استفسار عن اماكن بيع الحطب بأرخص الاسعار , دينات و ونيتات وتريلات

[مخيم الصمان]

السلام عليكم ,,
اخواني انا ابي منكم مساعدة تدلوني على اماكن بيع الحطب بالرياض

والاسعار تقريبا هالوقت للسمر , دينه و والونيت والتريلا

كلها كم تقريبا اسعارها

[المهاجر انا]

قريب سوق الغنم في الرياض او تحت كبري الفحص

[مهندس مكشات]

جدة طال عمرك في حلقة الغنم في الخمره بكميات كبيره حتى الفحم بتوفيق لك

[ابوعدي]

اخوي اذا انت جاي من الغرب على الدائري الجنوبي متجه شرق تجيك اشارة حراج بن قاسم تعدها يجيك مخرج معن بن زائده ادخل من تحت الكبري ومع الاشاره رح يمين يصير وجهك جنوب ورح سيدا اول اشارة تعدها وامش الين تجيك محطة الدريس لف قبلها يمين يجيك السوق قدامك . والاسعار مالي به علم
واذا ما تدل بالرياض ابشر بعزك عطنا رساله على الخاص ونبي نعطيك العلم اللي يرضيك .

[عيشه قشرا]

طيب والاسعار؟؟؟
رفعت التباشير الأولى لموسم البرد مبكرا، أسعار الحطب والفحم في أسواق الرياض، وقفز سعر حزمة الحطب من 10 إلى 35 ريالا، فيما تجاوز سعر كيس الفحم 60 ريالا، ارتفاعا من 25 ريالا قبل أقل من شهر. كما قفزت «الدنة الصغيرة» المحملة بالحطب إلى أرقام قياسية، فارتفعت من 3000 إلى 4000 ريال، فيما ارتفع سعر «الشاصي» من 1000 إلى 2000 ريال، وسعر «الوانيت» من 480 إلى 1500 ريال.

(منقول)

[storm way]

الله يخلي لنا الغضا ببلاش