المساعد الشخصي الرقمي

مشاهدة النسخة كاملة : الفزززعه ابي اغراض رحلات بالجمله


الراس الابيض
08/10/2011, 08:10 PM
السلام عليكم ورحمة الله وبركاته

ابي افك محل فالغربيه للاغراض الرحلات

ويكون المحل اللي اشتري منه يكون فالغربيه بس يكون بالجمله
وشــــــكـــــــــــــــــرا
مركب الجمس
09/10/2011, 12:45 AM
يفيدونك الشباب

بالتوفيق
الرحال2222
09/10/2011, 04:53 AM
محل بالغربية ويبيع بالجملة ممكن تحصل لاكن السعر بيكون مرتفع اكيد بعد تجربة اكثر من محل بالطائف ومكة وجدة وللاسف اسعارهم مبالغ فيها عن المحلات الكبيرة اللي بالرياض والقصيم
فاذا اخذت منهم يجب ان تبيع بغالي وما كنك سويت شي
نصيحتي لك فك المحل وشوف كل اللي بتجيبة واشحنة مرة واحدة من الرياض الفرق انت اولى بة وفرق السعر عن المحلات اللي بالغربية بيعطيك السمعة ويعرف الشباب فيك تكون وفرت ونشرت اسم المحل وريحتنا من الشراء بالنت من المنطقة الوسطى
لاتنسى ابعد عن الصيني او لا تكثر منة شوف قسم البيع الاصلي مرغوب لدى الكثير والسعر المعقول ما يرد اللي يدور الطيب
ولد وايل..
09/10/2011, 05:13 AM
الله يوفقك ويرزقك وإيانا وكل مسلم ...


نصيحة ومن بغى الدح ما قال أح ..

دامك رجال صامل وتبي التجارة خلها بطريقتها .. خذ الشي من مصدرة لو الفرق ريال في القطعة !!

أنت شف أول شي وش تحتاج والأدوات وخذ كل شي من مصدره ..

فيه محلات كثير في الغربية تنفعك بالنسبة للدوافير أو الأباريق أو غيرها وبالنسبة للقطع اللي ماتتوفر إلا في محلات الرحلات تلقاها في الرياض عند اصحاب الجملة من رؤوس دوافير ولاعزب التفصيل ولا علب وجرابات وذرايات وبزابيز ..الخ

أنت مر كذا محل للرحلات وشوف وش عندهم ولما تعرف حاجتك دور السعر الأقل ..

وحاول تخلص النية في بحثك عن الرزق الحلال وابعد عن الطمع ترى ما نفع غيرك .. والله يرزقنا وياك ..
ألطايه
09/10/2011, 06:21 AM
اخوي الاخوان افادوك ماقصروا
بس فيه ملاحظه
انت تبي ترزق الله ولازم تروح للقصيم او الرياض علشان يفرق معك الاسعار مره
هناك موجود جمله ببريده والرياض
وانت تبي تفتح محل ولازم تروح لحقين الجمله
واذا لقيت باالغربيه يبي يصرون غالين مره لانهم ياخذون من حقين الرياض والقصيم
رتب لك زياره والطياران موجود والباصات موجوده ورخيصه خذ فكره ولازم تشوف علي الطبيعه
المره الاوله تبي تتعرف علي الاسعار واذا عجبك شي شحن البظاعه سهل ديانه 400ريال
واذا اخذت بظاعه كثير ترياله حموله وحده والسعر رخيص
والمره الثانيه يمكن تسافر للصين وتطور الشغله وتصير تاجر جمله للغربيه ليش لا
الله يرزقك ويوفقك وين مارحت
انت توكل علي ربك واحسن النيه والرزق يبي يجيك
واول خطوه تنزيل لاعضاء مكشات
تراهم يستاهلون