زواج راعي العجراء وشهر الغنم (العسل)

[راعي العجراء]

السلام علاكم ورحمة الله وبركاته



اليكم هذه السالفه
زواج راعي العجراء وشهر الغنم (العسل)
في سنة من السنين من سكان الديره فالبيوت الشعبيه (الطين) وكان هذا البيت من ناطحات السحاب ذلك الوقت ( دورين وروشن) لارفعت راسك من رفعه تطيح اذانك ماهوب اشماغك والعقال بس 0
ولكن مافيه حوش للغنم والغنم ذاك الوقت مانستغني عنهن اذا ماسمعنا ريحتهن ولا شمينا
اصواتهن بالدار (مدري ايهن اللي للريحه والسمع ركبوهن على بعضهن حتى تطلعوا بجمله مفيده ) شفتواشلون مستدير راسي علشان ماعندنا غنم بهالوقت صرنا من ضحايا التطور
المهم الغنم مالهن حوش وقررت الوالده الله يرحمها تحطهن بالسطح ماغير نبلش بعلفهن من الرقي والتحويل وانتم خابرين الدرج من اول مافيه بلاط ومن كثر مانرقا ونحول بالما صارت الدرجه ساقي واحيان شلال
مهيب هذي سالفتنا السالفه زواج
راعي العجراء وشهر العسل
قرر راعي العجراء الزواج واستعد بتجهيز وحده من الغرف اللي في الدور الثاني واستخدامها لعش الزوجيه اخذ راعي العجراء شهر وهو يبني هذا العش مره ينقل حصير
ومره قشاش وقراشيع وقطع من بواقي القماش وصار مايشيلها بيديه طلع له منقار يشيلها فيه حتى يثبت انه يبني عش الزوجيه وانه قادر على اسعاد زوجته
المهم تزوج اخيكم بالله وجاب الزوجه عنده في البيت وحطها بهالغريفه غرفه الاحلام الورديه البنيه متلبسه احسن ماعندها وحاطه مكناج مدري بطناج اللي يحطونه الحريم على وجيههن اللوان واشكال اليا شفته تقول علبة تشكيله زيتيه
امرحنا ذيك الليله بالغريفه ماعندنا اخلاف يوم اطلعت الشمس الا والغنم مراكض بالسطح
وملاحق والسقف من الاثل والعسبان ومن فوقهن الطين ومع المراكض الا والتراب حق السطح يحتحت علانا وحنا نوما ينزل علانا من مراكضهن وياغافل لك الله يوم اصبحنا وقمنا وانا اطالع بزوجتي ولاي و ش اطالع حفارة قبور اقلب يسار يمين ولا ماتشوف عويناتها من التربات ومع المكناج غاديه كنها طاسة غرش فيها عفوط متروكه في امراح
شادين اهله من سنين وذاريتها السوافي
وانا انقز للمرايه الا وجهي ورقبتي مليس عليه الطين تليس ماغر جفني يرتفع وينزل
تقول جفن حربلا وانا اضحك على نفسي قالت الحرمه وشو هاللي ينزل علانا قلت هذا سلو
وش عرفك انتي في اوربا وهذا ثلجهم مثل القطن الحين نتزحلق انا وياك مع الدرج
انتم عندكم مثلنا في ديرتكم ضباب وثلوج على طول العام



هذه سالفتي وانتظر ردودكم
ارجوا انت تحوز على رضاكم
وفي الختام



سبحانك اللهم بحمدك استغفر اللهم واتوب



اليك

[أزيب الوسم]

لا حول ولاقوة الا بالله ومع ذلك الحرمة صبرت عليكم وعلى غنمكم لو من بنات هالوقت كان ما فطرت الا في بيت أهلها
.
.وياسلام مع الصبح أزكى عطر فرنسي وش هالرومنسية وأكيد لك أسبوع قبل العرس ما غير راح جاي على الحمام تتروش وأخرتها ما تصبح إلا مدفون تقال طالع من مقبرة
..
قطة طريفة مشكور عليها وعسى ماتحصل لنا مثل هالمواقف

[النبهاني]

وعليكم السلام ورحمة الله وبركاته
تسلم يارعي العجراء ولا يسلم ردي العزايم
والله غامرنا بالسوالف الزينه المبهره المملوحه
جبت البقشه وقعدت اقتتطف من هالسالفه لين عجزت احزمه
لان علبة التشاكيل الزيتيه ماله مكان بالبقشه واخذته وحطيته بمخباتي
واخيرا ما اقول الا روح ياشيخ الله يوسع صدرك ويرضى عليك ويسلمك ويحفظك

[قوافي ( أم نهار )]

عليكم السلام ورحمة الله وبركاته
رحمة الله على الوالده
اشوا اللي ما طاح درجكم عقب الربصان قصدي الشلال
بعدين سنو اوروبا ابيض وسنو ديرتنا بني حرام تلعب عليها يسد انها اصبحت عروس بألوان الصحراء
وسع الله صدرك بالعافيه على سوالفك الجميله
مشكور اخوي
تحياتي.اختك
..قوافي..

[محمد الدوسري ٢٠٥]

هههههه اضحك الله سنك

[قمة دكار]

وعليكم السلام ورحمة الله وبركاته
الله يعطيك العافيه اما علبة تشكيل زيتيه هذى روايه لحالها انت فاكهة خيمة السوالف وانا من اشد المعجبين بك وباسلوبك المميز الغير متكلف واللى ماحد يستطيع يتقنه الا انت ولا تحرمنا من معلقاتك ودمت بخير

[الهواويه]

الله يعطيك العافيه
سوالفك لها نكهه خاصه في الخيمه
ودائماًننتظر منك الجديد الذي يأتي بالأبتسامه معه
تقبل مروري
اختك الهواويه

[محمد الظاهري]

حياك الله ياراعي العجراء
بارك الله فيك على السرد الممتع والرائع
وما اجمل حياة الماضي فيها شي من المغامره
اشكرك على السرد
وننتظر القادم من روائعك
تحياتي

[راعي العجراء]

لا حول ولاقوة الا بالله ومع ذلك الحرمة صبرت عليكم وعلى غنمكم لو من بنات هالوقت كان ما فطرت الا في بيت أهلها

.
.وياسلام مع الصبح أزكى عطر فرنسي وش هالرومنسية وأكيد لك أسبوع قبل العرس ما غير راح جاي على الحمام تتروش وأخرتها ما تصبح إلا مدفون تقال طالع من مقبرة
..

قطة طريفة مشكور عليها وعسى ماتحصل لنا مثل هالمواقف


هلابك يااخي الغالي
تشرفت في مرورك واعجابك عنوان لساعدتي
حفظك الله ودمت بخير

[وردة النفل]

وحاطه مكناج مدري بطناج اللي يحطونه الحريم على وجيههن اللوان واشكال اليا شفته تقول علبة تشكيله زيتيه
:pههههههههههه:p
يعطيك العافيه راعي العجراء ع السالفه الجميله:D

[ابوسعودد]

الله يمتعك بالصحه والعافيه ... وليس بمستغرب عليك الابداع ... تحياتي الخاصه لك

[vtccc]

دائما متألق ............

[تلميذ]

أنت لاتمل يارجل
سبحان من اعطاك هذه الموهبه والجمال في السواليف والقصص ...
ماشاء الله كان عندكم مرايه (مبصره )

وتقبل كل الاماني لك بحياه سعيده ومديده
في رضا الرحمن

[شرق الصمان]

ماشاء الله على
اجمل شهر العسل

[النبهاني]

انت لو تفكنا من تعليق ك اللي كنه الشرهان يضبط قصصك


































لاتزعل ان زعلت اسحبها والله العظيم


اخي ولد روق حياك الله
ردك هذا يعبّر عن وجهة نظرك الخاصه كم تمنيت ان تحتفظ بها لنفسك لأنني أرى أغلب الأعضاء ان لم يكن كلهم لا يريدون الا هذا الاسلوب وجمال قصص راعي العجراء يكمن بهذا الاسلوب
شكرا لسعة صدرك

[راعي العجراء]

وعليكم السلام ورحمة الله وبركاته

تسلم يارعي العجراء ولا يسلم ردي العزايم
والله غامرنا بالسوالف الزينه المبهره المملوحه
جبت البقشه وقعدت اقتتطف من هالسالفه لين عجزت احزمه
لان علبة التشاكيل الزيتيه ماله مكان بالبقشه واخذته وحطيته بمخباتي

واخيرا ما اقول الا روح ياشيخ الله يوسع صدرك ويرضى عليك ويسلمك ويحفظك


ومن قال يسلم يالنبهاني
والله يمسيك بالخير
الحمد لله ان سواليف راعي العجراء توسع صدرك
هذا مايزيدني فرح ٍ ان اجد شخص يستمتع بها
اشكرك على لطفك وتفضلك
بجميل عباراتك
تحياتي

[راعي العجراء]

عليكم السلام ورحمة الله وبركاته

رحمة الله على الوالده
اشوا اللي ما طاح درجكم عقب الربصان قصدي الشلال
بعدين سنو اوروبا ابيض وسنو ديرتنا بني حرام تلعب عليها يسد انها اصبحت عروس بألوان الصحراء
وسع الله صدرك بالعافيه على سوالفك الجميله
مشكور اخوي
تحياتي.اختك

..قوافي..


هلابك ياقوافي الطيب والعطاء
اشكرك على تفضلك في زيارة متصفحي
والدرج من نقل الماء صاير زحليقا عيال الجيران
دائم عندنا علشان يتزحلقون عادينها ملاهي الحكير
تحياتي

[راعي العجراء]

هههههه اضحك الله سنك

وانت اضحك الله قلبك ووسع صدرك
حفظك الله من كل شر
شاكر مرورك

[راعي العجراء]

وعليكم السلام ورحمة الله وبركاته
الله يعطيك العافيه اما علبة تشكيل زيتيه هذى روايه لحالها انت فاكهة خيمة السوالف وانا من اشد المعجبين بك وباسلوبك المميز الغير متكلف واللى ماحد يستطيع يتقنه الا انت ولا تحرمنا من معلقاتك ودمت بخير

هلابك ياقمة دكار
ومرحبـــــــــــا الفـــــــ1000ــــــــيالغـــــــالـــــــي
اشكرك على كل كلمه تشجيعيه خطها قلمك
فانا بحاجه الى هذا التشجيع
لتقديم المفيد والجديد
والفائده منها سعة صدوركم
والتشكيله زينه اول يوم بس ثاني يوم غادي الوجه بيز طباخ

[راعي العجراء]

الله يعطيك العافيه

سوالفك لها نكهه خاصه في الخيمه
ودائماًننتظر منك الجديد الذي يأتي بالأبتسامه معه
تقبل مروري
اختك الهواويه


هلابك يالهواويه
تشرفت في حضورك الله يسعدك دنيا واخره
سوالفك لها نكهه خاصه في الخيمه

كلماتك وسأم على صدري

[اسير الصمت]

يم الاولين احلى صباح على رهجت الغنم وحس الطليات وحساس المعيزا
والعنز تثغي باعالي الصوت
وتقول شعيرها قاضي
وانا عريسن والابس كوت
ولسطح ياسرع مركاضي
والهانم امكشخه بالبوت
ياحيف راحت على الفاضي
دعابه يالغالي ولاتحرمنا من سوالفك

[راعي العجراء]

حياك الله ياراعي العجراء

بارك الله فيك على السرد الممتع والرائع
وما اجمل حياة الماضي فيها شي من المغامره
اشكرك على السرد
وننتظر القادم من روائعك

تحياتي


هلايك ياستاذ محمد الظاهري
تواجدك يامشرفنا الفاضل
دافع لتقديم الافضل فلاتحرمنا طلاتك علينا وتوجيهاتك
اشكرك من الاعماق
تحيتي

[راعي العجراء]

:pههههههههههه:p

يعطيك العافيه راعي العجراء ع السالفه الجميله:D


هلابك يا وردة نفل
اشكرك على حضورك في متصفحي
والجميل حضورك

[راعي العجراء]

الله يمتعك بالصحه والعافيه ... وليس بمستغرب عليك الابداع ... تحياتي الخاصه لك

هلابك ياعم ابو اسعود
والله يسعد اوقاتك بالمسرات
والابداع تواجدك لاعدمتك
تحيتي

[راعي العجراء]

دائما متألق ............


كلمه قصيره و تحمل من المعاني الشي الكثير
في نفسي
اشكرك عليها

[راعي العجراء]

أنت لاتمل يارجل

سبحان من اعطاك هذه الموهبه والجمال في السواليف والقصص ...
ماشاء الله كان عندكم مرايه (مبصره )


وتقبل كل الاماني لك بحياه سعيده ومديده

في رضا الرحمن


هلابك ياتلميذ
والله يمسيك بالخير
تبي الصراحه
والله اني اخجل الى شفت كلماتك الراقيه في ردودك
فكلماتك ارقى من راعي العجراء وسواليفه
حفظك الله ودمت بصحه وعافيه

[راعي العجراء]

ماشاء الله على
اجمل شهر العسل

هلايك ياشرق الصمان
نعم صدقت اجمل شهر عسل من الطبيعه 100%
ويكفتي الذكريات ليت الايام تعود كما كانت اقل شي ترجع سنين العمر
واكون شابا حتى لو قضينا شهر العسل على بلكة برسيم وتوسدنا كيس شعير
بين ماعز وضان
وش فادنا الكبر
غادي الواحد منا تقول زبيل ماله عراوي

[راعي العجراء]

اخي ولد روق حياك الله
ردك هذا يعبّر عن وجهة نظرك الخاصه كم تمنيت ان تحتفظ بها لنفسك لأنني أرى أغلب الأعضاء ان لم يكن كلهم لا يريدون الا هذا الاسلوب وجمال قصص راعي العجراء يكمن بهذا الاسلوب
شكرا لسعة صدرك
رضا الناس غاية لا تدرك



http://www.jawwad.org/uploads/attachments/1297548672.jpg

[راعي العجراء]

يم الاولين احلى صباح على رهجت الغنم وحس الطليات وحساس المعيزا

والعنز تثغي باعالي الصوت
وتقول شعيرها قاضي
وانا عريسن والابس كوت
ولسطح ياسرع مركاضي
والهانم امكشخه بالبوت
ياحيف راحت على الفاضي

دعابه يالغالي ولاتحرمنا من سوالفك


اخذتي الذكريات ولاحت بالافاق البعيده
اقلب صفحاتي بين شمائل الاغنام المعلقه على مسمار الذكريات في حائط السطوح
اتامل الوانها الزهيه
وحينما تذكرت اهازيج الاغنام وهي تردد نغمات الثغاء والمعاء ترحيب بمقدمي
كانه تقول (عريسنا يابدر) لااستطيع ان افهم كل ماتقول بس اعرف معاني الترحيب من عيونها
فما اجمل الذكريات حينما تقبع في جحافر السنين الطويله
فكفى ياصاحبي اتريدني ان ابكي
على قارعة الطريق
تراي امزح لاتصدق
اشكرك يااخي الفاضل اسير الصمت على مداخلتك الرقيقه
فقد اطربتني بكلماتك
تقبل احترامي

[Al3rands]

ههههههههههههه اما مكناج خخخخخخخخخخ وبطناج اااااااه ياقلبيييييه

[راعي العجراء]

ههههههههههههه اما مكناج خخخخخخخخخخ وبطناج اااااااه ياقلبيييييه

تسلم ويسلم قلبك
ماتشوف الاكل خير
ان شاءالله

[ولد روووق]

اخي ولد روق حياك الله
ردك هذا يعبّر عن وجهة نظرك الخاصه كم تمنيت ان تحتفظ بها لنفسك لأنني أرى أغلب الأعضاء ان لم يكن كلهم لا يريدون الا هذا الاسلوب وجمال قصص راعي العجراء يكمن بهذا الاسلوب
شكرا لسعة صدرك
الظاهر اني قلت لراعي العجرة ماقلت للنبهاني

[راعي العجراء]

الظاهر اني قلت لراعي العجرة ماقلت للنبهاني

هلابك ياولد روق
الله يمسيك بالخير والصحه والسلامه
اخي الغالي
نحن في هذه الخيمه مكملين لبعض
ولا يمنع ان رد النبهاني او راعي العجراء او من مشرفينا الافاضل
يااخي الغالي لاتكون ناشف في كلامك
حتى دخولك من غير سلام
وبعدين يااخي لاتحكم الناس في مزاجاتهم منهم يستمتع للاضافات ومنهم مايريد ذلك
ولكن الموضوع اللي مايعجبك بالامكان الانتقال الى مواضيع اخرى في هذه الخيام ولاتتعب نفسك في تعديل مزاجات البشر
ونحن لم نصل الى مايزعل نحن اخوه في هذه الخيمه منا الصغير ومنا الكبير ولكل شخص احترام
فكلامك احترمه ووجهت نظرك قد تكون صحيحه للبعض والبعض الاخر لايرغب ذلك
وراعي العجراء لاهو مؤلف ولا شاعر ولكن مجتهد في كتاباته فاذا طلبوا مني المشرفين التوقف عن الكتابات او حتى الدخول في هذه المنتدى سوف البي طلبهم
وفقك الله يالغالي والله يحفظك

[ساحووق]

هههههههههه

الله يرجك واضحك الله سسسسنك


ولاهنت علىالسرد الجميل وابيض ووجهه

[ابو نايف 111]

يا الله حيوه
احس انك قلبت راعي با ليلت الدخله :D

[انسانه؟]

سالفه مسليه وجميله
الله يسعدك ..

[الشقردي 205]

أســـتـــمـــر يـــا راعـــي الـــعـــجـــرا وانـــا مـــعـــاك بــالـــمـــســـيـــره . . .

[مغامر الديرة]

هههههههههههه
الله يثيبك ويرحم والديك
سرد قصصي ممتاز جدا
واصل اخي الكريم
راعي العجرا مشوارك في حياكة القصص بمثل هذا الاسلوب ولا تلتفت الى المثبطات
فانت تمتلك موهبه فذه في هذا الشان
وعندك اسلوب امتزت به
علاوتا على ما حباك الله به من خيال واسع

[راعي العجراء]

هههههههههه

الله يرجك واضحك الله سسسسنك


ولاهنت علىالسرد الجميل وابيض ووجهه

هلابك يااخي ساحوق
قل الله يرج عدوك او يرج شيطانك
يااخي انا فيني رجه من غير دعوتك ماعاد ابي زود
فيني اللي كافيني

[راعي العجراء]

يا الله حيوه
احس انك قلبت راعي با ليلت الدخله :D



هلابك يابو نايف
الله يحييك ويبقيك
ليلة العرس ماهو بس قلبت راعي طلع لي قرون ماغير مناطح بالروس معهن
تحياتي

[راعي العجراء]

سالفه مسليه وجميله

الله يسعدك ..


هلابك ياانسانه
يكفي حضورك في هذه السالفه

[راعي العجراء]

أســـتـــمـــر يـــا راعـــي الـــعـــجـــرا وانـــا مـــعـــاك بــالـــمـــســـيـــره . . .



هلابك يالشقردي


مانستغني عن فزعتكم بالدف والتبريح حتى نواصل الاستمرار بالمسيره
في قافله واحده

[الدافور 1430]

هههههههههههه
الله يثيبك ويرحم والديك ويحفظك

[ناصر العلي]

وعليكم السلام ورحمة الله وبركاته
سلمت يالغالي
وصح لسانك على السالفة اللي كله رومانسية برومانسية
من بناء العش وحتى الصّباحة
أخبر الأولين من التمدن يلبسّون السقف خام أبيض...أطلق ديكور...كان يوم الله سماك تنام بغرفة طايته مسراح غنم لبست سقفه من هالخام...بس تصدق الطين مفيد للبشرة....بودر:D
:fلوحة شاعرية:f
اخذتي الذكريات ولاحت بالافاق البعيده
اقلب صفحاتي بين شمائل الاغنام :D(الملابس الداخلية للغنم):D المعلقه على مسمار الذكريات في حائط السطوح
اتامل الوانها الزاهيه
وحينما تذكرت اهازيج الاغنام وهي تردد نغمات الثغاء والمعاء ترحيب بمقدمي
كانه تقول (عريسنا يابدر) لااستطيع ان افهم كل ماتقول بس اعرف معاني الترحيب من عيونها
فما اجمل الذكريات حينما تقبع في جحافر السنين الطويله
فكفى ياصاحبي اتريدني ان ابكي
على قارعة الطريق
:good2:ياأخي إيش هاللوحة الإبداعية:good2:
ألوان...أصوات...بشر...غنم...زمان...مكان...تاريخ
أحبك فى الله

[راعي العجراء]

هههههههههههه
الله يثيبك ويرحم والديك
سرد قصصي ممتاز جدا
واصل اخي الكريم
راعي العجرا مشوارك في حياكة القصص بمثل هذا الاسلوب ولا تلتفت الى المثبطات
فانت تمتلك موهبه فذه في هذا الشان
وعندك اسلوب امتزت به
علاوتا على ما حباك الله به من خيال واسع

هلابك يامغامر الديره
اشكرك على ماخصيتني به من كلام جميل
واعجابك محل اهتمامي وتقديري
تقبل تحياتي

[سليمان الربيعان]

هههههههههه الحمد لله جت على كذا
اما سالفه الزواج الابد من ذكريات ومواقف
فيه مثل الشجره المثمره دائما ترمى
والي ما تجوزله سواليفك ما كثر الله الا المنتديات
تقبل تحياتي...

[راعي العجراء]

هههههههههه الحمد لله جت على كذا

اما سالفه الزواج الابد من ذكريات ومواقف
فيه مثل الشجره المثمره دائما ترمى
والي ما تجوزله سواليفك ما كثر الله الا المنتديات

تقبل تحياتي...


هلابك يابوربيعان
والله يسعد ايامك بالمسرات
حضورك في هذه السالفه كان متميز بكلمتك الطيبه
اشكرك بالغالي على هذا الحضور
تحياتي لشخصك

[ابوعلي911]

لحووول....وش هالصبحيه....هههههه

الله يسعدك

[راعي العجراء]

لحووول....وش هالصبحيه....هههههه

الله يسعدك

هلابك يابوعلي تشرفت في حضورك
هذي طال عمرك صبحيه ماسبقني عليه احد
بس ودي اجرب مرة ثانيه لو اللي بالسطوح ابل وخيل ماهي غنم
حتى لو يطيح السطح هو وابله ماهو بس غباره
حتى لو يصير وجه العروسه
مثل سدة السواقي والبرك من اول
ياشينه يالله من فضلك

[سفير الحيا]

مدآم الغرفه لونها وردي فـ أنت بدوي مطوّر BDWE LIEMETED
يازين أيآم مضت وأيآم قديم عز الله النآس نفوسها طيبه وخير الله في كل مكان
الحين لو تروح تخطب وتقول نبي نسكن غرفه قالوا لك العآمل وهو عآمل عنده
غرفتين وصآله وبنآت هالوقت مايبن غير فيلا تحت مجآلس وفوق غرف نوم << الله لايبلا
عموماً ياراع العجراء كل قصه اقراها لك استخرج فآئده والله يعطيك العآفيه

[أبو هشام راشد]

وعليكم السلام ورحمة الله وبركاته
الله يجمع بينكم على خير ومبارك العرس واعذرنا على القصور مع وصلنا علم إلا اليوم
يا زين البساطة والقناعة في ذلك الوقت وبالسعادة والهناء في زواجكم المذكور أعلاه :)
وسجلني من ضمن مستمتعي بقصصك من اليوم واعذرني على القصور يمكن ما ألقى هالقسم مرة ثانية

[راعي العجراء]

مدآم الغرفه لونها وردي فـ أنت بدوي مطوّر BDWE LIEMETED
يازين أيآم مضت وأيآم قديم عز الله النآس نفوسها طيبه وخير الله في كل مكان
الحين لو تروح تخطب وتقول نبي نسكن غرفه قالوا لك العآمل وهو عآمل عنده
غرفتين وصآله وبنآت هالوقت مايبن غير فيلا تحت مجآلس وفوق غرف نوم << الله لايبلا
عموماً ياراع العجراء كل قصه اقراها لك استخرج فآئده والله يعطيك العآفيه




هلا بك يالغالي هلا بك يامراسل مدركه
ويازين عرس من اول تبي الصراحه ودي اعيد الذكريات واعرس
بس وين القا بيت الطين اللي بسطحه غنم
اشكرك على حضورك
بارك الله فيك

[راعي العجراء]

وعليكم السلام ورحمة الله وبركاته
الله يجمع بينكم على خير ومبارك العرس واعذرنا على القصور مع وصلنا علم إلا اليوم
يا زين البساطة والقناعة في ذلك الوقت وبالسعادة والهناء في زواجكم المذكور أعلاه :)
وسجلني من ضمن مستمتعي بقصصك من اليوم واعذرني على القصور يمكن ما ألقى هالقسم مرة ثانية

هلابك يابو هشام
واسعدني حضورك وجمال تعبيرك
عاد الحين دريت وين العونيه
لاتبطيبه تراي صرت ابوعايله والمصروف كثر
دمت بخير

[صقر السديرات]

جميل وقصاص رائع
استمتعت كثيرا بقراءة القصة
حفظك الله من كل سوء

[راعي العجراء]

جميل وقصاص رائع

استمتعت كثيرا بقراءة القصة

حفظك الله من كل سوء


الله يمتع قلبك بالعافيه
وسعت صدري بحضورك
بارك الله فيك

[منظر]

ما شاء الله على اسلوبك الرائع
يعطيك العافيه.

[قصيمي 9311]

وعليكم السلام ورحمة الله وبركاته
اخوي راعي العجراء انت مبدع

واسلوبك بسرد القصص رااااااااائع

[عابر سبيل 1]

رائع يامبدع وحياك الله أخوي ...
نحن في إنتظار جديدك والشجرة المثمره ترمى بالحجر ..
حفظك الله ياراعيها ...وأسعدك الرحمن كما أسعدت عشاق سوالفك ...

[راعي العجراء]

ما شاء الله على اسلوبك الرائع
يعطيك العافيه.

ماشاءالله على حضورك اللي يوسع الصدر
انتظرك في كل سالفه

[راعي العجراء]

وعليكم السلام ورحمة الله وبركاته
اخوي راعي العجراء انت مبدع

واسلوبك بسرد القصص رااااااااائع

هلابك يالقصيمي
تشرفت في حضورك بهذه السافه
والابداع انتم اهله نمشي على اثركم

[راعي العجراء]

رائع يامبدع وحياك الله أخوي ...
نحن في إنتظار جديدك والشجرة المثمره ترمى بالحجر ..
حفظك الله ياراعيها ...وأسعدك الرحمن كما أسعدت عشاق سوالفك ...


عابر سبيل الى قلب راعي العجراء

حياك الله يااخي الغالي في قلب راعي العجرا

حللت اهلا ووطات سهلا بس لاتراكض وتوجع قلبي ترفق الدنيا ماهي ملحوقه

والشجره المثمره ترمى بالحجر

ياخوك ماعندنا شجر عندنا غنم الوالده بالسطح

شاكر حضورك واله يحفظك

مع السلامه