انتبهو من محلات الكشـــــــاته خش في البضاعه + الغلاء

[اسم قديم]

السلام عليكم ورحمة الله وبركاته


انا قصتي ياا اخون
مع محول koyo المعروف عنه لصغر حجمه وتحمله الاصلي منه وليس التقليد الموجود عند بعض المحلات يبيعونه بسعر الاصلي حسبي الله عليهم

دورتله في محلات ولا حصلته الا محلات الكشاته و تم شرائه من محلات الكشاته
حيث تم سوال ابو يمن كذا مره هل هو اصلي يقولي نعم اصلي ومكتوب عليه made in japan

شريت الجهاز المرفق تحت صورة منه وشافه واحد من الشباب قالي ذا تقليد ولاصدقته الا بعد ما شفت موضوع عن المحول والفرق بين الاصلي والتقليد المرفق رابط الموضوع تحت
انا الصراحه انقهرت الحين مين ينصفني مين يجيب حقي وحق غيري من التجار الغشاشين طيب وضح الامر قولي ذا تقليد للاصلي وذا الاصلي اصلي مو تجيب تقليد وتقول اصلي وتبيعه بسعر الاصلي واغلى بعد خافوو من الله خافوو من الله
الله يديم خسارة كل تجار يغش الناس في تجارته وبضاعته

اتمنى عدم حذف موضوعي الا اذا تم حذفه فاكيد للموقع نسبه بعد من المحل

هذا صوره المحول الي عندي التقليد

http://www.almlf.com/get-10-2011-almlf_com_sgowym42.jpg (http://www.almlf.com)

وهذا الكتابه عليه الصناعه ياباني معليش ماهي واضحه .

http://www.almlf.com/get-10-2011-almlf_com_zqtyntlj.jpg (http://www.almlf.com)



وهذا رابط محــــــــــــــــــــلات الكشـــــــــــــــــــاته الغش + غالي على ايش مدري

http://mekshat.com/vb/showthread.php?t=287286


وهذا رابط المحول الفرق بين الاصلي والتقليد

http://mekshat.com/vb/showthread.php?t=423464
...

[«نجم الخير»]

وين الكشاته يوضح لك او يعطيك اصلي

[MANSOR QATAR]

السلام عليكم ورحمة الله

اخوي انت ماتعرف تقرا انه مكتوب صنع في اليابان ؟ معذور

تقدر ترجع للمحل وترجع لهم المحول وعندك الفاتورة وكان الله غفور رحيم

تحياتي لك وللجميع

[الذيب511]

اصلن ماعاد فيه شي اصلي والاصلي صار صيني

[الصمان 2]

لا حول ولا قوة الا بالله .








.

[ابوخالد2004]

رجعه لراعي المحل وتراه طيب وتعامله ممتاز مع الزبون
وأنت شكلك منفعل وجاي جميع ماخليت شي ، طيب يمكن راعي المحل مايدري
وانا والله ما أعرفه ولالي أي علاقه معه ......

[عبدالرحمن305]

هلا بالاخ الكريم اسم قديم
تقدر ترد المحول الى محل الكشاته
يمكن عندهم لبس في موضوعك
وان شاء الله مايقصر محل الكشاته
ودائما متابع الصفحه وطلباتنا
وكم تمنيت انك ما اتهمت
موقع مكشات
بهذه العباره التي تسييء لنا جميعا
الا اذا تم حذفه فاكيد
للموقع نسبه بعد من المحل
وسيبقى دائما مكشات منبر حر للجميع
وجزاك الله خير

[أبوعسكر]

اخوي الله يجزك خير انت تهجمت على المحل وصاحبه وقلت غشني وبحثت عن من يرد لك حقك ولم تكلم صاحب
المحل وانا متفاعل معك على ان الغش شغال في كل شي نسئال الله السلامه
خذا الجهاز لصاحب المحل واذا لم يرده لك الحق انك تبحث عن من ينصفك هذا اذا كان فيه مشكله او ماهو اصلي
ونفس جهازك عندي كد معي زي الحلاوه بس ماحمله اكثر من النصف وممتاز
الله يسرامرنا وامرك

[مواطن]

يابن الحلال هذا مهب اسلوب
كلنا شرينا من محلات مختلفة وكلن يقول اصلي مكتوب عليه ياباني بس ماندري من الصادق
لاتقعد تشهر بأحد وأنت مارجعتله وتفاهمت معه

[الصميغي]

حسبي الله ونعم الوكيل
العمالة شغالة في رفع الاسعار... فيه محل رحلات لقيت عنده موقد السنيدي اللي يباع عند السنيدي 108 ريال
لقيته عندهم 210 ريال ويوم سالته ليش؟ عطاني العذر الذي تسمعه في كل مرة ( ما فيه سيم سيم شركة )

[دايم الخير]

وانا اخوك تراك استعجلت

يمكن البائع سوق لك بطريقة خاطئة او حدود علمه انه اصلي

وصانا النبي صلى الله عليه و سلم بالتماس العذر لاخينا المسلم و لك انك ترجع للمحل

انا شخصيا تعاملت مع الكشاته قبل سنتين تقريبا عملو لي حديد على عيون غاز اطاليه اصليه كان سعرهم غالي شوي بس شغلهم عجبني افضل من غيرهم لان عيون الغاز الي بالسوق مجلسه على حديد كلها صيني و انا جبت القطع من عندي و اهم ماقصروا ضبطوا لي واحد جزاهم الله خير و الى يومك كد و مد

بالنسبة لرأيي لو كان تقليد و باعك نفس سعر التقليد بالمحلات الثانية الامر سهل

الخطوره بعض المحلات تبيع تقليد بسعر الاصلي و هذي الجريمة

انت لازم تتحقق و صاحب المحل تراه طيب و فيه خير ما يعسر زبونه

الله يوفقنا واياك للخير

[عشق بري]

والله مشكلة إذا راعي المحل همه القيمة والبيع الله يقلل من أشكالهم ويبعدهم عنا

الله يكون بعونك

[سرهيد]

السلام عليكم

هلا بك اخوي الكريم

ويحيك ربي

سؤالي طال عمرك ، هل تم الرجوع لمحلات الكشاتة ...

فان كنت رجعت ولم يتم التجاوب معك فلك الحق في طرح موضوعك ..

اما ان كنت لم ترجع لهم فتراك يا اخوك مخطي ...

الكشاتة وغيره يشترون من تجار والمسؤول هو التاجر وليس المحل ، وقد اخبرني كهربائي متخصص في السيارات ولوازمها بان السوق مليء بمثل هذا النوع وهو ليس اصلي ..

تقبل مداخلتي بصدر رحب

اخوك

ابو عبدالله

[شاص]

بكل أمانة ومن خلال تعاملي مع محلات الكشاته (والتي لا أعرف من يكون صاحبها) تعاملهم راقي وذكر شريت منهم أغراض ورجعتها بعد يومين تقريباً قال العامل معك الفاتورة؟ وأعطيه إياها ويردلي فلوسي مباشرة .. إضافة إلى أن أسعارهم أقل من كثير من محلات الرحلات في عدد من المعروضات تصل إلى 20 و30 ريال في بعض السلع .. أتمنى أنك ما استعجلت بالحكم ورمي التهم قل لاتروح المحل وتكلمهم

[صاحب وفى]

السلام عليكم

هلا بك اخوي الكريم

ويحيك ربي

سؤالي طال عمرك ، هل تم الرجوع لمحلات الكشاتة ...

فان كنت رجعت ولم يتم التجاوب معك فلك الحق في طرح موضوعك ..

اما ان كنت لم ترجع لهم فتراك يا اخوك مخطي ...

الكشاتة وغيره يشترون من تجار والمسؤول هو التاجر وليس المحل ، وقد اخبرني كهربائي متخصص في السيارات ولوازمها بان السوق مليء بمثل هذا النوع وهو ليس اصلي ..

تقبل مداخلتي بصدر رحب

اخوك

ابو عبدالله


اتفق مع ابو عبدالله بكل كلمه


ومعلومه فقط قبل اسبوعين لفيت السوق لف ( ساكو ومحلات الرحلات و الديره ) الاصلي ياباني ياباني غير موجود ولقيت اصلي ولكن ليس 100 % واخبرني صاحب المحل بذلك وقالي ((هذا اصلي ولكن ليس الاصلي الليانت تدور عليه القديم )) قلت له طيب مكتوب عليه ياباني ومواصفاته قريبه من الاصلي اللي معي وانا مشتريه من 10 سنوات قال (( لا يغرك انا اعطيك العلم وانت بكيفك انا ادور زبون دائم ولا ادور زبون مؤقت ))


وتقبل تحياتي

[الموركي]

ياشين العجله..!!
على رسلك أخي الكريم ما هكذا تورد الإبل..
كان يجب عليك مراجعة صاحب المحل شخصيا قبل التهجم عليه بهذا الأسلوب الغير مبرر ..!!
يا أخوي قطع الأعناق ولا قطع الأرزاق ولو شاورت غيرك قبل ما تكتب موضوعك لطلب منك التريث والتحقق من الموضوع..فالناس بهم خير ولا يرغبون مضرة غيرهم وإذا إجتهدت ولم يأخذ حقك صاحب المحل فلك التصرف في حينه بما يمليه عليك ضميرك..
كان الله في عونك أخي الكريم..

[اسم قديم]

لا عادي الله يحيك يا اخي سرهيد وجميع الاخوان

ولا حد يقولي تراك استعجلت اذا كذا اجل كل شي ناخذه ونحذر نكون استعجلنا

اما من ناحية اني ارجع ما ارجعه انا شريت الجهاز بالليل وصباح ذاك اليوم وانا مسافر لجدة لانتداب لمدة ستة شهور
بالله عليك فاتوره صغيره وين باقي احصلها بعد الوقت ذا كله

وانا ما قهرني الا شي واحد انه يقول اصلي ويحلف ابو يمن طيب صارحني قولي كذا وكذا بس الشغله فيها كذب وخداع
معليش اذا الواحد يقبل من ناحيه تاجر او عامل يكذب عليه انا ما ارضى الا راح ارضى الا ادعي عليه وعلى كل من غش الناس خلاص كفايه ضحك على الدقون والله كفايه الى متى واحنا نسكت على كل شي بس ندفع ..

وما اقول الا حسبي الله ونعم الوكيل بس..

وان شاء الله انا راح اطرح موضوعي في كل منتدى اذا ما اخليه هو وغيره يلحق شركة المراعي
وين وزارة التجاره وين وين

.

[محلات الكشاتة]

بسم الله الرحمن الرحيم




أخي العزيز أسم قديم


أول شي
مسيك بالخير وياهلابك




وثانيآ
اليماني يقولك أصلي لانه مكتوب عليه ياباني الصنع وهذا هو الواضح
والجهاز الي معك مكتوب علية ياباني الصنع صحيح
لاني أنا مثلك أشتريه لانه ياباني
ويقولي أنه أصلي والدليل أنه مكتوب عليه ياباني
لو مكتوب علية صيني وقالك ياباني أصلي كان كلامك في متمه
ونحنو لانغش لاننا نحب للناس مانحبه لنا




ثالثآ سعره أقل من السوق بكثير
أبو 300 واط بــ98 ريال
وأبو 250 واط بــ88 ريال
والسوق يبعونه أغلى من ذالك


ومحلات الكشاتة
ليست تغش لانها تبحث عن الرزق الحلال ونا أخوك




وأذا أرت أرجاع الجهاز جبه لي في أي وقت وأنا أستقبله بصدر رحب
أو أرسله عن طريق زاجل وعلى حسابي
وأرسلي رقم حسابك حتى أودع المبلغ
ولا يكون خاطرك غير طيب وراضي



وأشكر كل من قال كلمه حق في حقنا
وأبو خالد في خدمه الجميع

[أبو عقيل النجدي]

شف وأنا أخوك محلات الكشاتة أفضل محل تقريبا بالرياض من ناحية السعر ومن ضمنها المحلات الموجودة بمخرج 15

وإن شاء الله انهم ما يقصرون معك وأنا اذكر شريت تكاية وبعد كم يوم رجعته للمحل مع الفاتورة وأخذت الدراهم دون أدنى مشكلة تذكر


بالتوفيق لأي محل يراعي الأسعار كما هو موجود بمحل الكشاتة

[ABO AKASH]

لا عادي الله يحيك يا اخي سرهيد وجميع الاخوان

ولا حد يقولي تراك استعجلت اذا كذا اجل كل شي ناخذه ونحذر نكون استعجلنا

اما من ناحية اني ارجع ما ارجعه انا شريت الجهاز بالليل وصباح ذاك اليوم وانا مسافر لجدة لانتداب لمدة ستة شهور
بالله عليك فاتوره صغيره وين باقي احصلها بعد الوقت ذا كله

وانا ما قهرني الا شي واحد انه يقول اصلي ويحلف ابو يمن طيب صارحني قولي كذا وكذا بس الشغله فيها كذب وخداع
معليش اذا الواحد يقبل من ناحيه تاجر او عامل يكذب عليه انا ما ارضى الا راح ارضى الا ادعي عليه وعلى كل من غش الناس خلاص كفايه ضحك على الدقون والله كفايه الى متى واحنا نسكت على كل شي بس ندفع ..

وما اقول الا حسبي الله ونعم الوكيل بس..

وان شاء الله انا راح اطرح موضوعي في كل منتدى اذا ما اخليه هو وغيره يلحق شركة المراعي
وين وزارة التجاره وين وين

.


أخي العزيز

هدي أعصابك :)

نحن معك ولكن بعد أن تراجع المحل ولو عن طريق التلفون

والفاتورة مهمة جدا لحفظ الحقوق مع أن هناك أناس قد يتغاضى عن الفاتورة


أنت اللي نبيه منك تراجعهم وتشوف ردهم إذا هم متجاوبين فهذا هو المطلوب

وإذا كان ردهم عليك سلبي فهناك لكل حادث حديث


وبعدين خذها مني ،،، لا تعتقد بأن كل شي يقالك أصلي هو أصلي فعلا ،،، لكن الدعوى فيها غش وفيها بدائل وفيها ايضا صناعة أصلية لكن ليست 100%

يعني تكد وتمد وياسلام ،،،،،


أما الكشاته فلم اتعامل معهم إلا مرة واحدة لكن سعرهم أقل من غيرهم وتعاملهم جيد وشريت منهم أشياء جيدة


وهذا ردهم في الأعلى :D

[المحترف للصيد]

بتوقع يا طيب لازم كنت تتأكد من السعر و اذا فعلا كان سعره اكتر من السوق فا عليك ترجعه له


و فقط في حالة نشر الموضوع ع منتديات مكشات او اي موقع اخر بس اذا رفض امر ترجيع الغرض و انت متاكد بأنه ان سعره
غير السوق



لانو في النهاية هذا باب رزق له و انا برئيي حرام الاشهار
و الرجال رد عليك و ذكر بأنه هو جاهز و عليه اجار الشحن .. فيه البركه ولله




لا تزعل من ردي في النهاية كل شخص وله وجهه نظر تختلف ع الاخر
يا طيب
تحيااتي
المحترف للصيد
ابو رامي

[s-a-l-e-e-h]

بعد ردود الإخوان اللي ما قصروا ، وشهادتهم لمحلات الكشاتة بكل خير

فأنا أعتبر الموضوع أحلى دعاية لمحلات الكشااااته

[اسم قديم]

بسم الله الرحمن الرحيم




أخي العزيز أسم قديم


أول شي
مسيك بالخير وياهلابك




وثانيآ
اليماني يقولك أصلي لانه مكتوب عليه ياباني الصنع وهذا هو الواضح
والجهاز الي معك مكتوب علية ياباني الصنع صحيح
لاني أنا مثلك أشتريه لانه ياباني
ويقولي أنه أصلي والدليل أنه مكتوب عليه ياباني
لو مكتوب علية صيني وقالك ياباني أصلي كان كلامك في متمه
ونحنو لانغش لاننا نحب للناس مانحبه لنا




ثالثآ سعره أقل من السوق بكثير
أبو 300 واط بــ98 ريال
وأبو 250 واط بــ88 ريال
والسوق يبعونه أغلى من ذالك


ومحلات الكشاتة
ليست تغش لانها تبحث عن الرزق الحلال ونا أخوك




وأذا أرت أرجاع الجهاز جبه لي في أي وقت وأنا أستقبله بصدر رحب
أو أرسله عن طريق زاجل وعلى حسابي
وأرسلي رقم حسابك حتى أودع المبلغ
ولا يكون خاطرك غير طيب وراضي



وأشكر كل من قال كلمه حق في حقنا
وأبو خالد في خدمه الجميع



ماقصرت يا ابو خالد ومن ناحية المحول اذا هو ياباني ومقلد وتدرون عنه وتبيعه بانه اصلي عاد وش نسوي
لاني ماقلت كذا وزعلت لانه جهاز كهرباء ومعروف عن الكهرباء اي غلطه او الصناعه رديئه بكرة النهار لا قدر الله وصار شي في السياره او اجهزه غاليه الثمن مين يتحمله ؟؟

اما من ناحيه سعره شريته اكثر من 100 ريال ولا اقول شي الا وانا صادق ومن ناحية الجهاز الله يعوضني وماقصرت ومشكور على الرد
.

[MANSOR QATAR]

بسم الله الرحمن الرحيم





أخي العزيز أسم قديم


أول شي
مسيك بالخير وياهلابك




وثانيآ
اليماني يقولك أصلي لانه مكتوب عليه ياباني الصنع وهذا هو الواضح
والجهاز الي معك مكتوب علية ياباني الصنع صحيح
لاني أنا مثلك أشتريه لانه ياباني
ويقولي أنه أصلي والدليل أنه مكتوب عليه ياباني
لو مكتوب علية صيني وقالك ياباني أصلي كان كلامك في متمه
ونحنو لانغش لاننا نحب للناس مانحبه لنا




ثالثآ سعره أقل من السوق بكثير
أبو 300 واط بــ98 ريال
وأبو 250 واط بــ88 ريال
والسوق يبعونه أغلى من ذالك


ومحلات الكشاتة
ليست تغش لانها تبحث عن الرزق الحلال ونا أخوك




وأذا أرت أرجاع الجهاز جبه لي في أي وقت وأنا أستقبله بصدر رحب
أو أرسله عن طريق زاجل وعلى حسابي
وأرسلي رقم حسابك حتى أودع المبلغ
ولا يكون خاطرك غير طيب وراضي



وأشكر كل من قال كلمه حق في حقنا

وأبو خالد في خدمه الجميع




بيض الله وجهك وعسى ربي يرزقك ويوفقك ان شاءلله

اشكرك من كل قلبي يابو خالد على حسن الخلق وحسن التعامل

[م.بندر]

السلام عليكم ورحمة الله وبركاته

حي الله اخي الكريم اسم قديم
منتديات مكشات منبر حر للجميع
لكن يجب من الجميع قبل طرح اي موضوع التريث قليلا
واتبع الاجراءات الصحيحه وعدم الاستعجال
بإطلاق التهم جزافا و قبل التشهير في صاحب المحل او السعله المعروضه في المنتدى
الحمدلله تبين العلم
من الأستاذ ابو خالد بارك الله فيه وفي حلاله
ونشكره على اسلوبه وحسن تعامله
واجزم لك انك لو تواصلت معه بشكل مباشر ستجد كل الرضا
وهذا ما نتمناه من الجميع وكذالك التجار
ربي يوفق الجميع لما يحب ويرضى