الطير مايروبج

[**عاشق الشواهين**]

السلام عليكم ورحمة الله وبركاته
طيرى شاهين جبلى قرناس ثالث او رابع البارح معطيها سمانه بريش واليوم ماروبجت
واعلفتها اليوم صدر سمانه وحطيت بالعلفه سكر نبات لانى اذبته بماء ولا شربت
وليا فكيتها والوح لها تجى مره مرتين وتوقع مع انى مااشوف اثار ملع بس ليا
طارت كانها شاده عمرها بالقوه الاحظ ذنباتها نازله عند بداية الطيران بس
فتكفون وش العله مع ان اخر ملواح لها قبل اربع ايام تقريبا 26مره
والله يجزاكم خير:s

[نادر عش]

السلام عليكم

اولاً - اذا كانت صنعتها زينه وصحتها زينة شنذرها وراح تطلع كل الروابيج المخزنة

ثانيا - بالنسبة لنزول الذنيبا وقت الدعو له عدة اسباب ومنها اذا كان الطير مملوع ملع قوي او تكون المدهنة ملتهبة التهاب حاد ومتورمة واحيان يكون من قل اللياقة (والضعف من اقرب الاحتمالات لإنزال الذنيبا عند الطيران) واقترح عليك فحص الطيرة عن الديدان

ثالثاً - خطأ تذيب السكره وتخلطها بالعلف والصحيح هو ان تعطيها الطير عن طريق الفم مثل ماتعطيه او حبة دواء لانها تذوب في معدة الطير وتنظف مابداخل المعدة

تقبل مودتي×

[**عاشق الشواهين**]

الله يوفقك دنيا واخره ويرحم والديك ويجزاك كل خير

[عزام الفواز]

لاتشنذر الى والطير صحة ممتاااااااااااازة

[alrshedi]

وعليكم السلام ورحمة الله وبركاته
اذا تبيه تروبج
عطه جربوع واموره طيبه ان مانفعه ماظرها والله يوفقك ان شاء الله

[لبيه يمنادي]

ياخوي علي حسب الكلام اللي انت كاتبه اكيد الطير لاحقه ضعف ونصيحتي وانا اخوك لا تشنذر الطير ...

افحص الطير عند الطبيب واذا كان مافيه عله شف لك حد من الصقارين اللي قريبين منك وخله ايشوف عدية

الطير واذا كان الطير عديته زينه طول بالك علي طيرك وأن شأ لله تتحسن اوضاعه ...

[راعي الفزعه.]

الحل عندي وانا طيرتي كانت نفس العله ,,,

جب لك موميان وحطه لها بقلب الحمامه وخلها تاكل القلب ولا تخليها تطعم الموميان اخفيه عنها وخلها تبلعه

واستمر لمدة ثلاث ايام والثلاث الايام اللي تعطيها موميان لاتهدها فيها ولا تكثر لها الموميان عطها قطعه بسيطه شوي

وبعدين شوف كيف الطيره ,,,


ملاحظه : لاتشنذر الطير لو كان ضعيف ...

[ابوعزيز2007]

انشاء الله افادوك الاخوان ولازم ياخوي عندك ميزان تازن الطير اذا صنيع ولا ضعيف

[رأعي الخرشه]

ألسلام عليكم ورحمة الله وبركاته
موضوع طيرك ما روبج
اكيد الطير ضعيفه اي طير ضعيفه اذا اكل ريش ما يحذف روباج على شان يستفيد منه
والطير يعرف انك ما راح تعطيه كفايه يصير الطير يخزن روباج اي طير حر او شاهين
اما بنسبه لموضوع الطير تغير طياره وذنيبه تشوف ماهي طبيعيه
احتمال يكون بداية اوكسيديه او ملع بطير شكلك شديت على الطير بدعو والطير ضعيف
وبنسبه انك تذوب سكر النبات بالعلف هذي او مره اسمع فيها انت راح تسبب لطير التهاب
في بطنه وسهال طول الوقت لين بطنه ينشف
لازم تعطي الطير حبه او حبتين على حسب حجم الطير وبطن الطير فاضي على شان يطلع الغش اللي في بطنه والماء يكون قريب منه ولا تعطي الطير سكر نبات والطير في زوكرته علف او في بطنه باقي علف
تقبل مروري

[مدهل الطير]

كلام الاخوان كله مفيد وافادوك بالصحيح.....تقبل مروري

[الجبل البري]

ماقصروا الشباب الله يعطيهم العافيه

[السفن ايت]

كلام الاخوان لا يزاد عليه بشي واما رايي فأقول ان الطير فيه ملوع عطة الموميان والصباح الضحى ادفئ ماء في ابريق وصبة على ظهر الطير وكتوفه وسبحه وخله في الشمس ولا تفرع منه لين ينشف وسلامتك

[قلب ذيب]

عرض الطير على الطبيب المختص افضل .
.. لكن من خلال الطرح يبدو أن الطير ضعيف , فالطير الضعيف هو اللي مايروبج ويحتفظ بالروباجه !
اعلف الطير لمدة ثلاثة ايام صفق حمامه بدون عظم او ريش وبعد ذلك عطه ( جرذي ) بري او طير فلا بريشه
وسوف يروبج . اذا ماروبج اعلف الطير لين ترتفع عدته وبالتالي شنذره .( الموميان لايعطى للطير سوى مره واحده كل اسبوع ولمدة مرتين او ثلاث ( كبر راس الكبريت ) اذا كان الطير اصله خلوي فهو يحتفظ بالروباج
ولابد من شنذرته بعد ان تكون فرسته خاليه من العظام والريش وبفضل شنذرته في الصباح الباكر .
.. نزول ذيل الطير مع عدم ارتفاعه يوحي بوجود ككسيديا لديه او تأثر بعض الضلوع الدقيقه نتيجة القبض الغير صحيح . والله اعلم .