يوسف الخليفة1
07/10/2011, 01:52 PM
بسم الله الرحمن الرحيم
السلام عليكم ورحمة الله وبركاته
الوسم جانا والذعيذع هفاهيف=وانسامها تلوي غصون الفيافي
نسبر مباعيد المناشي ملاهيف=نرجي من الرب الكريم العوافي
حدب الشجر عقب الذواري نواشيف=هشيمها تسفي عليه الشعافي
عقب المقيظ الدو فيه الشواحيف=بالجرهديه ينسجن السوافي
تدوحسن رمالها بالمجاريف=تذراها لفحات الرياح الصلافي
من الضحا صفق الروابع مناسيف=تبدا الزوابع مثل مشي الطوافي
عاصوفها يلقف سواة المخاطيف=على الطعوس اليابسات الدوافي
فوق العدانه كاثره لوفة الجيف=مما توارد بالحزوم الجفافي
عديت باسبوتي رجوم المشاريف=واطورق بروس العناقر قوافي
في مرقبات الصوح باقصا الطواريف=اللي عليها حايم الطير هافي
اخيل من ضوح الوسم راسم الطيف=عقب العوا رشت عليه الطخافي
تردي عليه من المزون المراديف=تنثر مراهيش الوسوم الذرافي
يا زينها عقب المطر نسمة الريف=من حاجر الجثجاث والشيح ظافي
والقوبعه تصفر بجو الترافيف=على غصون السدر والنقع صافي
والدلة الصفرا تواسا على الكيف=نرهي عليها الهيل لاجل السنافي
اللي علينا ينزل بحشمة الضيف=يلقا الوناسه ما يجيه الخلافي
هذا منانا بالسنين المجافيف=اللي محلها مثل سود الغدافي
تهالكت فيها بعاد الزواحيف=صكت مفاليها سيوف العجافي
يا رب نون يسقي الضلع والسيف=عقب الفجوج المجدبات الضعافي
يوسف الخليفة ( أبو عبد الله )
السلام عليكم ورحمة الله وبركاته
الوسم جانا والذعيذع هفاهيف=وانسامها تلوي غصون الفيافي
نسبر مباعيد المناشي ملاهيف=نرجي من الرب الكريم العوافي
حدب الشجر عقب الذواري نواشيف=هشيمها تسفي عليه الشعافي
عقب المقيظ الدو فيه الشواحيف=بالجرهديه ينسجن السوافي
تدوحسن رمالها بالمجاريف=تذراها لفحات الرياح الصلافي
من الضحا صفق الروابع مناسيف=تبدا الزوابع مثل مشي الطوافي
عاصوفها يلقف سواة المخاطيف=على الطعوس اليابسات الدوافي
فوق العدانه كاثره لوفة الجيف=مما توارد بالحزوم الجفافي
عديت باسبوتي رجوم المشاريف=واطورق بروس العناقر قوافي
في مرقبات الصوح باقصا الطواريف=اللي عليها حايم الطير هافي
اخيل من ضوح الوسم راسم الطيف=عقب العوا رشت عليه الطخافي
تردي عليه من المزون المراديف=تنثر مراهيش الوسوم الذرافي
يا زينها عقب المطر نسمة الريف=من حاجر الجثجاث والشيح ظافي
والقوبعه تصفر بجو الترافيف=على غصون السدر والنقع صافي
والدلة الصفرا تواسا على الكيف=نرهي عليها الهيل لاجل السنافي
اللي علينا ينزل بحشمة الضيف=يلقا الوناسه ما يجيه الخلافي
هذا منانا بالسنين المجافيف=اللي محلها مثل سود الغدافي
تهالكت فيها بعاد الزواحيف=صكت مفاليها سيوف العجافي
يا رب نون يسقي الضلع والسيف=عقب الفجوج المجدبات الضعافي
يوسف الخليفة ( أبو عبد الله )