المساعد الشخصي الرقمي

مشاهدة النسخة كاملة : عزم الباترول 98 وتغير الطرمبه .. نقاش وفوائد . عطنا رايك ..


العتيبي 88
09/10/2011, 12:41 AM
السلام عليكم ورحمة الله وبكاته
كيف حالكم ياإأخوان


أخوأإأني يمكن اكثر من موضوع حول هذا العنوان لاكــن حنا ودنا بالي جرب وشاااف الفرق وهل حصل معه خربات ولا المكينه يلحقهاا ضرر ولا ولا ...


الباترول 98 - 99 - 2000 معروف بالعزم الردي ....


هل اذا غيرنا طرمبة البنزين الى طرمبة فتك 4800 يتغير العزم ولا لا وهل فيه ضرر على المكينه .. نبي نقاش ونبي الايجابيات والسلبيات لاني ابي اركب وحده ول ادري وشلووون فايدتها وهل فيه فرق عن عزم اول ..


كثير من الاخوان قال البنزين ماله دخل وفيه ناس قالو ركبنا طرمبة بي أم دبليو وضبط العزم والي قال طرمبة جمس ...


نسمع آآأرائكم ..
sgl2002
09/10/2011, 12:50 PM
والله أنا معي ربع 98 وعزمه ولا أروع

مدري هل تقصد النوع اللي يجي بخاخ؟
قوقل النفود
09/10/2011, 01:12 PM
العزم ماله دخل بطرمبة البنزين طيب ماأدري موترك قيرعادي أواتوماتيك
باترول 4500
09/10/2011, 01:16 PM
وعليكم السلام

أنا مركب طرمبه فتك لي سنه وما فيه أي فرق بالعزم

معي مثل موترك قير عادي ( مادري أنت عادي ولا تماتيك ) عزمه زين وخاصه بالنفود نسم وتمشي بالنفود بالراحه

أما إذا أنت راعي مقاومات يا ترهم مكينة ls1 أو تبيع موترك وتشري فتك ولا إكستيرا

بالتوفيق
العتيبي 88
09/10/2011, 01:54 PM
الموتر الي معي عادي وبخاخ ...

أخوي باترول 4500 مافيه فرق مره يعني ماركبها ،،
راعي كيف
09/10/2011, 02:17 PM
السلام عليكم
احب اقولك ماصار معي مع الباترول 2001 بخاخ
1- ركبت طرمبة مكسيما بعد ماخربت على شد البلد الصراحه فرق معي العزم شوي ولاحظت فيه فرق بنسبة 15% عن اول .
2- بعد ماخربت معي حقت المكسيما بعد ستة شهور وكان سبب الخراب اني اخلي التانكي يخلص الى النهايه وتحتمي الطرمبة وشوي شوي يترادى عزم الموتر الين غيرتها الى حقت فتك 2003 مالحظت فرق عن اول لكن اخذت درس اني ماخلي التانكي ينقص عن الربع ابد وله سنه وكم شهر معي الحين وماشوف إلا كل خير والعزم نمام .

وإذا كنت تبي عزم غير البواجي حط الرياضيه تراها طيبه حيل وتعطي عزم وإذا تبي احسن اداء ركب اسلاك وفلتر .

اخوك ابو ناصر
راعي كيف
العتيبي 88
11/10/2011, 01:47 AM
والله مدري يعني الي فهمته ياخواني انه مافيه فرررررق .. سواء طرمبة فتك ولا طرمبة مكسيما ..
adil33
11/10/2011, 06:37 AM
ركز على وزنة الديلكو لانه الماكينة البخاخ 4500 ما يثبت وزن الديلكو فيها الا نادرا وبالنسبة لطرمبة البنزين لا تركب ولا تغير الا بعد وزنية الديلكو والتجربة وافضل ما شفت من تجربه طرمبة سوبر بان 99
مركب الجمس
11/10/2011, 10:37 AM
ابدأ بالاساسيات و تنفس الموتر ..

من واقع تجربه ركب الي بقوله لك وان شاء الله بتحس ان الموتر خفيف

هدرز كامل
غير المراوح من ميكانيكيه الى كهرب
ركب فرارات
ركب طرمبه فورد قيمتها ٢٣٠ ريال
وسع ثلاجتك و الهات و اذا ماتبي تلعب بالي عندك عندي ثلاجه ولهات موسعه
وسو تصفيه كامله للمكينه بعد ماتغير الطرنمبه

بواجي دنسو - صفايه بنزين -شيك على اسلاك البواجي اذا تحتاج تغيير

بعد هذا كله عشان تحس بالفرق ركب يوني شب و خله يعدل لك على الهواء و الشراره و دفع البنزين

اي استفسار راسلني على الخاص