استفسار ياهل طيور الحباري

[راعي ضويانه]

السلام عليكم انا عندي طير حر فارسي 17 في 17 وافي بالحيل وجناحه طيبن بالحيل

وصرنا ندعيه وطلاع وراعيه اعرفه زين وشارط عليه الحبارى المهم

قلت انا وصقارين بنهده على بطه من البطات البيتيه اللي ماتطير

لكنه ماطلبها هل يعني ان الطير مايطلب الحباري لما ماطلب البطه

ولا وش السالفه

[ســـبــار ربــعـــه]

متى هديته؟ اذا كان الايام هذي ترا مايقاس فعل الطير لان الطير وانا اخوك يهيج ويفدر مثل البعير.
وبعض الطيور يخاف على ريشه وبعدين البطه غير والحبارى غير. طول البال ولاتحكم على طيرك لين تشوفها تخومر في القشع. اذا ماطلبها ذاك الوقت تحكم. الله يبارك لك فيه وتذوق صيده.

[نادر عش]

ماهو دليل وانا اخوك الحبارى غير والبطن غير واغلب الطيور الي تصيد الحباري ماتهد على غيرها ومثل وأقال اخوي اصبر علية ونقزه يوم وخله يشوفها

[ابوعزيز2007]

يارجال وش لك فالبطه خله تولي احرص على الحباري هالوقت تراهن سمحات وهي الي يحكم عليه

[مقناص الكويت]

لا وانا اخوك ماهو بشرط مايهد علي البطه مايعرف الحبارى ...!!

قبل عند الشايب طير شاريه اخلوي وبعد مطاح الطير وقام يدعيه

هدله بطه والطير ماطلبه ...!!

وبعده بكم يوم قنص الشايب وربك ارزقه بخرب ويوم فرع عنه ضحك الطير وقال هذي اعرفه هههههههههههههههه وطرحه الطير وطلع يعرف الحبارى يعني بالمقصود بالقصه ماهو بشرط البطه غير والحبارى غير ..!!

ولله يرزقك بالحبارى الي يطرحه لك

[القناص أسعدي]

راعي ضويانه
هذا ماهو دليل
اذا كنت تعرف الطير وراعية ومتاكد انه صايد حبارى ايش وداك للبط هذا خراب للطير وترى اللي يهد على البط والدجاج والبوم اسمحلي اقول انه موب صقار هذا لعب وعبث بالطير وخاصه انك اتقول طير طيب وفارسي -
اذا انت صقار لاتوري الطير الاصيد حبارى كروان ارنب ومالك ومال البط وهذا خراب للطير انت وربعك
انت طلبت الراى وهذا رايي اتوقع انه مايناسبك

[قلب ذيب]

لكنه ماطلبها هل يعني ان الطير مايطلب الحباري لما ماطلب البطه ... ولا وش السالفه ؟
.. السالفه ان القرانيس البيتيه المعيده الصايده ماتهد الا على صيدتها اللي تعرفها خاصه في بداية الدعو
وفي الوقت الذي لم ينجرد الطير فيه , اضافه اذا كانت الطريده في مكان غير مناسب وبالقرب منها بعض الناس .
... وبعكس ذلك فأن الطير المعلم على الارنب البيتيه ( ارنب بنبي ) كما يسمونها الخليجيين لايهد على الارنب البريه وذلك أمر معروف .
... الطير الذي بحوزتك اذا كان صايد الحبارى , عده وجهزه واجرده بالدعو وهده على صيدته اللي هو صايدها , فربما يفاجئك بانه لايهد على النورس ( الصلال ) ايضا !!