استفسار بخصوص الصوره !

[.VX.]

http://dc17.arabsh.com/i/03021/25w8s6pe68su.jpg



السلام عليكم ورحمه الله وبركاته

شباب لاهنتوا ابي اعرف وش نوع الكفر وكم ارتفاعه

لاني اشوفه مناسب جدا للمفخره وانا لي نيه فياليت الي عنده علم يبين لنا !

[الشلفا]

هذا يا طويل العمر كفر بالون وأعتقد إنه ملوان
واحتمال بسيط يكون سيام لأني أظن إن سيام ما نزل منه مقاس 17
الارتفاع بصراحة لا أعلم بالضبط , لكن ارتفاعه خاضع لمقاس الهواء بنسبة 40 %
لكن الأكيد إن أصحاب المفخرة اللي ركبوا بالون واجهو مشكلة في احتكاك الكفر الأمامي في بطن الرفرف
واضطروا يرفعون الموتر بيايات استرالية أو كعكات أو ... إلخ

[.VX.]

بيض الله وجهك وانا اخوك
بالنسبه لاحتكاك الكفر قالي واحد في الغرابي ان المالون على الجنط العريض مايحك ومايحتاج رفع ولا ادري عن صحه كلامه
اما بخصوص الي في الصوره فاحس انه مو رفيع مره ولا ادري هل هوعندي ولا صدق مو رفيع ؟

[الشلفا]

هلا فيك أخوي
كفر البالون عموما مثل ظهر الشايب مقوس يعني ما تاخذ منه لا طول ولا عرض ولا ارتفاع
يجي منه 255 / 90
ومقاساته غريبة عجزت أفهمها
بالنسبة للملوان عندي 2 من الشباب :
واحد معه فتك 2006 مركبهن صار له قريب السنتين يفكهن ويرجعهن ويمدح بإسراف ويقول لا يمكن يجي زيهن
لأنهن يفرشن ويعطن للموتر ركزة ومنظر
والثاني معه جي اكس آر 2009 فل أبو جنوط ,, قبل أيام قليلة اشترى يايات أمامية يقول أبرجع كفرات البالون
وبركب اليايات علشان ما يحك الكفر بالرفرف

أنا أنقل لك تجارب لم أشاهدها ولكن هذا ما سمعت ,, وعفا الله عني وعنك

[.VX.]

^
^
الله يبيض وجهك وانا اخوك والله لا يحرمك الاجر

في الحقيقه كان لي تجربه على جنوط 16 وبالفعل البالون ممتازه جدا ومطبه لين وفي النفود ابداع

لكن خطره شوي في الانحناءات والسيول

لكن الي في الصوره ارتفاعه احسه عادي مثل الشد بلد وعشان كذا سألت لان لو قارناه بالمكسس 900 بتحصله مغطي جزء من القزازه الخلفيه

وهذا لا طبعي جدا ومقوس وفارش !