استفسار مهم

[راع الفويلق]

السلام عليكم ورحمة الله وبركاته اناعندي برميل مندي بابيت المهم انا صلحت فيه تيس كامل طلع مضبوط وصلح فيه دجاج اكثر من مره ويطلع ممتاز س بعدين صلحت فيه للحم مرتين يطلع حلو بس اللحم قاسي بالمره وما ادري وش السبب هو كثرة الحطب او تنسيم على اني اكتمه بقصدير واحط عليه بطانيه مربصه بمويا واللحم طازج وبدون بهارات بس ملح وصفار الزعفران ردو علي يا اهل الخبره بالمندي :)

[محمد أبو حمد]

إذا كان اللحم من نفس النوع وصغير ( مثل كل مره ) فالسبب من النار الزايده , أما إذا قمت بتغيير نوع اللحم فا اللحم وأنا أخوك هالأيام لك عليه , حتى الدجاج مو زي بعضه .

[تركي1]

حياك أخوي

حاولت أفهم كلامك من حيث قساوة اللحم

ورأيي أنه إذا كان ينمعط معط وينقطع بصعوبة مثل ما تقولكأنه عصب- فهو لم ينضج بعد يمكن إن اللحم كبير عمر شوي

والسبب برأيي لا يخرج من أمرين إما انه اللحم عمره كبير

أو إنه هناك تنسيم في النار ولم يتم كتمه مضبوط ولم يأخذ المدة الكافيه للإستواء وبرأيي في المرات القادمة أن تزود مدة الاستواء عن السابق بالتوفيق

[راع الفويلق]

اخوي تركي اللحم يستوي وزياده يميل للاحتراق ويطلع قاسي كانه عظام

[النهايد]

افضل طريقة انك تدهن اللحم بالطماطم والبهارات


وتحطه يوم في الفليزر طبعا تغلفه عن الراوائح


وبعده تحطه في البرميل


والشكر لك

[راع الفويلق]

الصراحه المنتدى مع احترامي الشديد له نايم بالعسل وطلع تحت الهقوه والردود كلها ماهي مقنعه ولاهي من اصحاب خبره

[هآوي الصيد]

عليكم السلام ورحمة الله وبركاته ..

اخوي الغالي اكيد فيه مشكله تنسيم او ان اللحم قريب من البرميل عشان كذا زود الحراره خلاه يصير يابس.

لكن جرب مرره ثانيه ... وخل اللحم بعيد عن الجوانب حقت البرميل يعني مهوب لاصق فيه ..

وقفله بالغطاء حق البرميل وحط الخياش اللي مبلله بالمويه ثم اددددددددددددفنه .... بالتراب الله يكررمك ..
ثم رش عليه موووويه .. خفيف ...
والوقت ساعه ونص او ساعه وربع..

او عندك مشكله .. يمكن اللحم مقطعه صغير ...
يعني تقطيع تلاجه ..
خل كل شي لحاله الجنب لحال واليد لحال وكذا يعني لاتصغر اكثر من كذا ..

[راع الفويلق]

هاوي الصيد الله يعطيك العافيه كلام مقنع ومفيد وينك عني من اول انا كنت اقطعه تقطيع ثلاجه وشكل هذي المشكله