ارجو المساعده من اصحاب الخبره..

[hantar]

:(بسم الله الرحمن الرحيم
السلام عليكم ورحمة الله وبركاته ..
اخواني الاعزاء حبيت استشيركم بواقع خبرتكم في الاسلحه ..
شريت سلاح في عام 1426 وصرحته من وقته وبعد شهرين استلمت الرخصه من قسم الاسلحه والمتفجرات بنفس المنطقه ..
المهم بعد خمس سنوات انتهت الرخصه .. 1432وجيت ابي اجددها .. ويوم جيت طلبوا السلاح كالعاده للمطابقه . وتم كل شي وبعد 3اشهر اتصلو بي وطلبوا السلاح وقالو انه مو باسمك بالجهاز باسم شخص ثاني ومبلغ عنه انه مسروق بعام 1428 .. في منطقه اخرى تبعد عن منطقتنا اكثر من الف كيلو .. :)
الي ابي استفسر عنه هل يعقل هذا الكلام ..
هل يحصل حالات كذا ..
هل علي مشكله في ذلك ..
هل سيسحبون سلاحي وانا شاريه بحلالي؟؟
ارجو من من لديه اي معلومه مساعدتي.. ولكم جزيل الشكر..

[المعايد]

ممكن يأخوي كانت الرخص أول كتابيه يعني كرت ويكتبون عليه البيانات
أما السنوات الاخيره جاك الحاسب الألي
والرجال قدم بلاغ أيام مافيه حاسب ومعاه رخصته هو بعد بنفس السلاح
ولآن هو يطالبك بأرجاعه والحكومه معه ,,,,
أنصحك أذا ماتعرف الرجال الى باعك السلاح حاول تطلع نفسك من هالسالفه لو يروح عليك السلاح
وأذا تعرفه قله السالفه وقل راح أقول أنت الي بعتنيها ,يمكن يكون حرامي أو يعرف الحرامي
هذي وجهة نظري لآقدر الله لو صارلي هالموقف
والحمد لله علي كل حال

[الشقردي 205]

أخوي شنو نوعية السلاح لو ماعليك أمر يابعد راسي . . .

[hantar]

اخوي الشقردي السلاح مسدس ..

[ابو بدر العتيبي]

لا تخاف ولا تحزن مادام الرخصه طلعت باسمك من قسم التراخيص هذا خلل اما في النظام خصوصاً انه جديد وصار من قسم المتفجرات ولا يروح للأماره زي اول ولا خطا في رقم السلاح وهذا يحصل دائماً
خل قلبك على كراسيه مايلحقك شي ابد ان شاء الله

[hantar]

لا تخاف ولا تحزن مادام الرخصه طلعت باسمك من قسم التراخيص هذا خلل اما في النظام خصوصاً انه جديد وصار من قسم المتفجرات ولا يروح للأماره زي اول ولا خطا في رقم السلاح وهذا يحصل دائماً


خل قلبك على كراسيه مايلحقك شي ابد ان شاء الله


ابيض وجه يبو بدر..
الله يفرج عنك كربه من كرب القيامه..

[concod]

أخوي تصير كخمة , ممكن فيه من يبغى يخمك وياخذ السلاح بالطريقة هذي

انت راجعهم وخلي السلاح في البيت واستفسر عن القضية , اذا اصروا على ان السلاح مسروق ارفع قضية على نفس قسم الاسلحة والمتفجرات

في حالة اصرارهمعلى ان السلاح مسروق بعد رفع القضية طالبهم باعادة قيمة السلاح مقابل تسليمه لهم لانهم في الحالة هذي يتحملون المسؤلية

خصوصا انه صرح وجددت رخصته دون اكتشاف هذا الخطأ

وانا متأكد ان القضية بتسقط وانهم بيصلحون الخطأ بقدرة قادر دون ان تسلم السلاح

[hantar]

أخوي تصير كخمة , ممكن فيه من يبغى يخمك وياخذ السلاح بالطريقة هذي

انت راجعهم وخلي السلاح في البيت واستفسر عن القضية , اذا اصروا على ان السلاح مسروق ارفع قضية على نفس قسم الاسلحة والمتفجرات

في حالة اصرارهمعلى ان السلاح مسروق بعد رفع القضية طالبهم باعادة قيمة السلاح مقابل تسليمه لهم لانهم في الحالة هذي يتحملون المسؤلية

خصوصا انه صرح وجددت رخصته دون اكتشاف هذا الخطأ

وانا متأكد ان القضية بتسقط وانهم بيصلحون الخطأ بقدرة قادر دون ان تسلم السلاح

يعطيك العافيه اخوي..
انا الى حد الان لم اسلمهم السلاح ..
وماطرحت الموضوع الا للاستعانه بآرى شرواك من الرجال الي لهم خبره واكبر مني وافهم مني..
ولو ابي اشتكيهم اشتكيهم على من؟

[v506]

إذا تبي العلم لا تجدد خله على ماهو وصدقني مهوب صاير إلى كل خير