تكفون لا تطنشوني ؟

[روحي بحايل]

شباب صباحكم / مسائكم صحة وسعادة
السلام عليكم ورحمة الله وبركاته ....
أنا شريت خرازة برازيلية وما شاء الله عليها كويسة ورخيصة لكن لقيت العيب اللي قالوا عنه الشباب اللي هو الشعرة أو الراية اللي قدام كبيرة شوي وتغطي الهدف ...... وأبغالي دربيل مناسب لها علما أني لقيت ناس يمدحون شي وناس يسبونه واحترت والدرابيل اللي لقيتها :
صاب - زيد - ديانا - وما أفهم فيها شي أبي معلومات عنها عشان اسجلها عندي قبل لا أروح اشتري واحد .....

تحياتي لكم ،،،،

[ابو بدر العتيبي]

اول شي ماحد مطنشك الله يغفرلك وثانيا انا بحكيلك تجربه مع الدرابيل مالك وطويل الهرج جربت عدة انواع واخيراً اشتريت دربيل سوفت من الهدف عنده عدة احجام على حسب طلبك من 650 .750 850.واذا تبي ترفع الدربيل حيل فيه قاعده مرتفعه بس انها عرضه للحتكاك وتغيير الوزن وركبت لدربيلي قاعد مثل الي بالصوره وله ثلاث سنوات زي الحلاوه

http://www.mekshat.com/pix/upload05/images231/mk182164_glz79846[1].jpg

انا شاء الله افدتك

[دوربيل]

مثل ماتفظل اخوي ابو بدر وما نطنشك انشالله

سويفت اللي ذكره اخوي العتيبي ممتاز , وشف فيه دربيل عند الرميح اسمه Eawix كوري عن تجربة ممتاز جداا وافضله على السويفت مع انه ارخص سعر , وبالنهايه مع كل المعلومات اللي عندك اعتمد على نفسك وعينك وش ترتاحله ماعليك من مدحي ومدح الآخرين لأنه ناسبهم وقد لا يناسبك او لاترتاحله , الخلاصه شف الدرابيل اللي تمدحلك ومجربه وقارن بينها واختر اللي يناسبك منها ..

أتمنى انا افدناك

[بدر138]

انصحك ما تتأخر بتركيب الدربيل للخرازه لانه مهم جدآ وخاصة الخرازه

[اَلمشتآآآق]

افادوك الأخوان

[ابو سلطانه]

ماقصرو الشباب

[ابوريان القحطاني]

سوفت بريميو في فلاتر واسالني انا مجربه كانت مركب الحجم الكبير ممتاز بس اللي اهم منه

القاعده ياتخذ مغنوم قطعه وحده او انجليزي نفس اللي في الصور فوق تقريب قيمتها من 100 الى 120 بالكثير
وسلامتك

[عين حصنان]

هلاااااااا ياحيي

انا معي برازيليه ومركب عليه صاب بـ 300 ريال \ يوجد مقاسات

عز الله انه بيضت الوجه بالموسم هذا

ركب قاعده من قطعتين وليست قاعده واحده طويله

وتكون القاعده طامنه وليست المرتفعه اللي اسمه قاعده كوبري

واذا بتاخذ ناظور ابو عين وسيعه من الامام ... لازم تفك السداده حق الخرازه .. له مسمارين فقط

والله الله بالوزن الزين حسب المسافة اللي ترغب

وفالك وفالها الشحم والصيد لوفير

وسلم على حايل وسلم على شمر