تجربتي اليوم على كورنيش الخبر

[سافيلو]

بصراحة مافيه حتى نقد ولا فيه سمك رميت حول ساعتين ماشفت شي ابد
المكان لي جالس فيه اثار حداقه ربيان وخيوط متقطعه
والمايه جايه والبحر لونه يغري صافي بس مافيه شي للاسف

[Makaveli]

بواسطة Makaveli
أعطيك معلومة مهمة
كل ماتنزل البنقلة وتشتري سمك لو إنت مثلي من النوع إللي يحب ينظف السمك بنفسه سوي مايلي :
لما تقطع السمك فيليه من الجهتين لا ترمي السمك إللي هو الرأس والعظم , حطهم في كيس وعلى الفريزر
حتى المصارين والزفر والكلاوي والمعدة و و و و و و حتى قشر القمبري وعلى الفريزر " معلوم "
سوي طريقتين :
إما إنك تفرمهم حتى يصير ناعم مثل المعجون وتنثر منه في محيط تجليبك كل ربع ساعة إلين يحس بيك أبوصلاح "بياض" أو أبوسمرة " هامور" ويقرب كلٍ على طريقته
أو إنك تحطهم في قماش مثل الإستريتش حق الحريم " شراريب ضيقة " وتربطه عند الشاطئ يزفر من نفسه وأنت تحتسي القهوة وتبدأ صيد بعد نص ساعة أو ساعة ويجي الخير بإذن الله

أنا عن نفسي كل ماأنزل البنقلة أحط في الكيس المخلافات ( راس قميري+قشره+سمك+مصارين+عيش أي شي)وعلى الفريزر
وجربت يوم طريقة مشابهة وأنبهرت لما لقيت سمكة ضخمة زرقاء مسدوحة على بالها إن القمبري موجود ولكن من التبليم مشيت السمكة قصدي " زحفت بالقوة من ثقلها " وماأدري نوعها لأني كنت مصدوم وناوي أمشي للبيت وكبيت الموية السودة حق القمبري وجا ذاك البعير برك جمب النزلة الخلفية للسقالة الترابية

إن شاء الله تفيدك ( جمع جمع وعلى الفريزر) ترا السمك مايدرى إنك في المكان الفلاني رامي جلب إلين إنت وحظك لو طاحت جمبه أكلها وماتصيد بعدها لأن أبوصلاح كان هناك بالصدفة وترجع البيت بسمكة وحدة
أما لو زفرت يجي الصيد بعد ساعة على الأقل 3 أو 4 سمكات + أبونقطة

ومثل ماكتبت جمّعهم في كيس وعلى الفريزر إلين تصادف يوم طلعة خذ المخزون وزفّر المنطقة بقماشة مثل الشاش تلاقيه في محلات التنجيد حق الستاير زي شبك كيس الليمون
وبعد الأكل والشاهي أرمي جلب وإنشاء الله تحصل خير

[صياد الخبر]

السلام عليكم

بخصوص الخبر

من اسبوع جنعده ام 16 كيلو بفرضة الخبر بداية الممشى

ومن اسبوع ايضا في شاطى تالا الشباب 3 سبيطيات من ابو 4.5 تقريبا

ناس ثقة

بس بقولك شيء مهم

الناس اللي اسولف لك عليكم ناس مرابطه ما وراهم لا ولد ولا تلد ولا سفرة ولا خواشيق ( ملاعق )

يعني اجي الصبح قبل الدوام اشوفهم

اجي بريك الغداء الظهر اشوفهم

اجي بعد العصر نهاية الدوام اشوفهم

ومن بعدها تجيك القصص وتشوف بعينك الثلاجات وتشوف الصور

هذة انصادت هالوقت هذا انصاد هالحزة وهالمجرة

ف لا تروح ساعة وتقول مافي صيد

او تروح يومين ورا بعض وتقول مافي صيد

من بغى الدح يا خالي ما يقول اح

واسئل غيري من عشاق البحر وشف وش يقولون

ايام تصدف تجي وتروح طعومك واليمه تخلص تقل ربي مسخرك تعلف السمك

وايام تجي تصيد قرقفانه تشكها بميدار ( جلب ) وتنطله بحر تجيب لك ابو 20

والاول والاخير

ارزاق من الله سبحانه وتعالى


وبالتوفيق

ودمتم

[أبو أشجان]

السلام عليكم ورحمة الله وبركاته
مثل ماقال أخي صياد الخبر الصيد يعتمد على الوقت و حالة البحر و أهم شي لا تنسى ان الصيد أرزاق و إذا ربك كاتب لك رزق راح تعين خير و لا يمنع انك تعمل بالأسباب و تراجع امورك يمكن في شي انت ناسيه و عموما بالتوفيق و إنشاء الله نتمتع بتقاريرك

[الصياد 7000C]

انا اقول الرزق من رب العالمين وتقبل مروري

[فتحي محمد]

السلام عليكم بصراحة الاخ مكافيلي عطاك الزبدة ومن عندي خلي مع الخلطة شويت ثوم او دهن لية خروف لما تصيد ادعي لمكافيلي ثم للعبد الفقير و للمسلمين

[Makaveli]

السلام عليكم بصراحة الاخ مكافيلي عطاك الزبدة ومن عندي خلي مع الخلطة شويت ثوم او دهن لية خروف لما تصيد ادعي لمكافيلي ثم للعبد الفقير و للمسلمين


الله يوفقك ياأخي كلامك يزيد معلوماتي
كييب قووين بق بوووس :good2:
يبغالي أدهن الخليط

Garlic Powder
واللية من المسلخ

[mr-albreak]

في البداية تحية طيبه للاعضاء الكرام
وزي ما قال صياد الخبر ولا يهونون الاخوان
الصيد ارزاق ويبي له صبر ياما صرفنا
من الدنانير المدندره كيلو رايح وكيلو جاي هو ربيان
ولا خثاق ومنجوس جواف..الخ
لاكن في نقطه مهمه هو انك ماتكون سلبي استفيد
من كل تجربه في كل موقع
واسال مو عيب اذا شفت احد النواخذه حولك
تلزق وانا اخوك معليش عشان تستفيد بس لاتصير نشبه
وحاول تتعرف على اماكن اكثر وتدرس اجوائها
افضل اوقات الصيد نهار او ليل على القمره بدايت الشهر مثلا
ولا تنسى الصيد ارزاق ويبي له صبر كثيييير
والله يرزقك ويرزقنا معك

[سافيلو]

مشكورين على نصايح حلووووووووه
بجرب كم مكان وبشوف وبزفر المكان لين يجي السمك
مشكورين واليوم رايح رايح

[لبآه ياسميجآت]

تززفر المكان ... يعني نححط هالاشياء برا يم البحر؟ ولا أرميها في البـَحررر؟؟

دخلت مزاجي الطريقة صراحه .. يعطيكم العاافيه ^^

[White_Shark]

بصراحة مافيه حتى نقد ولا فيه سمك رميت حول ساعتين ماشفت شي ابد
المكان لي جالس فيه اثار حداقه ربيان وخيوط متقطعه
والمايه جايه والبحر لونه يغري صافي بس مافيه شي للاسف


أخي الكريم سافيلو

إن شاء الله تكون عندك روح الهواية مرتفعة .. والصبر مطلوب في هذي الهواية والبحث عن أماكن جديدة ايضاً مطلوب .. وطريقة الصيد ( مقاس الخيط والثقالة والطعم وحالة البحر مد ولا جزر ) مطلوبة .. والأهم من هذا كله هو معرفة بأن إذا لك رزق مكتوب فسيكون من نصيبك .. والرزق مثل مايقولون نوعين :
1- رزق تجيه .
2- ورزق يجيك .

والسمك الظاهر من النوع الأول .. يعني لازم أنك تسعى له بصبر وبمعرفة وبخبرة .. والخبرة تجيك من كثرة السؤال والممارسة والإحتكاك بناس لهم خبرة في هذا المجال .

وإن شاء الله يوفقك ويعطيك الصبر ونشوف تقاريرك المبدعة بالصيد .. وهذي الفترة الجاية فيها خير إن شاء الله وورنا شطارتك .

تقبل تحياتي .

[alqamr]

اخوي عليك بالا ستغفار واسال الله من واسعه فضله دوماً وتوكل عليه

ثانيا عليك باخذ بي الاسباب :
اول تحديد المكان الجيد
ثانيا مراعات وقت المد والجزر
ثالث تنوع في الطعم جرب الاصداف والمحار
رابعا حاول تماشي ذوي الخبره عشان تقتبس المزيد من المعرفه


هذا والله اعلم

[a.n.yid]

يعطيك العافيه على الموضوع الجميل
والله انه موضوع حلو معلومه مفيده
لك تحياتي

[سافيلو]

مشكورررررررررررررين حبابي