طريقة الاشتراك عند طرح الطير لخويا العزبه الواحده

[مكرم الضيف]

ماهي الطريقه الصحيحة للاشتراك بالطير عند طرحه لخويا العزبه(الصندقه) الواحده. ارجوا التفاعل مع الموضوع لو سمحتم لاهميته ؟

[أبو فيصل]

موضوع مهم ولا تعرف عته معلومات و ياليت تنورون الشباكه الجديدين على المهنه

[مكرم الضيف]

موضوع مهم ولا تعرف عته معلومات و ياليت تنورون الشباكه الجديدين على المهنه


شكرا لك فيصل وارجوا من اخواننا التفاعل

[مكرم الضيف]

للرفع للاهمية

[وكري طراد]

يباع الطير وتقسم قيمته على العزبة كاملة

[قرناس شماالي]

لا يالغالي الطير مايشتركبه

غير الطاروح اما اصحاب العزبه هاذا شئ راجعلك انت وخوياك

اما الطير انت طرحته لحالك ماتتقاسم مع صاحب الصندقه الي تقعد عنده

واذ انت كريم ولك صاحب عزيز تخليه شريكك وطير بكيفك انت تبي توزع ماتبي هاذا راجعلك

وتقبل تحياتي

[صقار محترف]

فيه نقطة انت لم توضحها



اذا انت طرحته لحالك في الخلا .. فالطير لك لوحدك

اما اذا شفتو الطير وانتم في عزبتكم وقت غداء مثلا .. ف الطير لجميع ( المتــــــــواجدين )

[بن فتن]

السلام عليكم ورحمة الله وبركاته وبعد
نحن اهالي المنطقة الغربيه توجد هناك شروط اذا وجد عزبه وهي اما ان تكون العزبه للراحه فقط وتكون شامله جميع المصاريف او تكون شرط الشراكه وذلك بالتجمع فيها والذهاب للمقناص وذلك يتجه كل شخص جه بعضهم يكون عند البحر متمركز والبعض يقوم بالدوران والاخر يكون وراء الخط السريع والاخر يكون جهة الجبال وهناك اجهزه سواء ايكوم او بالجوال وذلك عند وجود الطير او رؤيته يكون الاتصال بينهم والتجمع والمساعده بشبكه ولاكن اغلب الصقارين العزبه موقع راحة لهم فقط وكل واحد يترزق الله ولكم شكري وتقديري

[ابوعزيز2007]

والله انا اتوقع انه اذا كنتم شله متقاطين في عزبه في الاغراض وكل شيء فتكون بين جميع الذين في العزبه او يكون الي طارح الطير له النصيب الاكبر

[الـسـاطـع]

بالنسبه للمنطقه الغربيه (الساحل) الأكثر والأغلبيه يكون لراعي الطير النصف والنصف الآخر للبيقيه الي في العزبه بشرط ان جميع العزبه متعاونين في طرح الطير
أما اذا كان قانص لوحده وعين الطير الحاله وطرحه هنا ترجع لشيمتك الي تبي تعطيهم من قيمة الطير
وفيه أمور كثيره بالنسبه للخشر بين العزب عند الطير والمجال متوسع والقرارات كثيره
لكن مافيه نظام متعارف عليه ومتبع عند الجميع وكل الأمور هذه ترجع للنيه .....
الله يرزق ويوفق كل قناص بالطير الطيب الي يعوض تعبه
تحياتي لك أخوي مكرم الضيف

[مكرم الضيف]

شكرا للجميع وانا طرحت الموضوع هنا للاستفاده واخذ الاراء لانه حصلت مشادات كلاميه بهذا الموضوع ولا احد جزم بشئ ثابت.

لكن الحقيقة ان ضروف طرح الطير هي اللي تحكم

تقبلوا تحياتي ومانستغني عن الاراء الاخرى ليستفيد الجميع كما استفدنا من الاراء السابقة

[عاشق الظلمه]

شوفو يا اخوان انا سجلت بالمنتدى عشان الموضوع هذا والموضوع فيه نقاشات كثير بس المتعارف عليه هو جود النيه يعني الاتفاق بين شخصين او اكثر من بداية الموسم اوخلال فتره معينه من الموسم فلو اتجهو الى مناطق بعيده جدا ولو خارج الحدود وهم متناوين فانه تكون قسمه بينهم وقد صارت مواقف كثيره واختلافات بين الطواريح وحكم فيها بالقسمه ولست خبير في هذا المجال ولكن حضرت بعض مجالس الحكم وسمعت وشاهدت ....

[أبو فيصل]

يازين شيختك لحالك محد يخاشرك في صيدك أو يسمّعك شي ما يجوز لك وأنت في غناة منه و من غيره

الحاجه اللي دونها الناس قشره = والحاجه اللي عند ربك سهاله
الصاحب النادر بع الناس واشره = احرص على اللي عزته راس ماله
لا صرت تقدر لا يجي معك خشره = ترا (الشراكه) كلبوها عباله

[بندر خلف]

يفيدونك الشباكين

لاكن انا لو اشبك طيرر ببيعه واقسم قيمته على الي كانو معي

او اني اصقره واخليه لي