المساعد الشخصي الرقمي

مشاهدة النسخة كاملة : باثفندر :: تهريب زيت من علبة الدركسون ووصل للدينمو !


PATHFINDER 4
08/10/2011, 09:25 AM
مسيكم بالخير جميعا ..


موتري باثفندر 2004 قبل فترة لاحظت زيت موجود على كامل ليات (علبة الدركسون)
وتجمع عليه غبار وصار زي الكتلة المشكلة انه وصل للدينمو !
هل المشكلة من الليات مرتخية ؟
وللعلم حتى غطاء زيت الدركسون دايم اشوف حوله زيت وكل مانضفته ومسحته بعد فترة يرجع !
شيكت على عيار زيت الدركسون ولانقص !
وش الحل ووش طريقة تنظيفه هل انظف البقعة بالديزل ولا ممكن تنشف الليات ؟؟
يكفيني نظرة
08/10/2011, 09:41 AM
افحص التهريب من وين وبعدها نظفه بماء وصابون لأن حتى زيت الفرامل نفسه يقطع الربل وتأكد من الاصلاح حق العلبه..
عبدالرحمن السالم
08/10/2011, 10:27 AM
هلا ابوسعود يالله حيه
ترا طبيعي جداً وبكل سياره تلقى غطاء زيت الدركسون حوله زيت ولو تفتح ماتلقاه ناقص ، انا مثلك انظفه وإلقاء به زيت ، طبيعي مع الحراره بس الاهم ان الزيت ماينقص اذا نقص فأكيد فيه تهريب ، الليات إلى تقول نظفها وانت بالبيت جب مناديل ومسح الزيت ونظفه بس لاتحط شى من المنظفات يعني لو ماء يكفي
موفق خير وخلنا نشوفك لاتقاطع :)
PATHFINDER 4
08/10/2011, 02:59 PM
افحص التهريب من وين وبعدها نظفه بماء وصابون لأن حتى زيت الفرامل نفسه يقطع الربل وتأكد من الاصلاح حق العلبه..


مشكور ع الرد وش المقصود ب علبة الاصلاح ؟
ولاهنت
PATHFINDER 4
08/10/2011, 03:04 PM
هلا ابوسعود يالله حيه
ترا طبيعي جداً وبكل سياره تلقى غطاء زيت الدركسون حوله زيت ولو تفتح ماتلقاه ناقص ، انا مثلك انظفه وإلقاء به زيت ، طبيعي مع الحراره بس الاهم ان الزيت ماينقص اذا نقص فأكيد فيه تهريب ، الليات إلى تقول نظفها وانت بالبيت جب مناديل ومسح الزيت ونظفه بس لاتحط شى من المنظفات يعني لو ماء يكفي
موفق خير وخلنا نشوفك لاتقاطع :)



هلا ابوسالم الله يحييك ويبقيك يالغالي
كلام سليم ابجرب ازيل هالبقع لكن خوفي لايصير شئ بالدينمو سواء من الزيت او الموية اللي بتجيه !
الله يجزاك خير وباذن الله لنا لقاء
هاوي ال7
09/10/2011, 08:22 AM
هلا اخوي انا كانت عندي نفس المشكله بس على هايلوكس
للاسف خسرت عليه حوالي 3 الاف ريال بسبب هالعلبه وغيرت الدينمو 3 مرات واخرها طلعلي الاصلاح حق العلبه ب 1500 ريال لان الزين كان يدخل بالدينمو ويحرق الدينمو
لذلك انصحك تروح اقرب ميكانيكي يشيكلك على الاصلاح والدينمو من جوا
PATHFINDER 4
09/10/2011, 12:26 PM
لاحول ولاقوة الا بالله الله يعوضك خير ..
ياليت تفيدني يالطيب وش المقصود بعلبة الاصلاح وكيف اشيك عليها ؟؟
هل هي نفس العلبة اللي تشيل غطاها وتعاير زيت الدركسون ؟؟
ابحاول انزل صورة اليوم وتشوف الزيت كيف مغطي على صدر الموتر !
PATHFINDER 4
14/10/2011, 12:13 AM
للرفع للرفع للرفع
PATHFINDER 4
17/11/2011, 09:43 PM
ساعدونا ياجماعة الخير .. كل ورشة تعطيك راي ولاندري وش السواة ؟؟
هملول السحاب
05/02/2012, 12:18 PM
السلام عليكم

ياإخوان انا عندي الدركسون به ثقل شوي مب واجد مع وجود صوت اثناء لف الدركسون بس مافي تهريب الحمدلله.

وش المشكله تتوقعون من العلبة ولا الدوده .
خالد الكايد1
17/02/2012, 09:35 PM
غير اصلاح علبة الدركسسون العلوي والسفلي قيمة العلوي 45 ريال والسفلي 200 ريال لان التهريب من مجموعة الدركسسسون

ملاحظة : تغير اصلاح علبة الدركسون العلوي بسيط ولكن اصلاح مجموعة الدركسسون السفلي يحححتاج لمهندس بااااااااااااااااااااااارع
وترى الاصلاحات موجوده في صفوة نيسان في مكة يمديك تتصل عليهم وتتاكد لان بعض المحلات تبيعها ناقصه
لا تنسانى من دعوااااااااااتك