الفزعه يالوجيه الطيبه واهل الخبره......تكفون

[أبوفهدوغيد]

السلام عليكم ورحمه الله وبركاته

أخواني عندي باترول 90 سلق ربع الموتر لاحظت ان تعشيقة الخامس
ثقيله ماهي مثل النمر الثانيه رحت وغيرت الزيت 140 فوكس ويوم فك الصره لقيت عليها زي برادة الحديد سالت البنشري قال عادي المهم القير زان وصار تعشيقه حلو بعد فتره رجعت لي مشكله انو مايقبل التعشيق بالثاني الا بالقوه خاصه لما اهدي او ادور من عند اشاره او بدخل لفه بس اذا صار واقف عادي يعشق واذا صار طافي بدون مادعس كلتش الاول والثاني مايعشق النمر الثانيه تعشق عادي وبخفه تكفون الي عنده خبره بالشي هذا يرد الله يرحم والديكم وفيه شي ثاني لاحظت الكلتش عندي ربع الدعسه فاضيه
وممكن تدلون على افضل ورشه ببريده او عنيزه

أخوكم ابوفهد

[ابو تركي المطيري]

[QUOTE]السلام عليكم ورحمه الله وبركاته




أخواني عندي باترول 90 سلق ربع الموتر لاحظت ان تعشيقة الخامس
ثقيله ماهي مثل النمر الثانيه رحت وغيرت الزيت 140 فوكس ويوم فك الصره لقيت عليها زي برادة الحديد سالت البنشري قال عادي المهم القير زان وصار تعشيقه حلو بعد فتره رجعت لي مشكله انو مايقبل التعشيق بالثاني الا بالقوه خاصه لما اهدي او ادور من عند اشاره او بدخل لفه بس اذا صار واقف عادي يعشق واذا صار طافي بدون مادعس كلتش الاول والثاني مايعشق النمر الثانيه تعشق عادي وبخفه تكفون الي عنده خبره بالشي هذا يرد الله يرحم والديكم وفيه شي ثاني لاحظت الكلتش عندي ربع الدعسه فاضيه
وممكن تدلون على افضل ورشه ببريده او عنيزه



أخوكم ابوفهد


140 ثقيل على القير القير تحطله 80w90 هذا الانسب له

[أبوفهدوغيد]

[QUOTE=أبوفهدوغيد;7396842]

140 ثقيل على القير القير تحطله 80w90 هذا الانسب له


بيض الله وجهك أبو تركي لا خلا ولاعدم ان شاء الله

بس انا قال لي الميكانيكي غير ل 140 افضل

وننتظر راي باقي الاخوان

[ss_ss_22]

ما عندي خلفيه بس إن شاء الله الشباب ما يقصرون.

[أبوفهدوغيد]

ما عندي خلفيه بس إن شاء الله الشباب ما يقصرون.



تسلم الله يخليك يكفيني مرورك وردك على الموضوع
تقبل تحياتي

[ربيع مكشات]

با النسبه للسيارت القديمه زيت 140افضل والمفروض تزيد الزيت ما تغيره لحيث حصل معي في سياره مشابهه وعند سؤالى لمهندس صديق لي قال لاتغير 90وغيرة الى 140والحمد لله صارة نفس وضعها الطبيعي هذا والله ولى التوفيق

[أبوفهدوغيد]

با النسبه للسيارت القديمه زيت 140افضل والمفروض تزيد الزيت ما تغيره لحيث حصل معي في سياره مشابهه وعند سؤالى لمهندس صديق لي قال لاتغير 90وغيرة الى 140والحمد لله صارة نفس وضعها الطبيعي هذا والله ولى التوفيق


هلا وغلا فيك اخوي ربيع بس انا غيرت الزيت 140 على كلام الميكانيكي

تشرفت بردك ومرورك

[أبوفهدوغيد]

المشاهدات 49 والردود ؟؟؟؟؟؟
الله كريم

[بدوي جنوبي]

يعنى أنحلت مشكلة تعشيق ال5
وظهرت العشيق ال2

المفروض يا طويل العمر ما تغير زيت القير لان سيارتك قديمة
ولا تصين بصفة دوريه مثل السيارات الجدد
اذا كل فتره تغير زيوت الدفرنسات والقير ما يظهر مشكله
بالرغم انى ضد تغيير زيت الدفرنس للسيارات سواء جديد او قديم .

لكن فيه طريقة شرحها المشرف أصيل ابو عبدالرحمن
تغيير زيت الدفرنس او القير على مراحل
اولا أسحب ربع كمية الزيت الموجودة بالدفرنس او القير
وأضف مكانه زيت جديد ويفضل يكون 140 للدفرنس و90 للقير
وأستخدم السياره لعدة ايام ثم
المرحله الثانيه :
تسحب نصف كمية الزيت وتضيف زيت جديد وتسخدم السياره فترة أطول ممكن شهر
الثالثه : تغير الزيت بالكامل .

طبعا تغير الزيوت في حال دخول الماء مثلا او تحول الزيت الى زبد يعنى غير صالح .
وهذه حاله نادرة .

أخيرا لا تفكر تفك القير لانه مستحيل يرجع مثل شد بلد

[أبوفهدوغيد]

يعنى أنحلت مشكلة تعشيق ال5
وظهرت العشيق ال2

المفروض يا طويل العمر ما تغير زيت القير لان سيارتك قديمة
ولا تصين بصفة دوريه مثل السيارات الجدد
اذا كل فتره تغير زيوت الدفرنسات والقير ما يظهر مشكله
بالرغم انى ضد تغيير زيت الدفرنس للسيارات سواء جديد او قديم .

لكن فيه طريقة شرحها المشرف أصيل ابو عبدالرحمن
تغيير زيت الدفرنس او القير على مراحل
اولا أسحب ربع كمية الزيت الموجودة بالدفرنس او القير
وأضف مكانه زيت جديد ويفضل يكون 140 للدفرنس و90 للقير
وأستخدم السياره لعدة ايام ثم
المرحله الثانيه :
تسحب نصف كمية الزيت وتضيف زيت جديد وتسخدم السياره فترة أطول ممكن شهر
الثالثه : تغير الزيت بالكامل .

طبعا تغير الزيوت في حال دخول الماء مثلا او تحول الزيت الى زبد يعنى غير صالح .
وهذه حاله نادرة .

أخيرا لا تفكر تفك القير لانه مستحيل يرجع مثل شد بلد


مرحبا فيك اخوي بدوي جنوبي شرفني مرورك العطر

نعم راحت مشكله تعشيق الخامس بعد تغيير الزيت وبعد كم يوم طلعت مشكله تعشيق الثاني انو مايقبل التعشيق بسهوله لاصرت بهدي عند لفه او دخله شارع فرعي واذا وقفت عادي يعشق بدون اي مشاكل وانا عندي الكلتش فيه شويه فضاوه يعني ممكن ربع الدعسه

تسلم مره ثانيه على المرور الكريم

[sgl2002]

ياخوي اذا كنت تقصد ان القير مايلقم وانت باقي مسرع من فوق ال٤٠ فهذا طبيعي وعندي في اكثر من جيب

وفيه جيب عندنا له١٨ سنة من اول ماشريناه

مايلقم اثنين الا لين نهدي او نمسك بريك بقوة

المهم كل نمرة ولها نفس

حتى حاول تعشق الاول وانت تمشي ٣٠ تشوفه يقررر
ولا يلقم الا ببريك

علئ العموم قبل تعطيه ٢ عطه ٣ ثم ٢

او امسك بريك خفيف

او اول شي ادعس الكلتش للاخير وانتظر ثم عشق وتشوف يلقم معك ولاتقوم بالتعشيق مع دعسة الكلتش في نفس الوقت

[أبوفهدوغيد]

ياخوي اذا كنت تقصد ان القير مايلقم وانت باقي مسرع من فوق ال٤٠ فهذا طبيعي وعندي في اكثر من جيب

وفيه جيب عندنا له١٨ سنة من اول ماشريناه

مايلقم اثنين الا لين نهدي او نمسك بريك بقوة

المهم كل نمرة ولها نفس

حتى حاول تعشق الاول وانت تمشي ٣٠ تشوفه يقررر
ولا يلقم الا ببريك

علئ العموم قبل تعطيه ٢ عطه ٣ ثم ٢

او امسك بريك خفيف

او اول شي ادعس الكلتش للاخير وانتظر ثم عشق وتشوف يلقم معك ولاتقوم بالتعشيق مع دعسة الكلتش في نفس الوقت

هلا وغلا اخوي العزيز
بيض الله وجهك على مرورك وكلامك الطيب ما شاء الله خبره طويله عريضه بالجيوب

ريحتني بكلامك ورايك الطيب

تسلم مره ثانيه اخوك ابو فهد

[بدوي جنوبي]

مرحبا فيك اخوي بدوي جنوبي شرفني مرورك العطر

نعم راحت مشكله تعشيق الخامس بعد تغيير الزيت وبعد كم يوم طلعت مشكله تعشيق الثاني انو مايقبل التعشيق بسهوله لاصرت بهدي عند لفه او دخله شارع فرعي واذا وقفت عادي يعشق بدون اي مشاكل وانا عندي الكلتش فيه شويه فضاوه يعني ممكن ربع الدعسه

تسلم مره ثانيه على المرور الكريم



يبو فهد انت معود رجلك تكون على الدعسة صح
عشان كذا يصير فضاوة في الدعسه
عموما شيك على علبة زيت الكلتش ما يكون فيها تهريب
وعلى مستوى الزيت ،،،،

[أبوفهدوغيد]

يبو فهد انت معود رجلك تكون على الدعسة صح
عشان كذا يصير فضاوة في الدعسه
عموما شيك على علبة زيت الكلتش ما يكون فيها تهريب
وعلى مستوى الزيت ،،،،


هلا بمشرفنا الغالي حياك الله مره ثانيه لاوالله بالعكس دايم ابعد رجلي عن الكلتش وبالنسبه للزيت

فعلا حصلت علبه الكلتش تهرب بس تتوقع المشكله منها ؟؟؟؟؟

اشكرك على حرصك وردك الطيب :good2:

أخوك أبوفهد

[صديق لمنتدى]

أذكر كان عندنا هايلوكس موديل 93 إذا جيت تعشق يطلع براسك جن :hot:أحيانا ولا يعشق خاصة عندما توقف عند اشارة او تفضيه ثم تعيشقه بالثاني مثلا
وغيرنا ديسكو وصحن وصار ماشاء الله تععشقع بإصبع الخنصر :D:D:D

[شاص نيسان 93]

حبيبي المشكله عندك في علبة الكلتش

واتوقع العلبه اللي تحت

غيرها وبيضبط معك

[أبوفهدوغيد]

أذكر كان عندنا هايلوكس موديل 93 إذا جيت تعشق يطلع براسك جن :hot:أحيانا ولا يعشق خاصة عندما توقف عند اشارة او تفضيه ثم تعيشقه بالثاني مثلا
وغيرنا ديسكو وصحن وصار ماشاء الله تععشقع بإصبع الخنصر :D:D:D


هلا فيك اخوي انا الحين اذا جيت اعشق انواع التمغط داخل السياره تقل داخل هوشه :D:D بس اذا وقفت عادي خفيف

يعطيك العافيه على هالمرور الطيب

[أبوفهدوغيد]

حبيبي المشكله عندك في علبة الكلتش

واتوقع العلبه اللي تحت

غيرها وبيضبط معك


هلا وغلا اخوي

الله يسمع منك وتكون المشكله بسيطه

شكرا على هالمرور الطيب

[بدوي جنوبي]

هلا بمشرفنا الغالي حياك الله مره ثانيه لاوالله بالعكس دايم ابعد رجلي عن الكلتش وبالنسبه للزيت
فعلا حصلت علبه الكلتش تهرب بس تتوقع المشكله منها ؟؟؟؟؟
اشكرك على حرصك وردك الطيب :good2:
أخوك أبوفهد



ان شاء الله أذا صّلحت التهريب يعشق معك أفضل

يوجد علبة كلتش موجوده جانب القير فرعيه لا تنسي تأكد منها .

بالتوفيق يبو فهد