استفسارات لاهل الخبره ويا ليت تفيدوني

[بواردي رحال]

السلام عليك ورحمة الله وبركاته
هذا اول مشاركه لي واول موضوع ويا ليت اني افيد واستفيد :good2:
لكن الربع بغيت انشدكم و ودي اهل الخبره يفيدوني
انا ودي اشتري لي هوائيه و ناريه
الهوائي عندي قامو 27 بس والله ما تنفع
الوزنيه ما تثبت وكل شوي يا تروح يمين ولا يسار
وكل يومين عند الرمايه الي في التخصصي وزن ب 30 هلكتنا :D
في ناس جزاهم الله خير نصحوني ب الالماني :good2:
عاد انا محتار بين الفايروخ و الديانا
وابي اعرف
الفرق و الافضل بين ال 80 و 85

وبخصوص الناريه ودي بوحده
وسمعت ان افضل شي بعد الالماني
لكن البرنو لانها تقوم بمهام الالماني
وسعره معقول اما اذا كنت باخذ الالماني فازودها كم الف :D
واخذ لي شاخوفه :good:
نرجع لموضوع البرنو نصحوني الربع ب البرنو 97
هل تنصحوني فيها


ولا هنتو واعذرونا اذا طولنا عليكم :good2: :good2:

[الشقردي 205]

حياك الله إخوي . . .


من ناحية الساكتون الهوائي انا مثلك عندي قامو 27 والله انها ممتازه لكن عذروبها الوزنيه . . .


وانا والله خاطري بساكتون الماني فايروخ ولا ديانا من ناحية الالمانيات كلهم ممتازات . . .


والديانا اشهر من نار على علم . . .


الفايروخ 80 85 معروفات ماعليهم كلام لكن المشكله بالوزن وزن السلاح ثقيل . . .



الساكتون الناريه . . .


انصحك بالبرنو الزكم التشيكيه وانا للامانه ما امتلك ناريه لكن التشيكيه بكل موديلاتها مرغوبه بالهبل . . .


ومعروفه يعني خذ ولا تخاف . . .


إخـــــــــيــــــــــــــرا . . .


ادعلي بالتوفيق . . .

[ابو بدر العتيبي]

اولاً الله يحييك بين اخوانك
وثانياً بالنسبه للهوائيات عليك بالديانا افضل من الفايرخ وزي ماقالك الاخ الشقردي فرق 80 عن 85 الوزن فقط
وبنسبه للخرازه افضل شي اللمانيه بس قليله وغاليه
عليك بالبرنو افضل موديل 97 بعدها 99
واسعارها مابين 6000 الى 7000
وتحياتي لك

[بواردي رحال]

الشقردي
ابو بدرالعتيبي

الله لا يهينكم ما قصرتوا
وبيض الله وجيهكم

[بواردي رحال]

اخوي ابو بدر
الاسعار الي انت قلتها
في الرياض
او وين انا من الرياض
وهل هي بتصريح بهذا السعر
وبشحمها ولا مستعمل

ومشكووووووووووووور مقدماااا

[بواردي رحال]

يا اهل الخبره
تكفون فيدوني
بخصوص الناريه والهوائيه وين
بلقى فيه 80 فايروخ بالرياض
الربع دلوني على صاب
لكن هل هو موجود بالرياض