طلب استفسار لهل الشياهين

[فتى مغيضه]

السلام عليكم ومساكم الله بالخير جميعن عندي شيهانه جبلية باقي به من الريش 2 من كل جناح متا تصفي وهل تنصحوني انى انقله ولالا وسلامتكم جميعن / استفسار خاص لهل الشياهين

[y5393y]

وعليكم السلام
والله وانا عندي شيهانة تركية وباقي عليها النايفة والموس
وانا الحين ناقلها ابيها للكراوين ومتى ما تحذف النايفة راح اربطها

[الصقار الجديد]

اطييبلك لاتنقلها لين تصف انا عندي فرخ شاهين بحري رحت المربط البهده لقيت قاط ريش ونصني راعي المربط ماهده لانه خطر عليه
تقبل مرور

[مخاوي الذيب 305]

انصحك خلك رابطه لا تنقله

[مولعين الصيد]

انصحك ياخوي لا تنقل طيرك الين يصفي تقبل مروووووري

[سطام ابو سعود]

غريب جبليه باقي بها ثنتين المفروض غاسله مبطي

[قلب ذيب]

مثل ماقال زميلك .
.. انقل الطير وخله يرقع بالطويله والموس , وبعد مايحذف الطويله اربطه لين تكتمل الطويله وشنذره!
سوف يحتفظ بالموس الى نهاية الموسم وقم بربطه , فتلك هي حالة الشياهين المرقعه , وسوف تلاحظ ان أكثر الشياهين الخلويه مرقعه بالموس والطويله ويشترونها القوانيص وبقنصون بها , ولايعيبها ذلك في شي .
... يعني لو ظليت رابط الطير ماذا ستستفيد بيحذف التايفه 40 ليل والموس 60 ليل ! يعني تنقله نهاية الموسم
وبعدين عند الربطه بيحذف في الشتاء !
.. انقل الطير وادعاه واقنص به كرواين وجهزه للحبارى .( التجارب اعلاه مرة علينا كثير ) .

[فتى مغيضه]

مشكورين على االمرور وماقصرتو وبيض الله وجيهك جميعن وظاهر اني ابنقلة بعد الحج أنشاء اللة والله يوفق الجميع