طريقة غريبة لسرقة مولد الكهرباء ( الماطور )

[الأخضر]

]]تحية طيبة للجميع
هذه قصه واقعية حدثت لبعض الزملاء قبل عدة سنوات في مخيم لهم بالثمامة يجتمعون فيه وخلال أحد إجتماعاتهم الليلية وعندما كانوا يلعبون الورقة ويشاهدون القنوات الفضائية والبعض منهم يسولفون ... فجأة إهتزت الخيمة قليلاً وإنقطع الكهرب والماطور شغال ويسمعون صوته ، وهذا ليس بمستغرب فمن الممكن حدوث إنقطاع للتيار .. ولكن الأغرب أنهم بدأ يسمعون صوت الماطور يبتعد ويخف ؟
فإستغربوا وعند خروجهم تفاجؤا مما رأوه !!!
شاهدوا الماطور ينطلق بسرعة عالية ويطامر على رأس الطعوس !!!؟؟؟
وهو شغال ... وصوته يخف ويخف ويبتعد ..
فهل تصدقون أن الماطور يهرب أو يجري بهذه الطريقة .
أبداً لا أحد يصدق ذلك .
لقد كان الماطور في حوض ( جيب شاص ) قام ركابه بسرقة الماطور وحمله وهو شغال وحتى لا ينتبه راعين المخيم والإنطلاق به إلى الطعوس ... خصوصاً وقد تأكدوا بأن سيارات أهل المخيم مافيها ولا جيب وكلها سيارات صغيرة وبالطبع ما قدروا يسوون أي شيء .. وراح الماطور إلى يومك .

[مهراس]

كل ظالم يظلم
نعم هذه فكره دنيئه، ولكن في نفس الوقت ليش نحنا ما نفكر بعكس الحراميه ويمكن نسوى لهم كمين.

أبوفهد

[بو راشـد]

السلام عليكم ورحمة الله وبركاته
هذه الطريقة في السرقة ليست جديدة بنسبة لي فقبل 3 سنوات كانت منتشرة في بر البحرين ولدي الحل لتجنب السرقة بهذه الطريقة.

1. عمل صبية (قاعدة) من الأسمنت مع الحرص بعمل حلقات من الحديد القوي. (أعملها فقط في الأماكن التي كل سنه تأتي أليها أو الأماكن التي بها سرقة وسبب ذكري لذالك لكي لانولث البيئة بهذه القواعد)

2. تأتي بصنقل (سلسلة من حديد) وتكون من النوع القوي والجيد بحيث يصعب قطعها.

3. تلف جسم المولد الكهربائي من جهه الأماكن الثابتة فية القوية مثل القاعدة الحديدية التي يجلس عليها المولد(موجوده في كل مولد هذه القطعة) وتمررها في حلقات الحديد التي موجودة في القاعدة الأسمنتية.

4. تجربة هذه الخطة لتأكد من فعاليتها.

وتمنياتي أن لاتفسد عليكم الكشتة بسرقة هذه الأجهزة....................................

[سواق الوايت]

ههههههههه

والله ياهم رايقين ذا اللي زارفين الماطور

[عاشق عرعر]

هذي الطريقه عندنا بالكويت وانا ماصارت معي بس سمعت فيها لاكن الحل السريع عمل سنسله بقفل في احد السيارات الموجوده وكان فيه خير يجيب ونش ويشيل السياره والماطور وشكرا

[جو الصمان]

والله مشكله خاصه إذا صار المخيم صجه ماتدري فيه سياره جايه ولالا
والله يكفينا الشر

[غالي]

الا والله دواهم تجيبون الغام وتحوطون الماطور وخل لك مسلك انت تعرفه
ومايجيهم قليل عليهم يستاهلون
<----------- مسوي فيها عميد بالحربيه خخخخخخخخ

[مرقاب الشرق]

هههههههههههههه
الله يرجهم

[فل اوبشن]

مشاكل ..

تدري فيه حل سهل وصل المولد بسلك الكهرب وخله اي واحد يفكر يلمس المولد يمسط به حتي اخوياك لا تعلمهم اذا جو يطفون الماطور يمسطبهم بعد خخخخخ
مشكور

[الضاري]

والا تدري حط لك كم فخ حول الماطور وسو عليهن تمويه علشان ما يتجنبونهن

لكن لاتنسى تعلم خوياك علشان ما تجيب العيد بأحد الشباب

أما السرقان .. يستاهلون

[راعي اللند]

اي والله يستاهلون ومن حصل شيء يستاهلة....

[الأخضر]

الأخوة الكرام :-
مهراس ، بو راشد ، سواق الوايت ، عاشق عرعر ، جو الصمان ، غالي ، أبو فارس الشمري ، فل أوبشن ، الضاري ، راعي اللاند .
أشكر لكم مروركم الكريم وتعليقاتكم الطيبة ، وإقتراحاتكم لتلافي تكرار سرقة المواطير ، والله لا يبلانا وياكم بمثل الحرامية .
تحياتي .

[wannan]

يا زين الحزابة

[عمار السفينه]

اذكر طلعنا البر ومعنا ماطور عاد يوم نمنا في الليل ويقوم ثنين من الشباب ويشيلون الماطور ويخفونه ورى شجره بعيده شوي .. عاد قمنا الصبح نحسبه انسرق .. راح واحد من الشباب يبي يطير الشراب ويلقاه.

[googl11]

عادي السارق ديته فشقه والسلام

[ابو نايف التميمي]

هههههههههههههههه

عادي حبيبي..الحين يسرقون الكحل من العين

حط لك صبه واربطه بسلسله..وعسى تسلم منهم

[ناوي نيه]

يبنلحلال وش تسوي بعدين ذولي الحراميه دلوخ يسحبونه ويخلونه يطامر يتكسر

[فهد325]

السلام عليكم ورحمة الله وبركاته
على طاري الحرامية مره طلعنا البر وخيمنا يوم جانا ضرف طارء لازم نحضر عزاء واحد من الاصدقاء وكلنا بنروح نعزي
صعبة نفك الخيمة وتعب قلنا بنخيطها ونروح والحافظ الله طبعاً فيها القش كامل الماطور الخيمة العفش كلش كامل يعني اللي بيسرق الخيمة بيسرقها كاملة مكملة الكامل وجه الله
واحد من العيال سوى ذكي وحط رادو شغال على اذاعة المملكة (علشان اذا واحد قرب للخيمة يحسب فيها ناس)
توكلنا على الله ومشينا يوم رجعنا لقينا كل شي في محله ولاكن؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لقينا الرادو مسروق
وقلنا زين جت على كذا

[هاجس]

الحل يربط الماطور بحبل طويل ويربط في رجل واحد من أصحاب الخيمة :)

وبهالطريقة يتم التعرف عليهم قبل التشميع في الصدام :)