سالفة:طين جدي.قوافي

[قوافي ( أم نهار )]

السلام عليكم ورحمة الله وبركاته



هلابكم جميعا ويامرحبا



لي اشتياق دائم لبيوتنا القديمه ومن كم يوم رحت وزرت بعض البيوت بوسط الرياض وكان هناك موقف حصل لي مع اخواني وابناء وبنات اعمامي بسنه من السنين الماضيه ..



كانت عندنا موهبه جماعيه وهي بناء قريه كامله من الصلصال من بيوت واوادم وجميع انواع البهائم سواء طير او حيوان ولا ننسى البير والدلو بوسط القريه وعربية الحمار اعزكم الله والقاز ومحلات لبيع العلف وسوق البيع والشراء..



كنا نمارس هذه الهويه بالسطح ومن الطبيعي تضربه شمسنا الحبيبه فيموع ونصلح ما خرب بعد العصر ويوميا على هذا الحال وملينا تعب.. يروح وقت اللعب وحنا نعدل الخربان..



فكرنا وش نسوي عشان ما يخرب ما لقينا حل إلا الطين ومالنا إلا لبن الجدران وقمنا بالواجب وشلون يبنون قالو يخمرون الطين ثم يجففونه شوي ويبنون ومالقينا إلاجدار سطح جدي هو اللي طين وما عليه جص ابيض مثل باقي الجدران ويفصل جدي عن باقي السطوح ... حنا شتاء وجدي الله يرحمه ينام الظهر بالشمس يتدفئ وحنا نبي طين وعجزنانصرف جدي عشان ناخذ جزء من جداره ونبني قريتنا كلها 9 او 10 لبنات وحاولنا ببعض التصاريف :



جدي تراه عج وغبار مايصلح تنام بالسطح يقول توي جاي من الصلاة مابوه شي ونوبه!! خالتي غاسلتن السطح ويرطش ماء يقول حدر فراشي شراع ما عليه.. لين جت فرصه: جاجدي ضيف على الغداء وحان وقت التنفيذ وعلى ما دورنا بوشي نهد ابطينا شوي والجدار مهتري ما يبيله شي وجا ولد عمي بعمر 13 سنه ومسك الشاكوش الحديد وبحيل ما يقواودب دب.............



يوم صرخ جدي اللهههههههههههه لا اااااايوفق العدو دفنتون !!!!!



طارت عيونناخبرنا بجدي مع ضيفه واثر مع تمططنا راح الضيف وطلع جدي من باب الروشن وهو مجلس له درج من جنب باب الشارع يرقى الضيف فوق وهو بمثابة مجلس وله باب على السطح وباب روشنهم على سطح جدي ونام بفراشه ما شفناه ونطل عليه ولا وش نشوف الجدار مهتري ومثل اللي ما صدق على الله احد يلمسه طاح اللي انصقع واللي ما انصقع وجدي الضعيف كله طين وغبار وما لقينا شي نقوله غير شفت يبه قايلين لك به غبار ماصدقت!!!



ما علق يامال جنات النعيم بغير لاحول ولاقوة إلا بالله ويناظر اللبن وهو متكسر...انا لله وإنا إليه راجعون !!!



همن قال بأعلاصوته ::



تعال يابشت او يابوشت انت وياه



رحمه الله ورحم موتى المسلمين



تحياتي



اختكم



..قوافي..

[محمد الظاهري]

بارك الله فيك يا اختنا قوافي
دائماً الابداع يتجدد
ودائماً السرد الرائع والذكرا للماضي والحنين
والاشتياق له جميل
اشكرك على تواصلك الملموس
تحياتي وودي

[أبوعابد 22]

يعطيك الف عافيه سالفه زينه وسرد اجمل

[قوافي ( أم نهار )]

بارك الله فيك يا اختنا قوافي

دائماً الابداع يتجدد
ودائماً السرد الرائع والذكرا للماضي والحنين
والاشتياق له جميل
اشكرك على تواصلك الملموس
تحياتي وودي



هلابك مشرفنا الكريم وحياك الله
بارك الله لنا بوجودك الكريم معنا
طالما نحن الامتداد معناته لا نسيان لا للمكان ولا للزمان الماضي
ومن كان به هم اساس هذا كله وحقيقةً اجد صعوبه بالابتعاد لو قليلا عن احبائي وحياتهم
اشكرك واشكر حضورك الجميل وردك اللذي سرني
تحياتي.اختك
..قوافي..

[ولد روووق]

مشكوررررة ةةةة

[قوافي ( أم نهار )]

يعطيك الف عافيه سالفه زينه وسرد اجمل

حياك الله اخوي
الله يعافيك ويجزاك خير
شرفتني بمرورك الكريم وردك
تحياتي.اختك
..قوافي..

[قوافي ( أم نهار )]

مشكوررررة ةةةة



حياك الله اخوي
العفو والشكر لك لمرورك الكريم
تحياتي.اختك
..قوافي..

[سليمان الربيعان]

ههههه الله يرحم جدك رحمه واسعه ويسكنه فسيح جناته
ويازين ذيك الايام الجميلة
تقبلي تحياتي...

[Al3rands]

هههههههههههههههه الله يرحمه ويرحم موتانا وموتى المسلمين اما كلمة (يرطش)من زمااااااااااان ماسمعته

[شاعر وحساس]

والله انك تحفه ياقوافي وبكل صراحه انتي فخر لبناتنا بتقولين ليش اقول عض عدوك جحيش


لانك تحكين عن الماضي بكل فخر واعتزاز اعزك الله بطاعته

قصه اكثر من حلوه من تاريخنا وشقاوة اطفال اول اللي لها حلا ماهي شقاوتهم الان ان كان عندهم شقاوه لان الهمبرقر والببسي دالخهم


اخوك

[يكفيني نظرة]

الله يجزاك خير على القصه والصراحه ضحكت على ( شفت يبه قايلين لك به غبار ماصدقت) وحزنت على (ما علق يامال جنات النعيم بغير لاحول ولاقوة إلا بالله ويناظر اللبن وهو متكسر) الله يرحمه مابيده حيله وش يسوي..
الله يعافيك..

[قوافي ( أم نهار )]

ههههه الله يرحم جدك رحمه واسعه ويسكنه فسيح جناته

ويازين ذيك الايام الجميلة

تقبلي تحياتي...



حياك الله اخوي
اللهم امين ويرحم موتى المسلمين
الايام الجميله كل يوم افكر وين مشا به الزمن الله المستعان
مشكور لحضورك ومرورك
تحياتي.اختك
..قوافي..

[حمد69]

وعليكم السلام ورحمة الله وبركاته

جدي تراه عج وغبار مايصلح تنام بالسطح...
وجدي الضعيف كله طين وغبار:D وما لقينا شي نقوله غير شفت يبه قايلين لك به غبار ماصدقت!!!
لااااااا صدق هو بقى له شك... ههههههههه الله يقطع بليسكم صدقتوا كلامكم بفعلتكم ...

الله الله يا أيام البرآئة ... ما شاء الله عليك يا قوافي عطاء متجدد وذاكرة خصبة الله يمتعك بالصحة والعافية
ويرحم جدك رحمةً واسعة ويسكنه الفردوس الأعلى من الجنة
بارك الله فيك وننتظر المزيد :good2:

[قوافي ( أم نهار )]

هههههههههههههههه الله يرحمه ويرحم موتانا وموتى المسلمين اما كلمة (يرطش)من زمااااااااااان ماسمعته


حياك الله اخوي
اللهم امين يرحمه ربي ويرحم موتى المسلمين
يرطش انا لقيتها لحالها رحمتها قلت اشيلها يمكن لها اهميه بين لغتنا الجديده<<عربيزي>>
مشكور اخوي لمرورك الجميل
تحياتي.اختك
..قوافي..

[البناوي 12]

قصه رائعه وسرد اروع ..رحم الله جدي وجدك واموات المسلمين .....

[روآبي ،،]

الله يرحم جدتس ويغفر له ،
وقفت مع ردة عليكن يوم تقولين ..




ما علق يامال جنات النعيم بغير لاحول ولاقوة إلا بالله ويناظر اللبن وهو متكسر...انا لله وإنا إليه راجعون !!!



لو غيرة من هالشيبان كان صرااخ ولجه وتحقيق
لكن مبين عليه إنه حليم -- رحمة الله عليه --
الصراحه أعتبرة درس لي بحياتي




الله يجزاتس خير قوافي ،،
حنين للماضي مع هالسولآفه ..
الله يحفظتس ويستر عليتس
بمان الله

[انسانه؟]

عوافي ياقوافي
ماشاء الله عليك خوش سالفه موقف جدك حلو ماهومثل الشيبان الاكل شيء عنده عصا
الله يرحمه ويرحم امواتنا واموات المسلمين ..
امتعتينا متعك الله بالصحه والعافيه.

[قوافي ( أم نهار )]

والله انك تحفه ياقوافي وبكل صراحه انتي فخر لبناتنا بتقولين ليش اقول عض عدوك جحيش


لانك تحكين عن الماضي بكل فخر واعتزاز اعزك الله بطاعته

قصه اكثر من حلوه من تاريخنا وشقاوة اطفال اول اللي لها حلا ماهي شقاوتهم الان ان كان عندهم شقاوه لان الهمبرقر والببسي دالخهم


اخوك



حياك الله اخوي
الله يرفع قدرك بين امة محمد اجمعين
الماضي فخر لي بوجود من فيه من اهل واحباب وكثير ما احكي عنه ويتهيئلي اني ما حكيت من اعتزازي به والحمد لله
شقاوة الاطفال على قولتك هناك فرق
بالاول كنا نلعب على سجيتنا اما اطفال الان كئنهم مبرمجين وحتى مسميات العابهم غريبه
مشكور لمرورك الكريم اسعدتني بحضورك
تحياتي.اختك
..قوافي..

[قوافي ( أم نهار )]

الله يجزاك خير على القصه والصراحه ضحكت على ( شفت يبه قايلين لك به غبار ماصدقت) وحزنت على (ما علق يامال جنات النعيم بغير لاحول ولاقوة إلا بالله ويناظر اللبن وهو متكسر) الله يرحمه مابيده حيله وش يسوي..
الله يعافيك..


حياك الله اخوي
ويجزاك بالخير ان شاء الله
هو مابيده حيله على اللي سويناه اكيد بس الله يرحمه ويسكنه جنات النعيم ليمن قعد وسولف معنا قال لنا انه مبسوط على اصواتنا وصجتنا وهي اللي خلتنا سقنا الميانه وهدينا الجدار ..
الله يرحمه ويدخله جنات النعيم
مشكور اخوي لمرورك وحضورك الكريم
تحياتي.اختك
..قوافي..

[الهواويه]

قوافي
الله لايحرمنا منك ومن سوالفك
تحياتي وتقديري

[هاوي صيد]

اهنيك على الاسلاوب الجميل في طريقة طرح القصة وهذا دليل على موهبة راوايات القصص واتمنا ان تستثمر ي هاذة الموهبة في كتاب الرويات وتكون لكي حقوق كاملة في القصة ويكون لكي تعاون مع القنوات التي تهتم بهاذي المواضيع

[قوافي ( أم نهار )]

وعليكم السلام ورحمة الله وبركاته


جدي تراه عج وغبار مايصلح تنام بالسطح...
وجدي الضعيف كله طين وغبار:D وما لقينا شي نقوله غير شفت يبه قايلين لك به غبار ماصدقت!!!
لااااااا صدق هو بقى له شك... ههههههههه الله يقطع بليسكم صدقتوا كلامكم بفعلتكم ...

الله الله يا أيام البرآئة ... ما شاء الله عليك يا قوافي عطاء متجدد وذاكرة خصبة الله يمتعك بالصحة والعافية
ويرحم جدك رحمةً واسعة ويسكنه الفردوس الأعلى من الجنة
بارك الله فيك وننتظر المزيد :good2:



حياك الله اخوي ويامرحبا
الله يعافيك اخوي
اي برائه احيانن لما استرجع الذكريات اقول الله يعظم اجر جدودي ووالديني كيف تحملو لعبنا وصجتنا .
بارك الله بك وحضورك العاطر
اللهم امين يرحم الحي والميت
مشكور اخوي
تحياتي.اختك
..قوافي..

[قوافي ( أم نهار )]

قصه رائعه وسرد اروع ..رحم الله جدي وجدك واموات المسلمين .....



حياك الله اخوي
الرائع مرورك وحضورك الكريم
اللهم امين الله يرحم امواتنا واموات المسلمين
مشكور اخوي
تحياتي.اختك
..قوافي..

[قوافي ( أم نهار )]

الله يرحم جدتس ويغفر له ،

وقفت مع ردة عليكن يوم تقولين ..




ما علق يامال جنات النعيم بغير لاحول ولاقوة إلا بالله ويناظر اللبن وهو متكسر...انا لله وإنا إليه راجعون !!!



لو غيرة من هالشيبان كان صرااخ ولجه وتحقيق
لكن مبين عليه إنه حليم -- رحمة الله عليه --
الصراحه أعتبرة درس لي بحياتي




الله يجزاتس خير قوافي ،،
حنين للماضي مع هالسولآفه ..
الله يحفظتس ويستر عليتس

بمان الله




حياك الله
اللهم امين يرحم الحي والميت
الحمد لله ان شاء الله اجره عظيم اللي تحمل لعبنا وصجتنا
والاحفاد عنده لهم مكانه كبيره ولو ما سمع الصوت والصجه سأل وينهم وشبهم مالهم حس
اعزي نفسي فيه كل يوم الله يرحمه اللهم امين يارب العالمين
حنين الماضي ماله قيمه إلاباللي فيه هم ارتباطنا بالأمس وحنا امتدادهم اليوم وياليت نكون جزء بسيط منهم رحمة الله عليهم
حياك الله اسعدني مرورك الكريم وحضورك
تحياتي.اختك
..قوافي..

[قوافي ( أم نهار )]

عوافي ياقوافي

ماشاء الله عليك خوش سالفه موقف جدك حلو ماهومثل الشيبان الاكل شيء عنده عصا
الله يرحمه ويرحم امواتنا واموات المسلمين ..

امتعتينا متعك الله بالصحه والعافيه.



حياك الله اختي
الله يعافيتس ويبقيتس
العصا موجود بس استخداماته قليله مع جدي
اللهم امين يرحمه ويرحم اموات المسلمين
شرفني مرورك وحضورك الكريم
تحياتي.اختك
..قوافي..

[قوافي ( أم نهار )]

قوافي

الله لايحرمنا منك ومن سوالفك

تحياتي وتقديري



ياهلاوغلا ومليون مرحبا بالغاليه
الله يجزاك خير ولايحرمنا الطله الغاليه
جداًسعيده بمرورك ووجودك
تحياتي.اختك
..قوافي..

[قوافي ( أم نهار )]

اهنيك على الاسلاوب الجميل في طريقة طرح القصة وهذا دليل على موهبة راوايات القصص واتمنا ان تستثمر ي هاذة الموهبة في كتاب الرويات وتكون لكي حقوق كاملة في القصة ويكون لكي تعاون مع القنوات التي تهتم بهاذي المواضيع


حياك الله اخوي
الله يهنيك بالأيمان وطاعة الرحمن ويجزاك خير على كلماتك الجميله واللتي اسعدتني من اخ كريم
بالنسبه للكتابه او وضعها في كتاب انا من العام وأنا احاول اعرف بس وين اسجل كا كاتبه للقصه القصيره ما عرفت ووزارة الثقافه والاعلام قالو لي عن طريق النت ولمني وصلت للمكان المطلوب مافيه اي شي يدل على انه موقع لأخذ تصريح
وكل الروابط اللي عندي واللي وصلت لها ما قدرت اسوي اي شي وحتى سئلت كثير ما لقيت إفاده
كل الشكر والامتنان وخالص التقدير والاحترام لشخصك الكريم لاهتمامكم الكريم
تحياتي.اختك
..قوافي..

[ذيب... الخلا]

شكرا يااختي قوافي

[ابوعلي911]

قصة رائعه ...وفقك الله

[مغامر الديرة]

قوافي
ما قصرتي
الله يعطيتس العافيه ومشكوره على السرد القصصي التراثي المشوق
الحقيقه استمتعت بقراءة ما جادة به قريحتك بهذه القصه الجميله
اختاه لاتحرمينا من روائعتس
فنحنو في انتظار كل ماهو جديد منتس
تحياتي

[قوافي ( أم نهار )]

شكرا يااختي قوافي



حياك الله اخوي
العفو والشكر كله لك لمرورك وحضورك
تحياتي.اختك
..قوافي..

[قوافي ( أم نهار )]

قصة رائعه ...وفقك الله


حياك الله اخي الكريم
الرائع مرورك وحضورك الكريم
وفق الله الجميع لما يحب ويرضى
مشكور اخوي
تحياتي.اختك
..قوافي..

[قوافي ( أم نهار )]

قوافي
ما قصرتي
الله يعطيتس العافيه ومشكوره على السرد القصصي التراثي المشوق
الحقيقه استمتعت بقراءة ما جادة به قريحتك بهذه القصه الجميله
اختاه لاتحرمينا من روائعتس
فنحنو في انتظار كل ماهو جديد منتس
تحياتي


حياك الله اخوي
الله يعافيك من كل شر
انا من يشكرك لحضورك الكريم بصفحتي المتواضعه
اسعدني جدا ثنائك على السالفه وشرفتني بردك
اشكرك لمرورك
تحياتي.اختك
..قوافي..

[مشعل_1001]

قصة جميلة وسرد رائع
مميزة وماركة مسجلة قصصك
جزاك الله خير وتستاهلين طيب العود

[قوافي ( أم نهار )]

قصة جميلة وسرد رائع

مميزة وماركة مسجلة قصصك

جزاك الله خير وتستاهلين طيب العود


حياك الله اخوي
اسعدني مرورك وحضورك
إن شاء الله اكون قدمت ما يليق بخيمتنا الغاليه
مشكور اخوي والخير ان شاء الله مقدم للجميع والله يطيب فالك دنيا وآخره
تحياتي.اختك
..قوافي..