تكفون تكفون تكفون .. قبل لا تكون الخسارة فادحة !!

[ملقاط بن جمر]

بسم الله الرحمن الرحيم ..


السلام عليكم ورحمة الله وبركاته ..


تكفون تكفون تكفون أفيدوني : ترى الموضوع طويل لكن :


اللهم إني أسألك باسمك الأعظم الذي إذا سئلت به أعطيت وإذا دعيت به أجبت أن تفتح على كل من يشارك برد أو رأي في الموضوع أن تفتح عليه من واسع فضلك .. وأن تصب عليه الرزق صبا وأن تصلح له النية والذرية وأن ترحمه ووالديه من النار ..






موتري لومينا 2005 وضعي ولله الحمد والمنة كان ممتاز لكن صار لي ظرف وجلست حول 25 يوم ما شفتها ولا انتبهت لها .. الموتر شيكت على الماء فيه بعد العيد .. طبعا انا أعبي زامل أخضر .. والوضع ممتاز حتى لو جلس المكيف شغال فترة طويلة والسيارة واقفة .. طبعا الموتر كان مع أخوي وهو رجال كبير وعاقل لاهوب راعي سرعة ومشاويره كانت تقريبا قريبة ومعقولة .. بس ما شاف الماء ابد من آخرة مرة زودت انا الماء ..


يوم الثلاثاء الماضي كنت راجع من الدوام تقريبا الساعة 8 الصبح الجو كان طيب والمشوار قريب وما شغلت المكيف .. وقفت عند إشارة ولا طولت إلا والحرارة بدت ترتفع بشكل متواصل حتى عدت النص ومشيت والحرارة ترتفع حتى وصل للخط الأول الحمر ولا تجاوزته وبدت تنزل حتى وصلت البيت ..


خليت السيارة تبرد وترتاح .. بعدين فتحتها وعبيت الماء طبعا كانت فاضية شغلتها والماء ما طش ولا طلع له رغوه ولا فقاعات والوضع طبيعي .. الشيء اللي استغربته نقط لونها تقريبا بني فاتح طفت على الماء .. مدري وش توقعت يكون وساخة أو صدى من الرديتر !! طبعا رحت بعدها على السيارة والوضع طبيعي 100%
حتى فيه مشوار بعيد رحت 40 كيلو بدون بدون مكيف و 40 كيلو بمكيف وامبير الحرارة في الوضع الطبيعي



يوم الجمعة قبل الصلاة قلت خلني اشيك عليها لقيت الماء مليان .. لكن ظهرت لي البقع البنية وفكت راسي ..


خفت لا يكون الزيت دخل على الماء هم تكون علامة تبويش لا قدر الله .. شيكت على عيار الزيت لاهوب ناقص ونفس اللزوجة تقريبا وما لاحظت أي وجود للماء في أمبير الزيت .. ولا شفت أي دخان أبيض مع الشكمان حتى لو كان خفيف .. وضع الحرارة بعد كذا مشوار طبيعي ..



تكفون عطوني رايكم في تساؤلاتي :
1 / وش هالنقط اللي طفت على الماء ووش مصدرها ؟؟ وكيف أتأكد إن الوضع ما فيه مشاكل ؟؟؟
2 / لو كنت في مكاني وش بتسوي ؟؟

[راعي حثروبه]

اخوي مساء الخير دام الحراره طبيعيه فلا تشغل بالك ترى الحراره وسوسه
والنقط اللي تشوفه في بعض ماء الرديتر يجي كان عليه زيت مثل ماء الوكالة حق تايوتا
واهم شي شيك على الاديتر دائم
وسلامتك

[راعي النوادر]

هذا صدا في المويه طبيعي

[فهد أبوسعود]

شي طبيعي لكن عموم الامريكي ما تعبي الرديتر وهو شغال أو محتر لانه يدخل مع المويا هواء

لازم تكون السياره طافيه وبارده .

في بعض السيارات الامريكيه يكون في طرمبة الماء أو الكوع حق الماء مسمار تنسيم للهواء

لازم تحل المسمار قبل ماتعبي الماء علشان يطلع الهواء .

هذا والله أعلم.............

[ابويزن2010]

ان شاء الله مافيه الا العافيه ولا تقلق

[ابو تركي المطيري]

اخوي المشكله اللي عندك بلف الحراره مهو مضبوط قفل وارتفعت الحراره وبعدها فتح ونزلت غيره وان شاء الله ان موترك يضبط

[ابو محمد1]

افادوك الاخوان وان شاء الله مافيها الاالعافيه

[ابوالوليدخالد]

حياك الله اخوي
مكمن يكون صدأ وسؤالي لك هل سحبت عيار القير وشيكت على زيت القير ممكن خلط مويه بسبب ضعف اللديتر؟
جرب الان وتأكد قبل ما يخرب القير
ودمت بصحة وسلامة

[يكفيني نظرة]

اذا انا بمكانك بسوي الاتي:
1- اغير البلف حق الحراره.
2- انظف الرديتر عند حقين الرديترات واخليه يشيك على الرديتر وما حوله .
واحب انبهك لشي: اذا ارتفعت الحراره فوق النص نصيحه طف الموتر وخله يبرد لاينشعر راس المكينه..

[بدوي جنوبي]

أسحب عيار الزيت وتأكد من مستواه
وتأكد من لونه

[sgl2002]

عندي نقطه مهمه هو لاتعبي موية رديتر غير الاصلي لاني اشوفك كاتب انك تعبي موية الزامل

[PRADO VX]

أولا تأكد من مستوى زيت القير والمكينة
ثانيا ً افتح بلف الحرارة واختبرهـ في البيت اذا انت راعي تفكيك , حطه في قدر موية وهو بارد وحط القدر على الغاز اذا كان يفتح البلف اجل البلف ممتاز
طبعا اذا ما كان عندك نقص ماء او ثوران يعني راس المكينة باذن الكريم ما صار له شيء
وتأكد من نوع الموية اللي تستخدم وما قدامك غير العافية اخوي

[ابوراكان تبوك]

اذا انا بمكانك بسوي الاتي:
1- اغير البلف حق الحراره.
2- انظف الرديتر عند حقين الرديترات واخليه يشيك على الرديتر وما حوله .
واحب انبهك لشي: اذا ارتفعت الحراره فوق النص نصيحه طف الموتر وخله يبرد لاينشعر راس المكينه..

كلام مظبووووووووط

واذا كنت شاك ان فيه خلط تلقى على غطاء الزيت من داخل مادة لونها تقريباً بيج وان شاء الله ان مافيها شيء

[(هزاع)]

نصيحه لله
اولا/ اشتر بلف حراره وكااااااله من الوكاله وركز على الوكاله لان التقليد اعدم المواتر
اثنين /اللي ينضف الاديتر يستخدم اسيد والاسيد يذوب النحاس اللي منه يصنع البلف ويقفله الاسيد
ثلاثه/بعد ماينضف ويخلص ويضخ كميه كبيره جدا جدا من الماء للتخلص من الاسيد وتئكدت بالتذوق ان مافيه حامض فرغ الاديتر وركب البلف الجديد والماء الاصلي
وقبل وبعد الاتكال على الله اول وتالي والله يحفض اموال المسلمين

[مهوووي]

انتبه لاتمشى والحراره مرتفعه هذا الي اعرفه

[عبادي ابو قبو]

تأكد من حساس المروحه اخاف يكون ملتمس عندك وتفصل المروحه وترفع الحراره الموتر .
وان شاء الله مافيها الا العافيه ..

[ذيب العك]

السلام عليكم ورحمة الله جميعا
اخوي الله يحفظك والموجودين موترك ما فيه لا العافية مثل ما قالو الاخوان شوف زيت القير وزيت المكينه ناقص ولا متغير لونه
وللاطمئنان اكثرانثر موية الاديتر القديمة ونظفة وعبي مويه جديدة وشف تطلع النقط ولا لا والله يريح بالك ويطعمك من خيره ويكفيك شرة

[بن ملان]

السلام عليكم ورحمة الله وبركاتة

أولاً كفو ووفو الاخوان بارك الله فيهم وعندي بعض الاضافات البسيطة على ماتفضلو به :


1- لا تستخدم ماء اديتر غير حق الوكالة مثل ماء بالبيد الاصلي بالنسبة للأمريكي
2- لاتزود الاديتر بالماء العادي بل أشتري كرتون ماء مقطر بـ 15 ريال الكرتون وزيد منة فقط .
3- لا تقلقل نفسك وان شاءالله الموتر ماجاة شي يالغالي

[ابرق نثيل]

هذا خلل مصنعي معروف باللومينا وهو تهريب ماء من مبرد الزيت وموقعه في الاسفل في الركن الايمن قريب من الاديتر راح الى اي ورشه اديترات يعرفونه ...


وهذي مشكله عامه في اللومينات اذا اهملته وتكرر سيناريو ارتفاع الحراره لفوق النص راح يسبب لك
تقوس في راس المكينه لانها المنيوم ومشاكل في الطبات والاديتر وطرمبة الماء ماراح توقف يمكن يخبط القير

[مسفر الاكلبي]

موترك مافيه الا العافيه بس نظف الاديتر وغير ماء اصلي موفق

[مخاوي 2004]

هذي وانا اخوك اتوقع انها وساخة بعدين لاتمشي على الموتر وهو حار خل معك جيكه مويه بالشنطه لوصار شي لاقدر الله عشان ماتبوش المكينة من الحراره او يخرب راس المكينه وان شاء الله ان موترك مافيه شي

وركب موية الاديتر الاصلية الحمراء ازين لك

[ملقاط بن جمر]

عزتي والله للي ما عنده مكشات ..
غبت يوم عن الموضوع وألقى عشرين رد ونصيحة ..
وفقكم الله جميعا..




اخوي مساء الخير دام الحراره طبيعيه فلا تشغل بالك ترى الحراره وسوسه




والنقط اللي تشوفه في بعض ماء الرديتر يجي كان عليه زيت مثل ماء الوكالة حق تايوتا

واهم شي شيك على الاديتر دائم
وسلامتك





الله يمسيك بالنور .. عز الله إنك صادق ..الحرارة وسوسة و قوية بعد ..

أما بالنسبة للأديتر فأنا حريص عليه ودايم أشيك عليه ..لكن ظرف منعني عنه .. والله المستعان ..
بيض الله وجهك على ردك ..




هذا صدا في المويه طبيعي


عساه يطلع صدا ولا يطلع شيء ثاني ..
الله يبيض وجهك..



شي طبيعي لكن عموم الامريكي ما تعبي الرديتر وهو شغال أو محتر لانه يدخل مع المويا هواء






لازم تكون السياره طافيه وبارده .


في بعض السيارات الامريكيه يكون في طرمبة الماء أو الكوع حق الماء مسمار تنسيم للهواء


لازم تحل المسمار قبل ماتعبي الماء علشان يطلع الهواء .


هذا والله أعلم.............





والله يا أبو فهد العادة إني أعبيها وهي طافية وباردة بالحيل .. لكن المرة الأخيرة عبيتها وشغلتها قلت على شان أشوف هل بيطش وإلا بيفور الماء ..

حرم الله وجهك عن النار ..





ان شاء الله مافيه الا العافيه ولا تقلق




الله يسمع منك .. رحم الله اثنين جابوك ..



اخوي المشكله اللي عندك بلف الحراره مهو مضبوط قفل وارتفعت الحراره وبعدها فتح ونزلت غيره وان شاء الله ان موترك يضبط


والله ياخوك إني شكيت في البلف لكن رحت كم من مشوار بيعد والحرارة على وضعها الطبيعي ولله الحمد ..
عساك تبطي حي ..



افادوك الاخوان وان شاء الله مافيها الاالعافيه


ما قصرت لا أنت ولا هم .. عساكم ذخر إن شاء الله ..



حياك الله اخوي





مكمن يكون صدأ وسؤالي لك هل سحبت عيار القير وشيكت على زيت القير ممكن خلط مويه بسبب ضعف اللديتر؟

جرب الان وتأكد قبل ما يخرب القير
ودمت بصحة وسلامة





الحقيقة عايرت القير بعدها بفتره . طبعا مبطي ما غيرت الزيت .. لكن الزيت ماهوب ناقص لكن فيه ريحة بسبب إن قديم ..

الله يجعلك هاديا مهديا .. راضيا مرضيا ..



اذا انا بمكانك بسوي الاتي:





1- اغير البلف حق الحراره.

2- انظف الرديتر عند حقين الرديترات واخليه يشيك على الرديتر وما حوله .
واحب انبهك لشي: اذا ارتفعت الحراره فوق النص نصيحه طف الموتر وخله يبرد لاينشعر راس المكينه..





بإذن الله سيتم تنفيذ هذي الخطوتين بأقرب وقت ممكن ..

وبالنسبة للمشي والحرارة تكاودت إني أوقف وخاصة إن البيت كان قريب جدا .. وإني مستأذن وقتها من الدوام بسبب تعب ومرض ألم بي ..
بارك الله لك في وقتك ومالك ..



أسحب عيار الزيت وتأكد من مستواه





وتأكد من لونه




تم ذلك .. لونه كان مائل للذهبي المحروق بسبب قدمه قريبا .

تم الآن تغير الزيت مع السيفون وتم اتأكد قبلها من عدم وجود ماء معه .. ولله الحمد والمنه ..
عافاك الله وأغناك ..

[ملقاط بن جمر]

عندي نقطه مهمه هو لاتعبي موية رديتر غير الاصلي لاني اشوفك كاتب انك تعبي موية الزامل

والله ياخوك لي تقريبا 4 سنوات وانا ما أعبي إلا زامل .. ولا شفت شيء منكر ..

لكن إن شاء الله بعد ما يتم غسل الرديتر وتنظيفه سيتم تعبئته أصلي .. وفي حال الزيادة ستكون ماء مقطر ..

الله لا يهينك ..




أولا تأكد من مستوى زيت القير والمكينة

ثانيا ً افتح بلف الحرارة واختبرهـ في البيت اذا انت راعي تفكيك , حطه في قدر موية وهو بارد وحط القدر على الغاز اذا كان يفتح البلف اجل البلف ممتاز
طبعا اذا ما كان عندك نقص ماء او ثوران يعني راس المكينة باذن الكريم ما صار له شيء

وتأكد من نوع الموية اللي تستخدم وما قدامك غير العافية اخوي



والله ياخوك مانيب حق فك ولا تركيب ولا هنا آك الخبرة اللي تخلينه أسوي اللي قلته ..
لكن بإذن الله راح نروح عند واحد ونخليه يختبر البلف ..

عساك تسلم .



كلام مظبووووووووط

واذا كنت شاك ان فيه خلط تلقى على غطاء الزيت من داخل مادة لونها تقريباً بيج وان شاء الله ان مافيها شيء

تم فحص الغطاء حق الزيت .. ولم يكون هناك أي ملاحظة مما ذكرت ..
وفقك الله ..



نصيحه لله
اولا/ اشتر بلف حراره وكااااااله من الوكاله وركز على الوكاله لان التقليد اعدم المواتر
اثنين /اللي ينضف الاديتر يستخدم اسيد والاسيد يذوب النحاس اللي منه يصنع البلف ويقفله الاسيد
ثلاثه/بعد ماينضف ويخلص ويضخ كميه كبيره جدا جدا من الماء للتخلص من الاسيد وتئكدت بالتذوق ان مافيه حامض فرغ الاديتر وركب البلف الجديد والماء الاصلي
وقبل وبعد الاتكال على الله اول وتالي والله يحفض اموال المسلمين


ملاحظاتك ستكون في عين الإعتبار بإذن الله ..
الله يصلح لك النية والذرية ..



انتبه لاتمشى والحراره مرتفعه هذا الي اعرفه

حدتني ظروف المرض والتعب وقرب البيت من المشي على السيارة وحرارتها مرتفعة ..
لكن بإذن الله لن تتكرر ..
كل الشكر على مداخلتك ..



تأكد من حساس المروحه اخاف يكون ملتمس عندك وتفصل المروحه وترفع الحراره الموتر .
وان شاء الله مافيها الا العافيه ..

تم التشييك على المراوح .. كلاهما تعملان وبشكل جيد ولله الحمد ..
وفقك الله لما يحب ويرضى ..





السلام عليكم ورحمة الله جميعا

اخوي الله يحفظك والموجودين موترك ما فيه لا العافية مثل ما قالو الاخوان شوف زيت القير وزيت المكينه ناقص ولا متغير لونه
وللاطمئنان اكثرانثر موية الاديتر القديمة ونظفة وعبي مويه جديدة وشف تطلع النقط ولا لا والله يريح بالك ويطعمك من خيره ويكفيك شرة


بإذن الله سيتم غسل الرديتر في القريب العاجل .. ومن ثم النظر هل ستظهر النقط فيه أم لا .
الله يرحم والديك








1- لا تستخدم ماء اديتر غير حق الوكالة مثل ماء بالبيد الاصلي بالنسبة للأمريكي
2- لاتزود الاديتر بالماء العادي بل أشتري كرتون ماء مقطر بـ 15 ريال الكرتون وزيد منة فقط .


3- لا تقلقل نفسك وان شاءالله الموتر ماجاة شي يالغالي



بإذن الله سيتم أخذ نصايحك بعين الإعتبار ..
الله لا يهينك ..



هذا خلل مصنعي معروف باللومينا وهو تهريب ماء من مبرد الزيت وموقعه في الاسفل في الركن الايمن قريب من الاديتر راح الى اي ورشه اديترات يعرفونه ...


وهذي مشكله عامه في اللومينات اذا اهملته وتكرر سيناريو ارتفاع الحراره لفوق النص راح يسبب لك
تقوس في راس المكينه لانها المنيوم ومشاكل في الطبات والاديتر وطرمبة الماء ماراح توقف يمكن يخبط القير

الله يستر من هالخلل .. وتعدي الأمور على خير ..
بارك الله فيك ونفع بك ..


موترك مافيه الا العافيه بس نظف الاديتر وغير ماء اصلي موفق

الله يسمع منك .. والأصلي ما عني وعنه بإذن الله ..
شكرا لك ..


هذي وانا اخوك اتوقع انها وساخة بعدين لاتمشي على الموتر وهو حار خل معك جيكه مويه بالشنطه لوصار شي لاقدر الله عشان ماتبوش المكينة من الحراره او يخرب راس المكينه وان شاء الله ان موترك مافيه شي

وركب موية الاديتر الاصلية الحمراء ازين لك

والله الموية الاحتياطية في الشنطة .. لكن هذاك اليوم كان له ظرفه ..
الله يوفقك ويرحم والديك ..