استفسار بسيط من اهل الجمس او الشفر ماياخذ من وقتك دقيقة

[غيث 6]

:director:السلام عليكم
يالربع معي سلفرادو 2003 غمارة ونص 1500 احس صرفه للبنزين زايد هاليومين يعني اعبيه فل تقريبا مايمشي داخل او خارج الديرة 450 اذا وصلته 480 ولعت اللنبه هل هذا طبيعي او صرفه زايد تكفون نبي مشورتكم الله لايهينكم.:confused:

[ابو تركي المطيري]

كم لتر التانكي وكم كان يوصلك قبل ؟

الحكم صاحب السياره هو اللي يحكم اذا كان صرف السياره قبل كان اقل وتوديك لمسافات ابعد وثاني شي هل قيادتك للسياره تغيرت او هي هي لان اذا كانت رجلك ثقيله على البنزين وتبديل القير يبدل وهو يتاخر من اثر الدعس الزايد هذا يستهلك بنزين اكثر
وعندك الصيانه الدوريه للسياره تبديل فلتر هوا فلتر بنزين بواجي هل بدلتهم او لا

نوع الزيت اللي تستخدمه هل هو من النوع الموفر للبنزين او العادي النوع الموفر البنزين هو 10w 30

[GABER65]

كم لتر التانكي
وكم تعبيه 95 او 91

[كاشت وحداني]

ولا تنسى اتجاه الرياح اذا كان مواجهك ترا يزيد صرف الموتر
البواجي اذا كانت قديمه لها دور
واشياء كثيره لها اسباب في زيادة الصرفيه
ايضا الحموله
وكذلك اذا احد الرمانات تعبان يثقل على الموتر

[غيث 6]

الله يعطيكم العافية ياشباب لكن قبل فترة كان معي 2002 وكنت اعبيه فل بحدود 40 ريال يمشيني مايقل عن 600 km وموتري هذا توني شاريه في رمضان صراحة مامشي اكثر من 480 اذا صار الممشى راكد ابي اعرف اذا فيه احد من الشباب يكيل الممشى في الشفر او الجمس 1500 يليت يفيدني وشكرا

[FORD1969]

هلا اخوي

ماتوقع ان تانكي موترك بيوصل الى 600 كيلو لن السعه ما تتعدى 90 لتر

حتى موديل 2011 هذا بالنسبه لحجم 1500

اما حجم 2500 يختلف الوضع لان تانكيها اكبر وكبروه زياده من موديل 2011


من 450 وعليها طبيعي جدا الاستهلاك
متى غيرت البواجي وهل الكويلات سليمه لأن لها دور كبير في الاستهلااك

فيه توانك سعتها 60 لتر تقدر ترهمها وهي خاصه بالجموس حجم 2500 لنها تجي تانكيين مشبوكه في بعضها واحد 90 لتر والثاني 60 لتر اما الجموس الحوض تانكي واحد الا حجم 8100 يجي تانكيين

بالتوفيق

[غيث 6]

شكرا للجميع لكن هل فيه احد يكيل كم يمشي الموتر اللي حجم مكينته 1500

[ابوالعز4800]

السلام عليكم ورحمة الله وبركاته
أخوي غيث 6
من أسباب صرفية البنزين :
1- البواجي ( إذا كانت قديمة لازم تغيرها لأن شرارتها تصير ضعيفة ولا تحرق البنزين مضبوط )
2- أسلاك البواجي ( هي المسؤولة عن ايصال الكهرباء للبواجي وأي ضعف فيها يسبب ضعف للبواجي مما ينتج عنه ضعف العزم وزيادة صرف البنزين )
3- فلتر الهواء ( لازم يتغير من 15000 - 20000 خاصة عندنا لكثرة الغبار وإذا كان فيه سدد ما يدخل الهواء الكامل للمكينة لاجل اتمام عملية الاحراق وهذا يسبب ضعف للعزم وصرفية للبنزين و كل 5000 كيلو ينظف بالهواء عند البنشري أو اذا انت ماسك خط و فيه غبار لازم أول ما توصل تنظفه )
4- الكويل ( هو اللي يعطي البواجي الطاقة لحرق البنزين عن طريق أسلاك البواجي بعض السيارات يصير وزنية الكويل غير مضبوطة وتلعب في العزم وصرفية البنزين )
5- ضغط الهواء في الكفرات ( كثير من الناس يسهى عن النقطة هذي مع أنها نقطة مهمة جدا لازم الكفرات ما تنزل عن 35 وهذه النقطة مبنية على مبدأ الدحرجة يعني لو نسمنا كفرات سيارة الى 15 تحس السيارة ثقيلة في المشي موب مثل اذا خليتها على 35 وهذي النقطة عن تجربة شخصية اذا كانت سيارتي كفراتها 30 صرفيتها غير عن اذا كانت 35)
6- صفاية البنزين ( يجب تغيرها لأنها بعد فترة يترسب فيها الأوساخ مما ينتج عنه ضعف تدفق البنزين الى المكينة )
7- رجل السواق ( اذا كانت حارة طبيعي يصرف واذا كانت هادية فالعكس )
هذي بعض الأسباب لصرفية البنزين اللي اعرفها
و بالمناسبة عندي سوبر بان 1500 موديل 2005 صرفية داخل البلد 450 - 500 كيلو
وفي الطريق من 550 - 600 كيلو بمعدل سرعة متوسط
وآسف على الإطالة

[يالبى الهلا]

اشوف انه طبيعيه والبنزين مافيه ارخص منه
الله يطول لنا بعمر ابو متعب صاحب القلب الكبير مثل الشجره تظلل غصونها والشعب غصونها

[غيث 6]

السلام عليكم ورحمة الله وبركاته
أخوي غيث 6
من أسباب صرفية البنزين :
1- البواجي ( إذا كانت قديمة لازم تغيرها لأن شرارتها تصير ضعيفة ولا تحرق البنزين مضبوط )
2- أسلاك البواجي ( هي المسؤولة عن ايصال الكهرباء للبواجي وأي ضعف فيها يسبب ضعف للبواجي مما ينتج عنه ضعف العزم وزيادة صرف البنزين )
3- فلتر الهواء ( لازم يتغير من 15000 - 20000 خاصة عندنا لكثرة الغبار وإذا كان فيه سدد ما يدخل الهواء الكامل للمكينة لاجل اتمام عملية الاحراق وهذا يسبب ضعف للعزم وصرفية للبنزين و كل 5000 كيلو ينظف بالهواء عند البنشري أو اذا انت ماسك خط و فيه غبار لازم أول ما توصل تنظفه )
4- الكويل ( هو اللي يعطي البواجي الطاقة لحرق البنزين عن طريق أسلاك البواجي بعض السيارات يصير وزنية الكويل غير مضبوطة وتلعب في العزم وصرفية البنزين )
5- ضغط الهواء في الكفرات ( كثير من الناس يسهى عن النقطة هذي مع أنها نقطة مهمة جدا لازم الكفرات ما تنزل عن 35 وهذه النقطة مبنية على مبدأ الدحرجة يعني لو نسمنا كفرات سيارة الى 15 تحس السيارة ثقيلة في المشي موب مثل اذا خليتها على 35 وهذي النقطة عن تجربة شخصية اذا كانت سيارتي كفراتها 30 صرفيتها غير عن اذا كانت 35)
6- صفاية البنزين ( يجب تغيرها لأنها بعد فترة يترسب فيها الأوساخ مما ينتج عنه ضعف تدفق البنزين الى المكينة )
7- رجل السواق ( اذا كانت حارة طبيعي يصرف واذا كانت هادية فالعكس )
هذي بعض الأسباب لصرفية البنزين اللي اعرفها
و بالمناسبة عندي سوبر بان 1500 موديل 2005 صرفية داخل البلد 450 - 500 كيلو
وفي الطريق من 550 - 600 كيلو بمعدل سرعة متوسط
وآسف على الإطالة


يامال العافية اخوي ابو العز معلومات قيمة الله يطول بعمرك على طاعته
شاكر ومقدر ولكن اللي بقوله ان موتري مستحيل يتعدى في الخط اكثر من 480 هذا اذا الممشى راكد معناتها موتري مهب طبيعي

[غيث 6]

اشوف انه طبيعيه والبنزين مافيه ارخص منه
الله يطول لنا بعمر ابو متعب صاحب القلب الكبير مثل الشجره تظلل غصونها والشعب غصونها


اخوي الله يطول يطول بعمر ابو متعب ويشفيه
انا ماشكيت من الصرفية عشان النواحي المادية لو بشكي بسبب هالامور كان شريت سيارة ديزل وارتحت لكن انا كان معي جمس 2002 وكان اقل من هذا صرفية والحين معي سلفرادو2003 وفرق بينهم فحسيت ان الموضوع فيه مشكلة
شاكر مرورك واشراقتك على موضوعي

[my own]

السلام عليكم ,,
بالنسبة للصرفية 480 كيلو للمكينة 5.3 امر طبيعي جدا
الحجم ماله دخل بالمكينة احيانا .. يعني فيه مقاس 1500 مكينة 4.8 وفيه مكينة 5.3 و بالنسبة للـ 2500 غالبا مكاينها 6.0 او 5.3 احيانا ..
اتوقع سيارتك الاوله مكينتها 4.8
لا تشيل هم يا اخوي امورك طيبة إن شاء الله