ضبط اماكن الاطارات باليوكن 2007

[1231]

السلآم عليكم ورحمه الله وبركآته,,,

مسأآكم الله بالخير يالربع,

الحقيقه عندي يوكن 2007 غيرت توايره قبل فتره,

والظاهر الي غيره ماعرف يبرمج التواير,

طلعت لي رساله على الشاشه افحص التاير الامامي الايمن,
واروح للبنشر وافحصه سليم,

اكتشفت ان التاير الخلفي الايمن هو الي فيه مسمار,

الكمبيوتر عاكس اماكن التواير ,الي قدام حاطها ورى والي ورى قدام,

شلون اضبط مكان التواير الصحيح, وشكرا.

[اسبيدر مان]

وعليكم السلام
طيب مايمكن قلب التواير حسب تعرف الكمبيرتر لها مع ان تغيير التواير ماله علاقه مادام الجهاز راكب بالرنق

[1231]

اشكرك اخي على ردك,

ولآكن شلون نعرف الاماكن الصحيحه؟ انا بالصدفه عرفت واحد منهم ,

وشكرا

[ولد وايل..]

السلام عليكم ..

اسمع وانا اخوك سيارتك مجهزة بجهاز ضبط ومتابعه ضغط الهواء..

وكل كفر فيه سنسر (حساس) مركب على الجنط (الرنق)

وانت لما غيرت الكفرات بدول اماكنها وهذي مو مشكله..

وقف السيارة ودق السلق على وضع ستارت يعني لاتشغلها واترك القير على N والمفتاح راكب ع السوتش اضغط زر فتح الأبواب مع زر اغلاقها من الريموت تبي تسمع صوت هرن طط مدري مره أو ثلاث مرات ..

المهم أبدا بالكفر الأمامي الأيسر من جهة السواق نسم الهواء لما يضرب هرن وروح الكفر الثاني الأمامي يمين ووبعده الأيمن الخلفي وبعده الخلفي الايسر ..

تشتغل مع هذا الحركة لمبه السكن لكل زاويه يعني لمبه الإشاره حقت الإنعطاف الأيسر الأماميه تشتغل بالحاله تبين مكان الكفر المحتاج لوزن وضبط هواء ..


المهم مالك بالطويله سوها وادع لي ..

[1231]

ولد وايل

بيض الله وجهك ,ورحم الله والديك,
جزآك الله خير,وبارك لك في مالك وذريتك,

هذي دعوه طيبه :) وتستاهل كل خير

وان شاء الله تضبط البرمجه,

وشكرا.