بعد ما وضبت القير [الأرشيف]

abw noof

10/10/2011, 01:33 AM

السلام عليكم

موتري يوكن دينالي 2007 خليجي
قدر الله وتعطل معاي القير وحصلنا مشكلة بالطنجرة وغيرتها
والحمدلله انحلت المشكلة واستلمت موتري زي الحلاوه
لاكن عندي حاجتين واجهتني
الاولى اول ما امشي ويكون الموتر بارد يتاخر القير بالتبديل
اتوقع عشان الزيت بارد لاكن ما كان يسوي كذا اول مع العلم ان حرارة زيت القير تبداء من 50 فوق الستين القير يضبط يغير ولا تلاحظ شي
الثانية اول ما حصلت لي مشكلة بالقير اشتغلت لمبة الماكينة ووضبت القير وما زالت شغالة
مع العلم اني شلت اصبع البطارية واختفت بعد ما طفيت الموتر ورجعت وشغلت رجعت والى الحين موجودة

انتظر اجاباتكم الله يعافيكم

~EmPeRor~

10/10/2011, 07:08 AM

بالنسبة للقير : احتمال وجود هواء داخل الزيت او عطل في احدى الحساسات او المنظم < لازم من الفحص ويبين

بالنسبة لمبة المكينة : احمد ربك انها تمت والعه < ماهو يطلع عندك مشكلة وتختفي

البطارية لاتفصلها نهائيا

وافحص كمبيوتر وراح يحدد لك الكمبيوتر الحساس العطلان الي تسب بتوليع المبة < واحتمال من حساسات القير

وغيرة وامسح العطل بالكمبيوتر ولاعاد بتولع وامكن اذا غيرته تطفى الحالها

اتمنا لك التوفيق

رحال7

10/10/2011, 08:48 AM

اخى عندى نفس المشكله بخصوص القير وتم تغيير الزيت والفلتر وكاله واصبح احسن ولكن عاد.. ولا يوجد اى يوجد اى مشكله من خلال فحص الكبيوتر...المشكله عندما يكون الموتر بارد التبديل بطىء وتحس الموتر غير سلس..ربما الزيت ناقص...

اذا لقيت حل خبرنا وانا كذلك

بدوي جنوبي

10/10/2011, 01:46 PM

الطنجرة اللى فى مراكز أصلاح القير ومحلات قطع الغيار
كلها مجددة وتجارية ،، لكن فيها ميزة عليها ضمان أعتقد 3 أشهر
ممكن هى سبب تأخير التعشيق ،، أرجع للورشة وقولهم ان السياره ما تغير كويس
المراكز لا تثق فيهم حتى الوكالات والله انهم يضعون لك زيت من أردئ الانواع
حتى قطع الغيار تجارى

لو مثلا خبط القير واحتاج للتوضيب الافضل ترجيع الطنجره لانها بتكون الالى اللى جت من المصنع
وسعرها قد يصل الى 10 الاف في بعض السيارات
بعد فحصها والتأكد انها سليمه .

رسلان الوايلي

10/10/2011, 01:56 PM

اذ انت في الرياض رح لعبدالرحمن الجميح
هو ازين شي للجمس

MohsinSK

10/10/2011, 02:04 PM

ما دام اللمبة شغالة,, افحص بالكمبيوتر و يقولك وين المشكلة.. احتمال يكون حساس لو واير..

abw noof

11/10/2011, 02:27 AM

كم قطعه فحصناها وتاكدنا انها سليمة
ما باقي الا الاضاءة شكلي ابفحص كمبيوتر واتاكد

abw noof

11/10/2011, 01:44 PM

فحصت كمبيوتر والحمدلله النتيجة ممتازة مافيه شي
حتى اني خليته يشيل لمبة التشييك
لاكن بعد ساعة حيرتني
قال كلمه بس ماهو متاكد منها يقول يمكن حساس الشكمان

ياليت اهل الخبرة يردون علينا

MohsinSK

11/10/2011, 02:23 PM

فحصت كمبيوتر والحمدلله النتيجة ممتازة مافيه شي
حتى اني خليته يشيل لمبة التشييك
لاكن بعد ساعة حيرتني
قال كلمه بس ماهو متاكد منها يقول يمكن حساس الشكمان

ياليت اهل الخبرة يردون علينا

المفروض لما تولع اللمبة,, في جهاز تركبه على كمبيوتر السيارة و يعطيك رمز مكون من ارقام و حروف,, ومنها الميكانيكي يعرف الخلل.. في كتلوج مخصص لفك شفرة الرموز هذي..

الفحص الا سويته هل كان عن طريق الجهاز هذا,,, لو فحص كمبيوتر نفس الا يسووه في معارض السيارات؟؟

قلب الاسد sy

11/10/2011, 09:57 PM

اخوي المشكلة عندك من طرمبة زيت القير غيرها وان شاء الله يضبط

abw noof

13/10/2011, 01:09 AM

الحمدلله حصلنا المشكلة رحت ابنظف حساسات الشكمان لقيت واحد منهم ماهو مشبوك
الي فك القير اول شايله ولا رجعه الله يصلحه
ابشركم لمبة التشييك اختفت ولله الحمد

ابوراكان تبوك

13/10/2011, 02:13 AM

اخوي المشكلة عندك من طرمبة زيت القير غيرها وان شاء الله يضبط

انت تدري كم سعر طرمبة القير علشان تتغير بمجرد تخمينات زين ان الرجال حصل المشكلة