المساعد الشخصي الرقمي

مشاهدة النسخة كاملة : وش نصيحتكم اشتري !؟ المبلغ اللي معـي .....


آل زيدان
09/10/2011, 05:59 PM
السلام عليكم ورحمة الله


مساكم الله بالخير جميــع ..


يا أخوان هذي اول مشاركه لي بهالمنتدى .. وودي تنصحوني بما انكم اصحاب خبره


وان شاء الله القى عندكم النصيحه الطيبــه ..


انا ابي اشتري موتـر ( والأغلب جيب ) ..


واللي معي حدود الــ 60000 ريال . . وانا على وجه زواج وجالس اجهز نفسي ..


نصيحتكم لي وش الموتر الانسب لي بهالمبــلغ ؟؟


.. بحيث انه ما يتعبني عقب الشراء بالصيانه والخرابات .




والله يعطيكم العافيــه
fahad marzouq
09/10/2011, 06:13 PM
فورد او كامري ،، والف مبروك الزواج
آل زيدان
09/10/2011, 06:29 PM
الله يبارك فيك

الكامري مالي فيها أبــد

لكن الفرود اي سياره واي موديل ؟؟
(هزاع)
09/10/2011, 06:31 PM
اي شي من تايوتا او نيسان
القصيم.بريدة
09/10/2011, 06:37 PM
انا ارى جيب فورتشنر 6سلندر
اوباثفندر
ومبروك الزواج
القصيم.بريدة
09/10/2011, 06:50 PM
http://img]http://www.mekshat.com/pix/upload05/images230/mk204129_images.jpg[/img
القصيم.بريدة
09/10/2011, 06:51 PM
http://www.mekshat.com/vb/img]http://www.mekshat.com/pix/upload05/images230/mk204129_images.jpg[/img
أوتارالقلب
10/10/2011, 01:31 PM
أقول فية جيب باترل 99 نظيف مرة لايفوتك أفضل جاك أشتا وطلعات البر والوناسة وناستك تكمل بالعروس الله يجمع بينكم بخير لاتنسي تعزمني هههههههههههههههههههههههههههههههههههههههههه
آل زيدان
10/10/2011, 09:17 PM
الله يبارك فيكم جميـــع ويعطيكم العافيــه

فيه ناس كثير نصحوني بالاكسبلورر .. لكن بصراحه ماعرف عنه اي شي !!
أبو راشد505
10/10/2011, 10:49 PM
وأنا كذلك....بالنسبة لك زدها شوي وخذ واحد شبه جديد..
أحد الأقارب كان معه كراون فكتوريا وباعها وأخذ اكسبلورر لأنه أشرح..
وراااااحة على الخط وصرفية اقتصادية وفخامة..
علما إن معي بااااترول..ولا أنصحك فيه أبدا لأنك بتصير تحسب حساب بنزينه..!
وبارك الله لكما..وبارك عليكما..وجمع بينكما بخير..ورزقك الذرية الصالحة..
عاشق المسافات
10/10/2011, 11:17 PM
اذا منت راعي بر خذ الفكتوريا صرفيه وعطلات وراحه اسئل مجرب
بعدين وشلك بالسياره الشرحه توك ماعندك عائله
زواج موفق بأذن الله اهم استخير ربك.....
راعي الشبب511
16/10/2011, 12:27 PM
الف الف مبروك مقدما والله يجمع بينكما في خير
والله من خلال تجربتي لأني استخدمة فورد كراون فكتوريا مرتين وتونكار مره
ارا انه سياره ممتازه جدا واهم شي المحافضه عليها
اما اذا كنت دفش فهو بيصبر عليك ولاكن لن يصبر طويلن:D
والصراحه حتا قطع غياره في كل مكان المحلات مليانه وبجميع النوعيات والدرجات والتشاليح مليانه
اما الأن وبعد ما تزوجة رسيت على الباث فندر وتراه ممتاز انا شاريه ب 54>>2006
لاكن مافيه زي راحة الفورد
سيف الظفير
16/10/2011, 01:57 PM
اكسبلولر يالغالي موديل 2011 او 2010 ماني متأكد مشري بـ 89.000 او 93.000

دبل على الزيرو
العسيري 2007
16/10/2011, 02:29 PM
انا عندي اكسبلورر ٢٠٠٧ استخدام امريكي
ماشي ١٠٠الف
على الشرط بدي ومكينه وقير
اللون اسود وداخل بيج
دبل
٣ مراتب
آل زيدان
16/10/2011, 11:38 PM
العسيري ..

ياليت اخوي صور للاكسبلورر ومواصفاته ( دبل - فتحه - تحكم في الدركسون - تكييف مركزي .. الخ )
العسيري 2007
17/10/2011, 12:48 AM
مواصفاته
مكيف امامي
تحكم السرعه بالدركسون
مسجل cd
كشافات
رفارف
بالنسبه للصور ما عرفت انزلها
وين موقعك
آل زيدان
17/10/2011, 06:38 PM
انا موقعي بالرياض

ويالي ترسل لي الصورعلى الايميل

majed_mzn@hotmail.com
آل زيدان
20/10/2011, 03:34 AM
up



up
al-ahmadi7
20/10/2011, 03:55 AM
اخوي أل زيدان أول شي مبروك على الزواج والله يتمم لك على خير ويرزقك بالذريه الصالحه.
ثاني شي مع احترامي لخوي العسيري وتقديري له عن واقع تجربه لي مع الاكسبلورر 2002 امريكي ونظيف من دون دبل لكن بعد شهرين من شرائه خربت علي الفلنجات الخلفيه واديتها الورشه اسمها الفيصل بجده في الصناعيه وقالي شي طبيعي انت مو اول واحد يجيني معاه اكسبلورر يشتكي من هلمشكله لانه عيب مصنعي وتم تصليح السياره بهذاك البلغ والله مااذكر كم وكان عند واحد من الزملاء في العمل 2005 فل كامل دبل ظهرت عنده نفس المشكله المهم بعدها بسنه فرط علي القير وانا والله ماني حق مشي وسرعه وتم توضيبه لدى ورشة ديكسول للقير وايظا قال لي نفس الشي عيب مصنعي واخذت ضمان على التوظيب 6 اشهر واخر يوم في الضمان رجع فرط سبحان الله واوظبه المره الثانيه على الضمان وافتك منه وبيعه وهذا علمي من موديل 2002 وحتى 2005 واسف على الاطاله والله يكتب لك اللي فيه الخير وبالتوفيق.
آل زيدان
20/10/2011, 06:53 PM
الله يجزاك الخير اخوي الاحمدي

احنا والله نحتاج الناس تزودنا بالمعلومات والنصائح قبل نتورط ونشتري
والله يكثر من امثالك اخوي ويعطيك الف عافيه

الظاهر ابهون عن الاكسبلورر لاني ماشفت احد يمدحه . ولو تدخل ا موقع بيع للمستعمل
تلاقي كثير من سيارات الاكسبلورر للبيع !!

الظاهر ماحد مرتاح لها
unimoog 406
25/10/2011, 09:26 AM
الله يوفقك
ابو محمد ....
25/10/2011, 04:27 PM
الله يجزاك الخير اخوي الاحمدي

احنا والله نحتاج الناس تزودنا بالمعلومات والنصائح قبل نتورط ونشتري
والله يكثر من امثالك اخوي ويعطيك الف عافيه

الظاهر ابهون عن الاكسبلورر لاني ماشفت احد يمدحه . ولو تدخل ا موقع بيع للمستعمل
تلاقي كثير من سيارات الاكسبلورر للبيع !!

الظاهر ماحد مرتاح لها

اختلف معك اخوي
رح شف الرابطة حق الاكسبلورر واحكم..........يمدونه كثير
خاصة من 2007 وجاي والله اعلم
وليد الرشيدي
26/10/2011, 10:41 AM
الف مبروووووك وانــــــــــا انصحك بجيب با ترول _____او سلفرادو
عشق بدوي911
26/10/2011, 11:05 AM
الف الف الف مبـــــــــــــــروووك يالغالي

الصراحة توني معرس قبل شهر وكنت متحير مثلك

ويش أشتري سياره وفي نهاية قررت علي فورد فكتوريا

ورحت التوكيلات وطقت واحد جديد 2011 أصفار ب 86000 ريال

والصراحة في قمة الراحة في الخطوط

أذا أنت حق بر ما ينفعك بريال

وهذا الشي راجع لك يالغاااااااااااااااالي والله يوفقك ويسعدك يــــــــــااااا رب
أبو هشام راشد
26/10/2011, 01:43 PM
أول شيء الله يبارك لك في زواجك

نصيحتي لك بما انك ستتزوج فخذ لك سيارة صغيرة مثلا كامري 2005 قير تماتيك نظيفة في حدود 42 ألف

وإذا رغبت في سيارة ثانية فخذ لك ونيت دبل تكسرها في البر وتوسع صدرك مهوب مثل الجيب ما عندك إلا سيارة وحدة في الرياض ثقيلة وكبيرة وصرفية بنزين وما لك ولغلاها من قطع غيار وإطارات

والله ييسر أمرك
محمد حمدا
27/10/2011, 01:22 PM
أولا مبروك الزواج ماشاءالله ( منك المال ومنه العيال )

ونصيحيتي لكـ يقولون إسأل مجرب ولا تسأل طبيب
بما انك ترغب الجيب إسال احد مثلك راعي جيوب وعارفهن
واكيد التويوتا اولاً وبعدين النيسان

الــ60 ألف يمكن تجيب هدد ( لا يفوتك إن بغيت سفر للخط وللكشتات بعيد وللديره ولكل شئ )
وارجع واقول اسأل ..
محمد حمدا
27/10/2011, 01:24 PM
وفيه رجال اعرفه راعي طلعات وكشتات والرجال كان معه حوض المهم تزوج وشرى كامري 2000
ولا صبر عن الموتر (الجيب) وشرى باترول 95 ابيض .
سمو المعالي
27/10/2011, 09:26 PM
والله انا مثلك يالغالي زواجي قرب وانا معي هايلوكس 2007 ومتحير ابيعه وادور بقيمتة موتر او اصبر عليها
the_gold
28/10/2011, 01:39 AM
باث فندر ,,
بدر20
05/11/2011, 01:44 AM
الله يوفقك
مكتشف الهوات
16/11/2011, 09:06 PM
طق لك بثبوث 2005 لؤلؤي اشفه معلن عنه بقسم النيسان شكله نظيف وينصفط
صيادالجبيل
27/11/2011, 06:51 PM
أول شيء الله يبارك لك في زواجك

نصيحتي لك بما انك ستتزوج فخذ لك سيارة صغيرة مثلا كامري 2005 قير تماتيك نظيفة في حدود 42 ألف

وإذا رغبت في سيارة ثانية فخذ لك ونيت دبل تكسرها في البر وتوسع صدرك مهوب مثل الجيب ما عندك إلا سيارة وحدة في الرياض ثقيلة وكبيرة وصرفية بنزين وما لك ولغلاها من قطع غيار وإطارات

والله ييسر أمرك انا مع صاحب هذا الرد وأزيد علية لاتنسى الفورد فيكتوريااذا منت راعي بر.والله يتمم زواجك على خير ويرزقنا وياك الذرية الصالحة والجميع.
مافيه
07/12/2011, 02:33 PM
مبروك عليك الزواج

اخوي اذا كنت تبي تعفل وقل الخرابات

انحش عن الاكسبلورر بكل انواعه < مع ان الجديد يمدحونه وانا مالي نيه لا امدح فيه وما ادري عن عيوبه عشان اذمه
وانحش عن الباث بندر القديم وبالخصوص الي مكينته 3.5 ياكثر خراباته وياقل الي يزينه وقط غياره غويليه ((هو بيمشيك لاكن كل اسبوع صوت جديد يعور القلب)) واذا خبط صقط مكينه ودفه في السوق لانه ماينفع بعد التوضيب او تصقيط مكينه

عليك بالفورنتشر بالدراهم الي معك بتلقالك واحد نضيييف بالحيل ومكينته v6 وموديل 2006 او 2007 لاكن انا اشهد انه حق عفل ومايقول لا مشكلته الوحيده القديم منه (من موديل2008 ونازل) مافيه مواصفات كثيره (مثل تحكم بالمسجل من الدركسون و مثبت سرعه موجود في الفل كامل فقط vx2 وتجي مراتبه جلد) صدقني اذا طحت في النضيف عز الله انك بتنبسط عليه وين ماتبيه معك وراحته لك عليها شوي ((لاتقارنه بالامريكي و الجيوب الكبيره و السيارات الصغيره)) قارنه بالباث فندر القديم و الاكس تيرا وهو افضل منهم

وبالتوفيق وعقبال البيت
النجم السيار
11/12/2011, 10:17 PM
باث فايندر 2007
ماجد ع الصبحي
12/12/2011, 01:45 PM
أخوي الله يبارك لك في الزواج ويرزقك بالذرية الصالحة
عني توي ماخذ ميركوري قراند ماركيز 2010 ماشاء الله تبارك الرحمن راحه راحه مابعدها مع العلم أني قبل معاي ماكسيما فل كامل
لكن الماركيز راحة ياسلام وإذا تبي أشوفلك ماركيز أنا حاضر من أمريكا بطاقة جمركية
ابومشخص
13/12/2011, 09:26 AM
الله يوفقك يارب ويسهل لنا وللمسلمين الزواج

اخوي طقققق من الفورد اكسبلور وامريكي وهالخرابيط

اخوي عنده اكسبلر فاقع كبده مكينة غيرناها وقير وضبناه ودبل وضبناه
مع العلم الرجال مو راعي بر خطوط بس

انصحك بالياباني

تويوتا او نيسان

تلقا بهالقيمة جكسار 2000 الى 2002
هو بهالحدود

وتلقا جي استاندر 2004 بال60 وحولها بس مافيه مكيف خلفي

واذا بغيت موديلات اجدد تلقا بالنيسان بهالقيمة انشالله

شف الباجيرو واليوكن

الباثفايندر طبعا تلقاه بارخص اذا تبي جيوب صغار

وفي جيوب بعد ماهيب شينة فورتشنر خفيف وقوي

وبرادو


هالمواتر الله يوفقك اهم شئ تاخذ موتر ترتاحله ولا يكون راعي خرابات
الوافي550
22/12/2011, 02:30 PM
1000 مبروك الزواج
ماركيز او فيكتوريا
واذا تبي سيارة كبيرة اكسبديشن
S 3D
27/12/2011, 03:27 AM
سبحان الله وبحمده سبحان الله العظيم
استغفر الله
بالتوفيق إن شاء الله
Topstars
27/12/2011, 08:32 PM
الف مبروك الزواج
أنا اشجع الباث فندر لأني خذت ٢ الاول اول ما تزوجت وكان موديل ٢٠٠٢ المكينة ٣.٣ وقير عادي بعته بعد سنتين
واخذت الثاني موديل ٢٠٠٤ قير أوتو الحمد لله خرابته عادية وللمعلوميه هذه السيارة مات خاف منها لانها بصراحة تتحمل الكرف بشكل غير طبيعي وصغيرة وفي نفس الوقت جيب.

وما افكر أني أغير سيارتي والحمد لله لو ربي رزقك ذرية انشاء الله متحتاج تغيرها.

ملاحظة قطع الغيار تعتبر غالية مقارنة مع تويوتا هذا الكلام كان زمان الحين مافي فرق نيسان ومستوبيشي وتويوتا نفس الاسعار تقريبا
بس نيسان ومستوبيشي أنسا انها تخرب عكس تويوتا.

وانت لا زم تعرف اللي تحتاجه من السيارة وبعدها حددها ودور لك على شي نظيف وأحذر من المعارض وانا خوك أسعار غالية ويلعبون في عداد السيارات الا من رحم ربي.

دور لك شايب وخذ منه سيارة تراهم مبروكين وسيارتهم يحافظون عليها ويقدرون الشباب.

موفق
almaliki.m
05/01/2012, 09:27 PM
اهرب من الاكسبلورر هروبك من الاسد مهما كان نصيحه اخويه تايوتا وبس
العبله
06/01/2012, 05:40 PM
شف يا اخوي اللي يناسب دراهمك وبيكد معك خذ لك لاند 8 سلندر مديل 99 او 98 يمكن ما يناسبك التايوتا لكن انت تبي جيب وشي يكد وان شاء الله يمسك سعره للمعلوميه تراني منيب من محبي التايوتا لكن الحق يقال خل عنك الامريكي خاصه الفورد الدفع الرباعي وكل الامريكي لانه يخمبق ولا ينضمن في البر وبالنسبه للنيسان انا اشوف ان حد النيسان ابو خمس سنوات ويقرقع وانت وراك عرس عسا الله يوفقك والمعرس يطفر ويبي شي يمشي اموره ويكون زين لكن اذا بتاخذ تايوتا خذ لك مكينه 8 سلندر وبتلقاه نظيف ان شاء الله واذكر فيه اعلان بحاول اجيبه لك لاند vxr نظيف بس اللون عشبي غير مرغوب وسعره زييييين للي يبي يستعمل وشكله نظيف بدوره واجيبه لك ان شاء الله
واخيرا الله يوفقك ويسمح امرك وعقبال الموتر الجديد.