المساعد الشخصي الرقمي

مشاهدة النسخة كاملة : ياهل حايل تعالو ابنشدكم يابعد حيي


بدوي مكشات
07/10/2011, 01:42 PM
السلام عليكم ورحمة الله وبركاته
ياهل حايل بغيت اسالكم هل يوجد محل مستلزمات للبر بحايل
وش اسم المحل وين يقع <<صار تاريخ هع
وتسلمون يابعد حيي
الشمالي 555
07/10/2011, 09:00 PM
وعليكم السلام هلابك يابعد حيي بس ما أدري انت تعرف شي بحائل ولا لا لكن ابوصف لك تعرف الإشارة اللي عند سوق برزان وانت جاي من جهة الغرب ومخلي سماح سنتر على يمينك تجيك اول اشاره اللي عند السوق تعدها تجيك الثانية اللي يصير على يمينك بنك الأهلي تعدها وتجيك الإشاره الثالثة خذ فوق تحت تلقى المحل على يمينك اسمه سنام للوازم الرحلات وتقبل مروري واتمنى اني افدتك
حائلي ذوق
07/10/2011, 09:05 PM
وفيه محل الغليقه قبل طلعه صديان وانت وجهك للشمال ع يمينك وجهه غرب


وفيه محل وانت عند اشارة الزيتون وجهك غرب بعد ما تعدى الاشارة شفه ع يسارك وجهه شمال
wafi4sa
07/10/2011, 10:06 PM
ما ذكر لك الأخوان اللي سبقوني الله يسلمهم
ازيدك محلين على طريق المدينة المنورة قبل ملعب الجبلين يجي على يمنك وانت رايح للمدينة
واحد اسمه المقتاص وبجنبة محل الثاني مدري وش اسمه
لكن سنام هو احسن واحد تجد اكثر مستلزماتك
متمني لك التوفيق
س.س.التميمي
09/10/2011, 01:04 AM
هلا. بك اخوي
ماقصرو الشباب باعطاك الوصف وهذي هي. الاماكن
عز نفسك
09/10/2011, 01:40 AM
هلا وغلا يابعد حيي

عندك سنام أفضل شي تقريباً

دوار حديقة السمرا خل الحديقة وراك وأطلع غرب مع السيدين تجيك أشارة بعدها علطول على اليمين
طريق المدينة قبل نادي الجبلين على اليمين بعد محطة الفهاد عالم المقانيص المشراق
الأختيار للكهرب والشرع والطرابيل وتوانك الماء وأنت نازل من أشارة الحمراء وجهك شرق تقريباً يجيك سوق الجامعيين على اليمين وبعدين بنك الراجحي تجيك أشارهـ رح بوجهك قبل الأشارة الثانية على اليمين

وعندك محلات كثيرة أمام النقل الجماعي محلات شرع وتبيع منتجات السنيدي وأسعارهم أقل من المحلات المذكورة سابقاً

واذا تبي أي شي أمرني راسلني ونتواصل معك يالغالي ,,,
بدوي مكشات
10/10/2011, 10:39 AM
ياعلكم ماتنقطعون ياهل حال ولا اعضاء مكشات
والله يجزاكم خير لجميع من رد علي