دفرنس الاكستيرا الخلفي !!!!

[سمير]

تحية طيبة للأخوة والمكشاتيين

أعرض بين أيدكم مشكلتي مع دفرنس الاكستيرا الخلفي
حيث اسمع له صوت وجروشة وعند الفحص تبين انه يحتاج تغيير
الموتر انا فاكه وكالة ومشى معي 160 الف وتم ثلاث سنوات
ولم اشتكي منه أي علة ولله الحمد
ولكن الدفرنس الخلفي حيرني فهل اغير الدفرنس كامل او هل يوجد له تجديد
وآمل ان نتباحث عن أسباب خراب الدفرنس . لماذا؟؟
علما أن زيت الدفرنس لم ينقص !


ودي واحترامي لكم.

[بدوي جنوبي]

رفعت السياره يا سمير ؟

[برق الخضر]

أنصحك باأبي إبراهيم الثنيان .. خبير في النيسان والاكستيرا خاصة .. ورجال نصوح .. في صناعية الدائري18

[سمير]

حياتي لكم
بالنسبة للموتر ×ماسبق رفعته. فقط غيرت مساعدات خلفي

وبالنسبة. لورشة الثنيان. ×باي منطقة؟
انا من سكان بريدة

[sgl2002]

هل تاكدت من العمود

هل اذا فضيت السيارة وهي مسرعه يختفي الصوت

[PATHFINDER 4]

عزيزي مشكلة الدفرنس الخلفي بالاكستيرا مشكلة معروفة وكثير من ملاك السيارة يشتكون من هالشئ
مثل ما اهل الباثفندر يشكون من نقص الزيت نفس الشئ للاكستيرا يشكون من ضعف الدفرنس

اذكر اني قريت رد لاحد الشباب من ملاك هالسيارة يقول احرص على تغيير زيت الدفرنس كل 30.000
ولو تبي تتاكد وتستشير وتشوف كلام مجربي الموتر شف هالرابط موقع كامل لملاك الاكستيرا
http://arab4wd.com/vb/forumdisplay.php?f=18

حتى شف اول موضوع يشكي من صوت الكارونة ..

[سمير]

يعطيك العافية اخوي يبدو ان المشكلة مصنعيه
انا جربت عدد من سيارات الدفع الرباعي
وكنت استخدمها بالتطعيس كثير وبشكل جاير
ولا حصل خلاف خصوصا بعضها موديل قديم

ولكن الاكستيرا. اتوقع مشكلته بالتصنيع. مايتحمل قوة المكينة. وايضا قساوة السيارة له دور بخراب الدفرنس
بحيث يحصل ارتجاج وردح متتابع

عموما. الله. يدبر الي فيه الخيرة
ومشكور على الافادة×

[عروق المتنه]

كم موديل موترك يـ الغالي ..

إذا أنت راعي مطاليع قويه فهو منه .. إما اذا عيب مصنع فهذا كثير في النيسان ..

[جمس 2005]

انا شريت جمس 2005 ما كمل 70 الف الى طلع صوت في الدفرانس المهم ودته للعيسى بالرياض والجميح ببريده وتقريبا 4 ورش الوكالة و3 ورش قالت دفرنس لزم يغير وورشه قال الرمان الجنبي لدفرنس غيرت الرمان لاكن الصوت موجود
بالاخير طلع المشكله من رمان الدفرنس الداخلي ترس البنيون

[سمير]

الموتر ٢٠٠٨ وانا طبعا ما ارحم الموتر بالنفود لكن
طلعاتي للنفودقليلة. ماتقارن بسيارات سابقة كانت معي مثل
جيب ربع. وباترول ربع كنت اجور عليها جور. ولا حصل مشاكل


وبالنسبة لترس البنيون. هل يجدد او لازم تغيير دفرنس كامل؟×

[بدوي جنوبي]

ممكن تغيير ترس التاج والبنيون
لكن أذا لقيت أحد يعرف يوزن الخلوص ممتاز

[سمير]

ممكن تغيير ترس التاج والبنيون
لكن أذا لقيت أحد يعرف يوزن الخلوص ممتاز

وكلامك على متمه بس ماعندك احد يبرد الكبد بالمكنيكا
وديته لكم واحد وكلهم يهزون روسهم ويقلون دفرنس تغيير اخو

عاد بكرى ان شاء الله بغير زيته اذا كان خفيف وبشوف وش يحصل.

عاد مشكلتي مشيت عليه فترة طويلة والصوت كل شوي يزود

[مسدح النفود]

السلام عليكم ورحمة الله وبركاته
أخوي سمير صارت لخويي نفس مشكلتك صوت جرش في الدفرنس عساك لقيت حل للمشكلة تكفى إفزع لنا الله يجزاك ألف خير
سلام

[صالح ابو وليد]

التحميل خاصه اذا مسكت خط ومسرع وانت محمل عليه

[مسدح النفود]

وش صار عليك أخوي سمير ولا يهونون الأخوان
أحد يعرف واحد ممتاز في الدفرنسات خاصة للأكستيرا لا أحد يبخل علينا تكفون
شكرا لكم