صفاية أوفلتر البنزين

[صديق لمنتدى]

إخواني أعضاء وزار المنتدى وجميع الحاضرين
السلام عليكم ورحمة الله وبركات وبعد
عندي استفسار بسيط وأرجو من الله ثم منكم مساعدتي وتوجيهي
عندي سيارة كورلا موديل 2007 ماشية تقريبا 150000(مائة وخمسون ألف كيلو)
ولا مرة غيرت صفاية البنزين حقتها ويكلمني واحد من الشباب يقول لا زم تغييرها على الأقل كل مائة ألف ويقول أنه غير صفاية البنزين حقت سيارته(أوريون) ولاحظ الفروق التالية
1- قلة صرفية البنزين
2- زيادة العزم
3- ماأذكره
علما أني ذهبت إلى أحد الورش وقال لايلزم تغييرها
إذا مافيها تقطيع هل هذا الكلام صحيح أم لا ؟؟!!!
وقال تغييرها 150 ريال و واحد آخر قال 100ريال هل السعر معقول أم لا؟
وإذا كان غير معقول كم المعقول؟
وهل تغييرها سهل أم لا ؟؟
ووين موقعها؟؟!!!
وإذا كان احد كويس لا تبخلون علينا دلونا عليه (طبعا في الرياض)
مع العلم أني في الفترة الأخيرة ملاحظ أنها تصرف بنزين أكثر من قبل وعزم ضعيف شوي (أو كورلا على قد حالها:D:D:D)
وآسف على الإطالة ووفق الله الجميع لكل خير

[ابو تركي المطيري]

صفايه الكرولا اعتقد نفس لكامري والاوريون تجي في تانكي البنزين تغيرها سهل جدا والافضل تتغير كل 80 الف كيلو ومكانها تشيل الكرسي الخلفي الاسفل عن طريق ضغط للداخل لغايه ماتسمع صوت وترفع من الزوايا تبدا بزوايه وبعدها الزاويه الثانيه وتشيل الكرسي تلقى بالوسط دائره ماسكها مسمارين او ثلاث مسامير تفكهم تطلع معك الطرمبه كامله و الفلتر وتغير الفلتر وترجع كل شي مكانه وينتهي الامر

[باترول 4500]

وعليكم السلام

انا غيرت صفاي البنزين لموتري باترول قبل مده وحصل فرق ملحوظ بالعزم لأن الصفاي القديم كان متجمع فيه أوساخ وتراب
أما صرفية البنزين نفسه ماتغيرت

شريته بـ 55 ريال أصليه والتركيب بـ 20 ريال

[بدوي جنوبي]

صفايه الكرولا اعتقد نفس لكامري والاوريون تجي في تانكي البنزين تغيرها سهل جدا والافضل تتغير كل 80 الف كيلو ومكانها تشيل الكرسي الخلفي الاسفل عن طريق ضغط للداخل لغايه ماتسمع صوت وترفع من الزوايا تبدا بزوايه وبعدها الزاويه الثانيه وتشيل الكرسي تلقى بالوسط دائره ماسكها مسمارين او ثلاث مسامير تفكهم تطلع معك الطرمبه كامله و الفلتر وتغير الفلتر وترجع كل شي مكانه وينتهي الامر

ما قصرت يبو تركي على وصف طريقة التغيير بدون الاستعانه بالورش
أهم خطوة قبل البدء فصل أسلاك البطاريه :good2:

[صديق لمنتدى]

صفايه الكرولا اعتقد نفس لكامري والاوريون تجي في تانكي البنزين تغيرها سهل جدا والافضل تتغير كل 80 الف كيلو ومكانها تشيل الكرسي الخلفي الاسفل عن طريق ضغط للداخل لغايه ماتسمع صوت وترفع من الزوايا تبدا بزوايه وبعدها الزاويه الثانيه وتشيل الكرسي تلقى بالوسط دائره ماسكها مسمارين او ثلاث مسامير تفكهم تطلع معك الطرمبه كامله و الفلتر وتغير الفلتر وترجع كل شي مكانه وينتهي الامر

للأسف مارديت عليك أمس لأني انشغلت ومادخلت النت إلا اليوم
ولكن اتضحت الفكرة وأشكرك من كل أعماق قلبي وأنا سمعت إن فيه عوامة ويقولون ما كلن يصلحها لأنها حساسة جدا هل هذا صحيح؟ ام لا

[صديق لمنتدى]

وعليكم السلام

انا غيرت صفاي البنزين لموتري باترول قبل مده وحصل فرق ملحوظ بالعزم لأن الصفاي القديم كان متجمع فيه أوساخ وتراب
أما صرفية البنزين نفسه ماتغيرت

شريته بـ 55 ريال أصليه والتركيب بـ 20 ريال

للأسف مارديت عليك أمس لأني انشغلت ومادخلت النت إلا اليوم
وشكرا لك لما أبديت من رأي
شكلك مغيرها قبل ارتفاع الأسعار بس وين غيرتها وسعر صفاية الكورلا الأصلية 150 ريال

[صديق لمنتدى]

ما قصرت يبو تركي على وصف طريقة التغيير بدون الاستعانه بالورش
أهم خطوة قبل البدء فصل أسلاك البطاريه :good2:

للأسف مارديت عليك أمس لأني انشغلت ومادخلت النت إلا اليوم
وأشكرك على التنبيه على ماوضح وإلا كان الله يستر ممكن يحصل :f

[ابو تركي المطيري]

للأسف مارديت عليك أمس لأني انشغلت ومادخلت النت إلا اليوم
ولكن اتضحت الفكرة وأشكرك من كل أعماق قلبي وأنا سمعت إن فيه عوامة ويقولون ما كلن يصلحها لأنها حساسة جدا هل هذا صحيح؟ ام لا


الفلتر يجي لونه ابيض اذا كان شبيه لفتر الاوريون والكامري وماله شغل بالعوامه

[صديق لمنتدى]

الفلتر يجي لونه ابيض اذا كان شبيه لفتر الاوريون والكامري وماله شغل بالعوامه

أشكرك شكرا بلا سقف ووفقك ربي دنيا وآخره اللي ريحتنا ووضحت لنا فجزيت خيرا