــــــــــــر تريز والنهر الرفر=والسماء اسكاي واكلود الغمام
والنجــــــوم استارز والطقس الوذر=والضو لايت ودارك اسم الظلام
وكلمــــــــة فلاور ترى تعني الزهر=وكل عشب اقراص لو انه ارمام
والرمــــــــــل هو صند وستون الصخر=والحديــــد المتل والولدر الحام
وكل غرفـــــــــــه روم والهوس القصر=وباب بيتك دور والروف الطمام
ولـــــــــــــو على بلدانهم دايم مطر=ما تساوي ديرة العرب الكرام
للشاعر/حمدان بن فايز العتيبي
الريس
24/01/2007, 02:25 AM
السلام عليكم
من يعرف لنا تكملة قصيدة عبيد العلي آل رشيد اللي يقول به:-
ياماحلا الفنجال ليا جاء محله 00لياصرت بروض وماء دلتك سيل
توقد حطبها برمث ماهو بجله00والزعفران بهارها خالطه هيل
لعيون حسنا يسهجن الاظله 00يومن بنا عوص النجايب ليا الليل
اكون لكم من الشاكرين
دمتم
بوحور
24/01/2007, 12:54 PM
السلام عليكم
في برنامج اسمه الخيمه االشعبيه (على ما اظن) في اذاعة السعودية سمعت قصيدة اذهلتني ,, باذكر لكم اللي اذكره منها
لاضاق صدري رحت للبر بلحالي ,,,,,,, وذكرت همومن بقلبي مجتمعه
قد لايكون الشطر الثاني يتبع للشطر الاول ولكن هذا كل ما اذكره
واللي يعرف القصيدة لايقصر وجزاكم الله خير
السنافي 1
24/01/2007, 01:55 PM
لا ضاق صدري رحت للبر حطاب = وشبيت ناري في صحاري خلاها
وسط الفياض اللي بها أزهار وأعشاب = ريح الخزامى فايح(ن) في مساها
استرجع الذكرى على رأس مرقاب = وأرسم لقلبي صورة(ن) ما نساها
دنياك تلبس لك عبايه وجلباب = وتخفي غدر سود الليال وجفاها
شفت القمر يوم اكتمل صار جذاب = نور ليال(ن) مظلمه في سماها
ترى العمر مثل القمر طل ثم غاب = أغنم حياتك لا تكدر صفاها
حافظ على الطاعه قبل يقفل الباب = ثم يتبين صحها من خطاها
اليوم فعل الطيب راعيه ما خاب = عند الرجال اللي بعيد(ن) مداها
الطيب يبقى يا فتى الجود لو شاب = في شجرة(ن) سيل المكارم سقاها
والبيت ما يبنى بلا أوتاد وأطناب = ومن لا بنى يسكن مذاري هواها
وانشاء الله تكون هذي القصيده
خلقت في الدنيا وانا مامعي شي وبروح منها وانا مامعي شي منها
خلوني استانس بها دامني حي ولامت مدري جثتي من دفنها
بعد اتحيه من القائل ومن يعطينا بقية القصيده وسلامتكم
عــقــلاوي
25/01/2007, 02:44 PM
خلقت في الدنيا وانا مامعي شي وبروح منها وانا مامعي شي منها
خلوني استانس بها دامني حي ولامت مدري جثتي من دفنها
بعد اتحيه من القائل ومن يعطينا بقية القصيده وسلامتكم
الابيات نسبتها مجلة المختلف لسعد بن جدلان ونفى سعد ابن جدلان انها له
وقد ذكر ابن جدلان انها لمفرج بن مفرح السبيعي
بوحور
25/01/2007, 03:06 PM
تسلم يالسنافي بس مهب ذي القصيدة :no: :no2: :j
ابوعماد
26/01/2007, 02:23 PM
اريد قصيدة (الجيب ) للشاعر حمود بن هذيل الغضوري
ويعطيكم العافية
hbobnjd
26/01/2007, 02:53 PM
من هو صاحب هذا البيت وهل له بقية----- يمنوخ البرقا على جال تبراك-- هلك شدووعلقوببرقيه
هبوب نجد
coins2005
29/01/2007, 01:21 PM
يالله يـالـي عـالــم بالـخـوافـي
ياللي هزمت بقدرتك جيش الاحزاب
يالله بدلـهـا بشـتـر وعـوافــي
دام الحشى في غربه ا لشوق ماتاب
اخواني لي شهر ابي اعرف كماله الابيات ومن اللي قالها .........................
قلت مالي الاالذيابه ............................
طالبكم اللي عنده اي معلومات .......... يفيدنا
يالله ياللي عالمن بالخوافي
ياللي هزمت بقدرتك جيش الاحزاب
يالله بدلها بستر وعوافي
دام الحشا من لوعة الحب منصاب
حسيبك الله يابيوت القوافي
لا يارسول المهزله بين الاصحاب
حنا بدو نهوى هجير الفيافي
نهوى الكرامه لو دعتنا للأتعاب
الطيب ساسي والكرامه لحافي
وماهمني من يستمع هرج كذاب
والحمد لله كلبوها عوافي
والتايهه ماقد ضربنا لها حساب
سامي2000
29/01/2007, 03:58 PM
السلام عليكم ورحمة الله وبركاته
اول حبيت ارحب في الاعضاء والادراه والمشرفين
واهنئكم بالمنتدى الرائع والمتميز والقيم والمفيد
طبعا الكثير منا شاف شاعر المليون وشاف لجنه التحكيم وشاف الشعراء المشاركين
لكن طلبي اريد نبذة مختصره عن حياته للشاعروالكاتب تركي المريخي
الله يعطيكم العافيه وشكرا
هاوي مقناص
29/01/2007, 04:12 PM
السلام عليكم ورحمة الله وبركاته .
يعطيكم العافيه ومسيكم بالخير جميعا
يا الربع صارلي فتره
ادور هالقصايد ولاقدرت احصلهن
الاولي :
ماعزام لاالاول ....... يا راعي الاوضاع ماعزام الاول .
الثانيه:
يا الله اليوم يا رواف .................يا ابا الافراج عاوني
خوفوني وانا ما اخاف ............... والهوا يرعب الجني
.
واللي عنده علم
الله لايهينه .
ودممت .
اخوكم:
هاوي مقناص
هاوي مقناص
29/01/2007, 04:21 PM
السلام عليكم ورحمة الله وبركاته .
يعطيكم هالعافيه علي هامشاركات الطيبه .
والقصايد الرائعه الموجوده في المنتدي .
ونبي تكملة القصيد لاهنتم يا اللي عنده علم .
حيث انني منذ فتره طويله لم استطع ان اجدها
لانني اذكرها وانا صغير كنت اسمعها من بعض الشيبان .
ونبدآ علي بركة الله
.................................................. ................................
: يالربع من يعرف صاحب القصيده
السلام عليكم ورحمة الله وبركاته .
يعطيكم العافيه ومسيكم بالخير جميعا
يا الربع صارلي فتره
ادور هالقصايد ولاقدرت احصلهن
الاولي :
ماعزام لاالاول ....... يا راعي الاوضاع ماعزام الاول .
والاول تحول .
الثانيه:
يا الله اليوم يا رواف .................يا ابا الافراج عاوني
خوفوني وانا ما اخاف ............... والهوا يرعب الجني
.
واللي عنده علم
الله لايهينه .
ودممت .
اخوكم:
هاوي مقناص
عساف @
29/01/2007, 06:15 PM
السلام عليكم
يشباب الله لايهينكم
سوالي عن الشعر الريحاني او اللغة الريحانية ؟
اللي عندة معرفة في هاذا المجال ليبخل علينا بها
وشكرأ لكم
ابرق العزاف
30/01/2007, 07:40 PM
قصة هالابيات طويله وهي رد علي ابيات اخري
ولو ان الموضوع خارج الاختصاص لكن مادام العمده حولنا بالموضوع نب ندعم
هذا سلمك الله القصه كامله ذكرها المرشدي وهي قصة عبد البجادي والقصيده اطول وملخصها ان البجاجي شك في احد عبيده من ناحية احد زوجاته فقام وباعه او ابعده للختبار
وتحري فقال العبد قصيده وردة عليه احد زوجات البجادي بقصيده فسمعها زوجها واتضح الامر
هذ تلخيص للقصه اما الابيات فهي ايضا طويله ومنها.
.
العبد ويش مريضه بالمسيري=كنه يتله واحد من مقفاه
عليه شققنا ثياب الحريري=كن الهراس بروس الاقدام ناطاه
يفوح من صدره سواة الذريري=عندي وكل له مع الناس مشهاه
له قذلة تشدي جناح الغريري=ونا اشهد انه علة القلب وادواه
يادبي ما مرك طوارف عشيري=على قنا وقني داجت رعاياه
اشوف رخه يجتلد في نظيري=وعصيفره قامت تلوج المهباه
وواد الرمه من دمع عيني يحيري=وراعي الحليفه يسقي الزرع من
ماه
مشكور جرير لاعدمناك
manamr
01/02/2007, 02:32 PM
انا سمعت مثل الأخوان أنها للشاعر ( راشدالخلاوي ) وسلامتكم
hbobnjd
02/02/2007, 12:56 AM
عزيزى نايف الحربى اعتقد و الله اعلم انها لشاعربندر بن سرور رحمه الله (لان فى البيت الاول فى قصيدة لشاعرالمذكور ونرجوالعذره ان لم يكون صحيحهبوب نجد
شيخ نجد
02/02/2007, 05:06 PM
السلام عليكم
ذكرني احد الاعضاء وهو يسرد قصة بداح العنقري والتي يقول في احد ابياتها:
الله لاحد ياما غزينا وجينا ... وياما ركبناهن عصير مراويح
ذكرني بشريط احضره لي صديق من بادية سوريا وهو شريط لشاعر ربابة ومواوييل وقاص متمكن وجيد جدا يحفظ كثيرا من قصص البادية في الجزيرة ويصوغها في قالب تشويقي وقصصي ثم يتبعها بالابيات على الربابة او على شكل مواوييل .. وقد سمعه معي كثيرون واكدوا انه منتشر ومعروف .. ولكنه اختفى ولم اعد اجده ..
من قصص هذا الشريط التي اذكرها:
1- قصة بداح العنقري وهيا والتي منها:
هيــا عطينا الحق بالله عطينا .. وان ما عطيتيني فوالله باصــيح
يا عود موز نابت بالبطينا .. ومنين ما هب الهوى فاح له ريح
2- قصة المويضي البرازية ونشيدتها:
يا سعد عينك بالطرب يا الحمامــه ...ياللي على خضر الجرايد تغنيين
عزي لحالك وان درى بك سلامه ...خلاك مثلي يالحمـــامه تــــونيين
ان كان تبيغن الطرب يا حمامــه ... عنيك بالفــــرعة ديار الوداعيين
3-قصة وقصيدة الشايب الذي هجره ابنائه وتركوه قي خيمته بالبادية وذهبوا خلف نسائهم هنا وهناك.. الخ وقصيدته التي قال فيها:
يعيال يعيال الخنا كلكم عيب .. ياللي على الوالد كثير لغاكم
ياعيال دوكم لحيتي كلها شيب.. ........................
وكثير من القصص والقصائد لدى هذا المنشد والقاص . . وهو على فكره من بادية سوريا او الاردن
فزعتكم يالربع .. احد يخبره لي ولا سمعه مع احد ولا يعرف محل عنده هالشريط بالرياض ولا حولها وفرصة اذا كان الشريط مع احد اقابله واتعرف عليه ونقوم بواجب الضيافة والله يبيض وجيهكم ،،
اخوكم عاشق السراب
ابو محمد 200
06/02/2007, 03:46 PM
السلام عليكم
لمن لدية هذة القصيدة
سقى صوب الحيا مزن تهاما..
ارجو وضع رابط لها
ع.ف.الدرويش
06/02/2007, 04:03 PM
ابو محمد200..:)
تفضل طبعاً لما أجد رابطاً معيناً.. لكن هاك القصيدة..
سقى صوب الحيا مزن تهاما
على قبر بتلعات الحجازي
يعط به البختري والخزاما
وترتع فيه طفلات الجوازي
وغنا راعبيات الحماما
على ذيك المشاريف النوازي
صلاة الله ربي والسلاما
على من فيه بالغفران فازي
عفيف الجيب ماداس الملاما
ولا وقف على طرق المخازي
عذولي به عنيد ما يراما
ثقيل من ثقيلات المرازي
ابو زرقا على خده علاما
تحلاها كما نقش بغازي
عليه قلوب عشاقه تراما
تكسر مثل تكسير الجزازي
الاياويل من جفنه على ما
مضى له عن لذيذ النوم جازي
ومن قلبه الى هب النعاما
يجرونه على مثل الخزازي
تكدر ما صفى ياما وياما
صفالي من تدانيه المجازي
ليالي مشربي صفوا المداما
وثوب الغي منقوش الطرازي
مضى بوصالها خمسة عواما
وعشر كنهن حزاة حازي
بفقدي له ووجدي والغراما
تعلمت النياحة والتعازي
يعضوني على فرقا ولاما
ومن فرقاه مثل الخاز بازي
عذولي في هواها يالملاما
يعزوني وانا مانيت عازي
وكل البيضى عقبه لوتساما
فلا والله تسوى اليوم غازي
سلينا لا حلال ولا حراما
عليهن الطلاق بلا جوازي
حياة الشوق فيها والهياما
وقدمنه يهتز اهتزازي
وخذتم فيه بدر للتماما
وجعد فوق منبوز المجازي
على لي فيه لا زادو لا ما
وجرت من الغوى والغي جازي
وخضت بحور ليعات تطاما
خلفت الخل ما ادري وين بازي
فكيف الهم في قلبي تراما
وجيش البين بالغزوان غازي
أريده ونكسركسر السلاما
بسيف جره ما هوب هازي
على بخت الدهرليته تعاما
عفى عنها وليته ما يوازي
وليتني حلمت بها وياما
بكيت لها وفي قلبي حزازي
اسلم له ولا ردا السلاما
عزيز من عزيزات أعزازى
وصلات الله مني والسلاما
على قبر بتلعات الحجازي
اظل هايم بها وفي دواما
همومي فيه تنحاز انحيازي
وصرت بوحشة من ريم راما
ومن فرقاه مثل الخاز بازى
عذولي في هواها بالملاما
يعزيني وانا مانيب عازي
محمد بن لعبون
أخوك..( أبو فهد )..:cool:
ابو محمد 200
06/02/2007, 04:05 PM
ابو محمد200..:)
تفضل طبعاً لما أجد رابطاً معيناً.. لكن هاك القصيدة..
سقى صوب الحيا مزن تهاما
على قبر بتلعات الحجازي
يعط به البختري والخزاما
وترتع فيه طفلات الجوازي
وغنا راعبيات الحماما
على ذيك المشاريف النوازي
صلاة الله ربي والسلاما
على من فيه بالغفران فازي
عفيف الجيب ماداس الملاما
ولا وقف على طرق المخازي
عذولي به عنيد ما يراما
ثقيل من ثقيلات المرازي
ابو زرقا على خده علاما
تحلاها كما نقش بغازي
عليه قلوب عشاقه تراما
تكسر مثل تكسير الجزازي
الاياويل من جفنه على ما
مضى له عن لذيذ النوم جازي
ومن قلبه الى هب النعاما
يجرونه على مثل الخزازي
تكدر ما صفى ياما وياما
صفالي من تدانيه المجازي
ليالي مشربي صفوا المداما
وثوب الغي منقوش الطرازي
مضى بوصالها خمسة عواما
وعشر كنهن حزاة حازي
بفقدي له ووجدي والغراما
تعلمت النياحة والتعازي
يعضوني على فرقا ولاما
ومن فرقاه مثل الخاز بازي
عذولي في هواها يالملاما
يعزوني وانا مانيت عازي
وكل البيضى عقبه لوتساما
فلا والله تسوى اليوم غازي
سلينا لا حلال ولا حراما
عليهن الطلاق بلا جوازي
حياة الشوق فيها والهياما
وقدمنه يهتز اهتزازي
وخذتم فيه بدر للتماما
وجعد فوق منبوز المجازي
على لي فيه لا زادو لا ما
وجرت من الغوى والغي جازي
وخضت بحور ليعات تطاما
خلفت الخل ما ادري وين بازي
فكيف الهم في قلبي تراما
وجيش البين بالغزوان غازي
أريده ونكسركسر السلاما
بسيف جره ما هوب هازي
على بخت الدهرليته تعاما
عفى عنها وليته ما يوازي
وليتني حلمت بها وياما
بكيت لها وفي قلبي حزازي
اسلم له ولا ردا السلاما
عزيز من عزيزات أعزازى
وصلات الله مني والسلاما
على قبر بتلعات الحجازي
اظل هايم بها وفي دواما
همومي فيه تنحاز انحيازي
وصرت بوحشة من ريم راما
ومن فرقاه مثل الخاز بازى
عذولي في هواها بالملاما
يعزيني وانا مانيب عازي
محمد بن لعبون
أخوك..( أبو فهد )..:cool:
ابو فهد جزاك الله خير :good:
و ياليت رابط صوتى او على الربابه
الرّمااااي
06/02/2007, 04:13 PM
ابو فهد جزاك الله خير
ع.ف.الدرويش
06/02/2007, 04:35 PM
أعتقد أن هذا هو الرابط الصوتي...
http://www.5ymah.net/fm/uploaded/950/khazbazabnlaebok20-3-1427.ra
http://www.5ymah.net/fm/uploaded/950/khazbazabnlaebok20-3-1427.ram
:)..
أبو فهد..
coins2005
18/02/2007, 07:00 AM
السلام عليكم
ذكرني احد الاعضاء وهو يسرد قصة بداح العنقري والتي يقول في احد ابياتها:
الله لاحد ياما غزينا وجينا ... وياما ركبناهن عصير مراويح
ذكرني بشريط احضره لي صديق من بادية سوريا وهو شريط لشاعر ربابة ومواوييل وقاص متمكن وجيد جدا يحفظ كثيرا من قصص البادية في الجزيرة ويصوغها في قالب تشويقي وقصصي ثم يتبعها بالابيات على الربابة او على شكل مواوييل .. وقد سمعه معي كثيرون واكدوا انه منتشر ومعروف .. ولكنه اختفى ولم اعد اجده ..
من قصص هذا الشريط التي اذكرها:
1- قصة بداح العنقري وهيا والتي منها:
هيــا عطينا الحق بالله عطينا .. وان ما عطيتيني فوالله باصــيح
يا عود موز نابت بالبطينا .. ومنين ما هب الهوى فاح له ريح
2- قصة المويضي البرازية ونشيدتها:
يا سعد عينك بالطرب يا الحمامــه ...ياللي على خضر الجرايد تغنيين
عزي لحالك وان درى بك سلامه ...خلاك مثلي يالحمـــامه تــــونيين
ان كان تبيغن الطرب يا حمامــه ... عنيك بالفــــرعة ديار الوداعيين
3-قصة وقصيدة الشايب الذي هجره ابنائه وتركوه قي خيمته بالبادية وذهبوا خلف نسائهم هنا وهناك.. الخ وقصيدته التي قال فيها:
يعيال يعيال الخنا كلكم عيب .. ياللي على الوالد كثير لغاكم
ياعيال دوكم لحيتي كلها شيب.. ........................
وكثير من القصص والقصائد لدى هذا المنشد والقاص . . وهو على فكره من بادية سوريا او الاردن
فزعتكم يالربع .. احد يخبره لي ولا سمعه مع احد ولا يعرف محل عنده هالشريط بالرياض ولا حولها وفرصة اذا كان الشريط مع احد اقابله واتعرف عليه ونقوم بواجب الضيافة والله يبيض وجيهكم ،،
اخوكم عاشق السراب
الشاعر جحيش السرحاني
قال الذي يقرا بليا مكاتيب ********** ياللي تقرون العمى من عناكم
ياعيالي اللي تشرفون المراقيب ********** تريضوا لي واقصروا من خطاكم
خوذوا كلام الصدق ما به تكاذيب ********** مثل السند مضموم للي وراكم
ياعيال لا صرتوا ضيوف ومعازيب ********** ترى الكلام الزين ملحة قراكم
وتروا السبابه من كبار العذاريب ********** وهرج البلايس ما يطول لحاكم
المذهب الطيب فهو مذهب الطيب ********** والمذهب الخايب يبور نساكم
يا عيال ما سرحتكم باللواهيب ********** يا عيال ما عمر المعزب ولاكم
يا ما توليت القبايل تقل ذيب *********** من خوف لا ينقص عليكم عشاكم
وياماشريت السمن من عرض ما جيب ********** يفز قلبي يوم يبكي حداكـم
وياما قطعت من الفيافي العباعيب ********** ندور من صيد البراري غذاكم
يا عيال دوكم لحيتي كلها شيب ********** هذا زمان قعودنا في ذراكم
قمت اتوكا فوق عوج المصاليب ********** قصرت خطانا يوم طالت خطاكم
عطوني القرضة عليكم مطاليب ********** عطوني القرضة جزى من جزاكم
لابد يوم ٍ عاوي ٍ دوني الذيب ********** بالقبر ما افرق طيبكم من رداكم
ما ني بفاضحكم بوسط الاجانيب ********** باعمالكم يدرون كل اقرباكم
لو كان تدرون الردى والمعاييب ********** صرتوا مع المخلوق مثل خوياكم
خوالكم بالطيب تروي المغاليب ********** ولو تتبعون الجد محدٍ شناكم
وش علمكم يا تاركين المواجيب ********** حسبي عليكم هالردى وين جاكم
يالله عسى اعماركم شمسها تغيب ********** يعتم قمركم ثم تظلم سماكم
يا علكم في حاميات اللواهيب ********** ياللي على الوالد خبيث ٍ لغاكم
شفت الجفا والحيف والغلب والريب ********** بضلوعكم لا بيض الله قراكم
اطلب عسى نساكم ما تحمل ولا تجيب ******* ولا احد ٍ من الوغدان يمشي وراكم
اخسوا خسيتوا يا كبار اللغابيب ********** اهبوا هبيتوا يقطع الله نماكم
نايف الحربي
18/02/2007, 10:07 PM
بالنسبه للقصيدتين ياللي طلبت يا هاوي مقناص
الأولى ماحصلتها
لكن هذي الثانيه لقيتها بس مدري هي كامله وإلا هذي بس الأبيات
يـــا الله الـيــوم يـــا رواف ** يــا ابــا الافــراج عـاونــي
خوفونـي وانـا مــا اخــاف ** واحسـب الضـلـع يزيـنـي
هـيـه يــا لايــم الـمـيـلاف ** مـا تشـوف الجـمـل حــن
لـيـت لــي بـكـرة مـيـلاف ** واحتلـبـهـا عــــن الــمــن
الـحـذايـا غــــدن رهــــاف ** والحـفـا يـرعــب الـجـنـي
يحسبني عمي ما اشوف ** يـتـقـي بالـنـخـل عــنــي
لابـــس ثـوبــه الـرفــراف ** واردايف يـهـبـلــنــي
نايف الحربي
18/02/2007, 10:23 PM
خلقت في الدنيا وانا مامعي شي وبروح منها وانا مامعي شي منها
خلوني استانس بها دامني حي ولامت مدري جثتي من دفنها
بعد اتحيه من القائل ومن يعطينا بقية القصيده وسلامتكم
حياك الله اخوي شفق القصيده للشاعر / مفرج أبن مفرح المشعبي السبيعي
والقصيده اطول من ذالك
خلقت فالدنيا و أنا ما معي شـي = و بروح منها ما معي شي منها
خلوني أستانس بها حدني حـي = لا مت مدري جثتي مـن دفنهـا
و أن طال عمر الآدمي كنه الفي = و كم خزنة ٍ يلهدبها من خزنهـا
شوي ندله و أربع أيام و شـوي = ندفـع لسجتنـا القليلـه ثمنهـا
و الرابح اللي لنطوت صفحته طي = في طاعة الله رحمة الله ظمنهـا
azozy
22/02/2007, 10:33 PM
السلام عليكم ورحمة الله وبركاته
مساكم الله بالخير
اخواني ابحث عن مجموعة "من قصص الاباء والاجداد" للراوي والاديب المرشدي والصادرة في حوالى 12 شريط
تسجيل ذاتي للراوي بمعنى انه لم تصدرها اي شركة
كما آمل ممن يعرف عنوان الاستاذ المرشدي (هاتف أو فاكس أو جوال أو ايميل) ان يزودني به وللجميع تحياتي ومحبتي وتقديري
ياعزوزي الله يسعد ايامك
اذكر قبل كم سنه وجدته في التسجيلات الاسلاميه ( العصر) بس ماكان كامل
لكن اذا تعرف احد في حائل متوفر ويدلك علي المرشدي
تحياتي
azozy
28/02/2007, 02:20 PM
السلام عليكم ورحمة الله وبركاته
الشكر الجزيل لك اخوي جرير على هالمعلومة وفقك الله
ومازلت يا اخواني انتظر ردودكم وفزعتكم وين نلقى اشرطة "من قصص الاباء والاجداد" للراوي المرشدي
كما لازلت انتظر من ربعنا بحاءل العونه للحصول على عنوان الاستاذ المرشدي (هاتف أو فاكس أو جوال أو ايميل) وأكرر للجميع تحياتي ومحبتي وتقديري
ابونصوري
04/03/2007, 11:09 AM
السلام عليكم ورحمة الله
اخواني طلب صغير وان شاء الله اجده عندكم
سمعت في جهاز الكنود عند شخص قصيده لشخص يمني
وهي على وزن القصيده المشهوره للاصمعي صوت صفير البلبي
ولم يسعني الوقت لمراسلة الشخص الذي وضعها
وبحثت عنها في الانترنت ولم اجدها ايضا
فمن يوجد لديه القصيده فلا يبخل علينا
المباشر
04/03/2007, 11:35 AM
تفضل أخي أبو نصوري
http://up.9q9q.net/up/index.php?f=1zY11x9a7
ابونصوري
04/03/2007, 10:44 PM
المباشر
روح يا شيخ الله يحرم وجهك عن النار ووالديك
هاوي قصيده
06/03/2007, 04:23 PM
هو اللي لهجتو شمريه ؟
والا ذا عتيبي؟
سبيع الغلباء
16/03/2007, 10:19 PM
السلام عليكم ورحمته الله وبركاته.........................وبعد:
اخواني اعضاء منتديات مكشات نبي احسن وصف بالقصيد عن الطيور((الصقور))
ولاشرط يكون هو الي قايل الابيات بس نبي اسم الي قايل الابيات
وراح يكون بعد اسبوع ونصف اي بتاريخ
26/3/2007م و 27/3/2007م 28/3/2007م
تصويت احسن قصيدة اولقيت
ونسأل الله التوفيق للجميع......
السرحال
22/03/2007, 02:51 PM
اخواني بارك الله فيكم
باختصار
من يعرف راعي البيت ذا
يبيض لونه مثل زبد الصميل .... وارثم خشمه مثل خشم الفحل
وتقبلوو تحياتي
أخو تركي
23/03/2007, 01:40 AM
هذه القصيده للشاعر : مرير الحبيل العتيبي وله عدة أشرطة وأظن أن هذه القصيدة في شريط (( وصف 2 )) والله أعلم
خذ قصيد مرير مني يازميل
حاضر بحاضر ولا نحب الاجل
وفوق هالابيات ذي صورة صميل
يوم بعض الناس في وصفه جهل..
http://www.mekshat.com/pix/upload/images30/mk15396_2270_p80656.jpg
راكب اللي لامشا الخط الطويل
لو مشآ يوميين ماجاب الملل
اسمحولي باصفه وصف(ن)قليل
عقب وصفي ياعسآدربه سهل
أقصد الفكسار ماغيره بديل
نعنبو من صممه لين اكتمل
امدحه وان مامدحت اخر موديل
ويش ابمدح موتر(ن)غيره اجل
وارد اليابان ماجاله مثيل
اقطم بالسوق مامثله نزل
ابيض (ن)لونه مثل زبدة صميل
وارثمن خشمه مثل خشم الفحل
لون زيقه لمعت السيف الصقيل
لمع برق(ن)في خيال(ن)منهمل
والعلامه لاسري مثنات ليل
في جبينه كنها كوكب زحل
ويتهزع مثل نقاض الجديل
ومنوته مثنات خط(ن)لانسحل
ويتنهض لبرمه بالقاع ويل
وان بغيته يعتلي راس الجبل
كن تشيله عن عزاز الارض شيل
وفيه من قدام دفرنس الدبل
ماورد مثله مواتر مستحيل
ان رضا راعي السفاري وان زعل
الجيوب اوصافها بالراس خيل
من خويه جيب ماجاه الزمل
افترد عبداللطيف الهن وكيل
وعامل اليابان وانصح بالعمل
فوقه اللي لامشي الغدراء دليل
ويتحمل لشقاء مثل الجمل
في لزومي عن طريقه مايميل
ولانخيته ماتمشا بالمهل
حوله مع حافت الضلع المهيل
لين عنه أطويق قدام انعزل
ماسمحله ياعسي جاله يسيل
لوسمحله قيد سواقه وصل
ولاتساوي مر ومرات(ن)يعيل
ولاتعداء من وراء شقراء انعدل
ثم تنهض مابقاء لوكان ميل
داخل الطبلون والخط انحل
وشد حيله مابقاء بالحال حيل
لين ضاق الكون جاء كبر الدحل
والهوي عن رفرفه جاله شخيل
راسي(ن)ومرسيه كبر العجل
المراكز ماتعرضله سبيل
خابرينه عن هدفهم مستقل
السرحال
24/03/2007, 02:08 PM
اخوي الاهلاوي بارك الله فيك وما قصرت
اخوي جرير يعطيك مليوووووووووون عاااافية وما قصرت وجمل الله حالك يا غااااالي
فاقدخوي
05/04/2007, 03:29 AM
1
1
1
1
1
1
1
اللي يعرف يعطيني الشاعر والقصيده اكون له من الشاكرين:cool: :D
القصيده تقول:o :o
حلفت انا ماهين نفي ورى الناس_______واللي كتب ربي لزوم يجيني
اعيش وحداني ولا بعض الجناس_______هذا يعاندني وذا مايبيني
سلطان العوني
06/04/2007, 04:35 AM
ما قصرو الاخوان
رشيدنا
06/04/2007, 11:14 AM
السلام عليك ورحمة الله وبركاته
اريد قصاءد بصوت المنشد مهنا العتيبي في شريطه ((لوحة من الماضي 2))
وخصوصا: حمام ناح بالاغصان طارب
ويا ما حلا الفنجال مع سيحة البال
وشكرا لكم
سلطان العوني
07/04/2007, 02:39 PM
تلقى من يعينك
تقبل مروري
راع الابل
07/04/2007, 02:42 PM
اخوي العزيز اتجه الى قوقل وابحث عن ضالتك وسوف تجدهااااااااااااا والله يعنيك
تحياتي
خيال الغلبا
07/04/2007, 08:03 PM
بيت يخالط شغاف القلب ...ويهيض في النفس اشجان
من يعرف بقية القصيدة ... هي لابن سبيل
ريف النشاما
07/04/2007, 08:40 PM
ماهي هي ياخيال الغلبا
معقوله هذا السؤال منكم
هذه القصيدة كما ذكرت ..........راجع ديوان مكشات
خيال الغلبا
08/04/2007, 11:28 PM
مشرفنا الرائع
انا لم اكتب الموضوع بهذه الصوره
انا كتبت البيت وفؤجئت ان الموضوع تشقلب بهذه الصوره
يوم الركايب عقبن خشم ابانات ........تذكرت ملهوف الحشا من عنايا
فاقدخوي
13/04/2007, 10:20 AM
1
1
1
1
1
1
1
اللي يعرف يعطيني الشاعر والقصيده اكون له من الشاكرين:cool: :D
القصيده تقول:o :o
حلفت انا ماهين نفي ورى الناس_______واللي كتب ربي لزوم يجيني
اعيش وحداني ولا بعض الجناس_______هذا يعاندني وذا مايبيني
للرفعععععععععع رفعكم الله في جنته
سبيع الغلباء
13/04/2007, 01:19 PM
ناس تعيش وناس تحرم من العيش...........وناسصعب عليها طرد المعيشه ناس رزقها بالملايين والجيش.............وناس تدور رزقها من خلاف الدريشه وطير يطير وطير توة بلاريش .............وطير مع مر الازمان فقد ريشة
هذه القصيده لاشاعر/عبدالله بات هذة جزءمن القصيدة
نايف الحربي
13/04/2007, 03:27 PM
ناس تعيش وناس تحرم من العيش...........وناسصعب عليها طرد المعيشه ناس رزقها بالملايين والجيش.............وناس تدور رزقها من خلاف الدريشه وطير يطير وطير توة بلاريش .............وطير مع مر الازمان فقد ريشة
هذه القصيده لاشاعر/عبدالله بات هذة جزءمن القصيدة
بيض الله وجهك يا سبيع الغلبا
مشكور ولا قصرت
نايف الحربي
13/04/2007, 03:53 PM
1
1
1
1
1
1
1
اللي يعرف يعطيني الشاعر والقصيده اكون له من الشاكرين:cool: :D
القصيده تقول:o :o
حلفت انا ماهين نفي ورى الناس_______واللي كتب ربي لزوم يجيني
اعيش وحداني ولا بعض الجناس_______هذا يعاندني وذا مايبيني
حياك الله اخوي فاقد خوي
والله بحثت عن القصيده بكذا موقع كل موقع القا القصيده شكل جمعت لك الأبيات اللي حول الدعوى
ولا لقيت قايلها والمعذره على القصور
حلفت أنا ماهين نفسي ورى الناس=واللـي كتـب ربـي لزوم يجينـي
أعيش في ظل المعـزه بنومـاس=واعز نفسي لو تطـول السنينـي
أعيش وحداني ولا بعض الأجناس=هـذا يجاملـنـي وذا مايبيـنـي
لاشفت مالك مع اهل الدار مجلاس=كب الديار اللي بها عايشيني
أعيش في دار بها رافـع الـراس=دار وأهلـهـا كلـهـم طيبيـنـي
خلك عزيز النفس يااااطيب الساس=ودور معزتك بعسر وليني
الوافي عزام
15/04/2007, 10:27 AM
السلام عليكم ورحمة الله وبركاته
هذه قصيده احفض منها ابياتها الأولى فقط منذ سنوات ولآكن لآ اعرف صاحبها
فمن يعرف تكملتها او يعرف صاحبها على الأقل نكون له من الشاكرين ( علما بأن صاحبها يقال انه من أمراء الزلفي في السابق والله اعلم )
اليكم القصيده
العين عميت من كثير التشاويش *** نوب على شي ونوب على ماش
يا مل قلب نشه السقم تنشيش *** نشت عويد نش من عقب ما ناش
لآ كن معلوقي يحشه حشاحيش *** والا سرى في ضامري سم الأحناش
اسهر من المغرب الين المغابيش *** من لآهب بالقلب يا عزوتي طاش
سبب صواب القلب ضافي العكاريش ***الصاحب اللي حط بالقلب الأبلاش
راعي هدب عين دقاق كم الريش ***عقلي يروغ الا غنجلي با الأرماش
ولكم خالص الشكر
قصيدة غزلية جميله رائعة للشاعر
عبد المحسن العباد - من أهل الزلفى – يقول:-
العين عيت من كثير التشاويش
...... نوب على شيء ونوب على ماش
يأمل قلباً نشه السقم تنشيش
...... نشة عويد نش من عقب ما ناش
لاكن معلوقي يحشه حوا شيش
...... وإلا سعر في ضامري سم الأحناش
اسهر من المغرب الين المغابيش
...... من لاهب بالكبد ياعزوتي طاش
أول نهاري دمع عيني رشا ريش
...... وتالي نهاري فيض الدمع جواش
سبب صواب القلب ضاف العكاريش
...... الصاحب اللي حط بالقلب الابلاش
راعي هدب عين ادقاق كما الريش
...... عقلي يروغ إلى غنج لي بالارماش
اعيون لا حمص ولا هن معاميش
...... والخد قنديل الدجى يدهش إدهاش
وإخلاف ذا دنيت من نقوه الجيش
...... خمسين حرة كالفات لمطراش
أركبتهن نقوه عيال هشاهيش
...... عيال قروم ما يصافون الادغاش
أوصيتكم يا منتوين المطاريش
...... دوروا بهن أبدار خاش وخر باش
عن صاحبي وصوا ورزوا شوابيش
...... سوقوا لصاف الخد عمري وما حاش
كزيت أهل عشر لحمر الطرابيش
...... قلت اتعبوا بأرض العساكر والأوباش
وأرسلت عشر يم حماية الجيش
...... ياصلن شمر مرفقت كل فتاش
وعشر تنحر ديرة الخبز والعيش
...... البصرة الفيحا ويمشي على الطاش
وعشر النضا لمبعدين المطاريش
...... يامي ومنصوري ومري ووداش
وعشر هوا بالريع حل المخابيش
...... البيت حيثه للمخاليق حواش
راحن مراد يم وجني خشاخيش
...... تلفات حفيات ومن بعد مطراش
قالوا تبلسنا وسقنا بخاشيش
...... صحنا وحلوينا ولا منه فدناش
واليوم جا من صوب خلك طواريش
...... قالوا حراوي خلك اليوم بمشاش
قلت أنكسوا يالابتي بالمداغيش
...... حوشوا لنا كل المخاليق حواش
نبي نفتش جملة الناس تفتيش
...... ياكود عن معسول الأنياب نلقاش
وان كان ما جاني حياتي على ويش
...... يقطعك يا قلب الخطأ راح من لاش
هني من مز ألثمان المباهيش
...... ياكودي اسلم واقبل الزاد واعتاش
منقول من منتديات البيرق
الوافي عزام
15/04/2007, 01:25 PM
الله يعطيك الف عافيه
واشكرك جدا
ســـرحـــان
18/04/2007, 01:43 PM
مطلوب اشعار بصوت مهنا العتيبي ليت احد يدلني على مواقع اقدر انزل منها وكذلك ان حصل جرات مختلفة ... وجزاكم الله خير
vtc4800
18/04/2007, 02:17 PM
هلا بك اخوي سرحان وبالنسبه لطلبك تحصله بإذن الله في (منتديات الخيمه الشعبيه --وشبكة الشعر)ابحث بالمحرك جوجل وبيطلع لك -ارجو اني افدتك ------------>تحياتي لك وانا بالخدمه0
اللغز الخطير
19/04/2007, 02:44 PM
لو سمحنو أبى منكم أن تيبون لي أحكام الشعر و كيف يسونه
وشكراً ...................
فاقدخوي
20/04/2007, 09:25 PM
حياك الله اخوي فاقد خوي
والله بحثت عن القصيده بكذا موقع كل موقع القا القصيده شكل جمعت لك الأبيات اللي حول الدعوى
ولا لقيت قايلها والمعذره على القصور
حلفت أنا ماهين نفسي ورى الناس=واللـي كتـب ربـي لزوم يجينـي
أعيش في ظل المعـزه بنومـاس=واعز نفسي لو تطـول السنينـي
أعيش وحداني ولا بعض الأجناس=هـذا يجاملـنـي وذا مايبيـنـي
لاشفت مالك مع اهل الدار مجلاس=كب الديار اللي بها عايشيني
أعيش في دار بها رافـع الـراس=دار وأهلـهـا كلـهـم طيبيـنـي
خلك عزيز النفس يااااطيب الساس=ودور معزتك بعسر وليني
الاخ نايف الحربي
بيض الله وجهك على مجهودك اللي بذلته
الله يكرمك بالجنه
عاشق بحر
24/04/2007, 01:30 PM
اتوقع انها لبندر بن سرور
نجد 2007
29/04/2007, 12:16 AM
الأخ نايف الحربي السلام عليكم00
في واحد من الاخوان اجتمعت وياه بالصدفه في طلعه بريه يحبها قلبك
زان هذه الكشته إن خويي متذوق للشعر عرفت ذلك بعد ما سمعت منه قصائد رائعه جداً وكان يحفظ الكثير من القصائد 00
ومع ان خوي ماهو حربي ولا أنا 00
إلا أن شاعرنا في هذه الرحله هو00
الشاعر المبدع لافي الغيداني انا لم اسمع عنه من قبل ولكن اعجبت بقصيده اشد الاعجاب فيا ليت لو تعطينا من بعض قصائده او تدلني على موقع او ديوان صوتي له وهل يوجد له اشرطت كاسيت
تقبل خالص تحياتي
نايف الحربي
29/04/2007, 11:00 PM
الأخ نايف الحربي السلام عليكم00
في واحد من الاخوان اجتمعت وياه بالصدفه في طلعه بريه يحبها قلبك
زان هذه الكشته إن خويي متذوق للشعر عرفت ذلك بعد ما سمعت منه قصائد رائعه جداً وكان يحفظ الكثير من القصائد 00
ومع ان خوي ماهو حربي ولا أنا 00
إلا أن شاعرنا في هذه الرحله هو00
الشاعر المبدع لافي الغيداني انا لم اسمع عنه من قبل ولكن اعجبت بقصيده اشد الاعجاب فيا ليت لو تعطينا من بعض قصائده او تدلني على موقع او ديوان صوتي له وهل يوجد له اشرطت كاسيت
تقبل خالص تحياتي
وعليك السلام
حياك الله اخويnajd 2007
غالي والطلب رخيص
اصلاً انا كنت ناوي انزل موضوع عن لافي الغيداني وفيه معظم قصايده وتبي تلقى فيه اللي تبي (بس يبي له يومين على مايخلص)
وهذي نبذه بسيطه عنه
هو
لافي بن حمود الغيداني الحربي
وهذي ابيات مختاره من بعض قصائده
ان جت من الطيب شقاها على الطيب = لو انها اعوج من رقبة الذلولي
وان جات من مسكين منطق واساليب = حطيتها بين الثرى والنعولي
لاحركت شعره ولا طلعت شيب = ولاضيقت صدري ولا طق جولي
وهذي اخرى
تنفعني المره على بيت اهل نوف = لو كان مالي عند اهل نوف حاجه
الجادل اللي لافني حبها لوف = لوف الهشيم اللي تلوفه عجاجه
ما ارتاح لين اشوفها بالنظر شوف =واخذ على بيت الحبيب إدراجه
وبالنسبه لسؤالك عن قصايده وين تلقاها
في محلات اشرطة الشعر تلقى له امسيات
والا مالك الا موقع قبيلة حــــــــــرب تبي تلقى كل اللي تبيه
مدمن الشات
03/05/2007, 02:03 PM
أنا سامع القصيدة هذى من واحد ونسبها لشخص له 200سنة بس مدري هو صادق أو كاذب
والقصيدة تقول :
الرابح يالي ماله ناقة ولاذلول
ولا عيال في الدهر يمحنونه
فيصل العدواني
05/05/2007, 12:53 AM
النوم ساس اللوم بين الردبه**** عين تبي الطولات نومه شلافيح والي يتعب القوم يتعب ركابه **** /////////هاذي قصيده الشاعر مريبد العدواني
الأجردي
07/05/2007, 01:04 AM
السلام عليكم ورحمة الله وبركاته .
يعطيكم هالعافيه علي هامشاركات الطيبه .
والقصايد الرائعه الموجوده في المنتدي .
ونبي تكملة القصيد لاهنتم يا اللي عنده علم .
حيث انني منذ فتره طويله لم استطع ان اجدها
لانني اذكرها وانا صغير كنت اسمعها من بعض الشيبان .
ونبدآ علي بركة الله
.................................................. ................................
: يالربع من يعرف صاحب القصيده
السلام عليكم ورحمة الله وبركاته .
يعطيكم العافيه ومسيكم بالخير جميعا
يا الربع صارلي فتره
ادور هالقصايد ولاقدرت احصلهن
الاولي :
ماعزام لاالاول ....... يا راعي الاوضاع ماعزام الاول .
والاول تحول .
الثانيه:
يا الله اليوم يا رواف .................يا ابا الافراج عاوني
خوفوني وانا ما اخاف ............... والهوا يرعب الجني
.
واللي عنده علم
الله لايهينه .
ودممت .
اخوكم:
هاوي مقناص
بسم الله الرحمن الرحيم
السلام عليكم ورحمة الله وبركاته
أخي راعي مقناص بخصوص القصيدتين فهي موجوده بشريط سامري قديم لبن حاذور ومن الصعب أن تجده
وهناك محلين من المحتمل أن تجده لديهم وهما :
1- تسجيلات الوادي الأخضر بالكويت
2- تسجيلات (جوهرة الجندل) بدومة الجندل
والشريط المذكور فيه السامريات التاليه:
1- آجل ياناثر الدمعه,,,,,,,,,,,,,,,,,,,,,تعبر خاطرك مكسور
2- مريت بيت للمحبن مقفول,,,,,,,,,,,,,,,وجابتني القدر علي حد بابه
ونشدت جيرانه عسي البيت منزول,,,,,,,,,,,,,قالوا حبيبك راح لا واسفابه
3 – مع الزمل الاول مع الزمل الاول,,,,,,,,,,,,,,,,,,,,,,,,,,,,وياراعي الاوضاح مع الزمل الاول
ومن يوم حول ومن يوم حول,,,,,,,,,,,,,,,,,,,,,,,,,,,,,,,,,ويا شبه سيل دالق يوم حول
مع الفي آباري مع الفي آباري,,,,,,,,,,,,,,,,,,,,,,,,,,,,,,,,,واجنب القمرا مع الفي آباري
يابو خزاري ويابو خزاري,,,,,,,,,,,,,,,,,,,,,,,,,,,,,,,,,,,,,,,,يا شمعة المظهور يابو خزاري
طخيمان
07/05/2007, 05:21 PM
يا جماعة الخير ودي أسألكم عن الشاعر المعروف الشاعر المعجزة ناصر الفراعنة
وين ألقا اشرطته وقصايده المسموعة الله لايهينكم
ومشكورين وما قصرتوا
الواضح من اسلوب القصيده انها للشعر الكبير بديوي الوقداني نفس اسلوبه
لكن مدري هي نفس الاسلوب لكن له الله اعلم
ولدابوسراج
04/03/2014, 05:43 PM
اهلا وسهلا فيك اخو الغالي .اللي تسأل عن القصيدة اللي مطلعها :-
ياهل النضا من يخاويني لسمناني ** اما على الجيش والا قوه رجليه
اسرح وروح واقيل فوق غدراني ** ولد العجم مايجيبه لي بقوطيه ..
................................
ابشر يالغالي القصيده معروفه وصاحبة القصبدة .. لها قصة طويله وصاحبة القصيدة . اعرفها نماما فهي من العائلة . ويمكنك التوصل معي علة توبتر .. بنفس الاسم ..او على اميل ( dihn5432@gmail.com )
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir