مشكلة الباترول 93 يا أهل الباترول

[الغلا كوم]

السلام عليكم

مسائكم ورد ومحبة


نحبك يا الباترول وبعض الاوقات زعلك علينا كثير


ياالاخوان عندي مشكلة بعض الاوقات تجي وهي اذا طفيت السيارة كأنها تطفي وترجع كأن السيارة بتشتغل تنتفض وتطفي ويش المشكلة

وبعض الأوقات ياشباب اذا وقفت السيارة قبل اطفي تبقى شوية كأنها معلقة يعني الضغط فوق الواحد بشوي والي دايم تحت الواحد

السيارة جيب باترول 93


الفزعة لا هنتم

[القنبله1]

هلا أخوي شف الديلكو يمكن مزيود عليه قصر عليه شوي فره من جهة اليمين ويظبط أنشالله ,,,,

[المهويهي]

بالنسبه للرعده اللي تقول هذا ملقاط القير غيره واتكل على الله .....

[sgl2002]

يارجال خذ العلم مني مشكلتك بالكلبريتر يبيله تنظيف ووزن هوا وكلها ماتكلف ١٠٠ريال وبالمره خله يشيك على الليات لايكون احدها منشق
انا عندي باترول كلبريتر وكان عندي دداسن ثنتين كلها كربريتر وكان فيها نفس الشي وهذا من اثر التراب والوسخ

هذا اذا قصدك انك اذا طفيته يعيي ما يطفى تحس انه يبي يشتغل من جديد والضغط يرتفع بعض الاحيان يعني يعلق مايرجع الوضع الطبيعي

بس قبل ماتطفي خله شوي لين يركد خصوصا لاكنت مشغل المكيف

اول وانت جاي بتوقف فك رجلك من الكلتش وهو بنمره خله يطفي من نفسه

[turkiq]

مثل ماقلك اخونا sgl 2002
الموضوع من الكربريتر ... فيه جزء صغير في الكربريتر موصل بسلك كهرباء
هذا مهمته يقطع البنزين اذا طفيت السيارة ... واذا اخترب يسبب هالمشكلة
تأكد انه سلكه موصل صح.
وتراه يتعطل مع طول عمر السيارة .. والمشكلة والله اعلم انه ما يتغير لوحده بس تأكد.
واذا حاولت مع الورش ولا طلعت بنتيجة انصحك بكربريتر ياباني بحدود 800 ريال
يرجع لك حس الموتر الجديد ... نصيحة مجرب.

[ابوالولد]

اذا انت في الرياض اوزن الديلكوو عند ورشة ابوعادل في الصناعية القديمه لو ماضبط احتمال كبير لاحق راس المكينه حراره

[الغلا كوم]

هلا أخوي شف الديلكو يمكن مزيود عليه قصر عليه شوي فره من جهة اليمين ويظبط أنشالله ,,,,

بيض الله وجهك يالغالي

الديلكو مافية شي لأن الاشتغال ثابت دايم وزنيتة

[الغلا كوم]

بالنسبه للرعده اللي تقول هذا ملقاط القير غيره واتكل على الله .....

حياك يالغالي

وبيض الله وجهك


اول بنتأكد من الكبليتر

[الغلا كوم]

يارجال خذ العلم مني مشكلتك بالكلبريتر يبيله تنظيف ووزن هوا وكلها ماتكلف 100ريال وبالمره خله يشيك على الليات لايكون احدها منشق
انا عندي باترول كلبريتر وكان عندي دداسن ثنتين كلها كربريتر وكان فيها نفس الشي وهذا من اثر التراب والوسخ

هذا اذا قصدك انك اذا طفيته يعيي ما يطفى تحس انه يبي يشتغل من جديد والضغط يرتفع بعض الاحيان يعني يعلق مايرجع الوضع الطبيعي

بس قبل ماتطفي خله شوي لين يركد خصوصا لاكنت مشغل المكيف

اول وانت جاي بتوقف فك رجلك من الكلتش وهو بنمره خله يطفي من نفسه

سلمت ودمت يابعدي اقرب شي الكبليتر

انا من حايل اذا تخبر ورشة بحايل بلغني

[الغلا كوم]

مثل ماقلك اخونا sgl 2002
الموضوع من الكربريتر ... فيه جزء صغير في الكربريتر موصل بسلك كهرباء
هذا مهمته يقطع البنزين اذا طفيت السيارة ... واذا اخترب يسبب هالمشكلة
تأكد انه سلكه موصل صح.
وتراه يتعطل مع طول عمر السيارة .. والمشكلة والله اعلم انه ما يتغير لوحده بس تأكد.
واذا حاولت مع الورش ولا طلعت بنتيجة انصحك بكربريتر ياباني بحدود 800 ريال
يرجع لك حس الموتر الجديد ... نصيحة مجرب.

حياك يالغالي

طيب الكبليتر الي تقول بـ 800 حق بترول وينفع الياباني

[صالح ابو وليد]

يبيلك كلبليتر

[يزيد 999]

مثل ماقال الاخ sgl2002 نظف الكلبليتر صارت لي نفس المشكله على باترول 97 ربع ونظفته وماعندك ازين منه ولا احد يهك عليك يقول ديلكو ولاغير الكلبليتر ابد نظف الكلبليتر وتوكل

[عاشق السراوات]

اخوي صحيح المشكله بالكربريتر وقد صارت لي ولا راحت لين غيرته فانصحك تنظفه وتشيك عليه قبل ماتغيره والله يوفقك

[القنبله1]

هلا اخوي رقم راعي ورشه بحايل 0504979079 أسمه متعب بالنسبه لخوي يزيد أرجو منه يرتقي بالرد وش يهك عليك هاذا اجتهاد منا وبعدين له دخل الديلكو رح زد عليه وأسئل ناس فاهمه وتعال كلمني وشف اما تتكلم كذا بذا الاسلوب ....لا مانسمحلك وأرجو أني افدتك ياراعي الموضوع ,,,,,

[الغلا كوم]

[QUOTE=صالح ابو وليد;7387107]يبيلك كلبليتر[/QUO

حياك يالغلا

كفيت ووفيت

[الغلا كوم]

مثل ماقال الاخ sgl2002 نظف الكلبليتر صارت لي نفس المشكله على باترول 97 ربع ونظفته وماعندك ازين منه ولا احد يهك عليك يقول ديلكو ولاغير الكلبليتر ابد نظف الكلبليتر وتوكل

حياك يالغلا

كفيت ووفيت

[الغلا كوم]

هلا اخوي رقم راعي ورشه بحايل 0504979079 أسمه متعب بالنسبه لخوي يزيد أرجو منه يرتقي بالرد وش يهك عليك هاذا اجتهاد منا وبعدين له دخل الديلكو رح زد عليه وأسئل ناس فاهمه وتعال كلمني وشف اما تتكلم كذا بذا الاسلوب ....لا مانسمحلك وأرجو أني افدتك ياراعي الموضوع ,,,,,

حياك يالغلا

كفيت ووفيت

وراح اتصل علية يالغلا

[turkiq]

حياك يالغالي

طيب الكبليتر الي تقول بـ 800 حق بترول وينفع الياباني

اي نعم طال عمرك مصنوع للباترول وهو صناعة يابانية
ويعتبر من حيث الجودة بعد الاصلي حق الشركة
يعني اذا الاصلي يمشيك 10 سنوات
الياباني يمشيك 5-7 سنوات

لكن قبل اي شي .. افحص الموتر