بعض الطورايح طاروح افيدونى اجزكم الله خير في طيرآ.........

[صقار فجاة]

السلام عليكم ورحمه الله

اخوانى الطواريح . .... البعض من الطورايح طاروح مشهور بطرحه للوحش عنده خبرة كبيرة يعرف كيف يتعامل معه كيف يطرحه في اي وقت , وماشاء الله مايمر موسم الا طارح خمسه سبعه وحوش وهذا رزقه من عند رب العالمين ماشاء الله تبارك الله.

وبعض الطورايح طاروح معروف عنده خبرة ويعرف للطيور لكن ما الله رزقه بالشبك
للوحش عسى الله يرزقه

وبعض الطورايح الى مثلى ولا انى بقايل على نفسى طاروح لانه ماعندى اى من ادوات الشبك الى عندى ثلاث شبك وثقاله وزريق بس اسالكم بالله ماتطرح الطير اولت العام طرحت طير والحمدلله وكان معاى زريق بس

محظوظ على ماقالوا لكن ودى من الاخوان هنا الطورايح الكبار يفيدونى عن قوانين هم عندما الواحد يعثر على وحش عاد محول عالارض طاير مع السماء المهم عينى عليه وماعندى جهاز ابلغ لانى مانى متأكد منه وماشغلت نور السياره وجاء طاروح ثانى شافه بلغ في الجهاز وشغل نور سيارته واستفزعوا معاه الطورايح وطرحوه مالعمل في هذه الحاله ؟؟؟؟؟؟؟؟؟؟؟

واذا فيه اي قوانين عن شبك الصقور بيض الله وجيهكم افيدونى

والسلام عليكم,,,,,,,,,,,,,,

[العاتق]

وعليك السلام ورحمة الله وبركاته... بحكم خبرتي المتواضعه ما قول ان الله يعوضك بطرح النادر ان شاء الله
ونا خوك الصقاره لها قوانين وقبل اي قانون يطرح او يذكر طيبة النفس والرضاء بالرزق من رب العالمين هو اول قانون من قوانين الصيد بصفة عامه... قبل لا تفكر بالصقاره لابد ان تتوفر كل أدوات شبك الطيور معك من دربيل وشباك وزريق ولاسلكي اذا كانو كل الطواريح اللي حولك معهم لاسلكيات وغيرها من أدوات وأهم شي الخبره وكيفية التعامل مع شبك الطير الوحش... الطير ونا خوك اذا غاب عن نظرك وحام وبعد كذا شفت الطير عند طاروح ثاني هذا مو من رزقك هو رزق غيرك... اذا عاينت الطير حايم احذف له زريق لين ينزل اهم شي ان الطير يكون قدام عينك بعد كذا اذا اجتمعو عليك الطواريح وانت لسى ما طرحته وطلبت الفزعه فهم معك واذا انت شبكت الطير بدون فزعة احد فهو من نصيبك... اما اذا تعقدت الأمور فأهل الحكم والمشوره هم الفيصل في القضية... هذا اللي اقدر افيدك فيه... تحياتي وفالك النادر ان شاء الله

[صقار فجاة]

اللهم آآآمين لنا ولك يا جزيرة فرسان الله يرزقك بالطير النادر

بيض الله وجهك على الافاده والتوضيح واجزك الله خير وصح الله لسانك فعلآآ القانون الاول في محله الرضا برزق رب العالمين وطيبه والنفس والخاطر الطيب لكن ماجاءت خاطر نفس طيبه من الطاروح الى شاف الطير معى وقال خذ هذا طيرك انت وظميرك جاءت طيبة النفس منى حسبى الله ونعم الوكيل والقانون الثانى العين تكون على الطير وانا عينه عليه قدامه طرح الطير وراح به لبيته انت بتجلس تطرد وراه والا كيف بتمسكه مع يده وبتنادى ياهل الحكم والمشوره افصلوا بينا الرجال في بيته نايم والطير انباع والفلوس قيد انها في حسابه ههههه

فيه نقطه انت تقول قبل لاتفكر بالصقاره يجب عليك ان توفر ادوات الصقاره كلها دربيل وشباك وزريق ولاسلكى صح لسانك بس يمكن استغنى عن الاسلكى الدربيل وليه ماأضفت معاه الطارد والسبوك البرقع والقرشع وغيرها

بيض الله وجهك على التوضيح يا جزيره فرسان والله يرزق بالطير التام